Annatha First Look| ಸೂಪರ್​ ಸ್ಟಾರ್ ರಜಿನಿ ಅಭಿನಯದ ಅಣ್ಣಾತ್ತ ಚಿತ್ರದ ಫಸ್ಟ್​ ಲುಕ್ ರಿಲೀಸ್!

ಶಿವ ನಿರ್ದೇಶನದಲ್ಲಿ ಬಿಡುಗಡೆಯಾದ ವೀರಂ, ವಿಶ್ವಾಸಂ ಚಿತ್ರಗಳಂತೆಯೇ ಅಣ್ಣಾತ್ತ ಚಿತ್ರವೂ ಸಹ ದೊಡ್ಡ ಕುಟುಂಬದ ಹಿನ್ನೆಲೆಯಲ್ಲಿ ನಡೆಯುವ ಕಥೆಯನ್ನು ಹೊಂದಿರಲಿದೆ ಎನ್ನಲಾಗುತ್ತಿದೆ. ಅಣ್ಣ-ತಂಗಿಯ ಪ್ರೀತಿ ಚಿತ್ರದ ಪ್ರಮುಖ ಎಳೆ.

ಅಣ್ಣಾತ್ತ ಚಿತ್ರದ ಫಸ್ಟ್ ಲುಕ್.

ಅಣ್ಣಾತ್ತ ಚಿತ್ರದ ಫಸ್ಟ್ ಲುಕ್.

  • Share this:
    ಕಳೆದ ವರ್ಷ ಮುರುಗದಾಸ್​ ನಿರ್ದೇಶನದ ದರ್ಬಾರ್​ ಚಿತ್ರದ ನಂತರ ಸೂಪರ್​ ಸ್ಟಾರ್​ ರಜಿನಿಕಾಂತ್​ (Super Star Rajinikanth) ಚಿರುಥೈ ಶಿವ (Director Shiva) ನಿರ್ದೇಶನದ ಅಣ್ಣಾತ್ತ (Annaatthe) ಚಿತ್ರದಲ್ಲಿ ತೊಡಗಿಕೊಂಡಿದ್ದರು. ಹೈದ್ರಾಬಾದ್​ನಲ್ಲಿ ನಡೆಯುತ್ತಿರುವ ಈ ಶೂಟಿಂಗ್​ಗೆ ಕೊರೋನಾ (CoronaVirus) ನಿರಂತರ ಕಾಟ ನೀಡುತ್ತಿತ್ತು. ಈ ನಡುವೆ ಲಾಕ್​ಡೌನ್ ಚಿತ್ರ ತಂಡವನ್ನು ಸಂಕಷ್ಟಕ್ಕೂ ಈಡುಮಾಡಿತ್ತು. ಆದರೆ, ಈ ಎಲ್ಲಾ ಸಮಸ್ಯೆಗಳನ್ನೂ ಮೀರಿ ಸೂಪರ್​ಸ್ಟಾರ್​ ಅಭಿನಯದ ಅಣ್ಣಾತ್ತ ಚಿತ್ರ ತೆರೆಗೆ ಬರಲು ಸಿದ್ದವಾಗಿದೆ. ಚಿತ್ರದ ಬಹುತೇಕ ಕೆಲಸಗಳು ಮುಕ್ತಾಯವಾಗಿದ್ದು, ಮುಂದಿನ ದೀಪಾವಳಿಗೆ ಚಿತ್ರ ತೆರೆಗೆ ಬರುವುದು ಖಚಿತವಾಗಿದೆ. ಈ ನಡುವೆ ಇಂದು "ಅಣ್ಣಾತ್ತ" ಚಿತ್ರದ ಫಸ್ಟ್​ ಲುಕ್ ಬಿಡುಗಡೆಯಾಗಿದ್ದು, ಕುತೂಹಲಕ್ಕೆ ಕಾರಣವಾಗಿದೆ. ಅಲ್ಲದೆ ಈ ಚಿತ್ರದಲ್ಲಿನ ರಜಿನಿಯ ಲುಲ್​ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ ಎನ್ನಲಾಗುತ್ತಿದೆ.



    ಈ ಚಿತ್ರದಲ್ಲಿ ರಜಿನಿಗೆ ಜೋಡಿಯಾಗಿ ನಯನತಾರಾ ನಟಿಸುತ್ತಿದ್ದರೆ, ರಾಷ್ಟ್ರಪ್ರಶಸ್ತಿ ವಿಜೇತೆ ಕೀರ್ತಿ ಸುರೇಶ್ ರಜಿನಿಯ ತಂಗಿಯಾಗಿ ಅಭಿನಯಿಸುತ್ತಿದ್ದಾರೆ. ಇವರಿಗೆ ಸಂಬಂಧಿಸಿದ ಪ್ರಮುಖ ಕಥಾ ಪಾತ್ರಗಳಲ್ಲಿ ನಟಿ ರಾಜಕಾರಣಿ ಕುಷ್ಭೂ ಸುಂದರ್, ಮೀನಾ, ಪ್ರಕಾಶ್​ ರಾಜ್, ಲಿವಿಂಗ್​ಸ್ಟನ್, ಜಾರ್ಜ್ ಮರಿಯನ್, ಸತೀಶ್ ಮತ್ಉ ಸೂರಿ ನಟಿಸಿದ್ದಾರೆ. ಅಣ್ಣತ್ತ ಚಿತ್ರದಲ್ಲಿ ಖಳನಾಯಕನಾಗಿ ತೆಲುಗಿನ ಜಗಪತಿಬಾಬು ನಟಿಸಿದ್ದರೆ, ಡಿ. ಇಮಾನ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ಈ ಚಿತ್ರದ ಚಿತ್ರೀಕರಣವನ್ನು ಹೈದರಾಬಾದ್, ಚೆನ್ನೈ, ಲಕ್ನೋ ಮತ್ತು ಕೊಲ್ಕತ್ತಾದಲ್ಲಿ ನಡೆಸಲಾಗಿದೆ.

    ಶಿವ ನಿರ್ದೇಶನದಲ್ಲಿ ಬಿಡುಗಡೆಯಾದ ವೀರಂ, ವಿಶ್ವಾಸಂ ಚಿತ್ರಗಳಂತೆಯೇ ಅಣ್ಣಾತ್ತ ಚಿತ್ರವೂ ಸಹ ದೊಡ್ಡ ಕುಟುಂಬದ ಹಿನ್ನೆಲೆಯಲ್ಲಿ ನಡೆಯುವ ಕಥೆಯನ್ನು ಹೊಂದಿರಲಿದೆ ಎನ್ನಲಾಗುತ್ತಿದೆ. ಅಣ್ಣ-ತಂಗಿಯ ಪ್ರೀತಿ ಚಿತ್ರದ ಪ್ರಮುಖ ಎಳೆ. ಚಿತ್ರದ ತಾಂತ್ರಿಕ ಕೆಲಸವಷ್ಟೇ ಬಾಕಿ ಇದ್ದು, ನವೆಂಬರ್​ 4ಕ್ಕೆ ಚಿತ್ರವನ್ನು ಬಿಡುಗಡೆ ಮಾಡಲಾಗುವುದು ಎಂದು ಚಿತ್ರತಂಡ ಈಗಾಗಲೇ ಘೋಷಿಸಿದೆ.

    ಇದನ್ನೂ ಓದಿ: India's Strongest Playing XI| ಭಾರತದ 11ರ ಬಳಗವೇ ವಿಶ್ವದ ಶ್ರೇಷ್ಠ ಟಿ20 ಪಡೆ; ತಜ್ಞರ ಈ ಅಭಿಪ್ರಾಯಕ್ಕೆ ಕಾರಣವೇನು?

    ಇತ್ತೀಚಿನ ಗಣೇಶ ಚತುರ್ಥಿಯನ್ನು ಮುಂದಿಟ್ಟುಕೊಂಡು ಅಣ್ಣಾತ್ತ ಚಿತ್ರದ ಫರ್ಸ್ಟ್ ಲುಕ್ ಪೋಸ್ಟರ್ ಮತ್ತು ಮೋಶನ್ ಪೋಸ್ಟರ್ ಅನ್ನು ಇಂದು ಪ್ರಕಟಿಸಲಾಗಿದೆ. ಅದರ ಪ್ರಕಾರ, ಬೆಳಿಗ್ಗೆ 11 ಗಂಟೆಗೆ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಯಾಯಿತು.
    Published by:MAshok Kumar
    First published: