Happy Birthday Ayra: ಹುಟ್ಟುಹಬ್ಬದ ಸಂಭ್ರಮದಲ್ಲಿ ಆಯ್ರಾ: ನೀನು ಮಗುವಾಗಿಯೇ ಇರು ಕಂದ ಎಂದ ರಾಧಿಕಾ ಪಂಡಿತ್​

Radhika Pandit: ರಾಧಿಕಾ ಹಾಗೂ ಯಶ್​ ಅವರ ಮೊದಲ ಸಂತಾನ ಆಯ್ರಾಳ ಹುಟ್ಟುಹಬ್ಬ ಇಂದು. ಮುದ್ದಿನ ಮಗಳ ಬರ್ತ್​ ಡೇಗೆ ತುಂಬಾ ಪ್ರೀತಿಯಿಂದ ರಾಧಿಕಾ ಶುಭ ಕೋರಿದ್ದಾರೆ. ಜೊತೆಗೆ ಮಗಳಿಗಾಗಿ ಒಂದು ಮುದ್ದಾದ ಸಂದೇಶ ಕೊಟ್ಟಿದ್ದಾರೆ.

ಹುಟ್ಟುಹಬ್ಬದ ಸಂಭ್ರಮದಲ್ಲಿ ಬೇಬಿ ಆಯ್ರಾ

ಹುಟ್ಟುಹಬ್ಬದ ಸಂಭ್ರಮದಲ್ಲಿ ಬೇಬಿ ಆಯ್ರಾ

  • Share this:
ರಾಕಿಂಗ್​ ಸ್ಟಾರ್​ ಯಶ್​ ಹಾಗೂ ರಾಧಿಕಾಗಿಂತ ಈಗ ಅವರ ಮಗಳು ಆಯ್ರಾ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಸದ್ದು ಮಾಡುತ್ತಿದ್ದಾಳೆ. ಈ ಪುಟ್ಟ ಕಂದಮ್ಮನ ಹೆಸರಿನಲ್ಲಿ ಈಗಾಗಲೇ ಅನೇಕ ಅಭಿಮಾನಿಗಳ ಪೇಜ್​ಗಳಿವೆ. ಒಂದೊಂದು ಫೋಟೋಗೂ ಲಕ್ಷಗಟ್ಟಲೆ ಲೈಕ್ಸ್​​ ಪಡೆಯುವ ಮೂಲಕ ಅಪ್ಪನ ಸ್ಟಾರ್​ಗಿರಿಗಿಂತ ಹೆಚ್ಚು ಖ್ಯಾತಿ ಹೊಂದುತ್ತಿದ್ದಾಳೆ. ತುಂಬಿದ ಕೆನ್ನೆಯ ಬಟ್ಟಲು ಕಂಗಳ ಪುಟ್ಟ ರಾಜಕುಮಾರಿಯಂತಿರುವ ಆಯ್ರಾಳ ಇತ್ತೀಚಿನ ಚಿತ್ರಗಳನ್ನು ಅಮ್ಮ ರಾಧಿಕಾ ಹಂಚಿಕೊಳ್ಳುತ್ತಿದ್ದಂತೆಯೇ ಅವು ವೈರಲ್​ ಆಗುತ್ತವೆ. ಸಾಮಾಜಿಕ ಜಾಲತಾಣದಲ್ಲಿ ಅತಿ ಹೆಚ್ಚು ಸಕ್ರಿಯರಾಗಿರುವ ರಾಧಿಕಾ ಪಂಡಿತ್ ತಮ್ಮ ಮಗಳು ಹಾಗೂ ಮಗ ಯಥರ್ವ್​ ಅಪ್ಡೇಟ್​ ಅನ್ನು ನೀಡುತ್ತಿರುತ್ತಾರೆ. ಈ ಮುದ್ದು ಮಕ್ಕಳ ಯಾವ ಚಿತ್ರವನ್ನು ಸಾಮಾಜಿ ಜಾಲತಾಣದಲ್ಲಿ ಹರಿಬಿಟ್ಟರೂ ಅದು ಅಭಿಮಾನಿಗಳ ಪುಟಗಳಲ್ಲಿ ವೈರಲ್ ಆಗುತ್ತವೆ. ಇತ್ತೀಚೆಗಷ್ಟೆ ಮಗನ ಮೊದಲ ವರ್ಷದ ಹುಟ್ಟುಹಬ್ಬದ ವಿಡಿಯೋ ವೈರಲ್ ಆಗಿತ್ತು. 

ಇನ್ನು ರಾಧಿಕಾ ಹಾಗೂ ಯಶ್​ ಅವರ ಮೊದಲ ಸಂತಾನ ಆಯ್ರಾಳ ಹುಟ್ಟುಹಬ್ಬ ಇಂದು. ಮುದ್ದಿನ ಮಗಳ ಬರ್ತ್​ ಡೇಗೆ ತುಂಬಾ ಪ್ರೀತಿಯಿಂದ ರಾಧಿಕಾ ಶುಭ ಕೋರಿದ್ದಾರೆ. ಜೊತೆಗೆ ಮಗಳಿಗಾಗಿ ಒಂದು ಮುದ್ದಾದ ಸಂದೇಶ ಕೊಟ್ಟಿದ್ದಾರೆ. ಜೊತೆಗೆ ಮಗಳ 12 ಕ್ಯೂಟ್​ ಫೋಟೋಗಳನ್ನು ಕೊಲಾಜ್​ ಮಾಡಿ ಹಂಚಿಕೊಂಡಿದ್ದಾರೆ.




ಜಗತ್ತಿನಲ್ಲಿ ಯಾವ ತಾಯಿಗೆ ತಮ್ಮ ಮಕ್ಕಳು ಬೇಗ ದೊಡ್ಡವಾರಾಗುವುದು ಇಷ್ಟ ಹೇಳಿ. ಅದರಲ್ಲೂ ತೊದಲು ನುಡಿಗಳಲ್ಲಿ ಮುದ್ದು ಮುದ್ದಾಗಿ ಮಾತನಾಡುತ್ತಾ ಕಣ್ಮುಂದೆ ಒಡಾಡುತ್ತಿದ್ದಂತೆ ಹೆತ್ತವರಿಗೆ ಅದೇ ಸ್ವರ್ಗ. ಅದಕ್ಕೆ ಇರಬೇಕು ರಾಧಿಕಾ ಸಹ ತಮ್ಮ ಮಗಳು ಆಯ್ರಾಗೆ ಇಷ್ಟು ಬೇಗ ದೊಡ್ಡವಳಾಗಬೇಡ ಕಂದ ಎಂದಿದ್ದಾರೆ.




ಸದ್ಯ ಮನೆಯಲ್ಲಿ ಮಕ್ಕಳ ಲಾಲನೆ ಪಾಲನೆಯಲ್ಲೇ ಕಾಲ ಕಳೆಯುತ್ತಿರುವ ರಾಧಿಕಾ, ತಮ್ಮ ತಾಯ್ತನವನ್ನು ಎಂಜಾಯ್​ ಮಾಡುತ್ತಿದ್ದಾರೆ. ಸಿನಿಮಾಗಳಿಂದ ದೂರ ಇದ್ದರೂ, ಮಕ್ಕಳ ಮೊಗದಲ್ಲಿನ ನಗು ನೋಡುತ್ತಾ ತಾವೂ ಸಂತೋಷ ಪಡುತ್ತಿದ್ದಾರೆ. ಕಳೆದ ವರ್ಷ ಆಯ್ರಾ ಹುಟ್ಟುಹಬ್ಬವನ್ನು ರಾಕಿಂಗ್​ ದಂಪತಿ ಅದ್ದೂರಿಯಾಗಿ ಆಚರಿಸಿದ್ದರು. ಆದರೆ, ಈ ಸಲದ ಪ್ಲಾನ್​ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.




ಇದನ್ನು ತಮ್ಮ ಮಕ್ಕಳ ಮೊದಲ ಹಬ್ಬ ಹಾಗೂ ಅವರಿಗೆ ಸಂಬಂಧಿಸಿದ ಅಮೂಲ್ಯ ಕ್ಷಣಗಳನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿಯುತ್ತಾ, ಅವುಗಳ ವಿಡಿಯೋ ಹಾಗೂ ಫೋಟೋಗಳನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುತ್ತಿರುತ್ತಾರೆ.
Published by:Anitha E
First published: