ಇಂದು ಬಿಡುಗಡೆಯಾದ 'ಆ್ಯಕ್ಸಿಡೆಂಟಲ್ ಪ್ರೈಮಿನಿಸ್ಟರ್' ಸಿನಿಮಾ ವಿರುದ್ಧ ಕಾಂಗ್ರೆಸ್​ ನಾಯಕರ ಆಕ್ರೋಶ

“ಮನಮೋಹನ್​ ಸಿಂಗ್​ ಓರ್ವ ದುರ್ಬಲ ಪ್ರಧಾನಿಯಾಗಿದ್ದರು ಎಂಬುದನ್ನು ವರ್ಣಿಸಲು ಈ ಚಿತ್ರ ಮಾಡಲಾಗಿದೆ”- ಇದು ‘ಆ್ಯಕ್ಸಿಡೆಂಟಲ್​ ಪ್ರೈಮಿನಿಸ್ಟರ್​’ ಚಿತ್ರವನ್ನು ನೋಡಿದ ಕೆಲವರ ಅಭಿಪ್ರಾಯ. ಈ ಬಗ್ಗೆ ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಚಿತ್ರಕ್ಕೆ ಕಾಂಗ್ರೆಸ್​ ನಾಯಕರಿಂದ ವಿರೋಧ ವ್ಯಕ್ತವಾಗಿದೆ.

ಈ ಬಗ್ಗೆ ಮಾತನಾಡಿರುವ ಕಾಂಗ್ರೆಸ್​ ವಕ್ತಾರ ರಣ್​ದೀಪ್​ ಸುರ್ಜೆವಾಲಾ, “2019ರ ಲೋಕಸಭಾ ಚುನಾವಣೆಯನ್ನು ಗಮನದಲ್ಲಿಟ್ಟುಕೊಂಡು ‘ಆ್ಯಕ್ಸಿಡೆಂಟಲ್​ ಪ್ರೈಮಿನಿಸ್ಟರ್​’ ಚಿತ್ರವನ್ನು ಮಾಡಲಾಗಿದೆ. ಈ ಸಿನಿಮಾ ಮೂಲಕ ಜನರಿಗೆ ತಪ್ಪು ಮಾಹಿತಿ ರಾನೆಯಾಗುತ್ತಿದೆ” ಎಂದಿದ್ದಾರೆ.

ಈ ಚಿತ್ರ ಸಂಪೂರ್ಣವಾಗಿ ಮಾಜಿ ಪ್ರಧಾನಿ ಮನಮೋಹನ್​ ಸಿಂಗ್​ ಜೀವನದ ಬಗ್ಗೆ ಇದೆ. ಆದಾಗ್ಯೂ ಈ ಬಗ್ಗೆ ಸಿಂಗ್​ ಯಾವುದೇ ಹೇಳಿಕೆ ನೀಡಿಲ್ಲ. ಈ ವಿಚಾರದಲ್ಲಿ ಮನಮೋಹನ್​ ಸಿಂಗ್​ ಅಂತರ ಕಾಯ್ದುಕೊಂಡಿದ್ದಾರೆ. ನಿನ್ನೆ ಅನುಪಮ್​ ಖೇರ್​ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ವಿಡಿಯೋ ಕೂಡ ಈಗ ವೈರಲ್​ ಆಗಿದೆ.

#TheAccidentalPrimeMinister releases tomorrow. I had recorded this video in England on the 18th of April, 2018. It has been a long, difficult but a sincere cinematic journey. Great learning experience. Both, as an actor & as a person. Hope you will like my effort. Thank you.🙏 pic.twitter.com/I2kGtMk39S

— Anupam Kher (@AnupamPKher) January 10, 2019

ಇನ್ನು ಬಿಹಾರ ನ್ಯಾಯಾಲಯ ನಟ ಅನುಪಮ್​ ಖೇರ್​ ಸೇರಿ 13 ಮಂದಿ ವಿರುದ್ಧ ಎಫ್​ಐಆರ್​ ದಾಖಲು ಮಾಡುವಂತೆ ಆದೇಶ ನೀಡಿದೆ. ಇದು, ಚಿತ್ರಕ್ಕೆ ಮುಳುವಾಗಿ ಪರಿಣಮಿನಿಸಿದೆ.

ಸದ್ಯ ಈ ಚಿತ್ರ ರಾಜಕೀಯ ವಲಯದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ. ವಿಜಯ್​ ರತ್ನಾಕರ್​ ಗುಟ್ಲೆ ಈ ಚಿತ್ರವನ್ನು  ನಿರ್ದೇಶನ ಮಾಡಿದ್ದಾರೆ. ಸಂಜಯ್​ ಬಾರು ಬರೆದ 'ಆ್ಯಕ್ಸಿಡೆಂಟಲ್​ ಪ್ರೈಮಿನಿಸ್ಟರ್​' ಪುಸ್ತಕ ಆಧರಿಸಿ ಈ ಸಿನಿಮಾ ಮಾಡಲಾಗಿದೆ. ಈ ಚಿತ್ರದಲ್ಲಿ ಅನುಪಮ್​ ಖೇರ್​, ಅಕ್ಷಯ್​ ಖನ್ನಾ ಮೊದಲಾದವರು ಬಣ್ಣ ಹಚ್ಚಿದ್ದಾರೆ.

ಇದನ್ನೂ ಓದಿ: 'ಆ್ಯಕ್ಸಿಡೆಂಟಲ್ ಪ್ರೈಮಿನಿಸ್ಟರ್' ಚಿತ್ರಕ್ಕೆ ಕಂಟಕ; ತಂಡದ ವಿರುದ್ಧ ಎಫ್​ಐಆರ್​ ದಾಖಲಿಸಲು ಕೋರ್ಟ್​ ಆದೇಶ!