ಈ ವರ್ಷದ ಟಾಪ್​ 10 ಬೆಸ್ಟ್​ ಸಿನಿಮಾ, ಸೀರೀಸ್​ಗಳು ಇವೆ: ನೋಡಿಲ್ಲ ಅಂದ್ರೆ ಮಿಸ್​ ಮಾಡ್ದೆ ನೋಡಿ..!

ವರ್ಷಕ್ಕೆ ಲೆಕ್ಕವಿಲ್ಲದಷ್ಟು ಸಿನಿಮಾ(Movie)ಗಳು ಬಿಡುಗಡೆಯಾಗುತ್ತವೆ. ಆದರೆ, ಬೆರಳಣಿಕೆಯಷ್ಟು ಸಿನಿಮಾಗಳು ಮಾತ್ರ ಬಾಕ್ಸ್​ ಆಫೀಸ್(Box Office)​ ಗಲ್ಲಾಪೆಟ್ಟಗೆಯಲ್ಲಿ ಸದ್ದು ಮಾಡುತ್ತವೆ. ಕೆಲವೊಂದು ಚಿತ್ರಗಳು ಬಿಡುಗಡೆಯಾಗಿರೋದೇ ತಿಳಿಯುವುದಿಲ್ಲ. ಈ ವರ್ಷವೂ ಕೂಡ ಕೊರೋನಾ(Corona) ನಮ್ಮ ನೆಮ್ಮದಿಯನ್ನು ಹಾಳು ಮಾಡಿತ್ತು. ಆದಾಗ್ಯೂ ವರ್ಷದ ಆರಂಭದಲ್ಲಿ ಹಾಗೂ ಕೊನೆಯಲ್ಲಿ ಸಾಕಷ್ಟು ಸಿನಿಮಾಗಳು ರಿಲೀಸ್(Release)​ ಆಗಿವೆ. ಒಟಿಟಿ(OTT) ವ್ಯಾಪ್ತಿ ಹೆಚ್ಚುತ್ತಿರುವುದರಿಂದ ಹಲವರು ವೆಬ್​ ಸೀರಿಸ್​ನತ್ತ ಹೆಚ್ಚು ಗಮನ ಹರಿಸುತ್ತಿದ್ದಾರೆ.  ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡುತ್ತಿದ್ದ ಮಂದಿ, ಕೊರೊನಾಗೆ ಹೆದರಿ ಒಟಿಟಿ ಮೊರೆ ಹೋಗಿದ್ದಾರೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವಂತೆ ಒಟಿಟಿಯಲ್ಲೂ ಹೊಸ ಹೊಸ ಸಿನಿಮಾಗಳು ಎಕ್ಸ್​ಕ್ಲೂಸಿವ್(Exclusive)​ ಆಗಿ ರಿಲೀಸ್​ ಆಗುತ್ತೆ. ಒಟಿಟಿಯಲ್ಲಿ ಬಿಡುಗಡೆ ಮಾಡಲೆಂದೆ ನಿರ್ಮಾಪಕರು(Producers) ದುಡ್ಡು ಹಾಕಿ ಸಿನಿಮಾ ಮಾಡುತ್ತಿದ್ದಾರೆ. ಈ ವರ್ಷ ತೆರೆಕಂಡ ಹಲವು ಸಿನಿಮಾಗಳು ಜನರ ಮೆಚ್ಚುಗೆ ಗಳಿಸಿತ್ತು.ಅದಾಗ್ಯೂ ಭಾರೀ ನಿರೀಕ್ಷೆ ಹುಟ್ಟಸಿದ್ದ ಕೆಲ ಸಿನಿಮಾಗಳು ನೆಲಕಚ್ಚಿತ್ತು. ಹಾಗಿದ್ರೆ ಐಎಂಡಿಬಿಯಲ್ಲಿ ಈ ವರ್ಷ​ ಟಾಪ್​ 10 ಬೆಸ್ಟ್ ಸಿನಿಮಾಗಳು(Top 10 Best Movies) ಯಾವುವು ಗೊತ್ತಾ?​ ಟಾಪ್​ 10 ಬೆಸ್ಟ್ ವೆಬ್ ಸೀರೀಸ್​ಗಳು(Top 10 Best Series) ಯಾವುವು ಗೊತ್ತಾ? ಇಲ್ಲಿದೆ ನೊಡಿ..

