Dhruva Sarja-Prem: ಆಕ್ಷನ್ ಪ್ರಿನ್ಸ್​​ ಧ್ರುವ ಸರ್ಜಾ ಜೊತೆ ಯುದ್ಧದ ಮುನ್ನಡಿ ಆರಂಭಿಸಿದ ಪ್ರೇಮ್

ನಿರ್ದೇಶಕ ಪ್ರೇಮ್ (Director Prem) ಹೊಸ ಯುದ್ಧಕ್ಕೆ ಮುನ್ನಡಿ ಆರಂಭಿಸಿದ್ದಾರೆ. ಈ ಯುದ್ಧಕ್ಕೆ ಅವರ ಜೊತೆ ಕೈ ಜೋಡಿಸಿರುವುದು ಆಕ್ಷನ್​ ಪ್ರಿನ್ಸ್ ಧ್ರುವ ಸರ್ಜಾ (Action Prince Dhruva Sarja). ಇದೇ ಮೊದಲ ಬಾರಿ ಈ ಇಬ್ಬರ ಕಾಂಬಿನೇಷನ್​ನಲ್ಲಿ ಸಿನಿಮಾ ಸೆಟ್ಟಿರುತ್ತಿದೆ. ಚಿತ್ರದ ಟೈಟಲ್​ ಇನ್ನು ಅಧಿಕೃತವಾಗಿಲ್ಲವಾದರೂ, ಈ ಯುದ್ಧಕ್ಕೆ ಇಬ್ಬರು ಕೈ ಜೋಡಿಸಿದ್ದಾರೆ. ಈ ಕುರಿತು ನಿರ್ದೇಶಕ ಪ್ರೇಮ್​ (Director Prem New fim) ಅಧಿಕೃತವಾಗಿ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಪ್ರಕಟಿಸಿದ್ದಾರೆ. ಕೆವಿನ್​ ಪ್ರೊಡಕ್ಷನ್​ನಲ್ಲಿ ನಿರ್ಮಾಣ ವಾಗುತ್ತಿರುವ ಈ ಚಿತ್ರದ ಕುರಿತು ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ಕುತೂಹಲ ಮೂಡಿಸಿದ ಪ್ರೇಮ್​ ಟ್ವೀಟ್​​ (Director Prem Twee)

ಇನ್ನು ಯುದ್ಧದ ಮುನ್ನಡಿ ಇಲ್ಲಿಂದ ಆರಂಭ ಎಂಬ ನಿರ್ದೇಶಕರ ಸಾಲು ಎಲ್ಲರ ಗಮನ ಸೆಳೆದಿದೆ. ವಿಶೇಷ ಕಥಾಚಿತ್ರಗಳ ನಿರ್ದೇಶನದಲ್ಲಿ ಈಗಾಗಲೇ ಪ್ರೇಮ್​ ಖ್ಯಾತರಾಗಿದ್ದು, ಇದು ಪ್ರೇಮ ಯುದ್ದವೋ ಅಥವಾ ಜೀವನದ ಹೋರಾಟದ ಯುದ್ಧವೋ ಅಥವಾ ಮತ್ಯಾವ ಯುದ್ಧವೋ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಮೂಡಿದೆ.

ಯುದ್ಧದ ಮುನ್ನುಡಿ ಇಲ್ಲಿಂದ ಆರಂಭ, ನಿಮ್ಮ ಪ್ರೀತಿ ಪ್ರೋತ್ಸಾಹ ಅಭಿಮಾನ ಆಶೀರ್ವಾದ ಸದಾ ಹೀಗೆ ಇರಲಿ. @DhruvaSarja #kvnproductions 🙏🙏🙏

The prelude to the war begins now. Shower us with your love and support like you always do.
Love you all. #prems09 #dhruvasarja06 pic.twitter.com/vdVDQHFSrH

— PREM❣️S (@directorprems) August 24, 2021

ಈಗಾಗಲೇ ಒಂದರ ಮೇಲೆ ಒಂದು ಮಾಸ್​ ಹಿಟ್ ಸಿನಿಮಾಗಳನ್ನು ನೀಡಿರುವ ನಟ ಧ್ರವ ಸರ್ಜಾ ಅವರ ಆರನೇ ಚಿತ್ರ ಇದಾಗಿದೆ. ಇತ್ತೀಚೆಗಷ್ಟೇ ಅವರ ಮಾರ್ಟಿನ್​ ಚಿತ್ರಕ್ಕೆ ಚಾಲನೆ ನೀಡಿದ್ದರು. ಈ ಚಿತ್ರ ಸೆಟ್ಟೇರಿದ ಬೆನ್ನಲ್ಲೇ ಇದೀಗ ನಿರ್ದೇಶಕ ಪ್ರೇಮ್​ ಜೊತೆ ಮತ್ತೊಂದು ಹೊಸ ಚಿತ್ರ ಘೋಷಣೆ ಮಾಡಿದ್ದಾರೆ.

ಹೆಚ್ಚಿದೆ ನಿರೀಕ್ಷೆ
ನಿರ್ದೇಶಕ ಪ್ರೇಮ್​ ಸಿನಿಮಾಗಳು ಎಂದರೆ ಅದರಲ್ಲಿ ಒಂದು ವಿಶೇಷ ಇರುವುದು ಸಾಮಾನ್ಯ. ಈಗ ಅವರು ಆಕ್ಷನ್​ ಪ್ರಿನ್ಸ್​ ಧ್ರವ ಸರ್ಜಾ ಜೊತೆ ಒಂದಾಗಿರುವುದರಿಂದ ಚಿತ್ರ ಮಾಸ್​ ಜೊತೆ ಅದ್ಭುತ ಲವ್​ ಸ್ಟೋರಿ ಕಥೆ ಹೊಂದಿರಲಿದೆ ಎಂಬ ಲೆಕ್ಕಾಚಾರ ಅಭಿಮಾನಿಗಳಲ್ಲಿ ಮೂಡಿದೆ.

ಇದನ್ನು ಓದಿ: ಮಣಿರತ್ನಂ ಸಿನಿಮಾದಲ್ಲಿನ ಐಶ್ವರ್ಯಾ ರೈ ಪಾತ್ರ ಲೀಕ್​

ನಾಯಕಿ ಯಾರು
ನಿರ್ದೇಶಕರ ಕಥೆಗೆ ಧ್ರುವ ಸರ್ಜಾ ಒಪ್ಪಿಕೊಂಡಿದ್ದಾರೆ. ನಾಯಕನ ಹೊರತಾಗಿ ಯಾವುದೇ ಕಲಾವಿದರ ಆಯ್ಕೆ ಇನ್ನು ಆಗಿಲ್ಲ. ಈ ಹಿನ್ನಲೆ ಉಳಿದ ತಾರಗಣದ ಆಯ್ಕೆ ಇನ್ನು ನಡೆದಿಲ್ಲ. ಜೊತೆಗೆ ಈ ಚಿತ್ರದಲ್ಲಿ ಧ್ರವ ಸರ್ಜಾಗೆ ಯಾರಾಗಲಿದ್ದಾರೆ ನಾಯಕ ನಟಿ ಎಂಬ ಕುತೂಹಲ ಕೂಡ ಇದೆ.

ಸದ್ಯ ನಿರ್ದೇಶಕ ಪ್ರೇಮ್​  ಎಕ್​ ಲವ್​​ ಯಾ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರದ ಬಳಿಕ ನಟ ಧ್ರವ ಅವರೊಂದಿಗೆ ಡೇಟ್​ ಹೊಂದಾಣಿಕೆ ಮಾಡಿಕೊಂಡು, ಉಳಿದ ತಾರಾಗಣ ಸೇರಿದಂತೆ ತಾಂತ್ರಿಕ ತಂಡದ ಆಯ್ಕೆ ಆದ ಬಳಿಕ ಈ ಹೊಸ ಚಿತ್ರದ ಚಿತ್ರೀಕರಣ ಚಿತ್ರೀಕರಣ ಆರಂಭಿಸಲಿದ್ದಾರೆ. ಅಂದ ಹಾಗೆ ನಿರ್ದೇಶಕ ಪ್ರೇಮ್​ ಅವರ ಒಂಭತ್ತನೇ ಚಿತ್ರ ಇದಾಗಿದೆ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.