Chiranjeevi Sarja: ಚಿರು ಸರ್ಜಾರ ನೆನಪಲ್ಲಿ ಬಿಡುಗಡೆಯಾಗಿದೆ 'ದೊಡ್ಡೋರು' ರೆಫರೆನ್ಸ್​ ಟ್ರೇಲರ್​..!

Chiranjeevi Sarja: 'ದೊಡ್ಡೋರು' ಸಿನಿಮಾದ ಕತೆ ಸಿದ್ಧವಾಗಿತ್ತು. ಚಿತ್ರಕ್ಕೆ ಹಣ ಹೂಡುವ ನಿರ್ಮಾಪಕರಿಗಾಗಿ ಹುಡುಕಾಟ ಮುಂದುವರೆದಿತ್ತು. ಈ ಹಿಂದೆ ಆರ್ ಎಸ್ ಪ್ರೊಡಕ್ಷನ್​ ಶ್ರೀನಿವಾಸ್​ ಅವರೊಂದಿಗೆ ಜೊತೆ ಒಂದು ಸುತ್ತಿನ ಮಾತುಕತೆ ನಡೆದಿತ್ತು. ಆದರೆ ಅದು ಫಲಕಾರಿಯಾಗಲಿಲ್ಲ. ನಂತರ ಬೇರೆ ಬೇರೆ ನಿರ್ಮಾಪಕರ ಬಳಿ ಈ ವಿಷಯದ ಬಗ್ಗೆ ಪ್ರಸ್ತಾಪಿಸಲಾಗಿತ್ತಾದರೂ ಅದಕ್ಕೆ ಕಾಲ ಕೂಡಿ ಬಂದಿರಲಿಲ್ಲ. 

ದೊಡ್ಡೋರು ಟ್ರೇಲರ್​ ಚಿರು ಸರ್ಜಾ ಅವರಿಗೆ ಸಮರ್ಪಣೆ

ದೊಡ್ಡೋರು ಟ್ರೇಲರ್​ ಚಿರು ಸರ್ಜಾ ಅವರಿಗೆ ಸಮರ್ಪಣೆ

  • Share this:
ನಟ ಚಿರಂಜೀವಿ ಸರ್ಜಾ ಇನ್ನು ನೆನಪು ಮಾತ್ರ. ಚಿರಂಜೀವಿ ಎಂದು ಹೆಸರಿಟ್ಟುಕೊಂಡು ಚಿಕ್ಕವಯಸ್ಸಿನಲ್ಲೇ ಜೀವನದ ಪಯಣ ಮುಗಿಸಿದ ನಟನ ಅಗಲಿಕೆಗೆ ಇಡೀ ಚಿತ್ರರಂಗವೇ ಕಂಬಿನಿ ಮಿಡಿಯುತ್ತಿದೆ.  

ಸ್ಯಾಂಡಲ್​ವುಡ್​ನಲ್ಲಿ ಹಲವಾರು ಸಿನಿಮಾಗಳನ್ನು ಮಾಡಿದ್ದ ಚಿರು ಸರ್ಜಾ ದೊಡ್ಡ ಕನಸುಗಳನ್ನೇ ಕಂಡಿದ್ದರಂತೆ. ಅವುಗಳಲ್ಲಿ 'ದೊಡ್ಡೋರು' ಸಿನಿಮಾ ಸಹ ಒಂದಾಗಿತ್ತು. ಬಿಗ್​ ಬಜೆಟ್​ನ ಈ ಸಿನಿಮಾ ಮಾಡಲು ಕಳೆದ ಐದು ವರ್ಷಗಳಿಂದ ಪ್ಲಾನ್​ ನಡೆದಿತ್ತು.

ಧ್ರುವ ಹಾಗೂ ಚಿರಂಜೀವಿ ಸರ್ಜಾ


'ದೊಡ್ಡೋರು' ಸಿನಿಮಾದ ಕತೆ ಸಿದ್ಧವಾಗಿತ್ತು. ಚಿತ್ರಕ್ಕೆ ಹಣ ಹೂಡುವ ನಿರ್ಮಾಪಕರಿಗಾಗಿ ಹುಡುಕಾಟ ಮುಂದುವರೆದಿತ್ತು. ಈ ಹಿಂದೆ ಆರ್ ಎಸ್ ಪ್ರೊಡಕ್ಷನ್​ ಶ್ರೀನಿವಾಸ್​ ಅವರೊಂದಿಗೆ ಜೊತೆ ಒಂದು ಸುತ್ತಿನ ಮಾತುಕತೆ ಸಹ ನಡೆದಿತ್ತು. ಆದರೆ ಅದು ಫಲಕಾರಿಯಾಗಲಿಲ್ಲ. ನಂತರ ಬೇರೆ ಬೇರೆ ನಿರ್ಮಾಪಕರ ಬಳಿ ಈ ವಿಷಯದ ಬಗ್ಗೆ ಪ್ರಸ್ತಾಪಿಸಲಾಗಿತ್ತಾದರೂ ಅದಕ್ಕೆ ಕಾಲ ಕೂಡಿ ಬಂದಿರಲಿಲ್ಲ.

