Rajamouli: ತಾಳ್ಮೆ ಬಗ್ಗೆ ಮಾತನಾಡಿ ಅಭಿಮಾನಿಗಳನ್ನು ಕೆಣಕಿದ ನಿರ್ದೇಶಕ ರಾಜಮೌಳಿ..!

ಲಾಕ್​ಡೌನ್​ನಿಂದಾಗಿ ಮನೆಯಲ್ಲೇ ಲಾಕ್​ ಆಗಿದ್ದ ಸ್ಟಾರ್ ನಿರ್ದೇಶಕ ರಾಜಮೌಳಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಕೊಂಚ ಸಕ್ರಿಯವಾಗಿದ್ದರು. ಆಗಾಗ ಒಂದೊಂದು ಪೋಸ್ಟ್​ ಮಾಡುವ ನಿರ್ದೇಶಕ ಇತ್ತೀಚೆಗೆ ಮಾಡಿರುವ ಪೋಸ್ಟ್​ ಒಂದು ಅಭಿಮಾನಿಗಳನ್ನು ಕೆಣಕಿದೆ. 

'ಬಾಹುಬಲಿ' ನಂತರ ಎಸ್​.ಎಸ್​. ರಾಜಮೌಳಿ ನಿರ್ದೇಶನದ ಸಿನಿಮಾ 'ಆರ್​ಆರ್​ಆರ್​'. ಈ ಸಿನಿಮಾ ಆರಂಭವಾದಾಗಿನಿಂದ ಅಭಿಮಾನಿಗಳು ಚಿತ್ರದ ಅಪ್ಡೇಟ್​ಗಾಗಿ ಕಾಯುತ್ತಿದ್ದಾರೆ. ರಾಮ್​ಚರಣ್​ ಹುಟ್ಟುಹಬ್ಬದಂದು ಅವರ ಪಾತ್ರವನ್ನು ಪರಿಚಯಿಸುವ ಟೀಸರ್ ವಿಡಿಯೋ ಬಿಡುಗಡೆ ಮಾಡಲಾಗಿತ್ತು. ಆದರೆ ಲಾಕ್​ಡೌನ್​ನಿಂದಾಗಿ ಜೂ. ಎನ್​ಟಿಆರ್  ಅವರ ಫಸ್ಟ್​ಲುಕ್​ ಕುರಿತಾಗಿ ಯಾವುದೇ ಸುದ್ದಿ ಇಲ್ಲ.



ರಾಜಮೌಳಿ ತಮ್ಮ ಮನೆಯಲ್ಲಿ ಮುದ್ದಿನ ಸಾಕು ನಾಯಿ ಜೊತೆ ಇರುವ ಫೋಟೋಗಳ ಕೊಲಾಜ್ ಅನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ಚಿತ್ರಕ್ಕೆ ಶೀರ್ಷಿಕೆ ಕೊಟ್ಟಿದ್ದು, ಅದೇ ಈಗ ಜೂ.ಎನ್​ಟಿಆರ್ ಅಭಿಮಾನಿಗಳನ್ನು ಕೆಣಕಿದೆ.

 

View this post on Instagram

 

Need to learn patience from Siddha! He was lying down still for almost half an hour as I drew these circles around him...

A post shared by SS Rajamouli (@ssrajamouli) on Jun 2, 2020 at 12:57am PDT

ಈ ಸಿದ್ಧನಿಂದ ತಾಳ್ಮೆಯನ್ನು ಕಲಿಯಬೇಕು. ನಾನು ಅಂದಾಜು ಅರ್ಧಗಂಟೆ ಸಿದ್ಧನ ಸುತ್ತ ಗೆರೆ ಎಳೆಯುತ್ತಾ ಈ ವೃತ್ತಗಳನ್ನು ರಚಿಸುತ್ತಿದೆ. ಅಷ್ಟೂ ಹೊತ್ತು ತಾಳ್ಮೆಯಿಂದ ಮಲಗಿದ್ದ ಜಾಗದಲ್ಲೇ ಮಲಗಿದ್ದಾನೆ ಎಂದು ರಾಜಮೌಳಿ ಬರೆದುಕೊಂಡಿದ್ದಾರೆ.



ರಾಜಮೌಳಿ ಅವರೇ ನೀವು ತಾಳ್ಮೆ ಬಗ್ಗೆ ಮಾತನಾಡಬೇಡಿ. ಸಿನಿಮಾದ ಫಸ್ಟ್​ಲುಕ್​ ಪೋಸ್ಟರ್​ ನೋಡಲು ಬಹಳ ಸಮಯದಿಂದ ತಾಳ್ಮೆಯಿಂದ ಕಾಯುತ್ತಿದ್ದೇವೆ. ಈಗಲಾದರೂ ಎನ್​ಟಿಆರ್​ ಅವರ ಪೋಸ್ಟರ್ ಬಿಡುಗಡೆ ಮಾಡಿ ಎಂದು ಅಭಿಮಾನಿಗಳು ಗರಂ ಆಗಿದ್ದಾರೆ. ಮತ್ತೆ ಕೆಲವರು ರಾಜಮೌಳಿ ಅವರ ಪರವಾಗಿ ಕಮೆಂಟ್​ ಮಾಡುತ್ತಿದ್ದಾರೆ.

ಇದನ್ನೂ ಓದಿ: Puneeth Rajkumar: ಪುನೀತ್​ ಫಿಟ್ನೆಸ್​ ವಿಡಿಯೋ ನೋಡಿ ದಂಗಾದ ಅಲ್ಲು ಅರ್ಜುನ್​ ಸಹೋದರ

ಇನ್ನೂ ಕೆಲವರು ರಾಜಮೌಳಿ ಅವರು ಬರೆದಿರುವ ಸಿದ್ಧ ಯಾರೆಂದು ಹುಡುಕುತ್ತಿದ್ದರು. ಸಿದ್ಧ ರಾಜಮೌಳಿ ಅವರ ಸಾಕು ನಾಯಿ. ಅದರ ಹೆಸರನ್ನೇ 'ಬಾಹುಬಲಿ' ಸಿನಿಮಾದಲ್ಲಿ ಕಟ್ಟಪ್ಪನ ಕುದುರೆಗೆ ಇಡಲಾಗಿತ್ತು. ಈ ಬಗ್ಗೆಯೂ ನೆಟ್ಟಿಗರು ಚರ್ಚೆ ಆರಂಭಿಸಿದ್ದು, ಕಮೆಂಟ್ ಮಾಡುತ್ತಿದ್ದಾರೆ.



ಈ ಹಿಂದೆ ರಾಜಮೌಳಿ ನಿರ್ದೇಶಕ ವಂಗ ಸಂದೀಪ್​ ನೀಡಿದ್ದ 'ಬಿ ದ ರಿಯಲ್​ ಮ್ಯಾನ್'​ ಚಾಲೆಂಜ್​ ಸ್ವೀಕರಿಸಿ, ಮನೆಯಲ್ಲಿನ ಹೆಂಗಸರಿಗೆ ಮನೆ ಕೆಲಸ ಮಾಡಿಕೊಟ್ಟಿದ್ದರು. ಅದರ ವಿಡಿಯೋವನ್ನು ಹಂಚಿಕೊಂಡಿದ್ದರು.

Task done, @imvangasandeep. Throwing the challenge to @tarak9999 and @AlwaysRamCharan..

And lets have some moooreee fun..
Am also challenging @Shobu_ garu, sukku @aryasukku and peddanna @mmkeeravaani..😈😈 #BetheREALMAN pic.twitter.com/DepkfDvzIE

— rajamouli ss (@ssrajamouli) April 20, 2020

ಸದ್ಯ ಲಾಕ್​ಡೌನ್​ ಸಡಿಲಗೊಳಿಸಲಾಗಿದ್ದು, ಚಿತ್ರರಂಗ ಸಿನಿಮಾ ಚಿತ್ರೀಕರಣಕ್ಕೆ ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಸರ್ಕಾರ ಸಿನಿಮಾ ಶೂಟಿಂಗ್​ಗೆ ಅನುಮತಿ ಕೊಟ್ಟ ಕೂಡಲೇ ಚಿತ್ರೀಕರಣ ಆರಂಭವಾಗಲಿದೆ.

ಮಗಳ ಮೊದಲ ಹುಟ್ಟುಹಬ್ಬವನ್ನು ವಿಶೇಷವಾಗಿ ಆಚರಿಸಿದ ಲೂಸ್​ ಮಾದ ಯೋಗಿ..!