ಸ್ಯಾಂಡಲ್​ವುಡ್​ನಲ್ಲಿ ರಾಬಿನ್​ ಹುಡ್​: ಹುಟ್ಟುಹಬ್ಬದಂದೇ ಹೊಸ ಸಿನಿಮಾ ಪ್ರಕಟಿಸಿದ ಸಿಂಪಲ್​ ಸುನಿ..!

ಸಿಂಪಲ್ಲಾಗ್​ ಒಂದ್​ ಲವ್​ ಸ್ಟೋರಿ ಖ್ಯಾತಿಯ ನಿರ್ದೇಶಕ ಸಿಂಪಲ್​ ಸುನಿ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಈ ವೇಳೆ ತಮ್ಮ ಹೊಸ ಸಿನಿಮಾದ ಪ್ರಕಟಣೆ ಸಹ ಮಾಡಿದ್ದಾರೆ. ಹುಟ್ಟುಹಬ್ಬದಂದು ಉಡುಗೊರೆಯಾಗಿ ರಾಬಿನ್​ ಹುಡ್​ ಚಿತ್ರದ ಪೋಸ್ಟರ್​ ರಿಲೀಸ್ ಮಾಡಲಾಗಿದೆ. ತಮ್ಮ ಹೊಸ ಸಿನಿಮಾದ ಕುರಿತು ನಿರ್ದೇಶಕ ಸಿಂಪಲ್​ ಸುನಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಸಿನಿಮಾದ ಪೋಸ್ಟರ್ ನೋಡಿದರೆ, ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸುವಂತಿದೆ. ಖ್ಯಾತ ನಿರ್ಮಾಪಕರ ಪುಷ್ಕರ್​ ಮಲ್ಲಿಕಾನರ್ಜುನಯ್ಯ ಅವರು ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ. ಕಿರಿಕ್​ ಪಾರ್ಟಿ, ಗೋಧಿ ಬಣ್ಣ ಸಾಧಾರಣ ಮೈಕಟ್ಟು, ಅವನೇ ಶ್ರೀಮನ್ನಾರಾಯಣ ಸಿನಿಮಾಗಳ  ಮೂಲಕ ಗುರುತಿಸಿಕೊಂಡಿರುವ ಪುಷ್ಕರ್​ ಅವರ ಬ್ಯಾನರ್​ನಿಂದ ಸಾಕಷ್ಟು ವಿಭಿನ್ನವಾದ ಚಿತ್ರಗಳು ಮೂಡಿ ಬರುತ್ತಿವೆ. ಇನ್ನು ಸ್ಯಾಂಡಲ್​ವುಡ್​ನಲ್ಲಿ ರಾಬಿನ್​ ಹುಡ್​ ಆಗಿ ಮಿಂಚಲಿರುವ ನಾಯಕನ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಆದರೆ ನೆಟ್ಟಿಗರು ಮಾತ್ರ ನಿರ್ದೇಶಕನೇ ನಾಯಕನಿರಬಹುದಾ ಎನ್ನಯತ್ತಿದ್ದಾರೆ. 

ರಾಬಿನ್​ ಹುಡ್​ ಪಾತ್ರದಲ್ಲಿ ಯಾರು ನಟಿಸಲಿದ್ದಾರೆ ಹಾಗೂ ನಾಯಕಿ ಯಾರು ಎಂಬ ಯಾವುದೇ ಮಾಹಿತಿ ಇನ್ನೂ ಬಹಿರಂಗವಾಗಿಲ್ಲ. ಆದರೆ ಈ ಸಿನಿಮಾ ನಿರ್ಮಿಸುತ್ತಿರುವುದಕ್ಕಾಗಿ ನಿರ್ಮಾಪಕರಿಗೆ ಸಿಂಪಲ್​ ಸುನಿ ಧನ್ಯವಾದ ತಿಳಿಸಿದ್ದಾರೆ.

 ಮತ್ತೊಂದು ಕನಸಿನ ಕೂಸಿಗೆ ಜಾಗ ಕಲ್ಪಿಸಿದಕ್ಕೆ ಧನ್ಯವಾದಗಳು 

ಯಾರು ಈ ರಾಬಿನ್ ಹುಡ್ ?? https://t.co/bTxd1QO0mk

— ಸುನಿ/SuNi (@SimpleSuni) October 13, 2020

ಸಿಂಪಲ್​ ಸುನಿ ಅವರ ಹುಟ್ಟುಹಬ್ಬಕ್ಕೆ ಉಡುಗೊರೆಯಾಗಿ ಈ ಸಿನಿಮಾದ ಪೋಸ್ಟರ್​ ರಿಲೀಸ್​ ಮಾಡಿರುವುದಾಗಿ ಪುಷ್ಕರ್​ ಮಲ್ಲಿಕಾರ್ಜುನಯ್ಯ ಟ್ವೀಟ್ ಮಾಡಿದ್ದಾರೆ. ಇನ್ನು ಈ ಸಿನಿಮಾದಲ್ಲಿ ಆ ದಿನಗಳು ಖ್ಯಾತಿಯ ಚೇತನ್​ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ.

Mysterious I lay under the hood

Soon will I be uncovered
The saviour of neighbourhood
I shall spring as Robinhood ❤️

On the occasion of our Director @SimpleSuni’s Birthday, revealing the title of our Next movie #RobinHood @PushkarFilms 📽 pic.twitter.com/2yRl3SNJYy

— Pushkara Mallikarjunaiah (@Pushkara_M) October 13, 2020

ಪುಷ್ಕರ್​ ಅವರ ಬ್ಯಾನರ್​ ಅಡಿ ನಿರ್ಮಾಣವಾಗುತ್ತಿರುವ ಅವತಾರ ಪುರುಷ ಸಿನಿಮಾದಲ್ಲಿ ಸಿಂಪಲ್​ ಸುನಿ ಸದ್ಯ ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ಶರಣ್​ ಹಾಗೂ ಆಶಿಕಾ ರಂಗನಾಥ್​ ಜೋಡಿಯಾಗಿದ್ದಾರೆ. ಇದರ ಜೊತೆಗೆ ಗೋಲ್ಡನ್​ ಸ್ಟಾರ್​ ಗಣೇಶ್​ ಅವರ ಜೊತೆ ಸಹ ಸಿಂಪಲ್​ ಸಿನಿ ಕೆಲಸ ಮಾಡುತ್ತಿದ್ದಾರೆ.