ಧ್ರುವ, ಚಿರು ಹಾಗೂ ಮೇಘನಾ


ಚಿರಂಜೀವಿ ಸರ್ಜಾ ಅವರಿಗೆ 'ದೊಡ್ಡೋರು' ಚಿತ್ರದ ವಿಷಯ ಹಾಗೂ ಕತೆ ತುಂಬಾ ಇಷ್ಟವಾಗಿತ್ತಂತೆ. ಈ ಸಿನಿಮಾ ಮಾಡಿದರೆ, ಅವರ ವೃತ್ತಿ ಜೀವನಕ್ಕೆ ಒಂದು ತಿರುವು ಸಿಗುತ್ತೆ ಅಂತ ಚಿರು ಸದಾ ಹೇಳುತ್ತಿದ್ದರಂತೆ. ನಿರ್ದೇಶಕ ಹರಿ ಸಂತು ಹಾಗೂ ತಂಡ ಈ ಸಿನಿಮಾದ ರೆಫರಲ್​ ಟ್ರೇಲರ್​ ಬಿಡುಗಡೆ ಮಾಡಿದ್ದು, ಅದನ್ನು ಚಿರು ಸರ್ಜಾ ಅವರಿಗೆ ಸಮರ್ಪಿಸಿದ್ದಾರೆ.



5 ವರ್ಷದ ಹಿಂದೆ ಚಿರಂಜೀವಿ ಸರ್ಜಾರವರಿಗೆ ನಿರ್ದೇಶಕ ಹರಿ ಸಂತು ಹಾಗೂ ತಂಡ ಮಾಡಲು ಹೊರಟ್ಟಿದ್ದ ಸಿನಿನಮಾ ಇದಾಗಿದೆ. ಚಿರು ಅಗಲಿಕೆ ನೋವಿನಲ್ಲಿರುವ ಚಿತ್ರತಂಡ ಕನ್ನಡ ಪಿಚ್ಚರ್ ಯೂ ಟ್ಯೂಬ್ ಚಾನೆಲ್‌ ಮೂಲಕ ಟ್ರೇಲರ್​ ಬಿಡುಗಡೆ ಮಾಡಿದೆ.

ಇದನ್ನೂ ಓದಿ: ಚಿರಂಜೀವಿ ಸರ್ಜಾ ಜೊತೆಗಿನ ನೆನಪು ಮೆಲುಕು ಹಾಕಿದ ನಟಿ ರಮ್ಯಾ

ವಿಜ್ಜು ಸಂಗೀತ, ಹರಿ ಸಂತು, ಚೇತನ್ ಕುಮಾರ್ ಸಾಹಿತ್ಯದ ಟೈಟಲ್ ಹಾಡನ್ನು ಚಂದನ್​ ಶೆಟ್ಟಿ ಹಾಡಿದ್ದಾರೆ. ಈ ಹಾಡಿಗೆ ಚಿರು ಅವರ ಹಲವು ಚಿತ್ರಗಳ‌ ತುಣುಕುಗಳು ಹಾಗೂ ಇತರೆ ಆ ಜಾನರ್ ಚಿತ್ರಗಳ ತುಣುಕುಗಳನ್ನ ಆಯ್ಕೆ ಮಾಡಿಕೊಂಡು ಈ  ಟ್ರೇಲರ್​ ಮಾಡಲಾಗಿದೆ.

Chiranjeevi Sarja Funeral Chiru sarja had sleepover at his dream farmhouse
ಚಿರಂಜೀವಿ ಸರ್ಜಾ


ಟ್ರೇಲರ್ ಅನ್ನು ನಿರ್ಮಾಪಕರಿಗೆ ತೋರಿಸಲೆಂದು ಬಹಳ ಹಿಂದೆಯೇ ಮಾಡಿದ್ದು, ಚಿರು ಸಹ ಇದನ್ನು ನೋಡಿದ್ದರಂತೆ. ಆದರೆ ಈ ಸಿನಿಮಾ ಸೆಟ್ಟೇರಿ, ಚಿರು ಕನಸು ನನಸಾಗುವ ಮೊದಲೇ ಅವರು ನಮ್ಮೆಲ್ಲರನ್ನ ಅಗಲಿದ್ದಾರೆ.

 Sonam Kapoor: ಮುಂಬೈನಲ್ಲಿ ಕುಟುಂಬದೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡ ಸೋನಮ್​ ಕಪೂರ್​..!
First published: