ಗೌತಮ್​ ಜೊತೆ ಸೈಲೆಂಟ್​ ಆಗಿ ಎಂಗೇಜ್​ ಆದ್ರು ಕಾಜಲ್​ ಅಗರ್​ವಾಲ್​!

ಅನೇಕ ಹೀರೋಯಿನ್​ಗಳು ಅದ್ದೂರಿಯಾಗಿ ವಿವಾಹವಾಗುತ್ತಾರೆ. ಮದುವೆ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಸಂತಸ ವ್ಯಕ್ತಪಡಿಸುತ್ತಾರೆ. ಆದರೆ, ಇನ್ನೂ ಕೆಲ ಹೀರೋಯಿನ್​ಗಳು ಪ್ರೀತಿಯಲ್ಲಿರುವ ವಿಚಾರವಾಗಲೀ ಅಥವಾ ಮದುವೆಯಾದ ವಿಚಾರವಾಗಲಿ ಎಲ್ಲಿಯೂ ಹೇಳಿಕೊಳ್ಳುವುದೇ ಇಲ್ಲ. ದಕ್ಷಿಣ ಭಾರತದ ಖ್ಯಾತ ನಟಿ ಕಾಜಲ್​ ಅಗರ್​ವಾಲ್​ ಎರಡನೇ ಸಾಲಿಗೆ ಸೇರ್ಪಡೆಯಾಗಿದ್ದಾರೆ!

ಹಾಗಿದ್ರೆ, ಕಾಜಲ್​ ಅಗರ್​ವಾಲ್​ ವಿವಾಹ ಆಗಿ ಬಿಟ್ಟಿತೇ? ಇಲ್ಲ. ಕಾಜಲ್​ ಸೈಲೆಂಟ್​ ಆಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರಂತೆ. ಹೀಗೊಂದು ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಚರ್ಚೆ ಆಗುತ್ತಿದೆ.

ಕೆಲ ತಿಂಗಳ ಹಿಂದೆ ನಟಿ ಕಾಜಲ್ ಅಗರ್​ವಾಲ್​ ಶೀಘ್ರವೇ ವಿವಾಹವಾಗಲಿದ್ದಾರೆ ಎನ್ನುವ ಮಾತು ಕೇಳಿ ಬಂದಿತ್ತು. ಈಗಾಗಲೇ ಹುಡುಗನೋರ್ವನನ್ನು ನೋಡಿದ್ದು, ಶೀಘ್ರವೇ ವಿವಾಹ ಆಗಲಿದ್ದಾರೆ ಎನ್ನಲಾಗಿತ್ತು. ಈಗ ಕೇಳಿ ಬರುತ್ತಿರುವ ಲೇಟೆಸ್ಟ್​ ವಿಚಾರ ಎಂದರೆ ಕಾಜಲ್​ ರಹಸ್ಯವಾಗಿ ಎಂಗೇಜ್​ಮೆಂಟ್​ ಆಗಿದ್ದಾರಂತೆ.

ಎಂಗೇಜ್​ಮೆಂಟ್​ಗೆ ಕಾಜಲ್​ ಆತ್ಮೀಯ ಗೆಳೆಯ ಬೆಲ್ಲಮಕೊಂಡ ಶ್ರೀನಿವಾಸ್​ ಕೂಡ ಎಂಗೇಜ್​ಮೆಂಟ್​ನಲ್ಲಿ ಭಾಗಿಯಾಗಿದ್ದರು. ಹೀಗಾಗಿ, ಈ ಸುದ್ದಿ ಹೊರ ಬಂದಿದೆ ಎನ್ನಲಾಗುತ್ತಿದೆ. ಮೂಲಗಳ ಪ್ರಕಾರ ಕಾಜಲ್​ ಮದುವೆ ಆಗುತ್ತಿರುವ ಹುಡುಗನ ಹೆಸರು ಗೌತಮ್ ಎನ್ನಲಾಗಿದೆ. ಗೌತಮ್​ ಸಿನಿಮಾ ಇಂಡಸ್ಟ್ರಿಯವರಲ್ಲ. ಅವರು, ತಮ್ಮದೇ ಉದ್ಯಮ ಹೊಂದಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: SP Balasubramaniam: ಬೇಗ ಗುಣಮುಖರಾಗಿ ಎಸ್.ಪಿ.ಬಿ.; ಒಂದೇ ಧ್ವನಿಯಲ್ಲಿ ಪ್ರಾರ್ಥಿಸುತ್ತಿದೆ ಸಂಗೀತ ಕ್ಷೇತ್ರ!

ಸಿನಿಮಾ ವಿಚಾರಕ್ಕೆ ಬರುವುದಾದರೆ ಕಾಜಲ್​ ಅಗರ್​ವಾಲ್​  ಕೈಯಲ್ಲಿ ನಾಲ್ಕೈದು ಚಿತ್ರಗಳಿವೆ. ಕೊರೋನಾ ವೈರಸ್​ ಇರುವುದರಿಂದ ಸಿನಿಮಾದ ಶೂಟಿಂಗ್​ ಕೆಲಸಗಳು ಬಾಕಿ ಉಳಿದಿವೆ.