Happy Birthday DBoss: ದರ್ಶನ್​ ಹುಟ್ಟುಹಬ್ಬಕ್ಕೆ ಹಾಡುಗಳನ್ನು ಉಡುಗೊರೆಯಾಗಿ ನಿಡಿರುವ ಡಿಬಾಸ್​ ಅಭಿಮಾನಿಗಳು

-ಅನಿತಾ ಈ, 

ಇಂದು ಚಾಲೆಂಜಿಂಗ್​ ಸ್ಟಾರ್​, ಡಿಬಾಸ್​ ದರ್ಶನ್​ರ ಹುಟ್ಟುಹಬ್ಬ. ಆದರೆ ಅಂಬಿ ಅಗಲಿಕೆಯಿಂದ ಈ ಬಾರಿ ಆಡಂಬರವಿಲ್ಲದೆ ಹುಟ್ಟುಹಬ್ಬವನ್ನು ಸರಳವಾಗಿ ಆಚರಿಸಿಕೊಳ್ಳುವುದಾಗಿ ದರ್ಶನ್​ ಮೊದಲೇ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದರು.

ಇದನ್ನೂ ಓದಿ: Gully Boy Movie Review: ಮುಂಬೈ ಸ್ಲಂನ ಗಲ್ಲಿಯ ಹುಡುಗನಾಗಿ ಮಿಂಚಿದ ರಣವೀರ್​ ಸಿಂಗ್​..!

ಅದರಂತೆ ಇಂದು ಅವರ ಹುಟ್ಟುಹಬ್ಬವನ್ನು ಸರಳವಾಗಿ ಆಚರಿಸಲಾಯಿತು. ಈ ಬಾರಿಯೂ ಎಂದಿನಂತೆ ಅಭಿಮಾನಿಗಳು 'ಡಿಬಾಸ್​ ಉತ್ಸವ' ಆಚರಿಸುತ್ತಿದ್ದು, ದರ್ಶನ್​ ಹೇಳಿದಂತೆಯೇ ಸರಳವಾಗಿ ದಾನ ಮಾಡುತ್ತಿದ್ದಾರೆ.



ಕೆಲವರು ದವಸ ಧಾನ್ಯ ನೀಡಿದರೆ, ಮತ್ತೆ ಕೆಲವರು ಅವರಿಗಾಗಿ ಹಾಡನ್ನು ಮಾಡಿ ಉಡುಗೊರೆಯಾಗಿ ನೀಡಿದ್ದಾರೆ.

ಮ್ಯೂಸಿಕ್​ ಬಜಾರ್​ ಅಡಿ ಸಮಗೀತ ನಿರ್ದೇಶಕ ನಾಗೇಂದ್ರ ಪ್ರಸಾದ್​ ಅವರು ದರ್ಶನ್​ ಹುಟ್ಟುಹಬ್ಬಕ್ಕಾಗಿ ಒಂದು ಹಾಡಿಗೆ ಸಾಹಿತ್ಯ ಬರೆದು, ಸಂಗೀತ ನೀಡಿದ್ದಾರೆ. ಈ ಹಾಡಿಗೆ ಚಂದನ್​ ಶೆಟ್ಟಿ ದನಿಯಾಗಿದ್ದಾರೆ.  'ಶತಸೋದರಾಗ್ರಜಾ......' ಹಾಡಿನ ವಿಡಿಯೋ ಇಲ್ಲಿದೆ ನೋಡಿ...



 

ಮತ್ತೊಮ್ಮಬ್ಬ ಅಭಿಮಾನಿ ಸುಪ್ರೀತ್​ ಸಹ ಸ್ನೇಹಿತರು ಡಿ-ಬಾಸ್​ ಹುಟ್ಟುಹಬ್ಬಕ್ಕೆಂದು ಕಳೆದ ಡಿಸೆಂಬರ್​ನಿಂದಲೇ ಒಂದು ಹಾಡನ್ನು ರೆಕಾರ್ಡ್​ ಮಾಡುತ್ತಿದ್ದು, ಈಗ ಅದನ್ನು ಬಿಡುಗಡೆ ಮಾಡಿದ್ದಾರೆ.  ಗಾಯಕ ಅನಿರುದ್​ ಶಾಸ್ತ್ರಿ ಅವರ ಕಂಠದಲ್ಲಿ ಸುಪ್ರೀತ್ ಗಾಂಧಾರಾ ಸಂಗೀತ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಹಾಡು ಅಭಿಮಾನಿಗಳನ್ನು ಹುಚ್ಚೆಬ್ಬಿಸುವಂತಿದೆ.





ಒಟ್ಟಾರೆ ಅಭಿಮಾನಿಗಳ ಅಭಿಮಾನಕ್ಕೆ ದಾಸನಾಗಿರುವ ದರ್ಶನ್​ ಹುಟ್ಟುಹಬ್ಬಕ್ಕೆ ನಾವೂ ಸಹ ಶುಭ ಹಾರೈಸೋಣ....