ಶಿವಪ್ಪ ಸಿನಿಮಾದ ಮೂರ್ಹತಕ್ಕೆ ಗೈರಾದ ಧನಂಜಯ: ಸಾಮಾಜಿಕ ಜಾಲತಾಣದಲ್ಲಿ ಬೇಸರ ವ್ಯಕ್ತಪಡಿಸಿದ ಡಾಲಿ..!

ಡಾಲಿ ಧನಂಜಯ್​ ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿವೆ. ಸದ್ಯ ಅವರ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಸಲಗ ಹಾಗೂ ಬಡವ ರಾಸ್ಕಲ್​ ತೆರೆಗೆ ಬರಲು ಸಿದ್ಧವಾಗಿವೆ. ಆದರೆ ಲಾಕ್​ಡೌನ್​ನಿಂದಾಗಿ ಸದ್ಯಕ್ಕೆ ಯಾವ ಹೊಸ ಸಿನಿಮಾಗಳೂ ತೆರೆಗೆ ಬರುತ್ತಿಲ್ಲ. ಪರಿಸ್ಥಿತಿ ಹೀಗಿದ್ದರೂ ಸ್ಯಾಂಡಲ್​ವುಡ್​ನಲ್ಲಿ ಹೊಸ ಸಿನಿಮಾಗಳು ಸೆಟ್ಟೇರುತ್ತಿವೆ. ಹೌದು, ಶಿವರಾಜ್​ಕುಮಾರ್, ಧನಂಜಯ್​ ಹಾಗೂ ಪೃಥ್ವಿ ಅಂಬರ್​ ಅಭಿನಯದ ಹೊಸ ಸಿನಿಮಾ ಇತ್ತೀಚೆಗಷ್ಟೆ ಅನೌನ್ಸ್​ ಆಗಿತ್ತು. ವಿಜಯ್​ ಮಿಲ್ಟನ್​ ನಿರ್ದೇಶನದ ಈ ಹೊಸ ಸಿನಿಮಾ ಬಗ್ಗೆ ಧನಂಜಯ್​ ಸಹ ಖುಷಿಯಿಂದ ಪೋಸ್ಟ್​ ಮಾಡಿದ್ದರು. ನಿನ್ನೆಯಷ್ಟೆ ಈ ಸಿನಿಮಾದ ಟೈಟಲ್ ಪ್ರಕಟಿಸುವುದರ ಜೊತೆಗೆ ಮುಹೂರ್ತ  ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಇದರಲ್ಲಿ ಇಡೀ ಚಿತ್ರತಂಡ ಭಾಗಿಯಾಗಿತ್ತು. ಆದರೆ ಸಿನಿಮಾದಲ್ಲಿ ಅಭಿನಯಿಸುತ್ತಿರುವ ಡಾಲಿ ಧನಂಜಯ್​ ಮಾತ್ರ ಗೈರಾಗಿದ್ದರು. 

ಶಿವಪ್ಪನಾಗಿ ಶಿವರಾಜ್​ಕುಮಾರ್ ಕಾಣಿಸಿಕೊಳ್ಳಲಿರುವ ಸಿನಿಮಾದ ಮುಹೂರ್ತ ನಿನ್ನೆಯಷ್ಟೆ ನೆರವೇರಿದೆ. ಈ ವೇಳೆ ಧನಂಜಯ್​ ಭಾಗಿಯಾಗಿರಲಿಲ್ಲ. ಅದಕ್ಕಾಗಿ ಬೇಸರದಿಂದ ಧನಂಜಯ್​ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದಾರೆ.

View this post on Instagram

A post shared by Dhananjaya (@dhananjaya_ka)

ಧನಂಜಯ್​ ಸದ್ಯ ರತ್ನನ್​ ಪ್ರಪಂಚ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಈ ಸಿನಿಮಾ ಚಿತ್ರೀಕರಣ ಆರಂಭವಾಗಿದೆ. ಮೈಸೂರಿನಲ್ಲಿ ಶೂಟಿಂಗ್​ ನಡೆಯುತ್ತಿದ್ದು, ಅದರ ಬಗ್ಗೆ ಡಾಲಿ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಅಪ್ಡೇಟ್​ ಕೊಡುತ್ತಿರುತ್ತಾರೆ.

View this post on Instagram

A post shared by Dhananjaya (@dhananjaya_ka)

View this post on Instagram

A post shared by Dhananjaya (@dhananjaya_ka)

ರತ್ನನ್​ ಪ್ರಪಂಚ ಸಿನಿಮಾದ ಶೂಟಿಂಗ್​ ಕಾರಣದಿಂದಾಗಿ ಶಿವಪ್ಪ ಚಿತ್ರದ ಮುಹೂರ್ತಕ್ಕೆ ಬರಲಾಗಲಿಲ್ಲ. ಆದರೆ  ಆದಷ್ಟು ಬೇಗ ಸಿನಿಮಾ ಚಿತ್ರೀಕರಣಕ್ಕೆ ನಮ್ಮ ಶಿವಣ್ಣನೊಂದಿಗೆ ಬರುತ್ತೇನೆ ಎಂದು ಟ್ವೀಟ್​ ಮಾಡಿದ್ದಾರೆ.

View this post on Instagram

A post shared by Pruthvi Ambaar (@pruthvi_ambaar_official)

ಈ ಸಿನಿಮಾದಲ್ಲಿ ದಿಯಾ ಖ್ಯಾತಿಯ ಪೃಥ್ವಿ ಅಂಬರ್ ಸಹ ನಟಿಸುತ್ತಿದ್ದಾರೆ. ಪೃಥ್ವಿ ಈ ಸಿನಿಮಾದಲ್ಲಿ ಸದಾ ಶಿವಣ್ಣನ ಜೊತೆ ಇರುವ ಪಾತ್ರದಲ್ಲೇ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದ ಚಿತ್ರೀಕರಣ .23ರಿಂದ ಆರಂಭವಾಗಲಿದೆ.