Shikhar Dhawan: ಬಾಲಿವುಡ್​ಗೆ ಎಂಟ್ರಿ ನೀಡಲಿದ್ದಾರೆ ಗಬ್ಬರ್ ಸಿಂಗ್, ಈ ವರ್ಷವೇ ಫಿಲ್ಮ್ ಬಿಡುಗಡೆಯಂತೆ

ಟೀಂ ಇಂಡಿಯಾ ಹಾಗೂ ಐಪಿಎಲ್ ನಲ್ಲಿ (IPL) ಪಂಜಾಬ್ ಪರ ಓಪನರ್ ಆಗಿ ಕಣಕ್ಕಿಳಿಯುವ ಗಬ್ಬರ್ ಸಿಂಗ್ ಖ್ಯಾತಿಯ ಶಿಖರ್ ಧವನ್ (Shikhar Dhawan) ಕಡೆಯಿಂದ ಇದೀಗ ಹೊಸ ಸುದ್ದಿಯೊಂದು ಹೊರಬಿದ್ದಿದೆ. ಆನ್​​ ಫಿಲ್ಡ್ ನಲ್ಲಿ ಹೆಚ್ಚು ಅಬ್ಬರಿಸುವ ಮೂಲಕ ಸುದ್ದಿಯಾಗುತ್ತಿದ್ದ ಅವರು ಇದೀಗ ಬೇರಯದೇ ವರದಿಯಿಂದ ಸದ್ದು ಮಾಡುತ್ತಿದ್ದಾರೆ. ಹೌದು, ಗಬ್ಬರ್ ಸಿಂಗ್ ಇದೀಗ ಸದ್ದಿಲ್ಲದೇ ಬಾಲಿವುಡ್​ಗೆ (Bolllywood) ಎಂಟ್ರಿ ನೀಡುತ್ತಿದ್ದಾರೆ. ಅಚ್ಚರಿ ಪಡೆಬೇಡಿ, ಇದು ನಿಜ ಶಿಖರ್ ಧವನ್ ಹಿಂದಿ (Hindi) ಚಿತ್ರವೊಂದರಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವುದಾಗಿ ವರದಿಯಾಗಿದೆ. ಈ ಮಾಹಿತಿ ಅಂತೂ ಧವನ್ ಅಭಿಮಾನಿಗಳಿಗೆ ಈ ಬಾರಿ ಡಬಲ್ ಧಮಾಕಾ ಎಂಬಂತಾಗಿದೆ. ಏಕೆಂದರೆ ಈಗಾಗಲೇ ಒಂದು ಚಿತ್ರದಲ್ಲಿ ನಟಿಸಿದ್ದು, ಇನ್ನೊಂದು ಬಿಗ್ ಬಜೇಟಡ್ ಚಿತ್ರದಲ್ಲಿ ಅವರು ನಟಿಸುವುದಾಗಿ ತಿಳಿದುಬಂದಿದೆ.

ಶೂಟಿಂಗ್ ಮುಗಿಸಿದ ಶಿಖರ್ ಧವನ್:

ಇನ್ನು, ಕ್ರಿಕೆಟಿಗ ಶಿಖರ್ ಧವನ್ ಬಣ್ಣದ ಲೋಕಕ್ಕೆ ಎಂಟ್ರಿ ನೀಡಿದ್ದಾರೆ. ಅಲ್ಲದೇ ತಮ್ಮ ಮೊದಲ ಸಿನಿಮಾದ ಶೂಟಿಂಗ್ ಸಹ ಮುಗಿಸಿರುವುದಾಗಿ ವರದಿಯಾಗಿದೆ. ಆದರೆ ಅವರು ಅಭಿನಯಿಸಿರುವ ಚಿತ್ರದ ಹೆಸರಾಗಲಿ, ಅದರ ಪಾತ್ರವರ್ಗವಾಗಲಿ ಯಾವುದೆಂದು ಈವರೆಗೂ ತಿಳಿದುಬಂದಿಲ್ಲ. ಇದಲ್ಲದೇ ಈ ಚಿತ್ರವು ಇದೇ ವರ್ಷದಲ್ಲಿ ಬಿಡುಗಡೆಯಾಗಲಿದೆಯಂತೆ. ಹೀಗಾಗಿ ಈ ಕುರಿತಾದ ಅಧಿಕೃತ ಘೋಷನೇಯೊಂದೆ ಬಾಕಿ ಉಳಿದಿದೆ. ಇನ್ನು, ಈ ಚಿತ್ರದ ಬಿಡುಗಡೆಯ ನಂತರ ಗಬ್ಬರ್ ಸಿಂಗ್ ಬಾಲಿವುಡ್​ ನ ಇನ್ನೊಂದು ಬಿಗ್ ಬಜೆಟ್ ಚಿತ್ರದಲ್ಲಿ ನಟಿಸುವುದಾಗಿ ವರದಿಗಳು ಬಂದಿದ್ದು, ಧವನ್ ಅಭಿಮಾನಿಗಳಿಗೆ ಸಂತಸ ತಂದಿದೆ.

ಪ್ರಮುಖ ಪಾತ್ರದಲ್ಲಿ ಗಬ್ಬರ್ ಸಿಂಗ್:

ಈಗಾಗಲೇ ತಮ್ಮ ಮೊದಲ ಚಿತ್ರದ ಶೂಟಿಂಗ್ ಅನ್ನು ಶಿಖರ್ ಧವನ್ ಮುಗಿಸಿರುವುದಾಗಿ ತಿಳಿದುಬಂದಿದೆ. ಆದರೆ ಮೂಲಗಳಿಂದ ತಿಳಿದುಬಂದಂತೆ, ಧವನ್ ಈ ಚಿತ್ರದಲ್ಲಿ ಕೇವಲ ಅತಿಥಿ ಪಾತ್ರದಲ್ಲಿ ನಟಿಸುತ್ತಿಲ್ಲವಂತೆ. ಬದಲಿಗೆ ಅವರ ಪಾತ್ರವು ಚಿತ್ರದಲ್ಲಿ ಪ್ರಮುಖವಾಗಿದ್ದು, ಮೊದಲಿನಿಂದ ಕೊನೆಯವರೆಗೂ ಅವರು ಇರಲಿದ್ದಾರೆ ಎಂದು ಹೇಳಲಾಗಿದೆ.ಹೀಗಾಗಿ ಧವನ್ ಅಭಿನಯದ ಚಿತ್ರದ ಮೇಲೆ ಈಗಾಗಲೇ ನಿರೀಕ್ಷೆಗಳು ಹೆಚ್ಚಿವೆ.

ಇದನ್ನೂ ಓದಿ: Kannadathi Serial: ಹರ್ಷ-ಭುವಿ ಮದುವೆ ನೋಡೋಕೆ ಅಮ್ಮಮ್ಮ ಇರಲ್ವಾ? ಕನ್ನಡತಿಯಲ್ಲಿ ಹೊಸ ಟ್ವಿಸ್ಟ್

ಅಕ್ಷಯ್ ಜೊತೆ ಕಾಣಿಸಕೊಂಡಿದ್ದ ಧವನ್:

ಇನ್ನು, ಕೆಲ ದಿನಗಳ ಹಿಂದೆ ಶಿಖರ್ ಧವನ್ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಜೊತೆ ಕಾಣಿಸಿಕೊಂಡಿದ್ದರು. ಹೀಗಾಗಿ ಅನೇಕರು ಧವನ್ ಅಕ್ಷಯ್ ಜೊತೆ ಸಿನಿಮಾ ಮಾಡುತ್ತಿದ್ದು, ಅವರು ರಾಮ್​ ಸೇತು ಚಿತ್ರದಲ್ಲಿ ನಟಿಸಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಆದರೆ, ಧವನ್ ರಾಮ್​ ಸೇತು ಚಿತ್ರದ ಮೂಲಕ ಬಾಲಿವುಡ್​ ಗೆ ಎಂಟ್ರಿ ನೀಡುತ್ತಿಲ್ಲ ಎಂದು ತಿಳಿದುಬಂದಿದೆ. ರಾಮ್​ ಸೇತು ಚಿತ್ರದಲ್ಲಿ ನಾಯಕ ನಟನಾಗಿ ಅಕ್ಷಯ್ ಕುಮಾರ್ ಕಾಣಿಸಿಕೊಂಡರೆ, ನಟಿಯಾಗಿ ಜಾಕ್ವೇಲಿನ್ ಫರ್ನಾಂಡಿಸ್ ಅಭಿನಯಿಸಿದ್ದಾರೆ. ಚಿತ್ರಕ್ಕೆ ಅಭಿಷೇಕ್ ಶರ್ಮಾ ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ಇದನ್ನೂ ಓದಿ: Actress Death: ಗೀತಾ, ದೊರೆಸಾನಿ ಧಾರಾವಾಹಿಗಳಲ್ಲಿ ಮಿಂಚಿದ್ದ ನಟಿ ದುರ್ಮರಣ! ಫ್ಯಾಟ್ ಸರ್ಜರಿ ವೇಳೆ ಚೇತನಾ ರಾಜ್ ಸಾವು

ಆರೆಂಜ್ ಕ್ಯಾಪ್ ರೇಸ್​ ನಲ್ಲಿ ಗಬ್ಬರ್:

ಪ್ರಸ್ತುತ ಐಪಿಎಲ್ 2022ರ 15ನೇ ಆವೃತ್ತಿಯು ನಡೆಯುತ್ತಿದ್ದು, ಇದರಲ್ಲಿ ಧವನ್ ಪಂಜಾಬ್ ಕಿಂಗ್ಸ್ ಪರ ಆಟವಾಡುತ್ತಿದ್ದಾರೆ. ಈ ಬಾರಿ ಅವರು ಉತ್ತಮ ಪ್ರದರ್ಶನ ತೋರುತ್ತಿದ್ದು, ಆರೆಂಜ್ ಕ್ಯಾಪ್ ರೇಸ್​ ನಲ್ಲಿದ್ದಾರೆ. ಹೌದು, ಧವನ್ ಈವರೆಗೆ ಒಟ್ಟು 13 ಪಂದ್ಯಗಳನ್ನಾಡಿದ್ದು, ಇದರಲ್ಲಿ 38.27 ಎವರೇಜ್ ಮೂಲಕ 421 ರನ್ ಗಳಿಸಿ ಆರೆಂಜ್ ಕ್ಯಾಪ್ ರೇಸ್​ ನಲ್ಲಿ 4ನೇ ಸ್ಥಾನದಲ್ಲಿದ್ದಾರೆ. ಇನ್ನು, ಪಂಜಾಬ್ ಕಿಂಗ್ಸ್ ತಂಡವು ಸಹ ಈ ಬಾರಿ ಪ್ಲೇ ಆಫ್ ರೇಸ್​ ನಲ್ಲಿದ್ದು, ಆಡಿರುವ 13 ಪಂದ್ಯಗಳಲ್ಲಿ 6ರಲ್ಲಿ ಗೆದ್ದು, 7ರಲ್ಲಿ ಸೋತಿದೆ. 12 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ.