Happy Birthday Junior NTR: ರಿವೀಲ್​ ಆಯ್ತು ಜೂನಿಯರ್​ ಎನ್​ಟಿಆರ್​ ಇಂಟೆನ್ಸ್​ ಲುಕ್​: ಅಭಿಮಾನಿಗಳಿಗೆ ಹಬ್ಬ..!​

ಇತ್ತೀಚೆಗಷ್ಟೆ ಕೋವಿಡ್​ ಪಾಸಿಟಿವ್​ ಆಗಿದ್ದು, ಕ್ವಾರಂಟೈನ್​ನಲ್ಲಿರುವ ನಟ ಜೂನಿಯರ್​ ಎನ್​ಟಿಆರ್​ ಅವರು ಬೇಗ ಗುಣಮುಖರಾಗಲಿ ಎಂದು ಅಭಿಮಾನಿಗಳು ಪ್ರಾರ್ಥಿಸಿಸುತ್ತಿದ್ದಾರೆ.  ಸದ್ಯ ಕೋವಿಡ್​ಗೆ ಚಿಕಿತ್ಸೆ ಪಡೆಯುತ್ತಿರುವ ನಟ ಜೂನಿಯರ್​ ಎನ್​ಟಿಆರ್​ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ನಟನ ಹುಟ್ಟುಹಬ್ಬವನ್ನು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಬ್ಬದಂತೆ ಆಚರಿಸುತ್ತಿದ್ದಾರೆ. 38ನೇ ವಸಂತಕ್ಕೆ ಕಾಲಿಟ್ಟಿರುವ ನಟನಿಗೆ  ಕುಟುಂಬದ ಸದಸ್ಯರು, ಸೆಲೆಬ್ರಿಟಿಗಳು ಹಾಗೂ ಅಭಿಮಾನಿಗಳು ಶುಭ ಕೋರುತ್ತಿದ್ದಾರೆ. ಪ್ರಸ್ತುತ ಜೂನಿಯರ್ ಎನ್​ಟಿಆರ್​ ಅವರು ನಟಿಸುತ್ತಿರುವ ಬಹುನಿರೀಕ್ಷಿತ ಸಿನಿಮಾ ಆರ್​ಆರ್​ಆರ್​. ರಾಜಮೌಳಿ ನಿರ್ದೇಶನದ ಈ ಸಿನಿಮಾದಲ್ಲಿ ಜೂನಿಯರ್ ಎನ್​ಟಿಆರ್​ ಕೋಮರಾಮ್​ ಭೀಮ್​ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆರ್​ಆರ್​ಆರ್​ ಚಿತ್ರತಂಡ ಜೂ. ಎನ್​ಟಿಆರ್ ಫ್ಯಾನ್ಸ್​ಗೆ  ಇಂದು ಸಖತ್​ ಸರ್ಪ್ರೈಸ್​ ಕೊಟ್ಟಿದೆ. 

ಬಾಹುಬಲಿ ನಂತರ ರಾಜಮೌಳಿ ಅವರ ನಿರ್ದೇಶನದ ಬಹುನಿರೀಕ್ಷಿತ ಸಿನಿಮಾ ಆರ್​ಆರ್​ಆರ್​. ಈ ಸಿನಿಮಾದಲ್ಲಿ ಜೂನಿಯರ್ ಎನ್​ಟಿಆರ್​ ಕೋಮರಾಮ್ ಭೀಮ್ ಹಾಗೂ ರಾಮ್​ ಚರಣ್​ ತೇಜ ಅಲ್ಲೂರಿ ಸೀತಾರಾಮ ರಾಜು ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಜೂ. ಎನ್​ಟಿಆರ್ ಅವರ ಇಂಟೆನ್ಸ್​ ಲುಕ್​ ಇರುವ ಪೋಸ್ಟರ್​ ಅನ್ನು ಆರ್​ಆರ್​ಆರ್​ ಚಿತ್ರತಂಡ ರಿಲೀಸ್​ ಮಾಡಿದೆ.

ಕೋಮರಾಮ್​ ಭೀಮ್​ ಪಾತ್ರದ ಈ ಹೊಸ ಪೋಸ್ಟರ್​ ಅನ್ನು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಶೇರ್​ ಮಾಡುತ್ತಾ ಟ್ರೆಂಡ್​ ಮಾಡುತ್ತಿದ್ದಾರೆ.

He's a rebel full of heart!

It's been a pleasure to play this intense role and I am happy to introduce to you all, one of my biggest challenges so far. #KomaramBheem from #RRRMovie.@ssrajamouli @AlwaysRamCharan @ajaydevgn @aliaa08 @oliviamorris891 @RRRMovie @DVVMovies pic.twitter.com/aXDV5mP4sG

— Jr NTR (@tarak9999) May 20, 2021

ಕಳೆದ ವರ್ಷ ರಾಮ್​ ಚರಣ್​ ತೇಜ ಅವರ ಹುಟ್ಟುಹಬ್ಬಕ್ಕೆ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಮಾಡಲಾಗಿತ್ತು. ಆ ವಿಡಿಯೋಗೆ ಜೂನಿಯರ್​ ಎನ್​ಟಿಆರ್ ಮಾತುಕೊಟ್ಟಂತೆ ಅವರೇ ಕಂಠದಾನ ಮಾಡಿದ್ದರು. ಇನ್ನು ಅದರಂತೆಯೇ ಜೂನಿಯರ್​ ಎನ್​ಟಿಆರ್ ಅವರ ಹುಟ್ಟುಹಬ್ಬಕ್ಕೆ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಮಾಡಲು ಚಿತ್ರತಂಡ ಪ್ಲಾನ್​ ಮಾಡಿಕೊಂಡಿತ್ತು. ಆದರೆ ಕೊರೋನಾ ಲಾಕ್​ಡೌನ್​ನಿಂದಾಗಿ ಅದು ಸಾಧ್ಯವಾಗಲಿಲ್ಲ. ಎಲ್ಲರೂ ಮನೆಗಳಲ್ಲೇ ಲಾಕ್​ ಆಗಿದ್ದ ಕಾರಣದಿಂದ ರಾಮ್​ ಚರಣ್​ ಸಹ ಆಗ ಕಂಠದಾನ ಮಾಡಲಾಗಿರಲಿಲ್ಲ.

ಇದನ್ನೂ ಓದಿ: Happy Birthday Nishvika: ಸರಳವಾಗಿ ಹುಟ್ಟುಹಬ್ಬ ಆಚರಿಸಿದ ನಿಶ್ವಿಕಾಗೆ ಸಿಕ್ತು ಭರ್ಜರಿ ಗಿಫ್ಟ್​..!

ಇದರಿಂದಾಗಿ ಮೇ 20ರಿಂದ ಇಲ್ಲಿಯವರೆಗೆ ಜೂನಿಯರ್ ಎನ್​ಟಿಆರ್ ಅಭಿಮಾನಿಗಳು ಕಾತರರಾಗಿ ಕಾಯುತ್ತಲೇ ಇದ್ದರು. ನಂತರ ಅಕ್ಟೋಬರ್​ನಲ್ಲಿ ರಾಮ್​ಚರಣ್​ ಅವರು ಕಂಠದಾನ ಮಾಡಿದ ವಿಡಿಯೋವನ್ನು ರಿಲೀಸ್​ ಮಾಡಲಾಯಿತು.

ಕೋಮರಾಮ್​ ಭೀಮ್​ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಆದಾಗಲೂ ಜೂನಿಯರ್​​ ಎನ್​ಟಿಆರ್​ ಅಭಿಮಾನಿಗಳನ್ನು ಅದನ್ನು ಟ್ವಿಟರ್​ನಲ್ಲಿ ಟ್ರೆಂಡ್​ ಮಾಡಿದ್ದರು. ಒಮ್ಮೆ ಲಾಕ್​ಡೌನ್​ ತೆರವುಗೊಂಡ ನಂತರ ಸಿನಿಮಾದ ಚಿತ್ರೀಕರಣ ಆರಂಭವಾದಾ ಅದರ ವಿಡಿಯೋವನ್ನೂ ಸಹ ರಾಜಮೌಳಿ ಹಂಚಿಕೊಂಡಿದ್ದರು.

ಇದನ್ನೂ ಓದಿ: Kichcha Sudeep: ಹಿರಿಯ ಕಲಾವಿದರ ಯೋಗಕ್ಷೇಮ ವಿಚಾರಿಸಿದ ಕಿಚ್ಚ ಸುದೀಪ್​

ರಾಜಮೌಳಿ ನಿರ್ದೇಶನದ ಈ ಸಿನಿಮಾ ಕನ್ನಡ ಸೇರಿದಂತೆ ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂನಲ್ಲಿ ರಿಲೀಸ್​ ಆಗಲಿದೆ. ಈ ಸಿನಿಮಾದಲ್ಲಿ ಬಾಲಿವುಡ್​ ನಟ-ನಟಿಯರಾದ ಅಜಯ್​ ದೇವಗನ್​, ಆಲಿಯಾ ಭಟ್​ ಸಹ ನಟಿಸಿದ್ದಾರೆ. ಆಲಿಯಾ ಭಟ್​ ಹುಟ್ಟುಹಬ್ಬದಂದು ಅವರ ಫಸ್ಟ್​ಲುಕ್​ ಪೋಸ್ಟರ್​ ಸಹ ರಿಲೀಸ್ ಮಾಡಲಾಯಿತು. ಆಲಿಯಾ ಅವರ ಲುಕ್​ಗೆ ಅಭಿಮಾನಿಗಳು ವಾಹ್​ ಎಂದಿದ್ದರು. ಭಾರೀ ಬಜೆಟ್​ನ ಆರ್​ಆರ್​ಆರ ಸಿನಿಮಾವನ್ನು ದಾಸಯ್ಯ ನಿರ್ಮಾಣ ಮಾಡುತ್ತಿದ್ದು, ಅಕ್ಟೋಬರ್​ 13ರಂದು ರಿಲೀಸ್​ ಆಗಲಿದೆ.

ಇದನ್ನೂ ಓದಿ: ತೌಕ್ತೆ ಚಂಡಮಾರುತ: ಹಾಳಾಯ್ತು ಸಲ್ಮಾನ್- ಕತ್ರಿನಾ ಅಭಿನಯದ ಟೈಗರ್ 3 ಸಿನಿಮಾದ ಸೆಟ್

ಜೂನಿಯರ್​ ಎನ್​ಟಿಆರ್​ ಅವರಿಗೆ ಕೊರೋನಾ ಸೋಂಕಾಗುವ ಮೊದಲು ಆರ್​ಆರ್​ಆರ್ ಚಿತ್ರತಂಡ ಒಂದು ವಿಡಿಯೋ ರಿಲೀಸ್ ಮಾಡಿತ್ತು. ಅದರಲ್ಲಿ ಜೂನಿಯರ್ ಎನ್​ಟಿಆರ್​ ಕನ್ನಡದಲ್ಲಿ ಮಾತನಾಡುವ ಮೂಲಕ ಅಭಿಮಾನಿಗಳಿಗೆ ಮಾಸ್ಕ್​ ಹಾಗೂ ಸ್ಯಾನಿಟೈಸರ್​ನ ಮಹತ್ವ ವಿವರಿಸಿದ್ದರು. ಕೊರೋನಾ ಹರಡುತ್ತಿರುವ ಇಂತಹ ಸಂಕಷ್ಟದ ಪರಿಸ್ಥಿತಿಯಲ್ಲಿ ಜಾಗ್ರತೆಯಿಂದ ಇರುವಂತೆ ಮನವಿ ಮಾಡಿದ್ದರು.