Golden Gang ಜೊತೆ ಬಂದ್ರು ಗೋಲ್ಡನ್​ ಸ್ಟಾರ್​​ ಗಣೇಶ್​: ಜೀ ಕನ್ನಡದಲ್ಲಿ ಸ್ನೇಹಿತರಿಗಾಗಿ, ಸ್ನೇಹಿತರಿಗೋಸ್ಕರ ಹೊಸ ರಿಯಾಲಿಟಿ ಶೋ!

"ಗೋಲ್ಡನ್ ಗ್ಯಾಂಗ್ "(Golden Gang) ಜೀ ಕನ್ನಡ(Zee Kannada) ವಾಹಿನಿಯಲ್ಲಿ ಆರಂಭವಾಗಿರುವ ಹೊಚ್ಚ ಹೊಸ ರಿಯಾಲಿಟಿ ಶೋ(Reality Show) . ಸ್ನೇಹಿತರಿಂದ ,ಸ್ನೇಹಿತರಿಗಾಗಿ , ಸ್ನೇಹಿತರಿಗೋಸ್ಕರವೇ ಸಿದ್ಧಗೊಂಡಿರುವ ಈ ಕಾರ್ಯಕ್ರಮಕ್ಕೆ ಗೋಲ್ಡನ್ ಸ್ಟಾರ್ ಗಣೇಶ್(Golden Star Ganesh) ಸಾರಥಿಯಾಗಿದ್ದಾರೆ. ಇದೀಗ 2022 ರ ಹೊಸ ವರ್ಷಾರಂಭದಲ್ಲಿ " ಗೋಲ್ಡನ್ ಗ್ಯಾಂಗ್ ಪ್ರೀ ಲಾಂಚ್ "(Golden Gang Pre Launch) ಈವೆಂಟ್ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ದೊರಕಿದ್ದು ಜನವರಿ 2 , ಭಾನುವಾರ ರಾತ್ರಿ 7. 30 ಕ್ಕೆ ಪ್ರಸಾರವಾಗುತ್ತಿದೆ . ಸದ್ಯ ಬಿಡುಗಡೆಯಾಗಿರುವ ಪ್ರೋಮೋ(Promo)ನೋಡುಗರಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿದೆ. ಈಗಾಗಲೇ ಹಲವಾರು ವೈವಿಧ್ಯಮಯ ಕಾರ್ಯಕ್ರಮಗಳ ಮೂಲಕ ವೀಕ್ಷಕರೊಂದಿಗೆ ಭಾವನಾತ್ಮಕ ನಂಟು ಹೊಂದಿರುವ ಜೀ ಕನ್ನಡ ಮನರಂಜನೆಯ ಮಹಾನಿಲ್ದಾಣವಾಗಿ ರೂಪುಗೊಂಡಿದೆ . ಬಹು ದಿನಗಳ ನಂತರ ನಿರೂಪಕನಾಗಿ ಕಿರುತೆರೆ(Small Screen)ಗೆ ಮರಳಿರುವ ಕರುನಾಡಿನ ಮನೆಮಗ , ಮಳೆ ಹುಡುಗ ಗಣೇಶ್ ಈ ಶೋನ ಪ್ರಮುಖ ಆಕರ್ಷಣೆಯಾಗಿದ್ದಾರೆ . ಜೀ ಕುಟುಂಬದ ಕಲಾವಿದರ ಜೊತೆಗೆ ಹೆಜ್ಜೆ ಹಾಕಿ ಹಾಡಿ, ಆಡಿ  , ನಲಿದು ಮನರಂಜಿಸಿರುವ ಗೋಲ್ಡನ್ ಸ್ಟಾರ್ ತನ್ನ ನಿರೂಪಣೆಯ ಹಳೆಯ ದಿನಗಳನ್ನು ನೆನೆದು ಭಾವುಕರಾಗಿದ್ದಾರೆ.

ಅದ್ಧೂರಿಯಾಗಿ ನಡೆದ ಪ್ರೀ ಲಾಂಚ್​ ಈವೆಂಟ್​!

ಕನ್ನಡದ ಜನಪ್ರಿಯ ನಿರೂಪಕಿ ಅನುಶ್ರೀ ಅವರೊಡನೆ ನಿರೂಪಣೆ ಮಾಡಿದ ಗಣೇಶ್ ಮೊದಲ ಸಿನಿಮಾ ಚೆಲ್ಲಾಟದ ಸಮಯದಿಂದಲೂ ಇರುವ ಅನುಶ್ರೀ ಅವರ ಪರಿಚಯವನ್ನು ನೆನಪಿಸಿಕೊಂಡರು. ವಿಶೇಷ ಅತಿಥಿಯಾಗಿ ಆಗಮಿಸಿದ್ದ ನಿರ್ದೇಶಕ , ಸಿನಿಕವಿ ಯೋಗರಾಜ್ ಭಟ್ ಮುಂಗಾರುಮಳೆಯ ಆದಿನಗಳನ್ನು ಜ್ಞಾಪಿಸಿಕೊಂಡು ಗಣೇಶ್ ಜೊತೆಗಿನ ತರಲೆ ದಿನಗಳನ್ನು ಮೆಲುಕುಹಾಕಿದರು. ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಸಂಗೀತ ಸಂಯೋಜನೆ ಮಾಡಿರುವ  ಗೋಲ್ಡನ್ ಗ್ಯಾಂಗ್ ಶೀರ್ಷಿಕೆ ಗೀತೆಗೆ ವಿಜಯ್ ಪ್ರಕಾಶ್ ಅವರು ಧ್ವನಿಯಾಗಿದ್ದರೆ ಭಟ್ಟರು ಸಾಹಿತ್ಯ ರಚಿಸಿದ್ದಾರೆ. ಇದೀಗ ಈ ಫ್ರೆಂಡ್ಸ್ ಆಂಥೆಮ್ ಹಾಡು ಬಿಡುಗಡೆಯಾಗಿದ್ದು ಭಾರೀ ಮೆಚ್ಚುಗೆಗಳಿಸುತ್ತಿದೆ.

ಇದನ್ನು ಓದಿ: ಪ್ರೇಕ್ಷಕರಿಗೆ 10 ಕೋಟಿ ರೂ. ವಾಪಸ್​ ಕೊಡ್ಬೇಕು ಪ್ರೊಡ್ಯೂಸರ್​: ಹಿಂಗಾದ್ರೆ... ಮುಂದೆ ಹೆಂಗೆ ಸ್ವಾಮಿ!

ಸ್ನೇಹಿತರಿಗೋಸ್ಕರವೇ ಹೊಸ ರಿಯಾಲಿಟಿ ಶೋ!

ಹಿರಿತೆರೆ , ಕಿರುತೆರೆ , ರಾಜಕೀಯ , ಕ್ರೀಡಾವಲಯ ಹೀಗೆ ವಿವಿಧ ಕ್ಷೇತ್ರಗಳ ಸಾಧಕರು ಅವರ ಸ್ನೇಹಿತರುಗಳು ಈ ಕಾರ್ಯಕ್ರಮದ ಭಾಗವಾಗಲಿದ್ದಾರೆ ಅಷ್ಟೇ ಅಲ್ಲದೆ ವೀಕ್ಷಕರಿಗೆ ತಮ್ಮ ಬಾಲ್ಯ , ಯೌವ್ವನದ ದಿನಗಳನ್ನು , ತಾವಾಡಿದ ಆಟ - ತುಂಟಾಟಗಳನ್ನು ನೆನಪಿಸಲಿದೆ ಎನ್ನುತ್ತಿದೆ ಜೀ ಕನ್ನಡ ನಮ್ಮೆಲ್ಲರ " ಗೋಲ್ಡನ್ ಗ್ಯಾಂಗ್ " ಗಳ ಜೊತೆಗೆ ಕಾರ್ಯಕ್ರಮ ನೋಡೋಣ ಸ್ನೇಹವನ್ನು ಸಂಭ್ರಮಿಸೋಣ.ಗೋಲ್ಡನ್ ಸ್ಟಾರ್‌ ಗಣೇಶ್‌ಗೆ ಕಿರುತೆರೆ ಹೊಸದೇನಲ್ಲಾ. ಇಲ್ಲಿಂದಲೇ ಗಣೇಶ್ ವೃತ್ತಿ ಜೀವನ ಆರಂಭ ಆಗಿತ್ತು. ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾಗಲೂ ಆಗಾಗ ಕಿರು ತೆರೆಯಲ್ಲಿ ರಿಯಾಲಿಟಿ ಶೋ ಮೂಲಕ ಜನರ ರಂಜಿಸಿದ್ದಾರೆ.


ಇದನ್ನು ಓದಿ : A.R. Rahman​ ಪುತ್ರಿ ನಿಶ್ಚಿತಾರ್ಥ, ಶೀಘ್ರದಲ್ಲೇ ರಿಯಾಸ್ದೀನ್​ ಶೇಖ್​ ಮೊಹಮ್ಮದ್​​ ​ಜೊತೆ ಖತೀಜಾ ಶಾದಿ!

ಹಳೆ ನೆನಪುಗಳನ್ನು ಮೆಲುಕು ಹಾಕುವ ಶೋ!

ಜೀ ಕನ್ನಡದಲ್ಲಿ ಹೊಸ ರಿಯಾಲಿಟಿ ಶೋ ಆರಂಭವಾಗಿದೆ. ಗೋಲ್ಡನ್ ಸ್ಟಾರ್ ಗಣೇಶ್ ಈ ಶೋ ನಿರೂಪಣೆ ಮಾಡಲಿದ್ದು, ಸಖತ್ ಥ್ರಿಲ್ಲಿಂಗ್ ಆಗಿರುತ್ತೆ. ಯಾಕಂದ್ರೆ, ಹಳೆ ನೆನಪುಗಳನ್ನು ಮೆಲುಕು ಹಾಕುವ ಶೋ.. ಹಾಗಂತ ಟಾಕ್ ಶೋ ಅಲ್ಲ, ಇದೊಂದು ಪಕ್ಕಾ ಗೇಮ್ ಶೋ. ಜೀ ಕನ್ನಡ ಜೊತೆ ಹೊಸ ಸಂಬಂಧವನ್ನು ಸಂಭ್ರಮಿಸಲು ಸಜ್ಜಾಗಿರುವ ಗೋಲ್ಡನ್ ಸ್ಟಾರ್ 'ಗೋಲ್ಡನ್ ಗ್ಯಾಂಗ್ ' ಎಂಬ ಅಪರೂಪದ ಕಾರ್ಯಕ್ರಮದ ಮೂಲಕ ಕರ್ನಾಟಕದ ಜನತೆಯನ್ನು ಹೊಸ ಲೋಕಕ್ಕೆ ಕರೆದೊಯ್ಯಲಿದೆ. 'ಗೋಲ್ಡನ್ ಗ್ಯಾಂಗ್' ರಿಯಾಲಿಟಿ ಶೋನಲ್ಲಿ ಬಾಲ್ಯದಲ್ಲಿದ್ದ ಚಡ್ಡಿ ಗ್ಯಾಂಗ್ , ತರ್ಲೆ ಗ್ಯಾಂಗ್ , ಪೋಲಿ ಗ್ಯಾಂಗ್ ಪರಿಚಯಿಸುವ ವಿನೂತನ ಶೋ. ಬಳಿಕ ಕಾಲೇಜಿಗೆ ಹೋದಾಗ ಬಂಕ್ ಗ್ಯಾಂಗ್ , ಲಾಸ್ಟ್ ಬೆಂಚ್ ಗ್ಯಾಂಗ್ ಒಂದೆರಡು ಗ್ಯಾಂಗ್‌ಗಳಲ್ಲ. ಈ ಎಲ್ಲಾ ಗ್ಯಾಂಗ್‌ಗಳನ್ನು ಒಂದೇ ವೇದಿಕೆ ಮೇಲೆ ಸೇರಿಸಿ, ಮಸ್ತ್ ಆಗಿರುವ ಆಟಗಳನ್ನು ಆಡಿಸುತ್ತಾ, ಅವರ ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕುವ ವಿನೂತನ ಶೋ ಗೋಲ್ಡನ್ ಗ್ಯಾಂಗ್.