Rathnan Prapancha ಚಿತ್ರದಲ್ಲಿ ನಾಯಕಿಯಾಗೋ ಅವಕಾಶ ಮಿಸ್​ ಮಾಡಿದ ರಮ್ಯಾ

ಸಿನಿಮಾಗಳಿಂದ ದೂರ ಉಳಿದಿರುವ ರಮ್ಯಾ ಈ ಹಿಂದೆಯೇ ಇನ್ನು ಮುಂದೆ ಬಣ್ಣದ ಲೋಕಕ್ಕೆ ಕಾಲಿಡುವುದಿಲ್ಲ ಎಂದು ಹೇಳಿದ್ದಾರೆ. ಸಿನಿಮಾ ತನ್ನ ಜೀವನದಲ್ಲಿ ಮುಗಿದ ಅಧ್ಯಾಯ ಎಂದು ಹೇಳಿದ್ದರು. ಸಿನಿಮಾಗೆ ಬರಬಾರದು ಅಂತ ನಿರ್ಧರಿಸಿಕೊಂಡಿರುವ ನಟಿಗೆ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿತ್ತಂತೆ.

ರತ್ನನ್​ ಪ್ರಪಂಚ ಸಿನಿಮಾ ನೋಡಿದ ನಟಿ ರಮ್ಯಾ

ರತ್ನನ್​ ಪ್ರಪಂಚ ಸಿನಿಮಾ ನೋಡಿದ ನಟಿ ರಮ್ಯಾ

  • Share this:
ರೋಹಿತ್ ಪದಕಿ ನಿರ್ದೇಶನದಲ್ಲಿ ಡಾಲಿ ಧನಂಜಯ್​  (Dhananjaya) ನಟಿಸಿರುವ ರತ್ನನ್​ ಪ್ರಪಂಚ (Rathnan Prapancha) ಸಿನಿಮಾ ಒಟಿಟಿ ಮೂಲಕ ರಿಲೀಸ್​ ಆಗಿದೆ. ಅಮೆಜಾನ್ ಪ್ರೈಂನಲ್ಲಿ ಪ್ರದರ್ಶನ ಕಾಣುತ್ತಿರುವ ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗತ್ತಿದೆ. ಧನಂಜಯ ಜತೆ ಉಮಾಶ್ರೀ, ಶ್ರುತಿ, ಪ್ರಮೋದ್​, ಅನು ಪ್ರಭಾಕರ್​, ರೆಬಾ ಮೋನಿಕಾ ಸಹ ಈ ಚಿತ್ರದಲ್ಲಿದ್ದಾರೆ. ಈ ಸಿನಿಮಾ ನೋಡಿದ ಸೆಲೆಬ್ರಿಟಿಗಳು ಚಿತ್ರದ ಬಗ್ಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಪುನೀತ್​ ರಾಜ್​ಕುಮಾರ್​, ಎಸ್​.ನಾರಾಯಣ್​ ಸೇರಿದಂತೆ ಸಾಕಷ್ಟು ಮಂದಿ ಈ ಸಿನಿಮಾ ನೋಡಿದ ಸಾಕಷ್ಟು ಮಂದಿ ತಮ್ಮ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ. ಹೀಗಿರುವಾಗಲೇ ನಟಿ ರಮ್ಯಾ ಸಹ ಈ ಸಿನಿಮಾ ನೋಡಿದ್ದಾರೆ. ಜೊತೆಗೆ ಈ ಸಿನಿಮಾ ಕುರಿತಾದ ಆಸಕ್ತಿಕರ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. 

ಸಿನಿಮಾಗಳಿಂದ ದೂರ ಉಳಿದಿರುವ ರಮ್ಯಾ ಈ ಹಿಂದೆಯೇ ಇನ್ನು ಮುಂದೆ ಬಣ್ಣದ ಲೋಕಕ್ಕೆ ಕಾಲಿಡುವುದಿಲ್ಲ ಎಂದು ಹೇಳಿದ್ದಾರೆ. ಸಿನಿಮಾ ತನ್ನ ಜೀವನದಲ್ಲಿ ಮುಗಿದ ಅಧ್ಯಾಯ ಎಂದು ಹೇಳಿದ್ದರು. ಸಿನಿಮಾಗೆ ಬರಬಾರದು ಅಂತ ನಿರ್ಧರಿಸಿಕೊಂಡಿರುವ ನಟಿಗೆ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿತ್ತಂತೆ.










