KGF Chapter 2: ರಾಕಿ​ ಅಬ್ಬರದ ನಡುವೆ ದೊಡ್ಡದಾಗಿ ಸೌಂಡ್ ಮಾಡ್ತಿರೋ `ದೊಡ್ಡಮ್ಮ’! ಇದರ ಸ್ಪೆಷಾಲಿಟಿ ಏನ್​ ಅಂತ ಇಲ್ಲಿದೆ

ಯಾರು ಕಂಡಿರದ ರೀತಿಯಲ್ಲಿ ಕೆಜಿಎಫ್​ 2(KGF 2) ಸಿನಿಮಾ ಆರ್ಭಟಿಸುತ್ತಿದೆ. ಈ ಸಿನಿಮಾ ಸೃಷ್ಟಿ ಮಾಡಿರುವ ದಾಖಲೆ(Records) ಒಂದಾ? ಎರಡಾ? ಅಬ್ಬಬ್ಬಾ ಮೂರೇ ದಿನಕ್ಕೆ ಈ ಸಿನಿಮಾ ಇಷ್ಟು ಸೌಂಡ್​ ಮಾಡುತ್ತಿದೆ ಅಂದರೆ, ಇನ್ನೂ ಮುಂದಿನ ದಿನಗಳಲ್ಲಿ ಸಾವಿರ ಕೋಟಿ ಕಲೆಕ್ಷನ್​(1000 Crore Collection) ಮಾಡಿ ಕನ್ನಡ(Kannada) ಸಿನಿಮಾರಂಗದ ಇತಿಹಾಸದಲ್ಲೇ ನೂತನ ದಾಖಲೆ ಬರೆಯಲಿದೆ ಎಂದು ಸಿನಿ ಪಂಡಿತರು ಹೇಳುತ್ತಿದ್ದಾರೆ. ಇನ್ನೂ ಈ ಸಿನಿಮಾದಲ್ಲಿ ಹಲವಾರು ವಿಶೇಷತೆ ಇವೆ. ಒಂದಕ್ಕಿಂತ ಒಂದು ಸೀನ್​ ಅದ್ಭುತ. ಅದರಲ್ಲೂ ಕೆಜಿಎಫ್​ 2 ಸಿನಿಮಾ ಸೆಕೆಂಡ್ ಹಾಫ್​(KGF 2 Second Half)ನಲ್ಲಿ ಬರುವ ದೊಡ್ಡಮ್ಮ (Dodamma) ಮಾತ್ರ ದೊಡ್ಡದಾಗಿ ಸೌಂಡ್ ಮಾಡುತ್ತಿದೆ. ಸಿನಿಮಾ ನೋಡಿದರವರಿಗೆ ದೊಡ್ಡಮ್ಮ ಯಾರು? ಅದರ ಸಾಮರ್ಥ್ಯ ಏನು ಅಂತ ಗೊತ್ತಿದೆ. ಸಿನಿಮಾ ಇನ್ನೂ ನೋಡದೇ ಇರುವವರಿಗೆ ಈ ದೊಡ್ಡಮ್ಮ ಯಾರು ಅಂತ ಕನ್ಫೂಸ್​ ಆಗಬಹುದು.

ಪೊಲೀಸ್ ಠಾಣೆಯನ್ನೇ ಉಡೀಸ್​ ಮಾಡಿದ ‘ದೊಡ್ಡಮ್ಮ’!

ಹೌದು, ಸಿನಿಮಾದಲ್ಲಿ ರಾಕಿ ಭಾಯ್​ ಅಬ್ಬರದ ನಡುವೆ ದೊಡ್ಡಮ್ಮ ಸಖತ್ ಸೌಂಡ್ ಮಾಡುತ್ತಿದೆ. ಕೆಜಿಎಫ್​ 2 ಮೊದಲ ಟೀಸರ್​ನಲ್ಲೇ ದೊಡ್ಡಮ್ಮನ ದರ್ಶನವಾಗಿತ್ತು. ಹೌದು, ಸಿನಿಮಾದ ಸೆಕೆಂಡ್ ಹಾಫ್​ನಲ್ಲಿ ಪೊಲೀಸ್ ರೈಡ್ ಸಮಯದಲ್ಲಿ ರಾಕಿ ಭಾಯ್​ಗೆ ಸೇರಿದ ಒಂದು ಚಿನ್ನದ ಬಿಸ್ಕೆಟ್​ ಪೊಲೀಸರು ತಂದು ಠಾಣೆಯಲ್ಲಿ ಇರಿಸಿಕೊಂಡಿರುತ್ತಾರೆ. ಈ ವಿಚಾರ ತಿಳಿದ ಯಶ್​ ದೊಡ್ಡಮ್ಮ ಜೊತೆಗೆ ಬಂದು ಇಡೀ ಠಾಣೆಯನ್ನೇ ಉಡೀಸ್​ ಮಾಡಿ ತನ್ನ ಚಿನ್ನದ ಬಿಸ್ಕೆಟ್​ ತೆಗೆದುಕೊಂಡು ಹೋಗುತ್ತಾರೆ.

ದೊಡ್ಡಮ್ಮ ಅಂದರೆ M1919 ಮಿಷನ್​ ಗನ್​!

ಹೌದು ಟ್ರೈಲರ್​ ಸೇರಿದಂತೆ ಸಿನಿಮಾದಲ್ಲಿ ದೊಡ್ಡಮ್ಮ ಅಬ್ಬರ ಜೋರಾಗಿದೆ. ಯಶ್​ ಗನ್​ನಿಂದ ಸಿಗರೇಟ್​ ಹಚ್ಚುವ ದೃಶ್ಯ ಸಖತ್​ ವೈರಲ್​ ಆಗಿತ್ತು. ಈಗಲೂ ಆಗುತ್ತಿದೆ. ಈ ದೃಶ್ಯದಲ್ಲಿ ಮಿಷನ್​ ಗನ್​ ಬಳಸಿ ಠಾಣೆಯನ್ನೇ ಉಡೀಸ್​ ಮಾಡುತ್ತಾರೆ. ಈ ಗನ್​ ಹೆಸರೇ ದೊಡ್ಡಮ್ಮ. ಅಷ್ಟಕ್ಕೂ ಈ ದೊಡ್ಡಮ್ಮನ ನಿಜವಾದ ಹೆಸರು M1919. ಇದನ್ನು .30 ಕ್ಯಾಲ್ ಎಂದೂ ಕರೆಯುತ್ತಾರೆ. ಇದು ಮೆಷಿನ್ ಗನ್ ಆಗಿದ್ದು, ಇದನ್ನು ವರ್ಲ್ಡ್​ ವಾರ್​ 2ನಲ್ಲಿ ಬಳಸಲಾಗಿತ್ತು. ಕೊರಿಯನ್ ಯುದ್ಧ ಮತ್ತು ವಿಯೆಟ್ನಾಂ ಯುದ್ಧ ಸೇರಿದಂತೆ ಅನೇಕ ಯುದ್ಧಗಳಲ್ಲಿ ಬಳಸಲಾಯಿತು. ಇದನ್ನು ಜಾನ್ ಬ್ರೌನಿಂಗ್ ಎಂಬ ಎಂಜಿನಿಯರ್ 7.62 ಎಂಎಂ ಕ್ಯಾಲಿಬರ್‌ನಲ್ಲಿ ಅಭಿವೃದ್ಧಿಪಡಿಸಿದ್ದಾರೆ.

ಇದನ್ನೂ ಓದಿ:`ರಣ ಬೇಟೆಗಾರ’ ರಾಕಿ ಭಾಯ್​ ರಣಾರ್ಭಟ, ಕೆಜಿಎಫ್​ 2 ಹಿಟ್​ ಆಗಲು ಈ 5 ಶಕ್ತಿಗಳೇ ಕಾರಣ!

1919ರಲ್ಲಿ ಸಿದ್ಧವಾದ ‘ದೊಡ್ಡಮ್ಮ’

1919 ರಲ್ಲಿ ಈ ಕ್ರೂರ ಆಯುಧವನ್ನು ವಿನ್ಯಾಸಗೊಳಿಸಲಾಯಿತು.M1919 ಮೆಷಿನ್ ಗನ್ ನೀರಿನಿಂದ ತಂಪಾಗುತ್ತದೆ. ಏಕೆಂದರೆ ಸಂಪೂರ್ಣ ಸ್ವಯಂಚಾಲಿತ ಗನ್‌ನ ತ್ವರಿತ-ಗುಂಡು ಹಾರಿಸುವ ಪ್ರಕ್ರಿಯೆಯಲ್ಲಿ, ಘರ್ಷಣೆಯಿಂದಾಗಿ ಯಂತ್ರಗಳು ತುಂಬಾ ಬಿಸಿಯಾಗುತ್ತವೆ. ಅದು ಎಷ್ಟು ಬಿಸಿಯಾಗುತ್ತಿತ್ತು ಎಂದರೆ ಬಂದೂಕನ್ನು ಆಪರೇಟ್ ಮಾಡಲು ಯತ್ನಿಸುತ್ತಿದ್ದವರನ್ನು ಸುಟ್ಟು ಹಾಕುವಷ್ಟು ಶಕ್ತಿಯುತವಾಗಿತ್ತು. ಇದನ್ನೂ ಕೂಲ್​ ಮಾಡಲು.ವಿನ್ಯಾಸಕರು ಏರ್-ಕೂಲ್ಡ್ ವಿನ್ಯಾಸವನ್ನು ಆವಿಷ್ಕರಿಸಿದರು. ಗನ್​ ಯೂಸ್​ ಮಾಡಿದ ಬಳಿಕ ನೀರಿನಲ್ಲಿ ಹಾಕಿ ಕೂಲ್ ಮಾಡಲಾಗುತ್ತೆ.

ಇದನ್ನೂ ಓದಿ: KGF Chapter 2 ನೋಡಿ ಹಣ, ಸಮಯ ವ್ಯರ್ಥ ಎಂದ ನಟ; ಈತನಿಗೇಕೆ ಹೊಟ್ಟೆಕಿಚ್ಚು?

ಕೆಜಿಎಫ್​ 2 ಎರಡನೇ ದಿನದ ಕಲೆಕ್ಷನ್​ ಎಷ್ಟು?

ಮೊದಲ ದಿನ ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾವೊಂದು ದಾಖಲೆ ಗಳಿಕೆ ಮಾಡಿದ್ದು, ಎರಡನೇ ದಿನದ ಕಲೆಕ್ಷನ್ ಅನ್ನು ಎದುರು ನೋಡುವಂತೆ ಮಾಡುತ್ತಿದೆ. ಈ ಕಾರಣಕ್ಕೆ ಎರಡನೇ ದಿನವೂ ವಿಶ್ವದಾದ್ಯಂತ ಅದ್ಭುತ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಒಂದು ಅಂದಾಜಿನ ಪ್ರಕಾರ, ಎರಡೂ ದಿನದ ಗಳಿಕೆ ಸುಮಾರು 230 ಕೋಟಿ ಆಗಬಹುದು ಎಂದು ಅಂದಾಜಿಸಲಾಗಿದೆ.