ಕೆಜಿಎಫ್ 2 ಟ್ರೇಲರ್ ಲಾಂಚ್!; ಅಭಿಮಾನಿಗಳು ಸಿದ್ಧಪಡಿಸಿ ಬಿಡುಗಡೆ ಮಾಡಿದ ಟ್ರೇಲರ್ ಲಕ್ಷ ವೀಕ್ಷಣೆ

Fans Made KGF Chapter 2 Trailer: ಕೆಜಿಎಫ್-2​ ಸಿನಿಮಾದ  ಅಪ್ಡೇಟ್​​ಗಾಗಿ ಕಾಯುತ್ತಿದ್ದ ಅಭಿಮಾನಿಗಳು ಇದೀಗ ಕೆಜಿಎಫ್​ -2 ಫ್ಯಾನ್​ ಮೇಡ್​ ಟ್ರೇಲರ್ ಸಿದ್ಧಪಡಿಸಿ​ ಯ್ಯೂಟೂಬ್​ನಲ್ಲಿ ಬಿಟ್ಟಿದ್ದಾರೆ. ಮಾತ್ರವಲ್ಲದೆ, ಈ ಟ್ರೇಲರ್​  ಲಕ್ಷ  ವೀಕ್ಷಣೆಯನ್ನು ಕಂಡಿದೆ.

KGF 2

KGF 2

  • Share this:
    ಭಾರತೀಯ ಚಿತ್ರರಂಗದ ಬಹುನಿರೀಕ್ಷೆಯ ಸಿನಿಮಾ ಕೆಜಿಎಫ್​​. ಈಗಾಗಲೇ ರಾಕಿ ಭಾಯ್​ ಯಶ್​ ನಟನೆಯ ಕೆಜಿಎಫ್ ಚಾಪ್ಟರ್​​2 ​​ ಸಿನಿಮಾದ ಬಗ್ಗೆ ದೊಡ್ಡ ಹೈಫ್​ ಕ್ರಿಯೇಟ್​ ಆಗಿದೆ. ನಿರ್ದೇಶಕ ಪ್ರಶಾಂತ್​ ನೀಲ್​ ಅಂದುಕೊಂಡಂತೆ ಆದರೆ ಅಕ್ಟೋಬರ್​ ತಿಂಗಳಿನಲ್ಲಿ ಈ ಸಿನಿಮಾ ತೆರೆ ಮೇಲೆ ಬರಲಿದೆ.

    ಅಭಿಮಾನಿಗಳಂತೂ ಕೆಜಿಎಫ್​ ಸಿನಿಮಾದ ಬಗ್ಗೆ ದೊಡ್ಡ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಪ್ರತಿ ದಿನ ಕೆಜಿಎಫ್​ ಕುರಿತಾಗಿ ಏನಾದರು ಅಪ್ಡೇಟ್​ ಬರಬಹುದೆ ಎಂದು ಕಾದು ಕುಳಿತಿದ್ದಾರೆ. ಆದರೆ ಇತ್ತೀಚೆಗೆ ಪ್ರಶಾಂತ್​ ನೀಲ್​ ಕೆಜಿಎಫ್​ ಚಾಪ್ಟರ್​- 1 ಸಿನಿಮಾ ತೆಲುಗಿನ ಸ್ಟಾರ್​ ಮಾ ವಾಹಿನಿ ರೈಟ್ಸ್​ ತೆಗೆದುಕೊಂಡು ಮೊದಲ ಬಾರಿಗೆ ಪ್ರಸಾರ ಮಾಡುತ್ತಿದೆ ಎಂಬ ವಿಚಾರವನ್ನು ಹೇಳಿದ್ದರು. ಆದರೆ ಚಾಪ್ಟರ್​ 2 ಬಗ್ಗೆ ಯಾವುದೇ ಅಪ್ಡೇಟ್​ ನೀಡಿರಲಿಲ್ಲ.

    ಕೆಜಿಎಫ್-2​ ಸಿನಿಮಾದ  ಅಪ್ಡೇಟ್​​ಗಾಗಿ ಕಾಯುತ್ತಿದ್ದ ಅಭಿಮಾನಿಗಳು ಇದೀಗ ಕೆಜಿಎಫ್​ -2 ಫ್ಯಾನ್​ ಮೇಡ್​ ಟ್ರೇಲರ್ ಸಿದ್ಧಪಡಿಸಿ​ ಯ್ಯೂಟೂಬ್​ನಲ್ಲಿ ಬಿಟ್ಟಿದ್ದಾರೆ. ಮಾತ್ರವಲ್ಲದೆ, ಈ ಟ್ರೇಲರ್​  ಲಕ್ಷ  ವೀಕ್ಷಣೆ ಕಂಡಿದೆ.



    ರಾಕಿಂಗ್​ ಸ್ಟಾರ್​ ಯಶ್​ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ. ಕೆಜಿಎಫ್ ಸಿನಿಮಾದಲ್ಲಿ ರಾಕಿ ಭಾಯ್​ ಲುಕ್​ ನೋಡಿದ ನಂತರ ಬೇರೆ ರಾಜ್ಯದ ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿದ್ದಾರೆ. ಹಾಗಾಗಿ ಅಭಿಮಾನಿಗಳು ತನ್ನ ನೆಚ್ಚಿನ ನಟನ ಕೆಜಿಎಫ್​ ಸಿನಿಮಾದ ಟ್ರೇಲರ್​ ಸಿದ್ಧಪಡಿಸಿ  ಬಿಡುಗಡೆ ಮಾಡಿದ್ದಾರೆ. ಕೆಜಿಎಫ್​ ಚಾಪ್ಟರ್​ 1 ಮತ್ತು ಟ್ರೇಲರ್ ಮತ್ತು​ ಹಾಡಿನ ಕೆಲವು ತುಣುಕುಗಳನ್ನು ತೆಗೆದುಕೊಂಡು ಈ ಟ್ರೇಲರ್​ ಸಿದ್ಧಪಡಿಸಿದ್ದಾರೆ.

    ರಾಕಿ ಭಾಯ್​ ಕೆಜಿಎಫ್ ಚಾಪ್ಟರ್-​ 2​ ಸಿನಿಮಾದ ಮೂಲಕ ತೆರೆ ಮೇಲೆ ಮತ್ತೆ ಧೂಳೆಬ್ಬಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಏಕೆಂದರೆ ಈ ಬಾರಿ ಬಾಲಿವುಡ್​ ನಟ ಸಂಜಯ್​ ದತ್​, ನಟಿ ರವೀನಾ ಟಂಡನ್​ ಕೂಡ ನಟಿಸಿದ್ದಾರೆ. ಹಾಗಾಗಿ ಅಕ್ಟೋಬರ್​ನಲ್ಲಿ ಈ ಸಿನಿಮಾ ತೆರೆ ಮೇಲೆ ಬಂದು ಹೊಸ ದಾಖಲೆಯನ್ನು ಬರೆಯುವ ಎಲ್ಲ ಲಕ್ಷಣಗಳು ಕಾಣುತ್ತಿದೆ. ಜೊತೆಗೆ ಕೆಜಿಎಫ್​ ಚಾಪ್ಟರ್​ 1 ದಾಖಲೆಯನ್ನು ಧೂಳಿಪಟ ಮಾಡಲಿದೆ.

    Virat Kohli: ನೀರುದೋಸೆ ಸವಿದ ವಿರಾಟ್ ಕೊಹ್ಲಿ: ಇದರ ಹಿಂದಿದೆ ಕುಡ್ಲದ ನಂಟು

    Jio Prepaid Plan: ಜುಲೈ ತಿಂಗಳಲ್ಲಿ ಅಳವಡಿಸಬಹುದಾದ ಬೆಸ್ಟ್​​ ಪ್ರಿಪೇಯ್ಡ್​​ ಪ್ಲಾನ್​ಗಳು
    Published by:Harshith AS
    First published: