Aamir Khan Birthday: ಬಾಲಿವುಡ್​ನ `ಮಿ. ಪರ್ಫೆಕ್ಷನಿಸ್ಟ್‌’ಗೆ ಜನ್ಮದಿನದ ಸಂಭ್ರಮ, 57ನೇ ವಸಂತಕ್ಕೆ ಕಾಲಿಟ್ಟ ಆಮಿರ್​ ಖಾನ್​

ಈ ನಟ ನಿಸ್ಸಂದೇಹವಾಗಿ ಭಾರತದ ಅತ್ಯಂತ ಜನಪ್ರಿಯ ತಾರೆಗಳಲ್ಲಿ ಒಬ್ಬರು. ಅವರ ಸ್ಟಾರ್ಡಮ್(Stardom) ನಮ್ಮ ದೇಶಕ್ಕೆ ಮಾತ್ರ ಸೀಮಿತವಾಗಿಲ್ಲ. ಪ್ರಪಂಚದಾದ್ಯಂತದ ಅಭಿಮಾನಿಗಳು ನಟನಿಗೆ ಪ್ರೀತಿ ಮತ್ತು ಬರ್ಥ್‌ಡೇ ವಿಶ್‌ ಹೇಳುತ್ತಿದ್ದಾರೆ.

ಆಮಿರ್​ ಖಾನ್​

ಆಮಿರ್​ ಖಾನ್​

  • Share this:
ಇಂದು ಬಾಲಿವುಡ್‌(Bollywood)ನ 'ಮಿ. ಪರ್ಫೆಕ್ಷನಿಸ್ಟ್‌'(Mr. Perfectionist) ಆಮಿರ್ ಖಾನ್‌(Aamir Khan) ಹುಟ್ಟಿದ ದಿನ  ಅವರ 57ನೇ ಹುಟ್ಟಿದ ಹಬ್ಬಕ್ಕೆ ಅಭಿಮಾನಿಗಳಿಂದ ಸಾಮಾಜಿಕ ಮಾಧ್ಯಮ(Social Media)ಗಳಲ್ಲಿ ಶುಭಾಶಯಗಳ ಹೊಳೆ ಹರಿಯುತ್ತಿದೆ. ಈ ನಟ ನಿಸ್ಸಂದೇಹವಾಗಿ ಭಾರತದ ಅತ್ಯಂತ ಜನಪ್ರಿಯ ತಾರೆಗಳಲ್ಲಿ ಒಬ್ಬರು. ಅವರ ಸ್ಟಾರ್ಡಮ್(Stardom) ನಮ್ಮ ದೇಶಕ್ಕೆ ಮಾತ್ರ ಸೀಮಿತವಾಗಿಲ್ಲ. ಪ್ರಪಂಚದಾದ್ಯಂತದ ಅಭಿಮಾನಿಗಳು ನಟನಿಗೆ ಪ್ರೀತಿ ಮತ್ತು ಬರ್ಥ್‌ಡೇ ವಿಶ್‌ ಹೇಳುತ್ತಿದ್ದಾರೆ.ಭಿನ್ನ ವಿಭಿನ್ನ ಪಾತ್ರಗಳ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿರುವ ನಟ ಆಮಿರ್​ ಖಾನ್ 50ಕ್ಕು ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಬಾಲನಟನಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಆಮಿರ್​ ಇಂದು ಇಡೀ ವಿಶ್ವವೇ ಮೆಚ್ಚುವ ನಟನಾಗಿ ಬೆಳೆದಿದ್ದಾರೆ. ಪ್ರತಿಯೊಂದು ಚಿತ್ರಗಳಲ್ಲೂ ಹೊಸತನ ಮತ್ತು ಪಾತ್ರಗಳಿಗಾಗಿ ಆಮೀರ್ ನಡೆಸುವ ತಯಾರಿ ಯುವ ಕಲಾವಿದರಿಗೆ ಮಾದರಿ. ಇತ್ತೀಚೆಗೆ ಅವರು ಸಿನಿಮಾಗಳ ವಿಚಾರಗಳಿಗಿಂತ ವೈಯಕ್ತಿಕ ವಿಚಾರಕ್ಕೆ ಹೆಚ್ಚು ಸುದ್ದಿಯಾಗುತ್ತಿದ್ದಾರೆ.

57ನೇ ವಸಂತಕ್ಕೆ ಕಾಲಿಟ್​ ಆಮಿರ್​ ಖಾನ್

ನಟನಾಗಿರಲಿ ಅಥವಾ ನಿರ್ದೇಶಕನಾಗಿರಲಿ ಇಲ್ಲ ನಿರ್ಮಾಪಕನಾಗಿರಲಿ ಆಮಿರ್​​ ಪ್ರೇಕ್ಷಕರಿಗೆ ಮನರಂಜನೆ ಮಾತ್ರವಲ್ಲ, ಸಮಾಜಕ್ಕೆ ಒಂದು ಸಂದೇಶವನ್ಹು ನೀಡುವ ಕೆಲಸವನ್ನು ತಮ್ಮ ಚಿತ್ರಗಳ ಮೂಲಕ ಮಾಡುತ್ತಲೇ ಇರುತ್ತಾರೆ. ಇಂದು ನಟ ಆಮಿರ್​ ಖಾನ್​ 57ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಕೇವಲ ಆಯ್ದ ಚಿತ್ರಗಳಲ್ಲಿ ಮಾತ್ರ ಆಮಿರ್​ ಖಾನ್​ ನಟನೆ ಮಾಡುತ್ತಾರೆ. ಕಡಿಮೆ ಚಲನಚಿತ್ರಗಳಲ್ಲಿ ನಟಿಸುವ ಮೂಲಕ, ಆ ಸಿನಿಮಾ ಜನರಿಗೆ ಮುಟ್ಟುವಂತೆ ಮಾಡುವುದು ಆಮಿರ್​ ಖಾನ್​ ವಿಶೇಷತೆ ಆಗಿದೆ.

ಸಿನಿಮಾದಲ್ಲಿ ಸಂದೇಶ ನೀಡುವ ಆಮಿರ್​ ಖಾನ್​

ಲಗಾನ್ (2001), ಗಜಿನಿ (2008), 3 ಈಡಿಯಟ್ಸ್ (2009), PK (2014), ದಂಗಲ್ (2016), ಸೀಕ್ರೆಟ್ ಸೂಪರ್‌ಸ್ಟಾರ್ (2017) ಮುಂತಾದ ಚಿತ್ರಗಳಲ್ಲಿ ಆಮಿರ್​ ಖಾನ್​ ತಮ್ಮ ನಟನಾ ಕೌಶಲ್ಯವನ್ನು ಸಾಬೀತುಪಡಿಸಿದ್ದಾರೆ. ಅವರ ಕೆಲವೊಂದು ಸಿನಿಮಾಗಳನ್ನು ಇಂದಿಗೂ ಯಾರಿಂದಲೂ ಮರೆಯಲು ಸಾಧ್ಯವಿಲ್ಲ. ಖಾನ್​ಗಳ ಸಾಮ್ರಾಜ್ಯ ಈ ಬಾಲಿವುಡ್​, ಸಲ್ಮಾನ್​ ಖಾನ್​ ಹಾಗೂ ಶಾರುಖ್​ ಖಾನ್​ಗಿಂತ ಆಮಿರ್​ ಖಾನ್​ ಭಿನ್ನವಾಗಿ ಕಾಣುತ್ತಾರೆ. ಅವರ ಪ್ರತಿ ಸಿನಿಮಾದಲ್ಲೂ ಒಂದಲ್ಲ ಒಂದು ಸಂದೇಶ ಇದ್ದೇ ಇರುತ್ತೆ. ಸಿನಿಮಾದಲ್ಲಿ ಜನರನ್ನು ಹಾದಿ ತಪ್ಪಿಸುವ ಕೆಲಸವನ್ನು ಎಂದೂ ಆಮಿರ್​ ಖಾನ್​ ಮಾಡಿಲ್ಲ.

ಇದನ್ನೂ ಓದಿ: ಪ್ರಭಾಸ್ ಸಿನಿಮಾದ ಮೊದಲ ದಿನದ ಕಲೆಕ್ಷನ್ ಎಷ್ಟು ನೋಡಿ..

ಲಗಾನ್​ನಲ್ಲಿ ಕಮಾಲ್​ ಮಾಡಿದ್ದ ಆಮಿರ್​!

ಆಮಿರ್​ ಖಾನ್ ವೃತ್ತಿ ಜೀವನದ ಅತ್ಯಂತ ಯಶಸ್ವಿ ಸಿನಿಮಾಗಳಲ್ಲಿ ಒಂದಾಗಿದೆ. 2001ರಲ್ಲಿ ತೆರೆಗೆ ಬಂದ ಈ ಸಿನಿಮಾ ಭಾರತೀಯ ಚಿತ್ರರಂಗದ ಎವರ್ ಗ್ರೀನ್ ಸಿನಿಮಾಗಳಲ್ಲಿ ಒಂದು. ಹಳ್ಳಿಯ ಕ್ರಿಕೆಟ್ ತಂಡವನ್ನು ಮುನ್ನಡೆಸುವ ಪಾತ್ರದಲ್ಲಿ ಆಮೀರ್ ನಟಿಸಿದ್ದರು. ಈ ಸಿನಿಮಾಗೆ ಚಿತ್ರಪ್ರೇಕ್ಷಕರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿತ್ತು. ಇನ್ನು ಈ ಸಿನಿಮಾ ಆಸ್ಕರ್ ರೇಸ್ ನಲ್ಲಿ ಜಾಗಪಡೆದಿತ್ತು.

ಪಿಕೆ ಸಿನಿಮಾದಲ್ಲಿ ಏಲಿಯನ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಟ

ಆಮಿರ್​​ ಖಾನ್ ನಟನೆಯ ಅದ್ಭುತ ಸಿನಿಮಾಗಳಲ್ಲಿ ಇದು ಕೂಡ ಒಂದು. ರಾಜ್ ಕುಮಾರ್ ಹಿರಾನಿ ಸಾರಥ್ಯದಲ್ಲಿ ಬಂದ ಈ ಸಿನಿಮಾ ದೊಡ್ಡ ಮಟ್ಟದ ಯಶಸ್ಸು ಗಳಿಸಿತ್ತು. ಅನ್ಯಗ್ರಹ ಜೀವಿ ಪಾತ್ರದಲ್ಲಿ ಆಮಿರ್ ಖಾನ್ ನಟಿಸಿದ್ದರು. ಧರ್ಮದ ಹೆಸರಿನಲ್ಲಿ ಮೂಢನಂಬಿಕೆ ಮತ್ತು ದೇವಮಾನವರನ್ನು ಆರಾಧಿಸುವ ಜನರಿಗೆ ಈ ಸಿನಿಮಾ ಕಣ್ಣುತೆರೆಸುವಂತೆ ಮಾಡಿತ್ತು.

ಇದನ್ನೂ ಓದಿ: ಫಸ್ಟ್​ ಡೇ ಕಲೆಕ್ಷನ್​ ನೋಡಿ ಫ್ಲಾಪ್​ ಅಂದ್ರು, ಆಮೇಲೆ ನಡೆದಿದ್ದು ಜಾದೂ! ಎಲ್ರೂ ಈ ಸಿನಿಮಾ ನೋಡ್ಲೇ ಬೇಕು..

ಆಮಿರ್ ಖಾನ್ (Aamir Khan), ಕರೀನಾ ಕಪೂರ್ ಖಾನ್ (Kareena Kapoor Khan) ನಟಿಸಿರುವ  ಲಾಲ್ ಸಿಂಗ್ ಚಡ್ಡಾ (Laal Singh Chaddha) ಸಿನಿಮಾದ ಬಿಡುಗಡೆ (Release) ದಿನಾಂಕವನ್ನು (Date) ಪ್ರಕಟಿಸಲಾಗಿದೆ. ಈ ಹಿಂದೆ ಏಪ್ರಿಲ್​ 14ಕ್ಕೆ ಸಿನಿಮಾ ರಿಲೀಸ್​ ಮಾಡುವುದಾಗಿ ಹೇಳಿಕೊಂಡಿತ್ತು. ಇದೀಗ ಆಗಸ್ಟ್​ 11ರಂದು ಈ ಸಿನಿಮಾ ರಿಲೀಸ್ ಆಗಲಿದೆ.
Published by:Vasudeva M
First published: