ತೆರೆ ಮೇಲೆ ಒಂದಾಗಲಿದ್ದಾರೆ ಕಾಲಿವುಡ್​ ಸೂರ್ಯ, ಮಾಲಿವುಡ್​ ಫಾಹದ್​ ಫಾಸಿಲ್​!

ಕಾಲಿವುಡ್​ ಖ್ಯಾತ ನಟ ಸೂರ್ಯ ಮತ್ತು ಮಾಲಿವುಡ್​ ಖ್ಯಾತ ನಟ ಫಾಹದ್​ ಫಾಸಿಲ್​ ಒಂದೇ ಸ್ಕ್ರೀನ್​ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಹಾಗಂತ ಕಾಲಿವುಡ್​ ಸಿನಿಮಾರಂಗದಲ್ಲಿ ಸುದ್ದಿಯೊಂದು ಹರಿದಾಡಿದೆ. ವೆಬ್​ ಸಿರೀಸ್​ನಲ್ಲಿ ಇವರಿಬ್ಬರು ಒಟ್ಟಿಗೆ ನಟಿಸುತ್ತಿದ್ದಾರೆ ಎಂಬ ಸುದ್ದಿಯಂತೂ ಅಭಿಮಾನಿಗಳು ಸಂತೋಷಕ್ಕೆ ಇನ್ನಷ್ಟು ಕಾರಣವಾಗಿದೆ.

ಇತ್ತೀಚೆಗೆ ಖ್ಯಾತ ನಿರ್ದೇಶಕ ಮಣಿರತ್ನಂ ಅವರು ‘ನವರಸ’ ಟೈಟಲ್​ನಲ್ಲಿ ವೆಬ್​ ಸಿರೀಸ್​​ ನಿರ್ಮಾಣ ಮಾಡುತ್ತಿದ್ದೇನೆ ಎಂದು ಹೇಳಿಕೊಂಡಿದ್ದರು. ಹಾಗಾಗಿ ಈ ವೆಬ್​ ಸಿರೀಸ್​ನಲ್ಲಿ ಸೂರ್ಯ ಹಾಗೂ ಫಾಹದ್​ ಫಾಸಿಲ್​ ಒಟ್ಟಿಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

ಅಂದಹಾಗೆಯೇ, ‘ನವರಸ’ ಶಿರ್ಷಿಕೆಯ ವೆಬ್​ ಸಿರೀಸ್​ನಲ್ಲಿ ಒಂಭತ್ತು ಎಪಿಸೋಡ್​ಗಳಿರಲಿದ್ದು, ಒಂದೊಂದು ಎಪಿಸೋಡ್​ ಅನ್ನು ಒಬ್ಬೊಬ್ಬ ನಿರ್ದೇಶಕರು ನಿರ್ದೇಶನ ಮಾಡಲಿದ್ದಾರೆ. ಹಾಗಾಗಿ ಒಟ್ಟು 9 ನಿರ್ದೇಶಕರಿಂದ ‘ನವರಸ’ ವೆಬ್​ ಸಿರೀಸ್​ ಮೂಡಿ ಬರಲಿದೆ. ಸುಧಾ ಕೊಂಗಾರಾ, ಜಯೇಂದ್ರ, ಗೌತಮ್​​ ಮೆನನ್​​, ಬಿಜೋಯ್​​ ನಂಬಿಯಾರ್​, ಕಾರ್ತಿಕ್​ ನರೇನ್​​, ಕೆ.ವಿ ಆನಂದ್​​ ನಿರ್ದೇಶನ ಮಾಡಲಿದ್ದಾರೆ.

ಇನ್ನು ನಟ ವಿಜಯ್​ ಸೇತುಪತಿ ಕೂಡ ನಟಿಸಲಿದ್ದಾರಂತೆ ಅವರ ಜೊತೆಗೆ ಅರವಿಂದ್​ ಸ್ವಾಮಿ ಮತ್ತು ಸಿದ್ಧಾರ್ಥ್​ ಕೂಡ ‘ನವರಸ’ ವೆಬ್​​ ಸಿರೀಸ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾತುಗಳು ಕೇಳಿಬಂದಿದೆ.

ಅಳಿಯನನ್ನೇ ಮದುವೆಯಾದ ಅತ್ತೆಯ ಜೀವನದಲ್ಲಿ ಈಗ ಹೊಸ ಟ್ವಿಸ್ಟ್​; ಏನದು?; ಈ ಸ್ಟೋರಿ ಓದಿ

ಫಾಹದ್​ ಫಾಸಿಲ್​ ನಟನೆಯ ಟ್ರಾನ್ಸ್​​  ಸಿನಿಮಾ ಈ ವರ್ಷ ತೆರೆಕಂಡಿತ್ತು. ಮಾಲಿವುಡ್​ನಲ್ಲಿ ಈ ಸಿನಿಮಾ ದೊಡ್ಡ ಹಿಟ್ ​ಕೊಟ್ಟಿದೆ. ಸದ್ಯ ಫಾಹದ್​ ಫಾಸಿಲ್​​ ಮಾಲಿಕ್​​, ತಂಕಮ್​ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ನಟ ಸೂರ್ಯ ಸುರರೈ ಪೊಟ್ರು, ರೋಕೆಟ್ರಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಕೊರೋನಾ ಅವಾಂತರ ಕಡಿಮೆಯಾದಂತೆ ಈ ಸಿನಿಮಾಗಳು ತೆರೆ ಮೇಲೆ ಬರಲಿದೆ.