Deepika Padukone: ಇದೇನು ಡ್ರೆಸ್ಸಾ, ಜಾತ್ರೆ ಟೆಂಟಾ? ದೀಪಿಕಾ ಬಟ್ಟೆ ನೋಡಿ ನೆಟ್ಟಿಗರಿಂದ ಬೇಕಾಬಿಟ್ಟಿ ಕಾಮೆಂಟ್!

ದೀಪಿಕಾ ಪಡುಕೋಣೆ (Deepika Padukone), ಬಾಲಿವುಡ್​ನಲ್ಲಿ (Bollywood) ಸಾಲು ಸಾಲು ಹಿಟ್​ ಸಿನೆಮಾಗಳ (Film) ಮೂಲಕ ಸೂಪರ್ ಸ್ಟಾರ್​ ಆದವರು. ಅವರ ಒಂದೊಂದು ಸಿನೆಮಾಗಳು ಅವರಿಗೆ ಹೆಸರನ್ನು ತಂದುಕೊಟ್ಟಿದೆ. ಬಾಲಿವುಡ್​ ಮಾತ್ರವಲ್ಲದೇ ಹಾಲಿವುಡ್​ನಲ್ಲಿ ಸಹ ದೀಪಿಕಾ ಫೇಮಸ್​. ಸದ್ಯ ಅಲ್ಲಿನ ಪ್ರಸಿದ್ದ ಕ್ಯಾನ್​ ಸಿನಿಮೋತ್ಸವ (Cannes Film Festival) ನಡೆಯುತ್ತಿದೆ. ಪ್ರತಿ ಬಾರಿಯೂ ರೆಡ್​ ಕಾರ್ಪೆಟ್​ ಮೇಲೆ ಮಿಂಚುವ ಡಿಂಪಿ ಈ ಬಾರಿ ಜ್ಯೂರಿ ಸಹ ಆಗಿದ್ದರು. ಆದರೆ ಈಗ ಅವರ ಒಂದು ಡ್ರೆಸ್​ ಟ್ರೋಲ್​ ಆಗುತ್ತಿದ್ದು, ನೆಟ್ಟಿಗರು ಕಿರಿಕ್ ಮಾಡಿದ್ದಾರೆ.  ಕ್ಯಾನ್​ ಸಿನಿಮೋತ್ಸವದಲ್ಲಿ ದೀಪಿಕಾ ದಿನವೂ ಬಗೆ ಬಗೆಯ ಬಟ್ಟೆಗಳನ್ನು ಧರಿಸಿ ಮ್ಯಾಜಿಕ್ ಮಾಡಿದ್ದಾರೆ. ಆದರೆ ಅವರ ಅದೊಂದು ಗೌನ್​ ಮಾತ್ರ ಟ್ರೋಲ್​ ಆಗಿದೆ.

ದೀಪಿಕಾ ಮೊದಲ ದಿನ ಸೀರೆ ಉಟ್ಟಿದ್ದರು. ಅದನ್ನು ನೋಡಿ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆದರೆ ಈಗ ಅವರು ಧರಿಸಿರುವ ಆರೆಂಜ್​ ಗೌನ್ ಮಾತ್ರ ಸರಿಯಾಗಿ ಟ್ರೋಲ್​ ಆಗುತ್ತಿದೆ. ದೀಪಿಕಾ ಹಾಕಿರುವ ಆರೆಂಜ್​ ಡ್ರೆಸ್​ ವಿಡಿಯೋಗಳು ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್​ ಆಗಿದ್ದು, ಜನ ಸ್ಟ್ರಗಲ್​ ಈಸ್​ ರಿಯಲ್​ ಎಂದು ಕಾಮಿಡಿ ಮಾಡಿದ್ದಾರೆ.

ಅವರು ಧರಿಸಿರುವ ಆರೆಂಜ್​ ಗೌನ್​ ಬಹಳ ದೊಡ್ಡದಿದ್ದು, ಹಿಂದೆ ಬಟ್ಟೆಯನ್ನು ಸುತ್ತಿಕೊಂಡಂತೆ ಕಾಣುತ್ತಿದೆ. ಅಲ್ಲದೇ, ಅದನ್ನು ನಿಭಾಯಿಸುವುದು ಸಹ ದೀಪಿಕಾಗೆ ಕಷ್ಟವಾಗುತ್ತಿತ್ತು.  ಅವರು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಹೋಗುವಾಗ ಹರಸಾಹಸ ಮಾಡಬೇಕಿತ್ತು. ಅಲ್ಲದೇ, ಪದೇ ಪದೇ ಎಲ್ಲಾವನ್ನು ಒಂದೆಡೆ ಎಳಿಯಬೇಕಿತ್ತು.  ದೀಪಿಕಾ ಈ ರೀತಿ ಕಷ್ಟಪಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲಾತಾಣದಲ್ಲಿ ಫುಲ್​ ಟ್ರೆಂಡ್​ ಆಗಿದ್ದು, ನೆಟ್ಟಿಗರು ಸರಿಯಾಗಿ ಟ್ರೋಲ್ ಮಾಡಿದ್ದಾರೆ.

ಮಾದರಿಯಾಗುವ ಬಟ್ಟೆ ಹಾಕಿ ಎಂದ ನೆಟ್ಟಿಗರು

ಈ ರೀತಿಯ ಬಟ್ಟೆಯನ್ನು ಸುತ್ತಿಕೊಂಡು ಬರುವ ಬದಲು ಲಕ್ಷಣವಾದ ಬಟ್ಟೆಯನ್ನು ಹಾಕಿಕೊಂಡು ಬರಬಹುದಲ್ವಾ ಎಂದು ನೆಟ್ಟಿಗರು ದೀಪಿಕಾ ಅವರನ್ನು ಪ್ರಶ್ನಿಸಿದ್ದಾರೆ. ಅಲ್ಲದೇ ನೀವು ಭಾರತವನ್ನು ಪ್ರತಿನಿಧಿಸುತ್ತಿದ್ದೀರಿ, ಹಾಗಾಗಿ ನೋಡುಗರಿಗೆ ಮಾದರಿಯಾಗುವಂತಹ ಬಟ್ಟೆಗಳನ್ನು ಧರಿಸಿ ಎಂದು ಸರಿಯಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: ಕರಣ್ ಜೋಹರ್​ ಗ್ರ್ಯಾಂಡ್​​ ಬರ್ತ್ ಡೇ ಸಲೆಬ್ರೇಷನ್​ - ಯಾರೆಲ್ಲಾ ಬಂದಿದ್ರು? ಪಾರ್ಟಿ ಫೋಟೋಸ್​ ಇಲ್ಲಿವೆ

View this post on Instagram

A post shared by Brut India (@brut.india)

ನಟಿಯರಿಗೆ ಟ್ರೋಲ್​ ಆಗುವುದು ಹೊಸದೇನಲ್ಲ. ಅದರಲ್ಲೂ ದೀಪಿಕಾ ಬಟ್ಟೆಯ ವಿಚಾರಕ್ಕೆ ಆಗಾಗ ಟ್ರೋಲ್​ ಆಗುತ್ತಿರುತ್ತಾರೆ. ಇನ್ನು ಈ ಬಾರಿ ಅವರು ಕ್ಯಾನ್​ ಉತ್ಸವದಲ್ಲಿ ಧರಿಸಿರುವ ಪ್ರತಿಯೊಂದು ಬಟ್ಟೆಗಳು ಸಹ ಸುದ್ದಿ ಮಾಡುತ್ತಿದ್ದು, ಕೆಲವೊಂದು ಅಭಿಮಾನಿಗಳಿಗೆ ಬಹಳ ಇಷ್ಟವಾಗಿದೆ.

ಇನ್ನು ದೀಪಿಕಾ ಬಾಲಿವುಡ್​ನಲ್ಲಿ ಮಾತ್ರವಲ್ಲದೇ ಹಾಲಿವುಡ್​ನಲ್ಲಿ ಸಹ ಫೇಮಸ್​. ದೀಪಿಕಾ ಹಲವಾರು ಬಾರಿ ಕ್ಯಾನ್​ ಸಿನಿಮೋತ್ಸವದಲ್ಲಿ ಭಾಗವಹಿಸಿಸುತ್ತಿದ್ದರು, ಆದರೆ ಮೊದಲ ಬಾರಿಗೆ ಜ್ಯೂರಿ ತಂಡದ ಸದ್ಯರಾಗಿದ್ದಾರೆ. ತಮ್ಮ ಅದ್ಬುತ ನಟನೆಯ ಮೂಲಕ ಹಲವಾರು ಪ್ರಶಸ್ತಿಗಳನ್ನು ತಮ್ಮ ಮುಡಿಗೇರಿಸಿಕೊಂಡಿರುವ ದೀಪಿಕಾ ಪ್ರಪಂಚದ ಪ್ರತಿಷ್ಟಿತ ಅವಾರ್ಡ್ ಕ್ಯಾನ್ ಸಿನಿಮೋತ್ಸವದಲ್ಲಿ ಜ್ಯೂರಿಯಾಗಿ ಪಾಲ್ಗೊಂಡಿರುವುದು ನಿಜಕ್ಕೂ ಭಾರತೀಯರಿಗೆ ಹೆಮ್ಮೆಯ ವಿಚಾರ.

ಇದನ್ನೂ ಓದಿ: ಕ್ಯಾನ್​ ಸಿನಿಮೋತ್ಸವದಲ್ಲಿ ದೀಪಿಕಾ ಸ್ಟೈಲ್​ಗೆ ಅಭಿಮಾನಿಗಳು ಫಿದಾ - ಪದ್ಮಾವತ್ ಬೆಡಗಿಯ ಲುಕ್ ನೀವೂ ನೋಡಿ

ಭಾರತದ ತಾರೆಯರೇ ಮಿಂಚಿಂಗ್

ಇನ್ನು ದೀಪಿಕಾ ಮಾತ್ರವಲ್ಲದೇ, ಸೌತ್ ಹಾಗೂ ನಾರ್ತ್ ಫಿಲ್ಮ್ ಇಂಡಸ್ಟ್ರಿಯ ಎಲ್ಲಾ ಸ್ಟಾರ್​ಗಳೂ ಸಹ ಕ್ಯಾನ್​​ ಫಿಲ್ಮ್ ಫೆಸ್ಟಿವಲ್​ನಲ್ಲಿ ಭಾಗವಹಿಸಿದ್ದಾರೆ. ಅದರಲ್ಲಿಯೂ ನಟಿ ಮಣಿಯರಂತೂ ವಿಭಿನ್ನ ವಿಭಿನ್ನ ಉಡುಗೆಗಳ ಮೂಲಕ ರೆಡ್ ಕಾರ್ಪೇಟ್ ಮೇಲೆ ಮಿಂಚಿದ್ದಾರೆ.  ತಮನ್ನಾಭಾಟಿಯಾ ಅವರು 75ನೇ ಕ್ಯಾನ್​​ ಫಿಲ್ಮ್ ಫೆಸ್ಟಿವಲ್​ನಲ್ಲಿ ಮೊದಲ ಬಾರಿಗೆ ಭಾಗಿಯಾಗಿದ್ದು, ಇವರುಗಳಲ್ಲದೆ ಪೂಜಾ ಹೆಗ್ಡೆ, ಊರ್ವಶಿ ರೌಟೆಲಾ,  ಸಹ ಕ್ಯಾನ್​​ ಫಿಲ್ಮ್ ಫೆಸ್ಟಿವಲ್​ನ ರೆಡ್ ಕಾರ್ಪೆಟ್ ಮೇಲೆ ಮಿಂಚಿದ್ದಾರೆ.