Video: ದೀಪಿಕಾ ಬಯ್ತಾಳಂತ ಇನ್​​​​ಸ್ಟಾಗ್ರಾಂ ಲೈವ್​​ನಿಂದಲೇ ಎಸ್ಕೇಪ್​​ ಆದ ರಣ್​ವೀರ್​​!

ಕೊರೋನಾ ಲಾಕ್​ಡೌನ್​ನಿಂದಾಗಿ ಅನೇಕ ಸೆಲೆಬ್ರಿಟಿಗಳು ತಮ್ಮ ಮನೆಯಲ್ಲಿದ್ದಕೊಂಡು ಫ್ಯಾಮಿಲಿ ಜೊತೆಗೆ ಸಮಯ ಕಳೆಯುತ್ತಿದ್ದಾರೆ. ಬಿಡುವಿದ್ದಾಗ ವಿಡಿಯೋ ಕಾಲ್​​, ಇನ್​​ಸ್ಟಾಗ್ರಾನಲ್ಲಿ ಲೈವ್​ ಬರುವ ಮೂಲಕ ಮಾತನಾಡುತ್ತಿರುತ್ತಾರೆ. ಅದರಂತೆ ಇತ್ತೀಚೆಗೆ ಬಾಲಿವುಡ್​ ನಟರಾದ ಆಯುಷ್ಮಾನ್​ ಖುರಾನಾ​ ಮತ್ತು ರಣ್​ವೀರ್​ ಸಿಂಗ್​​ ಲೈವ್ ಚಾಟ್​​ನಲ್ಲಿ​​​​ ಕಾಣಿಸಿಕೊಂಡಿದ್ದಾರೆ. ಈ ವೇಳೆ ಮಜವಾದ ಪ್ರಸಂಗವೊಂದು ನಡೆದಿದೆ.

ಆಯುಷ್ಮಾನ್​ ಖುರಾನಾ ಮಧ್ಯಾಹ್ನದ ವೇಳೆ ರಣ್​ವೀರ್​ ಸಿಂಗ್​​ಗೆ ಕರೆ ಮಾಡಿದ್ದಾರೆ. ಈ ವೇಳೆ ರಣ್​ವೀರ್​​ ನಿದ್ದೆ ಮಾಡುತ್ತಿದ್ದರು. ಕರೆ ಬರುವುದನ್ನು ಗಮನಿಸಿ ನಿದ್ದೆಯಿಂದ ಎದ್ದು ವಿಡಿಯೋ ಕಾಲ್​ ರಿಸೀವ್​ ಮಾಡಿದ್ದಾರೆ. ನಿದ್ದೆ ಮಾಡುತ್ತಿದ್ದೇನೆ ಲೈವ್​ ಬೇಡ ಎಂದು ಆಯುಷ್ಮಾನ್​ಗೆ ಹೇಳಿದ್ದಾರೆ. ಆದರೆ ಆಯುಷ್ಮಾನ್​ ಮಾತನಾಡಿ ಎಂದು ಒತ್ತಾಯ ಮಾಡಿ ಮಾತನಾಡಿಸಿದ್ದಾರೆ.

Ranveer Singh joining Ayushmann Khurrana live on Instagram ♥️

_
He just woke up 🤣♥️ pic.twitter.com/OeHQQdSXeM

— RanveerSingh TBT | #83🏏♥️ (@RanveerSinghtbt) June 5, 2020

ಈ ಸಂದರ್ಭದಲ್ಲಿ ರಣ್​ವೀರ್​​ ಅವರ ಹೇರ್​ಸ್ಟೈಲ್​​​​​ ಜಗಜ್ಜಾಹೀರಾಗಿದೆ. ಲಾಕ್​ಡೌನ್​ ಸಮಯದಲ್ಲಿ ಮನೆಯಲ್ಲಿದ್ದ ರಣ್​ವೀರ್​​ ಉದ್ದ ಕೂದಲನ್ನು ಬಿಟ್ಟಿದ್ದಾರೆ. ನಿದ್ದೆಯಿಂದ ಎದ್ದು ತಕ್ಷಣ ಕಾಲ್​ ರಿಸೀವ್​ ಮಾಡುವ ಸಂದರ್ಭದಲ್ಲಿ ಅವರ ಹೇರ್​ಸ್ಟೈಲ್​​​​​​ ತೋರಿಸುವಂತಾಗಿದೆ.

ಇಬ್ಬರು ಲೈವ್​ನಲ್ಲಿ ಮಾತನಾಡುತ್ತಾ ಹರಟೆ ಹೊಡೆಯುತ್ತಾ ಜೋರಾಗಿ ನಕ್ಕಿದ್ದಾರೆ. ರಣ್​ವೀರ್​​ ಏರು​ಧ್ವನಿಯಲ್ಲಿ ನಗುತ್ತಿದ್ದನ್ನು ಕೇಳಿ ಪತ್ನಿ ದೀಪಿಕಾ ಪಡುಕೋಣೆ ಎನೋ ಅಂದಿದ್ದಾರೆ. ಈ ವೇಳೆ ರಣ್​ವೀರ್​ ಕಾಲ್​ ಕಟ್​​​ ಮಾಡಲು ಮುಂದಾಗಿದ್ದಾರೆ. ಈ ಬಗ್ಗೆ ಆಯುಷ್ಮಾನ್​ ಕೇಳಲು ಮುಂದಾದಾಗ ‘ಸುಮ್ಮಿರೋ ನಿನ್ನ ಅತ್ತಿಗೆ ಬೈತಿದ್ದಾಳೆ‘ ಎಂದು ನಕ್ಕು ಕಾಲ್​​ ಕಟ್​ ಮಾಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.