Happy Birthday Upendra: ಉಪೇಂದ್ರ-ಹರಿಪ್ರಿಯಾ ಅಭಿನಯದ ಹೊಸ ಸಿನಿಮಾಗೆ ಟೈಟಲ್​ ಫಿಕ್ಸ್​..!

ಸ್ಯಾಂಡಲ್​ವುಡ್​ ರಿಯಲ್​ ಸ್ಟಾರ್​ ಉಪೇಂದ್ರ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಅವರ ಬರ್ತ್​ಡೇ ಗಿಫ್ಟ್​ ಆಗಿ ನಿನ್ನೆಯೇ ಕಬ್ಜ ಸಿನಿಮಾದ ಥೀಮ್​ ಪೋಸ್ಟರ್​ ರಿಲೀಸ್​ ಮಾಡಲಾಗಿದೆ. ಖ್ಯಾತ ನಿರ್ದೇಶಕ ರಾಮ್​ ಗೋಪಾಲ್​ ವರ್ಮಾ ಈ ಪೋಸ್ಟರ್​ ರಿಲೀಸ್​ ಮಾಡಿದ್ದು ವಿಶೇಷ. ಇನ್ನು ಕಬ್ಜ ಜೊತೆಗೆ ಉಪೇಂದ್ರ ಬುದ್ಧಿವಂತ 2 ಸಿನಿಮಾದಲ್ಲೂ ನಟಿಸುತ್ತಿದ್ದಾರೆ. ಅಷ್ಟೇ ಅಲ್ಲ, ಸದ್ಯದಲ್ಲೇ ಮತ್ತೆ ನಿರ್ದೇಶಕನ ಕ್ಯಾಪ್ ತೊಡುತ್ತಿದ್ದೇನೆ ಎಂದೂ ಪ್ರಕಟಿಸಿದ್ದಾರೆ. ಇನ್ನು ಈ ಸಲ ಉಪೇಂದ್ರ ತಮ್ಮ ಹುಟ್ಟುಹಬ್ಬದಂದು ಮನೆಯಲ್ಲಿ ಇರುವುದಿಲ್ಲ. ಜೊತೆಗೆ ಕೊರೋನಾ ಕಾರಣದಿಂದಾಗಿ ಯಾರೂ ಮನೆಗಳ ಬಳಿ ಬರಬೇಡಿ ಎಂದು ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದರು. ಇನ್ನು ಇವತ್ತು ತಾವಿರುವ ಕಡೆ ಸಿಗ್ನಲ್​ ಸಿಕ್ಕರೆ ಫೇಸ್​ಬುಕ್​ ಲೈವ್​ ಬರುವುದಾಗಯೀ ತಿಳಿಸಿದ್ದಾರೆ. ಉಪ್ಪಿ ಹುಟ್ಟುಹಬ್ಬಕ್ಕೆ ಇವತ್ತು ಅವರ ಹೊಸ ಸಿನಿಮಾದ ಟೈಟಲ್​ ರಿವೀಲ್​ ಆಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. 

ಉಪೇಂದ್ರ ಹಾಗೂ ಹರಿಪ್ರಿಯಾ ಒಟ್ಟಿಗೆ ತೆರೆ ಹಂಚಿಕೊಳ್ಳುತ್ತಿರುವ ವಿಷಯ ಗೊತ್ತೇ ಇದೆ. ಈ ಸಿನಿಮಾವನ್ನು ಆರ್.​ ಮಾದೇಶ್​ ನಿರ್ದೇಶಿಸುತ್ತಿದ್ದಾರೆ. ಹರಿಪ್ರಿಯಾ ತಮ್ಮ 12 ವರ್ಷಗಳ ಸಿನಿ ಜೀವನದಲ್ಲಿ ಮೊದಲ ಬಾರಿಗೆ ಉಪೇಂದ್ರ ಅವರೊಂದಿಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಆದರೆ ಈ ಹಿಂದೆ ಅವರು ಜಾಹೀರಾತೊಂದರಲ್ಲಿ ಉಪ್ಪಿ ಜೊತೆ ಕಾಣಿಸಿಕೊಂಡಿದ್ದಾರೆ.

View this post on Instagram

ಸೆಪ್ಟೆಂಬರ್ 18 ಅಭಿಮಾನಿಗಳ ದಿನದ ಬಗ್ಗೆ........ ಮತ್ತು ನಿಮ್ಮೆಲ್ಲರ ನಿರ್ದೇಶನದಂತೆ ನಾನು ಚಿತ್ರ ನಿರ್ದೇಶನ ಮಾಡುವ ಬಗ್ಗೆ..... #upendra #september18 #ಅಭಿಮಾನಿಗಳ_ದಿನ #upendrafans @uppifcofficial @upendrafansclub #allupendrafansclubs @idianrealstarupendra @upendra_fans_club_official_18 @upendrafansclubofficial @upendrafanclub @upendra_fanz @troll_upendra @upendra_quotes @allupendrafansclubofficial

A post shared by Upendra (@nimmaupendra) on Sep 13, 2020 at 4:28am PDT

ಉಪೇಂದ್ರ ಹಾಗೂ ಹರಿಪ್ರಿಯಾ ಅಭಿನಯದ ಹೊಸ ಸಿನಿಮಾಗೆ ಇನ್ನು ಟೈಟಲ್​ ಫಿಕ್ಸ್​ ಆಗಿರಲಿಲ್ಲ. ಆದರೆ ಈಗ ಉಪ್ಪಿ ಅವರ ಹುಟ್ಟುಹಬ್ಬದಂದು ಟೈಟಲ್​ ಪೋಸ್ಟರ್​ ರಿಲೀಸ್​ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿತ್ತಿದೆ. ಅದರಲ್ಲೂ ಸಿನಿಮಾಗೆ ಲಗಾಮ್​ ಎಂದು ಟೈಟಲ್​ ಇಡಲಾಗಿದೆ ಎಂದೂ ಹೇಳಲಾಗುತ್ತಿದೆ. ಸದ್ಯದಲ್ಲೇ ಈ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದೆಯಂತೆ.



ಉಪ್ಪಿ-ಹರಿಪ್ರಿಯಾ ಅವರ ಈ ಹೊಸ ಸಿನಿಮಾ ಪ್ರಕಟವಾದಾಗ ಮಾಧ್ಯಮಗಳೊಂದಿಗೆ ಮಾತನಾಡಿದ್ದ ನಟಿ, ಉಪೇಂದ್ರ ಜೊತೆ ಅಭಿನಯಿಸಲು ಕಾತರರಾಗಿರುವುದಾಗಿ ತಿಳಿಸಿದ್ದರು. ಇದು ನೈಜತೆಯ ಅಂಶವುಳ್ಳ ಸಿನಿಮಾ ಆಗಿದ್ದು, ಪ್ರಸ್ತುತ ಪರಿಸ್ಥಿತಿಗೆ ಹತ್ತಿರವಾಗಿದೆ ಎಂದು ಹೇಳಿದ್ದರು. ಉಪೇಂದ್ರ ಹಾಗೂ ಹರಿಪ್ರಿಯಾ ಅವರ ಈ ಹೊಸ ಸಿನಿಮಾ  ಅಭಿಮಾನಿಗಳಿಗೆ ರಸದೌತಣ ನೀಡುವುದರಲ್ಲಿ ಯಾವುದೇ ಅನುಮಾನವಿಲ್ಲ.ಇನ್ನು ಈ ಸಿನಿಮಾಗೆ ಸಾಧು ಕೋಕಿಲ ಹಾಗೂ ಅವರ ಮಗ ಸೇರಿ ಸಂಗೀತ ನಿರ್ದೇಶನ ಮಾಡಲಿದ್ದಾರಂತೆ.

ಇದನ್ನೂ ಓದಿ: ವಿಷ್ಣುವರ್ಧನ್​ ಹುಟ್ಟುಹಬ್ಬ: ಸಾಮಾಜಿಕ ಜಾಲತಾಣದ ಡಿಪಿ ಬದಲಿಸಿದ ಸೆಲೆಬ್ರಿಟಿಗಳು..!

ಇನ್ನು ಅಭಿಮಾನಿಗಳು ಬಹಳ ಸಮಯದಿಂದ ಉಪೇಂದ್ರ ಅವರಿಗೆ ಸಿನಿಮಾ ನಿರ್ದೇಶನ ಮಾಡುವಂತೆ ಬೇಡಿಕೆ ಇಡುತ್ತಿದ್ದರು. ಅದಕ್ಕೆ ಪ್ರಿಕ್ರಿಯಿಸಿರುವ ರಿಯಲ್​ ಸ್ಟಾರ್​, ಮತ್ತೆ ಸಿನಿಮಾ ನಿರ್ದೇಶನ ಮಾಡಲು ನಿರ್ಧರಿಸಿದ್ದಾರೆ. ಆದರೆ ಅವರ ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿರುವ ಕಾರಣದಿಂದ, ಅವುಗಳ ಕೆಲಸ ಮುಗಿದ ನಂತರ, ಅಂದರೆ ಸ್ವಲ್ಪ ತಡವಾಗಿ ನಿರ್ದೇಶನದ ಕೆಲಸ ಆರಂಭಸಲಿದ್ದಾರಂತೆ. ಈ ಸಿನಿಮಾ ಯಾವುದು, ಸ್ಟೋರಿ ಲೈನ್​ ಸೇರಿದಂತೆ ಇತರೆ ಮಾಹಿತಿಯನ್ನು ಆದಷ್ಟು ಬೇಗ ನೀಡುವುದಾಗಿ ಉಪೇಂದ್ರ ತಿಳಿಸಿದ್ದಾರೆ.