Yash Birthday: ರಾಕಿಂಗ್​ ಸ್ಟಾರ್​ ಬರ್ತ್​ಡೇಗೆ KGF 2 ಹೊಸ ಪೋಸ್ಟರ್​ ರಿಲೀಸ್​: ಮನೆಯಲ್ಲೇ ಸಿಂಪಲ್​ ಸೆಲೆಬ್ರೇಷನ್ ಮಾಡಿದ ಯಶ್​!

ಇಡೀ ದೇಶವೇ ಯಶ್​ ಅವರ ಹುಟ್ಟುಹಬ್ಬವನ್ನು ಸಂಭ್ರಮಿಸುತ್ತಿದೆ.  ಈ ದಿನದ ಖುಷಿಯನ್ನು ಹೆಚ್ಚಿಸಲು ‘ಹೊಂಬಾಳೆ ಫಿಲ್ಮ್ಸ್​’ (Hombale Films) ಕೂಡ ಸಾಥ್​ ನೀಡಿದೆ. ಅಭಿಮಾನಿಗಳ ಆಸೆಯಂತೆಯೇ ಯಶ್​ ಜನ್ಮದಿನದ ಪ್ರಯುಕ್ತ ‘ಕೆಜಿಎಫ್​ ಚಾಪ್ಟರ್​ 2’ (KGF Chapter 2) ಸಿನಿಮಾದಿಂದ ಹೊಸ ಪೋಸ್ಟರ್​ ಬಿಡುಗಡೆ ಆಗಿದೆ.

ಕೆಜಿಎಫ್​ 2 ಚಿತ್ರದ ಹೊಸ ಪೋಸ್ಟರ್​​

ಕೆಜಿಎಫ್​ 2 ಚಿತ್ರದ ಹೊಸ ಪೋಸ್ಟರ್​​

  • Share this:
ಸ್ಯಾಂಡಲ್​ವುಡ್​ ರಾಕಿಂಗ್​ ಸ್ಟಾರ್​, ನಮ್ಮ, ನಿಮ್ಮೆಲ್ಲರ ಪ್ರೀತಿಯ ಯಶ್​ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಇಂದು 36ನೇ ವಸಂತಕ್ಕೆ ರಾಕಿ ಭಾಯ್​ ಕಾಲಿಟಿದ್ದಾರೆ. ಈ ದಿನವನ್ನು ಕೇವಲ ರಾಜ್ಯವಷ್ಟೇ ಅಲ್ಲ, ಇಡೀ ದೇಶವೇ ಯಶ್​ ಅವರ ಹುಟ್ಟುಹಬ್ಬವನ್ನು ಸಂಭ್ರಮಿಸುತ್ತಿದೆ.  ಈ ದಿನದ ಖುಷಿಯನ್ನು ಹೆಚ್ಚಿಸಲು ‘ಹೊಂಬಾಳೆ ಫಿಲ್ಮ್ಸ್​’ (Hombale Films) ಕೂಡ ಸಾಥ್​ ನೀಡಿದೆ. ಅಭಿಮಾನಿಗಳ ಆಸೆಯಂತೆಯೇ ಯಶ್​ ಜನ್ಮದಿನದ ಪ್ರಯುಕ್ತ ‘ಕೆಜಿಎಫ್​ ಚಾಪ್ಟರ್​ 2’ (KGF Chapter 2) ಸಿನಿಮಾದಿಂದ ಹೊಸ ಪೋಸ್ಟರ್​ ಬಿಡುಗಡೆ ಆಗಿದೆ. ಬೆಳಗ್ಗೆ 9 ಗಂಟೆಗೆ ಪೋಸ್ಟರ್​ ರಿಲೀಸ್​ ಮಾಡುವುದಾಗಿ ಚಿತ್ರತಂಡ ಒಂದು ದಿನ ಮುಂಚಿತವಾಗಿ ಘೋಷಿಸಿತ್ತು. ಈಗ ಹೊಸ ಪೋಸ್ಟರ್​ (KGF Chapter 2 New Poster) ಕಂಡು ಎಲ್ಲರೂ ಖುಷಿಪಟ್ಟಿದ್ದಾರೆ. ಅಲ್ಲದೇ, ‘ಕೆಜಿಎಫ್​ 2’ (KGF 2) ಚಿತ್ರದ ರಿಲೀಸ್​ ದಿನಾಂಕದ ಬಗ್ಗೆ ಕೆಲವರಿಗೆ ಅನುಮಾನ ಮೂಡಿತ್ತು. ಆ ಬಗ್ಗೆಯೂ ಚಿತ್ರತಂಡದಿಂದ ಸ್ಪಷ್ಟನೆ ಸಿಕ್ಕಿದೆ. ಕೆಜಿಎಫ್​ ಎಂಬ ಒಂದು ಸಿನಿಮಾದಿಂದ ಕನ್ನಡ ಚಿತ್ರರಂಗದ ಹೆಸರೇ ಬದಲಾಯಿತು. ರಾಕಿಂಗ್​ ಸ್ಟಾರ್​ ಯಶ್​ ಅವರ ರೇಂಜ್​ ಬದಲಾಗಿತ್ತು. ಕೆಜಿಎಫ್​ ಬರೆದ ದಾಖಲೆಗಳನ್ನು ಮುರಿಯುವುದಿರಲಿ, ಅದರ ಹತ್ತಿರಕ್ಕೂ ಬರಲು ಯಾರಿಂದಲೂ ಸಾಧ್ಯವಾಗಿಲ್ಲ. ಇದೀಗ ಕೆಜಿಎಫ್​ 2 ಹೊಸ ದಾಖಲೆಗಳನ್ನು ಬರೆಯಲು ಸಜ್ಜಾಗಿದೆ. 

ಹೊಸ ಪೋಸ್ಟರ್​ ಕಂಡು ಫ್ಯಾನ್ಸ್​ ಫುಲ್​ ದಿಲ್​ಖುಷ್​!

ಕೆಜಿಎಫ್​ 2 ಚಿತ್ರದ ಮೇಲೆ ಸಾಕಷ್ಟು ನಿರೀಕ್ಷೆ ಇದೆ. ಏಪ್ರಿಲ್​ 14ರಂದು ಸಿನಿಮಾ ವಿಶ್ವದಾದ್ಯಂತ ಬಿಡುಗಡೆಯಾಗುತ್ತಿದೆ. ಇದೀಗ ಯಶ್​ ಅವರ ಹುಟ್ಟುಹಬ್ಬಕ್ಕೆ ಹೊಸ ಪೋಸ್ಟರ್​ವೊಂದು ರಿಲೀಸ್​ ಆಗಿದೆ. ‘ಡೇಂಜರ್​ ಆಹೆಡ್​’ ಎಂಬ ಬರಹ ಬರೆದು ಪೋಸ್ಟರ್​ ರಿಲೀಸ್​ ಮಾಡಲಾಗಿದೆ. ಈ ಪೋಸ್ಟರ್​ ಇದೀಗ ಅವರ ಅಭಿಮಾನಿಗಳವಾಟ್ಸ್​ಆ್ಯಪ್​ ಡಿಪಿ, ಫೇಸ್​ಬುಕ್​, ಇನ್​ಸ್ಟಾಗ್ರಾಂನಲ್ಲಿ ರಾರಾಜಿಸುತ್ತಿದೆ. ಯಶ್​ ಅವರ ಇದೊಂದು ಪೋಸ್ಟರ್​ ಮತ್ತೆ ಟ್ವಿಟ್ಟರ್​​ನಲ್ಲಿ ಟ್ರೆಡಿಂಗ್​ ಸೃಷ್ಟಿಸಿದೆ.



ಇದನ್ನು ಓದಿ:

ಮನೆಯಲ್ಲೇ ಸಿಂಪಲ್ ಸೆಲೆಬ್ರೇಷನ್​ ಮಾಡಿದ ಯಶ್​!

ಪವರ್​ ಇಲ್ಲದೇ ಚಂದನವನವೆಲ್ಲ ಕತ್ತಲಾಗಿದೆ. ಹೌದು, ಪುನೀತ್​ ರಾಜ್​ಕುಮಾರ್​ ಇಲ್ಲದೇ ಸ್ಯಾಂಡಲ್​ವುಡ್​ ಬರಿದಾಗಿದೆ. ಅಪ್ಪು ನಮ್ಮಂದಿಗೆ ಇಲ್ಲ ಅನ್ನುವುದನ್ನು ಇಂದಿಗೂ ನಂಬಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಸ್ಯಾಂಡಲ್​ವುಡ್​ ಯಾವ ನಟರು ಕೂಡ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳದಿರಲು ನಿರ್ಧರಿಸಿದ್ದರು. ಹೀಗಾಗಿ ಯಶ್ ಕೂಡ ತಮ್ಮ ಜನ್ಮದಿನ ಆಚರಣೆಗೆ ಬ್ರೇಕ್​ ಹಾಕಿದ್ದರು. ರಾತ್ರಿ ಮನೆಯಲ್ಲೇ ಪತ್ನಿ, ಮಕ್ಕಳೊಂದಿಗೆ ಸರಳವಾಗಿ ಕೇಕ್​ ಕಟ್​ ಮಾಡಿ ಸಂಭ್ರಮಿಸಿದ್ದಾರೆ. ಕೆಜೆಎಫ್​ 2 ಸಿನಿಮಾದ ಯಶ್​ ಲುಕ್​ನಲ್ಲಿ ವಿಶಿಷ್ಟವಾದ ಕೇಕ್​ ಮಾಡಿಸಿದ್ದಾರೆ. ಪತ್ನಿ ರಾಧಿಕಾ ಪಂಡಿತ್​ ಹಾಗೂ ಮಕ್ಕಳ ಜೊತೆ ಯಶ್​ ಕೇಕ್​ ಕಟ್​ ಮಾಡಿದ್ದಾರೆ.




ಕೆಜಿಎಫ್ 2 ಸಿನಿಮಾಗಾಗಿ ಇಡೀ ವಿಶ್ವವೇ ಕಾಯುತ್ತಿದೆ!

ಕೆಜಿಎಫ್​ ಬರೆದ ದಾಖಲೆಗಳನ್ನು ಮುರಿಯುವುದಿರಲಿ, ಅದರ ಹತ್ತಿರಕ್ಕೂ ಬರಲು ಯಾರಿಂದಲೂ ಸಾಧ್ಯವಾಗಿಲ್ಲ. ಈ ಸಿನಿಮಾ ನೋಡಲು ಇಡೀ ವಿಶ್ವವೇ ಕಾತುರದಿಂದ ಕಾಯುತ್ತಿದೆ. ಏಪ್ರಿಲ್​ನಲ್ಲಿ ತೆರೆಗೆ ಬರಲು ಸಿದ್ಧವಾಗಿರುವ ಬೇರೆ ಭಾಷೆಯ ಬಿಗ್​ ಬಜೆಟ್​ ಸಿನಿಮಾಗಳಿಗೆ ಅವರ ಅಭಿಮಾನಿಗಳೇ ಎಚ್ಚರಿಕೆ ಕೊಟ್ಟಿದ್ದಾರೆ. ದಯವಿಟ್ಟು ಕೆಜಿಎಫ್​ 2 ಮುಂದೆ ಸಿನಿಮಾ ರಿಲೀಸ್ ಮಾಡಬೇಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ. ಕೇವಲ ರಾಕಿಭಾಯ್​ ಹೆಸರಿಗೆ ಎಲ್ಲರ ಮುಖದಲ್ಲೂ ಬೆವರು ಬರುತ್ತೆ ಅಂದರೆ, ನಮ್ಮ ಕನ್ನಡ ನಟ ಯಶ್​ ಅವರ ರೇಂಜ್​ ಏನು ಅಂತ ಇಡೀ ವಿಶ್ವಕ್ಕೆ ಗೊತ್ತಿದೆ. ‘ರಾಜಧಾನಿ’ಯಲ್ಲಿ ‘ರಾಜಾಹುಲಿ’ ಇವರು.. ‘ಕಳ್ಳರ ಸಂತೆ’ಯಲ್ಲಿ ‘ಕಿರಾತಕ’.. ಅಭಿಮಾನಿಗಳ ಪ್ರೀತಿಯಲ್ಲಿ ಅಣ್ತಮ್ಮ ಇವರು..

Published by:Vasudeva M
First published: