Cinema Festival: ಸಿನಿರಸಿಕರಿಗೆ ದೀಪಾವಳಿ ಧಮಾಕ, ಈ ತಿಂಗಳು ರಿಲೀಸ್ ಆಗಲಿರೋ ಚಿತ್ರಗಳ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ

Cinema Festival: ನವೆಂಬರ್(November) ಮೊದಲೆರಡು ವಾರದಲ್ಲಿ ಬಿಡುಗಡೆ ಆಗಲಿರುವ  ಕನ್ನಡ (Kannada) ತೆಲುಗು(Telugu), ತಮಿಳು(Tamil) , ಮಲಯಾಳಂ (Malayalam) ಸಿನಿಮಾಗಳ ಕಂಪ್ಲೀಟ್​  ಮಾಹಿತಿ ಇಲ್ಲಿದೆ.

ಅಣ್ಣಾತೆ ಹಾಗೂ ಎನಿಮಿ ಚಿತ್ರದ ಪೋಸ್ಟರ್​

ಅಣ್ಣಾತೆ ಹಾಗೂ ಎನಿಮಿ ಚಿತ್ರದ ಪೋಸ್ಟರ್​

  • Share this:
ಕೊರೋನಾ(Corona) ಹೊಡೆತಕ್ಕೆ ಸಿಲುಕಿ ನಲುಗಿಹೋಗಿದ್ದ ಚಿತ್ರರಂಗ, ಈಗ ಚೇತರಿಸಿಕೊಳ್ಳುತ್ತಿದೆ. ಕಳೆದ ವರ್ಷ ಹಲವಾರು ಚಿತ್ರಗಳ ನಿರ್ಮಾಣವನ್ನು ನಿಲ್ಲಿಸಲಾಗಿತ್ತು. ಅನೇಕ ಸಿನಿಮಾ(Movies)ಗಳ ಬಿಡುಗಡೆ ದಿನಾಂಕವನ್ನೂ ಮುಂದೂಡಲಾಗಿತ್ತು. ಇದೀಗ ದೀಪಾವಳಿ(Diwali) ಹಬ್ಬದ ಹಿನ್ನಲೆ ಹಲವಾರು ಚಿತ್ರಗಳು ಬಿಡುಗಡೆಗೆ ಸಿದ್ದವಾಗಿ ನಿಂತಿವೆ. ಕೆಲವು ಒಟಿಟಿ(Ott)ಯಲ್ಲಿ ಬಿಡುಗಡೆ ಆದರೆ , ಇನ್ನು ಕೆಲವು ಚಿತ್ರಮಂದಿರಗಳ(Theater)ಲ್ಲಿ ಬಿಡುಗಡೆ ಆಗಲಿವೆ. 2021ರ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ, ಅಂದರೆ ನವೆಂಬರ್(November) ಮೊದಲೆರಡು ವಾರದಲ್ಲಿ ಬಿಡುಗಡೆ ಆಗಲಿರುವ  ಕನ್ನಡ (Kannada) ತೆಲುಗು(Telugu), ತಮಿಳು(Tamil) , ಮಲಯಾಳಂ (Malayalam) ಸಿನಿಮಾಗಳ ಕಂಪ್ಲೀಟ್​  ಮಾಹಿತಿ ಇಲ್ಲಿದೆ.

ಜೈ ಭೀಮ್: ನವೆಂಬರ್​ 2 -ಅಮೆಜಾನ್​ ಪ್ರೈಮ್​ ( ತಮಿಳು)


ಅಮೆಜಾನ್ ಪ್ರೈಮ್‍ನಲ್ಲಿ ಸೂರ್ಯ ನಾಯಕನಾಗಿ ನಟಿಸಿರುವ ಜೈ ಭೀಮ್ ಸಿನಿಮಾ ನವೆಂಬರ್ 2ರಂದು ಬಿಡುಗಡೆಯಾಗಲಿದೆ. ಟಿ ಜೆ ಜ್ಞಾನವೇಲ್ ನಿರ್ದೇಶನದ ಈ ತಮಿಳು ಚಿತ್ರದಲ್ಲಿ ರಜೀಶಾ ವಿಜಯನ್ , ಪ್ರಕಾಶ್ ರಾಜ್ , ರಾವ್ ರಮೇಶ್ ಮತ್ತು ಲಿಜೊಮೋಲ್ ಜೋಸ್ ನಟಿಸಿದ್ದಾರೆ. ಈ ಚಿತ್ರದ ಮೂಲಕ ಸೂರ್ಯ ತಮ್ಮ ವೃತ್ತಿ ಜೀವನದಲ್ಲಿ ಮೊದಲ ಬಾರಿಗೆ ವಕೀಲನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಜಾತಿ ಆಧಾರಿತ ತಾರತಮ್ಯ ಮತ್ತು ಪೋಲೀಸ್ ದೌರ್ಜನ್ಯದ ಕುರಿತ ಕಥಾ ವಸ್ತುವುಳ್ಳ ಸಿನಿಮಾ.


ಅಣ್ಣಾತೆ: ನವೆಂಬರ್​ 4 - ಚಿತ್ರಮಂದಿರ (ತಮಿಳು)


ಈ ವರ್ಷದ ಮೋಸ್ಟ್​ ಎಕ್ಸ್​ಪೆಕ್ಟೆಡ್​ ಸಿನಿಮಾ ಅಂದರೆ ಅದು ಸೂಪರ್​ ಸ್ಟಾರ್​ ರಜನಿಕಾಂತ್​ ಅಭಿನಯದ ಅಣ್ಣಾತೆ ಸಿನಿಮಾ. ಈ ತಮಿಳು ಚಿತ್ರ ನವೆಂಬರ್ 4 ರಂದು ತೆರೆ ಕಾಣಲಿದೆ. ಶಿವ ಅವರ ನಿರ್ದೇಶಿಸಿರುವ ಈ ಸಿನಿಮಾದಲ್ಲಿ, ನಯನ ತಾರಾ, ಮೀನಾ, ಖುಷ್ಬೂ, ಕೀರ್ತಿ ಸುರೇಶ್, ಜಾಕಿ ಶ್ರಾಫ್, ಜಗಪತಿ ಬಾಬು, ಪ್ರಕಾಶ್ ರಾಜ್ ಮುಂತಾದವರು ನಟಿಸಿದ್ದಾರೆ.

ಎನಿಮಿ: ನೆವಂಬರ್​ 4 - ಚಿತ್ರಮಂದಿರ ( ತಮಿಳು)


ಈ ಎನಿಮಿ ತಮಿಳು ಚಿತ್ರವು ಕೂಡ ನವೆಂಬರ್ 4ರಂದು ಬಿಡುಗಡೆ ಆಗಲಿದೆ. ವಿಶಾಲ್ ಮತ್ತು ಆರ್ಯ ಮುಖ್ಯ ಪಾತ್ರದಲ್ಲಿರುವ ಈ ಚಿತ್ರ ಸಾಹಸ ಪ್ರಧಾನ ಕಥೆಯುಳ್ಳದ್ದಾಗಿದೆ. ಆನಂದ್ ಶಂಕರ್ ನಿರ್ದೇಶನದ ಮಮತಾ ಮೋಹನ್ ದಾಸ್, ಪ್ರಕಾಶ್ ರಾಜ್ ಮತ್ತು ಮೃಣಾಲಿನಿ ರವಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.


ಎಂಜಿಆರ್ ಮಗನ್ : ನವೆಂಬರ್​ 4 - ಡಿಸ್ನಿ ಪ್ಲಸ್​​ ಹಾಟ್​ಸ್ಟಾರ್​ (ತಮಿಳು)


ಶಶಿ ಕುಮಾರ್, ಸಮುದ್ರಕಣಿ, ಸತ್ಯರಾಜ್, ಮೃಣಾಲಿನಿ ರವಿ, ಸಿಂಗಮ್ ಪುಲಿ ಮತ್ತು ಶರಣ್ಯ ಪೊಣ್‍ವಣ್ಣಮ್ ಮುಂತಾದವರು ಪ್ರಧಾನ ಪಾತ್ರದಲ್ಲಿ ಅಭಿನಯಿಸಿರುವ, ಹಳ್ಳಿಯ ಹಿನ್ನೆಲೆಯ ಕಥೆಯುಳ್ಳ ಈ ತಮಿಳು ಸಿನಿಮಾ ನವೆಂಬರ್ 4 ರಂದು ಡಿಸ್ನಿ ಪ್ಲಸ್ ಹಾಟ್‍ಸ್ಟಾರ್‌ನಲ್ಲಿ ಬಿಡುಗಡೆ ಆಗಲಿದೆ. ಪೊನ್ರಾಮ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ.


ಇದನ್ನು ಓದಿ : ಅಪ್ಪು ಬಗ್ಗೆ ಕೆಟ್ಟದಾಗಿ ಪೋಸ್ಟ್​ ಮಾಡಿದ್ದವ ಅರೆಸ್ಟ್​, ಕಿಡಿಗೇಡಿ ಬಂಧನಕ್ಕೆ ಆಗ್ರಹಿಸಿದ್ದ ಕನ್ನಡಿಗರು!

ವಾ: ನವೆಂಬರ್​ 4- ಚಿತ್ರಮಂದಿರ (ತಮಿಳು)


ರತಿನ್ ಶಿವಾ ನಿರ್ದೇಶನದ ಈ ಚಿತ್ರದಲ್ಲಿ ಅರುಣ್ ವಿಜಯ್ ಮತ್ತು ಕಾರ್ತಿಕಾ ನಾಯರ್ ಮುಖ್ಯ ಪಾತ್ರದಲ್ಲಿ ಇದ್ದಾರೆ. ಚಿತ್ರಕ್ಕೆ ತಮನ್ ಸಂಗೀತವಿದೆ.


ಕುರುಪ್: ನವೆಂಬರ್​ 12 - ಚಿತ್ರಮಂದಿರ (ಮಲಯಾಳಂ)


ದುಲ್ಖರ್ ಸಲ್ಮಾನ್ ಮತ್ತು ಸೊಬಿತಾ ಧುಲಿಪಾಲಾ ಪ್ರಧಾನ ಪಾತ್ರದಲ್ಲಿರುವ ಈ ಸಿನಿಮಾ ಭಾರತದ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಆಗಿದ್ದ ಸುಕುಮಾರ ಕುರುಪ್ ನಿಜ ಜೀವನವನ್ನು ಆಧರಿಸಿದ ಕಥೆಯನ್ನು ಹೊಂದಿದೆ. ಈ ಚಿತ್ರ ಮಲೆಯಾಳಂ, ತಮಿಳು, ತೆಲುಗು, ಹಿಂದಿ ಮತ್ತು ಕನ್ನಡದಲ್ಲಿ ಬಿಡುಗಡೆ ಆಗಲಿದೆ. ಕುರುಪ್ ನವೆಂಬರ್ 12ರಂದು ತೆರೆ ಕಾಣಲಿದೆ.


ಕನಕಮ್ ಕಾಮಿನಿ ಕಲಹಂ: ನವೆಂಬರ್​ 12 - ಡಿಸ್ನಿ ಪ್ಲಸ್​ ಹಾಟ್​ಸ್ಟಾರ್​​ ( ಮಲಯಾಳಂ)


ನಿವಿನ್ ಪೌಲಿ ಮತ್ತು ಗ್ರೇಸಿ ಆ್ಯಂಟೋನಿ ನಾಯಕ, ನಾಯಕಿಯಾಗಿ ನಟಿಸಿರುವ ಈ ಸಿನಿಮಾ ಡಿಸ್ನಿ ಪ್ಲಸ್ ಹಾಟ್‍ಸ್ಟಾರ್‌ನಲ್ಲಿ ನವೆಂಬರ್ 12 ರಂದು ಬಿಡುಗಡೆ ಆಗಲಿದೆ. ಈ ಚಿತ್ರವನ್ನು ರತೀಶ್ ಬಾಲಕೃಷ್ಣ ಪೊಡುವಲ್ ನಿರ್ದೇಶಿಸಿದ್ದಾರೆ.


ಪ್ರೇಮಂ ಪೂಜ್ಯಂ: ನವೆಂಬರ್ 14 - ಚಿತ್ರಮಂದಿರ (ಕನ್ನಡ) 


ಲವ್ಲಿ ಸ್ಟಾರ್​ ಪ್ರೇಂ ಕುಮಾರ್ , ಬೃಂದಾ ಆಚಾರ್ಯ ಮತ್ತು ಐಂದ್ರಿತಾ ರೇ ಮುಖ್ಯ ಪಾತ್ರದಲ್ಲಿರುವ ಈ ಚಿತ್ರ ನವೆಂಬರ್ 12 ರಂದು ಬಿಡುಗಡೆ ಆಗಲಿದೆ. ಡಾ. ರಾಘವೇಂದ್ರ ಬಿ ಎಸ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರಕ್ಕೆ ರಾಘವೇಂದ್ರ ಅವರ ಸಂಗೀತವಿದೆ.


ಮುಗಿಲ್ ಪೇಟೆ: ನವೆಂಬರ್​ 19 - ಚಿತ್ರಮಂದಿರ (ಕನ್ನಡ)


ಮನುರಂಜನ್ ರವಿಚಂದ್ರನ್, ಕಯಾದು ಲೋಹರ್, ತಾರಾ, ಅವಿನಾಶ್, ಸಾಧು ಕೋಕಿಲ, ರಂಗಾಯಣ ರಘು, ಅಪ್ಪಣ್ಣ ಮತ್ತು ಪ್ರಶಾಂತ್ ಸಿದ್ದಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರ ನವೆಂಬರ್ 19 ರಂದು ಬಿಡುಗಡೆ ಆಗಲಿದೆ. ಈ ಚಿತ್ರವನ್ನು ಭರತ್ ಎಸ್ ನಾವುಂದ ನಿರ್ದೇಶಿಸಿದ್ದಾರೆ.


ಇದನ್ನು ಓದಿ : ಅಪ್ಪು ಓದಿಸುತ್ತಿದ್ದ 1800 ಮಕ್ಕಳ ಹೊಣೆ ಹೊತ್ತ ತಮಿಳು ನಟ ವಿಶಾಲ್​: ಕನ್ನಡಿಗರಿಂದ ಬಹುಪರಾಕ್!

ಮಂಚಿ ರೋಜುಲೊಚ್ಚಾಯಿ: ನವೆಂಬರ್​​ 4- ಚಿತ್ರಮಂದಿರ (ತೆಲುಗು)


ಮಾರುತಿ ನಿರ್ದೇಶನದ ಈ ಚಿತ್ರವನ್ನು ವಿ ಸೆಲ್ಯುಲೈಡ್ ಮತ್ತು ಎಸ್‍ಕೆಎನ್ ನಿರ್ಮಿಸಿದ್ದಾರೆ. ಸಂತೋಷ್ ಶೋಬನ್ ಮತ್ತು ಮೆಹರೀನ್ ಪಿರ್‍ಜಾದಾ ಮುಖ್ಯ ಪಾತ್ರದಲ್ಲಿರುವ ಈ ಸಿನಿಮಾ ನವೆಂಬರ್ 4 ರಂದು ಬಿಡುಗಡೆ ಆಗಲಿದೆ. ಈ ಚಿತ್ರದಲ್ಲಿ, ಅಜಯ್ ಘೋಷ್ , ವೆನ್ನೆಲಾ ಕಿಶೋರ್, ಹರ್ಷ ಚೇಮುಡು, ಸಪ್ತಗಿರಿ , ಸತ್ಯಂ ರಾಜೇಶ್, ಶ್ರೀನಿವಾಸ್ ರೆಡ್ಡಿ, ಸುದರ್ಶನ್ ಮತ್ತು ಪ್ರವೀಣ್ ತಾರಾಗಣವಿದೆ.


ರಾಜಾ ವಿಕ್ರಮಾರ್ಕ: ನವೆಂಬರ್​ 14 - ಚಿತ್ರಮಂದಿರ ( ತೆಲುಗು)


ಕಾರ್ತಿಕೇಯ ಗುಮ್ಮಕೊಂಡ ಮುಖ್ಯ ಪಾತ್ರದಲ್ಲಿರುವ ಈ ಸಿನಿಮಾದಲ್ಲಿ, ತಾನ್ಯ ರವಿಚಂದ್ರನ್, ಸಾಯಿ ಕುಮಾರ್, ತನಿಕೆಲ್ಲ ಭರಣಿ, ಪಶುಪತಿ, ಹರ್ಷವರ್ಧನ್, ಸುಧಾಕರ್ ಕೊಮಕುಲ, ಸೂರ್ಯ, ಜೆಮಿನಿ ಸುರೇಶ್ ಮತ್ತು ಜಬರ್‌ದಸ್ತ್‌ ನವೀನ್ ತಾರಾಗಣವಿದೆ. ಶ್ರೀ ಸರಿಪಳ್ಳಿ ನಿರ್ದೇಶನದ ಈ ಚಿತ್ರ ನವೆಂಬರ್ 12ರಂದು ಬಿಡುಗಡೆ ಆಗಲಿದೆ.


ಪುಷ್ಪಕ ವಿಮಾನಂ: ನವೆಂಬರ್​ 12 - ಚಿತ್ರಮಂದಿರ (ತೆಲುಗು)


ಆನಂದ್ ದೇವರಕೊಂಡ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಪುಷ್ಪಕ ವಿಮಾನಂ ನವೆಂಬರ್ 12ರಂದು ಬಿಡುಗಡೆ ಆಗಲಿದೆ. ದಾಮೋದರ ಅವರ ಚೊಚ್ಚಲ ನಿರ್ದೇಶನದ ಚಿತ್ರವಿದು. ವಿಜಯ ದೇವರ ಕೊಂಡ ಅವರ ಕಿಂಗ್ ಆಫ್ ದ ಹಿಲ್ ಪ್ರೊಡಕ್ಷನ್ಸ್ ಮತ್ತು ತಂಗ ಪ್ರೊಡಕ್ಷನ್ಸ್ ಈ ಚಿತ್ರವನ್ನು ನಿರ್ಮಿಸಿದೆ.


First published: