ಕಬೀರ್ ಸಿಂಗ್ ಸಿನಿಮಾದಿಂದ ಪ್ರೇರಿತನಾಗಿ ವೈದ್ಯನೆಂದು ವಂಚಿಸುತ್ತಿದ್ದ ವ್ಯಕ್ತಿ ಪೊಲೀಸರ ಬಲೆಗೆ

ಶಾಹೀದ್​ ಕಪೂರ್​ ನಟನೆಯ ಕಬೀರ್​ಸಿಂಗ್​ ಸಿನಿಮಾದಿಂದ ಪ್ರೇರಿತನಾಗಿ ಮೂಳೆ ತಜ್ಞನೆಂದು ಹೇಳಿಕೊಂಡು ಮಹಿಳೆಯರಿಗೆ ವಂಚಿಸುತ್ತಿದ್ದ ವ್ಯಕ್ತಿಯನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ.

ಬಂಧಿತ ಆರೋಪಿ ಆನಂದ್​ ಕುಮಾರ್​ (31) ಡೇಟಿಂಗ್​ ವೆಬ್​ಸೈಟ್​ ಮೂಲಕ ಮೂಳೆ ತಜ್ಞನೆಂದು ಹೇಳಿಕೊಂಡು ಪರಿಚಯವಾದ ಮಹಿಳೆಯರಿಂದ ಹಣ ವಸೂಲಿ ಮಾಡುತ್ತಿದ್ದ. ತನ್ನ ಹೆಸರನ್ನು ಡಾ. ರೋಹಿತ್​ ಗುಜ್ರಾಲ್​​ ಎಂದು ಹೆಸರು ಬದಲಾಯಿಸಿಕೊಂಡು ಕೆಲ ಮಹಿಳಾ ವೈದ್ಯರ ಜೊತೆ ಚಾಟಿಂಗ್​ ಮಾಡುತ್ತಿದ್ದ ಎಂದು ತಿಳಿದುಬಂದಿದೆ.

ಆನಂದ್​ ಕುಮಾರ್​ ಚಾಟ್​ ಮಾಡುತ್ತಿದ್ದ ನೆಪದಲ್ಲಿ ತನ್ನ ಬ್ಯಾಂಕ್​ ಖಾತೆಗೆ ಸಾವಿರ ರೂಪಾಯಿ ಜಮಾ ಮಾಡಿದರೆ ಮದುವೆಯಾಗುತ್ತೇನೆ ಎಂದು ಹೇಳುತ್ತಿದ್ದ. ಹಣ ನೀಡದಿದ್ದರೆ ಖಾಸಗಿ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡುವುದಾಗಿ ಹೆದರಿಸುತ್ತಿದ್ದ. ಇದೀಗ ಆರೋಪಿ ಆನಂದ್​ ಕುಮಾರ್​ ಪೋಲಿಸರ ಅತಿಥಿಯಾಗಿದ್ದಾನೆ. ಆತನ ಜೊತೆಗೆ ಪ್ರಿಯಂ ಯಾದವ್​ ಎಂಬಾತನನ್ನು ಕೂಡ ಬಂಧಿಸಲಾಗಿದೆ ಎಂದು ತಿಳಿದುಬಂದಿದೆ.

ಆನಂದ್​ ಕುಮಾರ್​ ಈವೆಂಟ್​​ ಮ್ಯಾನೆಜ್​ಮೆಂಟ್​​ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ, ಸಾಕಷ್ಟು ಜನರ ಪರಿಚಯವು ಆತನಿಗಿತ್ತು. ನಟ-ನಟಿಯಾಗಬೇಕೆಂದುಕೊಂಡಿದ್ದ ಅನೇಕ ಹುಡುಗ-ಹುಡುಗಿರ ಸಂಪರ್ಕವಿತ್ತು. ಹಾಗಾಗಿ ಕೆಲ ಯುವಕರ ಫೋಟೋವನ್ನು ತೆಗೆದುಕೊಂಡು ಪ್ರೊಫೈಲ್​ ಪಿಕ್​ ಮಾಡಿಕೊಂಡು ಡೇಟಿಂಗ್​ ವೈಬ್​ಸೈಟ್​​ನಲ್ಲಿ ಇಂತಹ ಮೋಸದ ಕೃತ್ಯವನ್ನು ಮಾಡುತ್ತಿದ್ದ.

ಶಾಹಿದ್​ ಕಪೂರ್​ ಕಬೀರ್​ ಸಿಂಗ್​ ಸಿನಿಮಾದಲ್ಲಿ ಮೂಳೆ ತಜ್ಞನಾಗಿ ಕಾಣಿಸಿಕೊಂಡಿದ್ದರು. ಅದರಿಂದ ಪ್ರೇರಿತನಾಗಿ ಈ ಕೆಲಸಕ್ಕೆ ಕೈ ಹಾಕಿದ್ದಾನೆಂದು ತಿಳಿದುಬಂದಿದೆ. ಆರಂಭದಲ್ಲಿ ಮಹಿಳೆಯ ಮೊಬೈಲ್​ ನಂಬರ್​ ತೆಗೆದುಕೊಂಡು ನಂತರ ಚಾಟ್​, ವಾಯ್ಸ್​ ಕರೆ, ವಿಡಿಯೋ ಕರೆ ಮಾಡುತ್ತಾನೆ.  ನಂತರ ಮಹಿಳೆಯರಿಗೆ ಮದುವೆ ಆಗುತ್ತೇನೆ ಎಂದು ನಂಬಿಸಿ ಖಾಸಗಿ ಫೋಟೋ ಕಳುಹಿಸುವಂತೆ ಕೇಳುತ್ತಾನೆ. ಆನಂತರ ಹಣ ಪಡೆಯುತ್ತಿದ್ದ ಎಂದು ತಿಳಿದು ಬಂದಿದೆ.

ಕಳೆದ ನಾಲ್ಕು ತಿಂಗಳಿನಿಂದ ಆರೋಪಿ ಆನಂದ್​ ಈ ಕೆಲಸವನ್ನು ಮಾಡುತ್ತಿದ್ದು, ಸುಮಾರು 5 ಲಕ್ಷ ರೂಪಾಯಿಯನ್ನು ದೋಚಿದ್ದಾನೆ.

Mitron: ಭಾರತೀಯ ಟಿಕ್​ಟಾಕ್​ ಎಂದೇ ಜನಪ್ರಿಯತೆ ಪಡೆದ ‘ಮಿತ್ರೋ‘ ಆ್ಯಪ್​ಗೆ​​ ಪಾಕಿಸ್ತಾನಿ ಕೋಡ್​​!