ಮೊದಲನೇ ಸ್ಥಾನದಲ್ಲಿ ‘ಜೈ ಭೀಮ್​’

ಜನವರಿ 1ರಿಂದ ನವೆಂಬರ್ 29ರವರೆಗೆ ರಿಲೀಸ್​ ಆದ ಸಿನಿಮಾಗಳನ್ನು ಇಟ್ಟುಕೊಂಡು ರೇಟಿಂಗ್​ ನೀಡಲಾಗಿದೆ. ಈ ಪಟ್ಟಿಯಲ್ಲಿ ತಮಿಳಿನ ‘ಜೈ ಭೀಮ್​’ ಸಿನಿಮಾ ಟಾಪ್​ನಲ್ಲಿದೆ. ಸೂರ್ಯ ನಟನೆಯ ಈ ಸಿನಿಮಾ ಎಲ್ಲ ಕಡೆಗಳಲ್ಲಿ ಮೆಚ್ಚುಗೆ ಗಳಿಸಿಕೊಂಡಿತ್ತು. ಹೀಗಾಗಿ, ಐಎಂಡಿಬಿಯಲ್ಲಿ ಪ್ರಥಮ ಸ್ಥಾನ ಇದಕ್ಕೆ ದೊರೆತಿದೆ. ಸಿದ್ದಾರ್ಥ್​ ಮಲ್ಹೋತ್ರಾ ನಟನೆಯ ಶೇರ್​ಷಾ ಎರಡನೇ ಸ್ಥಾನದಲ್ಲಿದೆ. ವೆಬ್​ ಸೀರಿಸ್​ಗಳ ಪೈಕಿ ‘ಆಸ್ಪಿರಂಟ್ಸ್​’ ಮೊದಲ ಸ್ಥಾನ ಕಾಯ್ದುಕೊಂಡಿದೆ. ‘ದಿ ಫ್ಯಾಮಿಲಿ ಮ್ಯಾನ್’ ಮೊದಲಾದ ಸೀರಿಸ್​ಗಳು ಕೂಡ ಈ ಪಟ್ಟಿಯಲ್ಲಿವೆ.

ಟಾಪ್​ 10 ಬೆಸ್ಟ್​ ಸಿನಿಮಾ

1. ಜೈ ಭೀಮ್​
2. ಶೇರ್​ಷಾ
3. ಸೂರ್ಯವಂಶಿ
4. ಮಾಸ್ಟರ್​
5. ಸರ್ದಾರ್​ ಉಧಮ್​
6. ಮಿಮಿ
7. ಕರ್ಣನ್​
8. ಶಿದ್ದತ್​
9. ದೃಶ್ಯಂ​ 2
10. ಹಸೀನ್​ ದಿಲ್​ರುಬಾ

ಇದನ್ನು ಓದಿ: `ಪುಷ್ಪ’ ಚಿತ್ರದ ಹಾಟ್​ ಐಟಂ ಸಾಂಗ್​ ರಿಲೀಸ್​: ಸಮಂತಾ ಮಾದಕ ಲುಕ್​ಗೆ ಮನಸೋತ ಫ್ಯಾನ್ಸ್!

ಟಾಪ್​ 10 ಬೆಸ್ಟ್​ ಸೀರೀಸ್​​ಗಳು!

1. ಆಸ್ಪಿರೆಂಟ್ಸ್​
2. ಢಿಂಡೋರಾ
3. ದಿ ಫ್ಯಾಮಿಲಿ ಮ್ಯಾನ್​
4. ದಿ ಲಾಸ್ಟ್​ ಅವರ್
5. ಸನ್​ ಫ್ಲವರ್​
6. ಕ್ಯಾಂಡಿ
7. ರೇ
8. ಗ್ರಹಣ್​
9. ನವೆಂಬರ್ ಸ್ಟೋರಿ
10. ಮುಂಬೈ ಡೈರೀಸ್​ 26/11

ಐಎಂಡಿಬಿ ರೇಟಿಂಗ್​ ನೋಡಿ ಸಿನಿಮಾ ನೋಡ್ತಾರೆ..!

ಐಎಂಡಿಬಿ ರೇಟಿಂಗ್​ ನೋಡಿ ಸಿನಿಮಾ ನೋಡಲು ಡಿಸೈಡ್​ ಮಾಡಲು ತುಂಬಾ ಜನರಿದ್ದಾರೆ. ಹೀಗಾಗಿ ಈ ರೇಟಿಂಗ್​ ಸಿನಿರಸಿಕರು ಸಹಕಾರಿಯಾಗಿದೆ. ಇನ್ನೂ ಪ್ರತಿವರ್ಷ ಐಎಂಡಿ ಟಾಪ್​ 10 ಬೆಸ್ಟ್​ ಸಿನಿಮಾ, ಹಾಗೂ ವೆಬ್​ ಸೀರೀಸ್​​ಗಳ ಪಟ್ಟಿಯನ್ನು ಬಿಡುಗಡೆ ಮಾಡುತ್ತೆ. ಅದರಂತೆ ಈ ವರ್ಷವೂ ಬಿಡುಗಡೆಯಾಗಿದೆ. ಲಿಸ್ಟ್​ನಲ್ಲಿರುವ ಸಿನಿಮಾಗಳು ಜನರ ಮೆಚ್ಚುಗೆ ಗಳಿಸುವಲ್ಲಿ ಯಶಸ್ವಿಯಾಗಿತ್ತು.

ಇದನ್ನು ಓದಿ : ಹೊಸಾ ರೂಪದಲ್ಲಿ ಮತ್ತೆ ಬರ್ತಿದೆ ಎವರ್​ಗ್ರೀನ್ ಕ್ಲಾಸಿಕ್ ಸಿನಿಮಾ ಬಂಧನ-2, ತಾರಾಗಣದಲ್ಲಿ ಯಾರಿದ್ದಾರೆ? ಫುಲ್ ಡೀಟೆಲ್ಸ್

ಗೂಗಲ್‌ ಸರ್ಚ್‌ನಲ್ಲಿ ಟಾಪ್‌ ಟ್ರೆಂಡ್‌ನಲ್ಲಿದೆ ಜೈ ಭೀಮ್​!

ತಮಿಳು ನಟ ಸೂರ್ಯಾ ಅಭಿನಯದ ‘ಜೈ ಭೀಮ್’ ಸಿನಿಮಾ 2021ರ ಗೂಗಲ್‌ ಸರ್ಚ್‌ನಲ್ಲಿ ಟಾಪ್‌ ಟ್ರೆಂಡ್‌ನಲ್ಲಿ ಇದೆ.ತೆಲುಗು, ತಮಿಳು, ಮಲಯಾಳಂ ಸೇರಿದಂತೆ ಕನ್ನಡ ಭಾಷೆಗಳಲ್ಲಿ ಈ ಸಿನಿಮಾ  ದೀಪಾವಳಿ ಸಂದರ್ಭದಲ್ಲಿ ನವೆಂಬರ್ 2 ಕ್ಕೆ ನೇರವಾಗಿ ಅಮೆಜಾನ್ ಪ್ರೈಮ್‌ನಲ್ಲಿ ಬಿಡುಗಡೆಯಾಗಿತ್ತು. ಗೂಗಲ್‌ ಸರ್ಚ್‌ನಲ್ಲಿ ಈ ಸಿನಿಮಾವನ್ನು ಹೆಚ್ಚು ಜನರು ಹುಡುಕಿದ್ದಾರೆ. ಸೂರ್ಯಾ ಹಾಗೂ ಅವರ ಪತ್ನಿ ಜ್ಯೋತಿಕಾ ಒಡೆತನದ ‘2ಡಿ ಎಂಟರ್‌ಟೈನ್‌ಮೆಂಟ್’ ಸಂಸ್ಥೆ ನಿರ್ಮಾಣ ಮಾಡಿರುವ ‘ಜೈ ಭೀಮ್‌’ ಅನ್ನು ನಿರ್ದೇಶಕ ಜ್ಞಾನವೇಲ ನಿರ್ದೇಶಿಸಿದ್ದಾರೆ. ನ್ಯಾಯಾಂಗ ಹಾಗೂ ಬಡವರ ಹೋರಾಟದ ಕಥೆಯನ್ನು ಈ ಸಿನಿಮಾ ಹೊಂದಿದ್ದು, ಸೂರ್ಯಾ ಅವರು ಲಾಯರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.