View this post on Instagram






A post shared by Karthik Gowda (@karthik_krg)






ಹೌದು, ರತ್ನನ್​ ಪ್ರಪಂಚ ಸಿನಿಮಾದಲ್ಲಿ ಧನಂಜಯ್​ ಅವರ ನಾಯಕಿ ಪಾತ್ರಕ್ಕೆ ರಮ್ಯಾ ಅವರನ್ನು ಮೊದಲು ಸಂಪರ್ಕಿಸಲಾಗಿತ್ತಂತೆ. ಹೀಗೆಂದು ಖುದ್ದು ರಮ್ಯಾ ಹೇಳಿದ್ದಾರೆ. ಮೊದಲು ನಾಯಕಿ ಪಾತ್ರಕ್ಕೆ ನನನ್ನ ಸಂಪರ್ಕಿಸಲಾಗಿತ್ತು. ಈಗ ನಾನು ಸಿನಿಮಾ ವೀಕ್ಷಿಸುತ್ತಿದ್ದೇನೆ. ಏನು ಮಿಸ್​ ಮಾಡಿಕೊಂಡೆ ಅಂತ ನೋಡೋಕೆ ಸಿನಿಮಾ ನೋಡುತ್ತಿದ್ದೇನೆ ಎಂದು ಇನ್​ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಇದನ್ನೂ ಓದಿ: ಡಾಲಿ ಧನಂಜಯ ಅಭಿನಯದ Rathnan Prapancha ಸಿನಿಮಾ ಒಟಿಟಿಯಲ್ಲಿ ರಿಲೀಸ್​: ದಿನಾಂಕ ಪ್ರಕಟಿಸಿದ ಚಿತ್ರತಂಡ

ಸಿನಿಮಾ ನೋಡಿದ ನಂತರ ಮತ್ತೊಂದು ಸ್ಟೋರಿ ಹಂಚಿಕೊಂಡಿರುವ ನಟಿ ಸಿನಿಮಾದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಚಿತ್ರ ತುಂಬಾ ಸ್ವೀಟ್​ ಆಗಿದೆ. ಧನಂಜಯ್​, ಶ್ರುತಿ, ಉಮಾಶ್ರೀ, ನಾಯಕಿ ರೆಬಾ ಮೋನಿಕಾ, ಅನು ಪ್ರಭಾಕರ್​ ಸೇರಿದಂತೆ ಎಲ್ಲ ಕಲಾವಿದರು ಚೆನ್ನಾಗಿ ನಟಿಸಿದ್ದಾರೆ. ರೆಬಾ ನಟನೆ ತುಂಬಾ ಚೆನ್ನಾಗಿದೆ. ನಾನು ಇಷ್ಟು ಚೆನ್ನಾಗಿ ಅಭಿನಯಿಸಲು ಆಗುತ್ತಿತ್ತೋ ಇಲ್ಲವೋ ಎಂದು ಬರದುಕೊಂಡಿದ್ದಾರೆ ರಮ್ಯಾ. ಜೊತೆಗೆ ನಿರ್ಮಾಪಕರು ಹಾಗೂ ನಿರ್ದೇಶಕರ ಬಗ್ಗೆಯೂ ಒಳ್ಳೆಯ ಮಾತುಗಳನ್ನು ಆಡಿದ್ದಾರೆ. ಈ ಸಿನಿಮಾವನ್ನು ನೋಡುವ ಮುನ್ನ ಟಿಶ್ಯೂ ಪೇಪರ್​ ಅನ್ನು ಮೊದಲೇ ತೆಗೆದುಕೊಂಡಿರಿ. ಕೊನೆಯಲ್ಲಿ ಮನಸಾರೆ ಕಣ್ನೀರಿಟ್ಟು ಹಗುರವಾಗಿ ಅಂತಲೂ ಹೇಳಿದ್ದಾರೆ.

First Ramya was approached by Rathnan Prapancha team to play female lead in the movie ae
ನಟಿ ದಿವ್ಯಾ ಸ್ಪಂದನ ಮಾಡಿರುವ ಇನ್​ಸ್ಟಾ ಸ್ಟೋರೀಸ್​ ಸ್ಕ್ರೀನ್ ಶಾಟ್​


ಸಿನಿಮಾ ಹಾಗೂ ರಾಜಕೀಯದಲ್ಲಿ ಸಕ್ರಿಯವಾಗಿದ್ದ ರಮ್ಯಾ ಅವರು ಚಂದನವನದಲ್ಲಿ ಮೋಹತಾರೆ ಎಂದು ಕರೆಸಿಕೊಳ್ಳುತ್ತಾರೆ. ಕನ್ನಡದ ಪ್ರತಿಭಾನ್ವಿತ ನಟಿ. ಸಾಕಷ್ಟು ಹಿಟ್​ ಸಿನಿಮಾಗಳನ್ನು ಕೊಟ್ಟಿರುವ ಈ ನಟಿ 2003ರಲ್ಲಿ ತೆರೆಕಂಡ ಅಭಿ ಸಿನಿಮಾದ ಮೂಲಕ ಸಿನಿರಂಗಕ್ಕೆ ಕಾಲಿಟ್ಟರು. ಕನ್ನಡದಲ್ಲಿ ಸ್ಟಾರ್​ ನಟರ ಜೊತೆ ತೆರೆ ಹಂಚಿಕೊಂಡು ಯಶ್ಸಿನ ಉತ್ತುಂಗದಲ್ಲಿರುವಾಗಲೇ ರಾಜಕೀಯಕ್ಕೆ ಪಾದಾರ್ಪಣೆ ಮಾಡಿದರು.

ಇದನ್ನೂ ಓದಿ: Sandalwood: ಸಿನಿರಂಗದಲ್ಲಿ ಯಶಸ್ಸಿನ ಉತ್ತುಂಗದಲ್ಲಿರುವಾಗಲೇ ಸಿನಿಮಾಗಳಿಂದ ದೂರ ಉಳಿದ ಸ್ಟಾರ್​ಗಳು..!

ಮಂಡ್ಯ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿಯಾಗಿ ಸ್ಪರ್ಧಿ ಜಯಗಳಿಸಿದರು. ಆಗ ಅವರು ಕೆಲವೇ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದರು. ನಂತರ ಕಾಂಗ್ರೆಸ್​ ಪಕ್ಷದ ಸೋಶಿಯಲ್ ಮೀಡಿಯಾ ವಿಂಗ್​ನ ಮುಖ್ಯಸ್ಥೆಯಾಗಿ ಕಾರ್ಯನಿರ್ವಹಿಸಿದರು. ಆದರೆ, ಈಗ ಸಿನಿಮಾ ಹಾಗೂ ರಾಜಕೀಯ ಎರಡರಿಂದಲೂ ಅಂತರ ಕಾಯ್ದುಕೊಂಡಿದ್ದಾರೆ. ಒಮ್ಮೆ ಅವರನ್ನು ಅಭಿಮಾನಿಗಳು ಸಿನಿಮಾಗೆ ರೀ-ಎಂಟ್ರಿ ಯಾವಾಗ ಎಂದು ಪ್ರಶ್ನಿಸಿದ್ದಕ್ಕೆ ಅದು ಮುಗಿದು ಹೋದ ಅಧ್ಯಾಯ ಎಂದಿದ್ದರು. ಆದರೆ, ಈಗಲೂ ರಮ್ಯಾ ಅವರನ್ನು ತೆರೆ ಮೇಲೆ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ.
Published by:Anitha E
First published: