Durgamati Trailer: ಅನುಷ್ಕಾ ಶೆಟ್ಟಿಯನ್ನು ತೆರೆ ಮೇಲೆ ಭೂಮಿ ಪೆಡ್ನೆಕರ್​ ಮ್ಯಾಚ್​ ಮಾಡಲು ಸಾಧ್ಯವೇ ಇಲ್ಲ ಎಂದ ಫ್ಯಾನ್ಸ್​..!

ಟಾಲಿವುಡ್​ ಸ್ವೀಟಿ ಹಾಗೂ ಕರಾವಳಿ ಸುಂದರಿ ಅನುಷ್ಕಾ ಶೆಟ್ಟಿ ಪಾತ್ರಗಳಿಗೆ ತಕ್ಕಂತೆ ತಮ್ಮ ಅಭಿನಯವನ್ನೂ ಬದಲಾಯಿಸಿಕೊಳ್ಳುವ ಪ್ರತಿಭಾವಂತ ಕಲಾವಿದೆ. ಅನುಷ್ಕಾ ಶೆಟ್ಟಿ ಅಭಿನಯದ ಹಲವಾರು ಸಿನಿಮಾಗಳು ಸ್ಟಾರ್​ ನಟನಿಲ್ಲದಿದ್ದರೂ ಬಾಕ್ಸಾಫಿಸ್​ನಲ್ಲಿ ಧೂಳೆಬ್ಬಿಸುತ್ತವೆ. ಇದಕ್ಕೆ ಉದಾಹರಣೆ ಅವರ ಅಭಿನಯದ ಅರುಂಧತಿ, ಭಾಗಮತಿ ಹಾಗೂ ಇತರೆ ಚಿತ್ರಗಳು. ಅನುಷ್ಕಾ ಶೆಟ್ಟಿ ಬಾಹುಬಲಿ ಚಿತ್ರದ ನಂತರ ಅಭಿನಯಿಸಿದ ಸಿನಿಮಾ ಭಾಗಮತಿ. ಟಾಲಿವುಡ್​ನಲ್ಲಿ ರಿಲೀಸ್​ ಆಗಿ ಸಖತ್ ಸದ್ದು ಮಾಡಿದ್ದ ಸಿನಿಮಾ, ಈಗ ಬಾಲಿವುಡ್​ನಲ್ಲಿ ರಿಮೇಕ್​ ಆಗುತ್ತಿದೆ.  ಚಿತ್ರದ ಹಿಂದಿ ರಿಮೇಕ್​ಗೆ ದುರ್ಗಮತಿ ಎಂದು ಟೈಟಲ್​ ಇಡಲಾಗಿದೆ. ಈ ಸಿನಿಮಾದಲ್ಲಿ ಭೂಮಿ ಪೆಡ್ನೆಕರ್​ ಅನುಷ್ಕಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ದುರ್ಗಮತಿ ಚಿತ್ರದ ಟ್ರೇಲರ್​ ರಿಲೀಸ್​ ಆಗಿದೆ. ಅಕ್ಷಯ್​ ಕುಮಾರ್​, ಭೂಷಣ್​ ಕುಮಾರ್​, ಕ್ರಿಷನ್​ಕುಮಾರ್ ಹಾಗೂ ವಿಕ್ರಮ್​  ಮಲ್ಹೋತ್ರ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಭಾಗಮತಿಯ ನಿರ್ದೇಶಕ ಅಶೋಕ್​ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ.

ಭೂಮಿ ಪೆಡ್ನೆಕರ್​ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ದುರ್ಗಮತಿ ಸಿನಿಮಾದ ಟ್ರೇಲರ್​ ರಿಲೀಸ್​ ಆಗಿದೆ. ಈ ಸಿನಿಮಾ ಹಿಂದಿ ಪ್ರೇಕ್ಷಕರಿಗೆ ಹೊಸದು. ಆದರೆ ಹಿಂದಿ ಸಿನಿಮಗಳನ್ನು ನೋಡುವ ದಕ್ಷಿಣ ಭಾರತೀಯರಿಗೆ ಮಾತ್ರ ಇದು ರಿಮೇಕ್​ ಅಷ್ಟೆ. ಈ ಸಿನಿಮಾದ ಟ್ರೇಲರ್​ ಬಿಡುಗಡೆಯಾಗುತ್ತಿದ್ದಂತೆಯೇ ಅನುಷ್ಕಾ ಶೆಟ್ಟಿ ಅಭಿಮಾನಿಗಳು ಭೂಮಿ ಅವರ ಅಭಿನಯದ ಬಗ್ಗೆ ವಿಮರ್ಶೆ ಮಾಡಲಾರಂಭಿಸಿದ್ದಾರೆ.

ಅನುಷ್ಕಾ ಶೆಟ್ಟಿ ಅಭಿನಯದ ಭಾಗಮತಿ ಸಿನಿಮಾದ ರಿಮೇಕ್​ನಲ್ಲಿ ಭೂಮಿ ಪೆಡ್ನೆಕರ್ ಯಾವುದೇ ಕಾರಣಕ್ಕೂ ಸ್ವೀಟಿಯನ್ನು ಮ್ಯಾಚ್​ ಮಾಡಲು ಸಾಧ್ಯವಿಲ್ಲ ಎನ್ನುತ್ತಿದ್ದಾರೆ. ಅನುಷ್ಕಾ ಅಭಿನಯಿಸಿರುವ ಪವರ್​ಫುಲ್ ಪಾತ್ರಕ್ಕೆ ಭೂಮಿ ಪೆಡ್ನೆಕರ್​ ಸರಿ ಹೊಂದುತ್ತಿಲ್ಲ ಎಂದು ನೆಟ್ಟಿಗರು ಟ್ವೀಟ್​ ಮಾಡುತ್ತಿದ್ದಾರೆ.

No one can beat our Queen!! Crappy Bollywood remakes don't stand a chance. History has proven how many legendary South Indian movies were destroyed by B'wood. #AnushkaShetty pic.twitter.com/RLHRbhuJLE

— Sensational Sweety (@km_raj05) November 25, 2020

#BhumiPednekar
Sorry to say this, you may be a good actor but you can't match the screen presence of our #LadySuperstar #AnushkaShetty . This scene has a seperate fan base. @MsAnushkaShetty was just 🔥🔥🔥.
Anyways, all the best. pic.twitter.com/ChkpIdIHop

— srikarnakkina (@srikarnakkina1) November 25, 2020

Try ur level best but u cant match her acting skills in #bhagamathie #AnushkaShetty #BhumiPednekar #DurgamatiOnPrime pic.twitter.com/fhHMSvEMqV

— Rohithsaitampara 😥 (@Rohithsaitampa1) November 25, 2020

ಕೆಲವರಂತೂ ಭೂಮಿ ಒಳ್ಳೆಯ ನಟಿ ಇರಬಹುದು. ಆದರೆ ಈ ಸಿನಿಮಾದಲ್ಲಿ ಅನುಷ್ಕಾ ಅಭಿನಯಿಸುವ ಪಾತ್ರಕ್ಕೆ ಸರಿ ಹೊಂದುವುದಿಲ್ಲ. ಅನುಷ್ಕಾರ ಅಭಿನಯಕ್ಕೆ ಭೂಮಿ ಅವರ ನಟನೆಯನ್ನು ಹೋಲಿಕೆ ಮಾಡಲು ಸಾಧ್ಯವೇ ಇಲ್ಲ ಎನ್ನುತ್ತಿದ್ದಾರೆ. ತೆಲುಗಿನಲ್ಲಿ 2018ರಲ್ಲಿ ಭಾಗಮತಿ ರಿಲೀಸ್ ಆಗಿತ್ತು.

ಇದನ್ನೂ ಓದಿ: ಫ್ಯಾಂಟಮ್​ ಸಿನಿಮಾದ ಕ್ಲೈಮ್ಯಾಕ್ಸ್​​ಗಾಗಿ ರಾಕ್​ ಸಾಲಿಡ್​ ಬಾಡಿ ಬಿಲ್ಡ್​ ಮಾಡಿದ ಕಿಚ್ಚ ಸುದೀಪ್​..!

ಅಮೆಜಾನ್​ ಪ್ರೈಂಗಾಗಿ ಮಾಡಿರುವ ಈ ದುರ್ಗಮತಿ ಡಿ. 11ಕ್ಕೆ ಒಟಿಟಿ ಮೂಲಕ ರಿಲೀಸ್ ಆಗಲಿದೆ. ಈ ಚಿತ್ರದಲ್ಲಿ ಅರ್ಷದ್ ವಾರ್ಸಿ, ಜಿಶ್ಶು ಸೇನ್​ಗುಪ್ತ, ಮಾಹಿ ಗಿಲ್​ ಸೇರಿದಂತೆ ಇತರರು ನಟಿಸಿದ್ದಾರೆ.