FIR on Vicky Kaushal: ಸಾರಾ ಜೊತೆ ಗಲ್ಲಿ ಗಲ್ಲಿ ಸುತ್ತಿದ್ದ ವಿಕ್ಕಿ ಕೌಶಲ್​: ಯಾರದ್ದೋ ತಪ್ಪಿಗೆ.. ನಟನ ವಿರುದ್ಧ ದಾಖಲಾಯ್ತು ಎಫ್​ಐಆರ್​!

ವಿಕ್ಕಿ ಕೌಶಲ್(Vicky Kaushal) ಇತ್ತೀಚೆಗೆ ಕತ್ರಿನಾ ಕೈಫ್(Katrina Kaif)​ ಜತೆ ಮದುವೆಯಾಗಿ ಆರಾಮಾಗಿದ್ದಾರೆ. ಕತ್ರಿನಾ ಕೈಫ್​ ಕೂಡ ಆರಾಮಾಗಿ ಶೂಟಿಂಗ್​ನಲ್ಲಿ ಭಾಗವಹಿಸುತ್ತಿದ್ದಾರೆ. ವಿಕ್ಕಿ ಕೌಶಲ್​ ಕೂಡ ಸಿನಿಮಾ ಶೂಟಿಂಗ್​(Shooting)ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಆದರೆ, ಅವರ ಮೇಲೆ ಎಫ್​ಐಆರ್(FIR)​ ದಾಖಲಾಗಿದೆ. ಅರೇ ಇದೆನಪ್ಪಾ.. ಮದುವೆಯಾಗಿ ಜುಮ್​ ಅಂತ ಇರಬೇಕಿದ್ದವರು, ಹೀಗೆ ಸುಮ್ಮನೆ ಕೇಸ್​-ಗೀಸ್ ಅಂತ ಅಲೆಯೋ ಹಾಗೇ ಆಯ್ತಲ್ಲಾ ಅಂತ ಇದ್ದೀರಾ..ಹೌದು, ಏನು ಮಾಡುವುದಕ್ಕೆ ಆಗಲ್ಲ. ಯಾರದ್ದೋ ತಪ್ಪಿಗೆ ಇದೀಗ ​ವಿಕ್ಕಿ ಕೌಶಲ್​ ಮೇಲೆ ಕೇಸ್​ ದಾಖಲಾಗಿದೆ. ತಮ್ಮ ಪಾಡಿಗೆ ಶೂಟಿಂಗ್​ನಲ್ಲಿ ಭಾಗವಹಿಸಿದ್ದಕ್ಕೆ ವಿಕ್ಕಿ ವಿರುದ್ಧ ದೂರು ದಾಖಲಾಗಿದೆ. ನಿರ್ದೇಶಕ(Director)ರು ಹೇಳಿದ್ದನ್ನು ಮಾಡಿದ್ದಕ್ಕೆ ಕೇಸ್​ ದಾಖಲಾಗಿದೆ. ಸಾರಾ ಜೊತೆ ಬೈಕ್​(Bike) ಹತ್ತಿ ಗಲ್ಲಿ ಗಲ್ಲಿ ಸುತ್ತಿದ್ದಕ್ಕೆ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಾಗಿದೆ. ಇಂದೋರ್(Indoor)​ನಲ್ಲಿ ವಿಕ್ಕಿ ಕೌಶಲ್​ ಅಕ್ರಮವಾಗಿ ತಮ್ಮ ನಂಬರ್ ಪ್ಲೇಟ್(Number Plate) ನಕಲಿಸಿದ್ದಾರೆ ಎಂದು ವ್ಯಕ್ತಿಯೋರ್ವರು ಪೊಲೀಸ್ ಕಂಪ್ಲೇಂಟ್ ನೀಡಿದ್ದಾರೆ. ಮೋಟಾರ್ ಸೈಕಲ್ ಆಕ್ಟ್​​(Motor Cycle Act) ಅನ್ವಯ ಪ್ರಕರಣ ದಾಖಲಿಸಲಾಗಿದ್ದು, ತನಿಖೆ ನಡೆಸಲಾಗುವುದು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ಶೂಟಿಂಗ್​ನಲ್ಲಿ ಬೈಕ್​ ಓಡಿಸಿದ್ದಕ್ಕೆ ಎಫ್​ಐಆರ್​!

ವಿಕ್ಕಿ ಕೌಶಲ್ ಇಂದೋರ್​ನ ಗಲ್ಲಿಗಳಲ್ಲಿ ಸಹ ನಟಿ ಸಾರಾ ಅಲಿ ಖಾನ್ ಜತೆ ಬೈಕ್​ನಲ್ಲಿ ಸುತ್ತಾಡಿದ್ದರು. ಇದು ಚಿತ್ರೀಕರಣದ ಉದ್ದೇಶದಿಂದ ಮಾಡಿದ್ದಾಗಿತ್ತು. ಇದೇ ವೇಳೆ ಚಿತ್ರತಂಡ ಮಾಡಿದ ಎಡವಟ್ಟಿಗೆ ಈಗ ವಿಕ್ಕ ಕೌಶಲ್​ ತಲೆದಂಡವಾಗಿದೆ. ವಿಕ್ಕಿ-ಕೌಶಲ್​ ಹಾಗೂ ನಟಿ ಸಾರಾ ಅಲಿ ಖಾನ್​ ಸಿನಿಮಾದ ಶೂಟಿಂಗ್​ನಲ್ಲಿ ಭಾಗವಹಿಸಿದ್ದರು. ಇದೇ ವೇಳೆ ಬೈಕ್​​ ಚಲಾಯಿಸುವ ದೃಶ್ಯವಿತ್ತು. ಬೈಕ್​ ಓಡಿಸಿಕೊಂಡು ವಿಕ್ಕಿ ಕೌಶಲ್​ ಸಾರಾ ಅಲಿ ಖಾನ್​ ಅವರ ಜೊತೆ ಮಾತನಾಡಿಕೊಂಡು ತೆರಳುವ ಸೀನ್​ ಅದು. ಈ ದೃಶ್ಯ ಶೂಟಿಂಗ್​ ಫೋಟೋಗಳು ಸಖತ್​ ವೈರಲ್​ ಕೂಡ ಆಗಿತ್ತು. ಆದರೆ, ಜೈಸಿಂಗ್​ ಯಾದವ್​ ಎಂಬಾತ ಪೊಲೀಸರಿಗೆ ದೂರು ನೀಡಿದ್ದಾನೆ.

ಇದನ್ನು ಓದಿ: ಇದು ಸಿನಿಮಾ ಮಂದಿಯ ಫೆವರೇಟ್​ ಸ್ಪಾಟ್​: ಶೂಟಿಂಗ್​​ಗಂತೂ ಮಸ್ತ್​​​​​ ಲೊಕೇಶನ್!

ಗಾಡಿ ನಂಬರ್​ ಫೋರ್ಜರಿ ಮಾಡಿದ್ದಾರೆ ಅಂತ ದೂರು!

ವಿಕ್ಕಿ ಕೌಶಲ್ ಹಾಗೂ ಸಾರಾ ಅಲಿ ಖಾನ್ ಸಂಚರಿಸುತ್ತಿದ್ದ ಗಾಡಿಯ ನಂಬರ್ ಪ್ಲೇಟ್ ತಮ್ಮ ಗಾಡಿಯದ್ದಾಗಿದೆ ಎಂದು ದೂರುದಾರ ಜೈ ಸಿಂಗ್ ಯಾದವ್ ಹೇಳಿದ್ದಾರೆ. ಚಿತ್ರತಂಡಕ್ಕೆ ಈ ಕುರಿತು ಅರಿವಿದೆಯೋ ಇಲ್ಲವೋ ಗೊತ್ತಿಲ್ಲ. ಆದರೆ ಮತ್ತೊಬ್ಬರ ನಂಬರ್ ಪ್ಲೇಟ್​ ಅನ್ನು ಅನುಮತಿಯಿಲ್ಲದೇ ಅಕ್ರಮವಾಗಿ ಬಳಸುವುದು ತಪ್ಪು ಎಂದು ಯಾದವ್ ಹೇಳಿದ್ದಾರೆ. ಅಲ್ಲದೇ ಈ ಕುರಿತು ಅವರು ಪೂರಕ ದಾಖಲೆಗಳನ್ನೂ ಒದಗಿಸಿದ್ದಾರೆ.ಈ ಕುರಿತು ಪೊಲೀಸರು ಪ್ರತಿಕ್ರಿಯಿಸಿದ್ದು, ದೂರು ದಾಖಲಾಗಿದ್ದನ್ನು ಖಚಿತಪಡಿಸಿದ್ದಾರೆ. ಈ ಕುರಿತು ಮೊಟಾರ್ ಸೈಕಲ್ ಕಾಯ್ದೆಯ ಅನ್ವಯ ತನಿಖೆ ಮಾಡಲಾಗುವುದು. ಚಿತ್ರತಂಡ ಇಂದೋರ್​ನಲ್ಲಿಯೇ ಇದ್ದರೆ ಅವರನ್ನು ಸಂಪರ್ಕಿಸಿ ವಿಚಾರಣೆ ನಡೆಸಲಾಗುವುದು ಎಂದು ಹೇಳಿದ್ದಾರೆ.

Vehicle number used in the movie sequence is mine; don't know if the film unit is aware of it...This is illegal, can't use my number plate without permission. I have given a memorandum at the station. Action should be taken in the matter: Complainant Jai Singh Yadav (1.1.22) pic.twitter.com/CkpZBVUndu

— ANI (@ANI) January 1, 2022

ಇದನ್ನು ಓದಿ : ಗುಡ್​ ನ್ಯೂಸ್​ ಕೊಟ್ಟ ಸಂಜನಾ ಗಲ್ರಾನಿ: ಮೊದಲ ಮಗುವಿನ ನಿರೀಕ್ಷೆಯಲ್ಲಿ `ಗಂಡ-ಹೆಂಡತಿ’!

ತನ್ನದಲ್ಲ ತಪ್ಪಿಗೆ ವಿಕ್ಕಿ ಕೌಶಲ್​ಗೂ ಸಂಕಷ್ಟ!

ವಿಕ್ಕಿ ಕೌಶಲ್​ ಮದುವೆಯಾದ ಬಳಿಕ ಈ ಸಿನಿಮಾದ ಶೂಟಿಂಗ್​ನಲ್ಲಿ ಭಾಗವಹಿಸಿದ್ದರು. ಇದೀಗ ತಾನು ಮಾಡದ ತಪ್ಪಿಗೆ ಇದೀಗ ಶಿಕ್ಷೆ ಅನುಭವಿಸುತ್ತಿದ್ದಾರೆ. ಚಿತ್ರತಂಡದ ತಪ್ಪಿಗೆ ವಿಕ್ಕಿ ಮೇಲೆ ಕೇಸ್​ ದಾಖಲಾಗಿದೆ. ಯಾರೋ ತಂದು ಕೊಟ್ಟ ಬೈಕ್​ ಓಡಿಸಿ ಪೇಚಿಗೆ ಸಿಲುಕಿದ್ದಾರೆ. ಇನ್ನೂ  ಈ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗುತ್ತಿದೆ. ಈ ಬಗ್ಗೆ ಪರ, ವಿರೋಧದ ಬಗ್ಗೆ ಚರ್ಚೆ ಮಾಡಲಾಗುತ್ತಿದೆ.