ಹುಟ್ಟುಹಬ್ಬದ ಸಂಭ್ರಮದಲ್ಲಿ ಡೈನಾಮಿಕ್​ ಪ್ರಿನ್ಸ್​; ವೀರಂ ಚಿತ್ರತಂಡದಿಂದ ಪ್ರಜ್ವಲ್​ ದೇವರಾಜ್​ಗೆ ಭರ್ಜರಿ ಗಿಫ್ಟ್​​

ಸ್ಯಾಂಡಲ್​ವುಡ್​ ಡೈನಾಮಿಕ್​ ಪ್ರಿನ್ಸ್​​ ಪ್ರಜ್ವಲ್​ ದೇವರಾಜ್​ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಈ ವಿಶೇಷ ದಿನದಂದು 'ವೀರಂ' ಚಿತ್ರತಂಡ ಅವರಿಗೆ ಭರ್ಜರಿ ಗಿಫ್ಟ್​ ನೀಡಿದೆ.

'ವೀರಂ' ಚಿತ್ರತಂಡ ಪೋಸ್ಟರ್​ವೊಂದನ್ನು ಬಿಡುಗಡೆ ಮಾಡುವ ಮೂಲಕ ಡೈನಾಮಿಕ್​ ಪ್ರಿನ್ಸ್​ ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿದೆ. ಖದರ್​ ಕುಮಾರ್​ ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. ಡಿಂಪಲ್​ ಕ್ವೀನ್​ ರಚಿತಾ ರಾಮ್​ ಅವರು ಪ್ರಜ್ವಲ್​ ದೇವರಾಜ್​ ಜೊತೆಗೆ ನಾಯಕಿಯಾಗಿ ನಟಿಸಲಿದ್ದಾರೆ.  ಶಶಿಧರ ಕೆ.ಎಂ 'ವೀರಂ' ಸಿನಿಮಾದ ನಿರ್ಮಾಣದ ಹೊಣೆ ಹೊತ್ತಿದ್ದಾರೆ.

ಕಮರ್ಷಿಯಲ್​​ ಎಂಟರ್ಟೈನ್ಮೆಂಟ್​​ ಆಗಿರುವ ಈ ಸಿನಿಮಾದಲ್ಲಿ ಪ್ರಜ್ವಲ್​​ ದೇವರಾಜ್​ ಅವರು ಸಾಹಸ ಸಿಂಹ ಅವರ ಅಭಿಮಾನಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ದಿಶಾ  ಎಂಟರ್ಟೈನ್ಮೆಂಟ್​​ನಡಿಯಲ್ಲಿ ಈ ಸಿನಿಮಾ ಮೂಡಿಬರುತ್ತಿದೆ.



ಕಳೆದ ವರ್ಷ ವೀರಂ ಸಿನಿಮಾದ ಫಸ್ಟ್​ ಲುಕ್​​ ಹಾಗೂ ಟೈಟಲ್​​ ಲುಕ್​ ಅನ್ನು ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​​ ಬಿಡುಗಡೆ ಮಾಡಿದ್ದರು. ವಿಷ್ಣುವರ್ಧನ್​​​ ಜನ್ಮದಿನದಂದು ಈ ಸಿನಿಮಾದ ಅಧಿಕೃತ ಪ್ರಕಟಣೆಯನ್ನು ಹೊರಡಿಸಿದರು. ಇದೀಗ ಚಿತ್ರತಂಡ ಪ್ರಜ್ವಲ್​ ದೇವರಾಜ್​ ಹುಟ್ಟುಹಬ್ಬದಂದು ಪೋಸ್ಟರ್​ ಬಿಡುಗಡೆ ಮಾಡುವ ಮೂಲಕ ವಿಶ್​​ ಮಾಡಿದೆ.

ಈ ವರ್ಷ ಹುಟ್ಟುಹಬ್ಬ ಆಚರಿಸಿಕೊಳ್ಳುದಿಲ್ಲವೆಂದ ಪ್ರಜ್ವಲ್​ ದೇವರಾಜ್​

ಇತ್ತೀಚೆಗೆ ನಟ ಪ್ರಜ್ವಲ್​ ದೇವರಾಜ್​  ವಿಡಿಯೋ ಮಾಡುವ ಮೂಲಕ ಅಭಿಮಾನಿಗಳೊಂದಿಗೆ ಮನವಿ ಮಾಡಿಕೊಂಡಿದ್ದರು. ನನ್ನ ಹುಟ್ಟುಹಬ್ಬಕ್ಕೆ ತರುತ್ತಿದ್ದ ಕೇಕ್​, ಹೂವಿನ ಹಾರದ ಖರ್ಚಿನಲ್ಲಿ ಬಡವರಿಗೆ ಸಹಾಯ ಮಾಡಿ. ಸದ್ಯ ಕೊರೋನಾ ಎಲ್ಲರಿಗೂ ತೊಂದರೆ ಕೊಡುತ್ತಿದೆ. ಗುಂಪು ಸೆರೋದು ಸರಿಯಲ್ಲ. ಹಾಗಾಗಿ ಈ ವರ್ಷ ನಾನು ಯಾರನ್ನು ಭೇಟಿ ಮಾಡೋದಿಲ್ಲ ಎಂದು ಹೇಳಿದ್ದರು. ಆದರು ಅಭಿಮಾನಿಗಳು ಸಾಮಾಜಿಕ ಜಾಲತಾಣದ ಮೂಲಕ ಡೈನಾಮಿಕ್​​ ಪ್ರಿನ್ಸ್​ಗೆ ಶುಭಾಶಯಗಳ ಸುರಿಮಳೆ ಸುರಿಸುತ್ತಿದ್ದಾರೆ.

Video Viral: ಟಿಕ್​ಟಾಕ್​​ಗೆ ಗುಡ್ ಬೈ ಎಂದ ಡಿಬಾಸ್ ಅಭಿಮಾನಿಗಳು!