ನಾಲ್ಕು ಭಾಷೆಗಳಲ್ಲಿ ಬಿಡುಗಡೆಯಾಯಿತು ದರ್ಶನ್​ ಅಭಿನಯದ 'ಕುರುಕ್ಷೇತ್ರ' ಚಿತ್ರದ ಪೋಸ್ಟರ್​..!

- ಅನಿತಾ ಈ, 

'ಕುರುಕ್ಷೇತ್ರ' ಎಂದ ಕೂಡಲೇ ಜನರು ಕೇಳುವ ಮೊದಲ ಪ್ರಶ್ನೆ ಈ ಚಿತ್ರ ಯಾವಾಗ ತೆರೆ ಕಾಣಲಿದೆ ಎಂದು. ಆದರೆ ಇನ್ನೂ ಈ ಪ್ರಶ್ನೆಗೆ ಉತ್ತರ ಸಿಕ್ಕಿಲ್ಲ. ಆದರೆ ಒಂದು ಖುಷಿಯ ಸಂಗತಿ ಎಂದರೆ 'ಕುರುಕ್ಷೇತ್ರ' ಚಿತ್ರತಂಡ ನಾಲ್ಕು ಭಾಷೆಗಳಲ್ಲಿ ಪೋಸ್ಟರ್​ ಬಿಡುಗಡೆ ಮಾಡಿದೆ.

ಇದನ್ನೂ ಓದಿ: KGF Chapter2: 'ಕೆ.ಜಿ.ಎಫ್​ ಚಾಪ್ಟರ್ ​2' ಚಿತ್ರದಲ್ಲಿ ನೀವೂ ಅಭಿನಯಿಸಬಹುದು: ಇಲ್ಲಿದೆ ಸುವರ್ಣಾವಕಾಶ..!

ಐದು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದ್ದ 'ಕುರುಕ್ಷೇತ್ರ' ಸಿನಿಮಾದ ಪೋಸ್ಟರ್​ ಮಾತ್ರ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳದಲ್ಲಿ ಬಿಡುಗಡೆಯಾಗಿದೆ. ಉಳಿದಂತೆ ಹಿಂದಿ ಭಾಷೆಯಲ್ಲೂ ಈ ಚಿತ್ರ ತೆರೆಕಾಣಲಿದ್ದು, ಅದರ ಪೋಸ್ಟರ್​ ಸದ್ಯದಲ್ಲೇ ಬಿಡುಗಡೆಯಾಗಲಿದೆಯಂತೆ.

ಸದ್ಯ ಕುರುಕ್ಷೇತ್ರ ಚಿತ್ರದ ಪೋಸ್ಟರ್​ಗಳು ನಟ ದರ್ಶನ್​ ಅವರ ಅಭಿಮಾನಿಗಳ ಪುಟದಲ್ಲಿ ಹರಿದಾಡುತ್ತಿದೆ. ಆದರೆ ಈ ಬಗ್ಗೆ ಚಿತ್ರತಂಡದಿಂದ ಮಾತ್ರ ಯಾವುದೇ ಅಧಿಕೃತ ಮಾಹಿತಿ ಹೊರ ಬಿದ್ದಿಲ್ಲ.

Here are the title posters of #Kurukshetra in 4 south indian languages🔥😍

Coming soon......@dasadarshan @MunirathnaMLA

Follow 👉 @FansKbdf pic.twitter.com/y8hwAawPJ9

— KBDF - DBoss Fans (@FansKbdf) April 21, 2019

trailer releasing soon. #Kurukshetra
4 languages. @dasadarshan pic.twitter.com/86mhu1clns

— Babu (@BabuDarshanFan) April 21, 2019

ಡಿಬಾಸ್​ ದರ್ಶನ್​ ಅವರ 50ನೇ ಚಿತ್ರವಾಗಬೇಕಿದ್ದ 'ಕುರುಕ್ಷೇತ್ರ' ಈಗ 51ನೇ ಸಿನಿಮಾವಾಗಲಿದೆ. ಈ ಹಿಂದೆ 50ನೇ ಚಿತ್ರವಾಗಿ 'ಯಜಮಾನ' ಬಿಡುಗಡೆಯಾಗಿದೆ. 'ಕುರುಕ್ಷೇತ್ರ' ಚಿತ್ರದ ಚಿತ್ರೀಕರಣ ಮುಗಿದು ತುಂಬಾ ಸಮಯವಾಗಿದೆ. ಇದರ ಜೊತೆಗೆ ಡಬ್ಬಿಂಗ್​ ಹಾಗೂ ಪೋಸ್ಟ್​ ಪ್ರೊಡಕ್ಷನ್​ ಕೆಲಸ ಮುಗಿದಿದೆ ಎಂದು ಬಹಳ ಹಿಂದೆಯೇ ಹೇಳಲಾಗಿತ್ತು. ಆದರೂ ಈ ಸಿನಿಮಾದ ರಿಲೀಸ್​ ದಿನಾಂಕದ ಬಗ್ಗೆ ಮಾತ್ರ ನಿರ್ಮಾಪಕ ಮುನಿರತ್ನ ಅವರು ಚಕಾರ ಎತ್ತುತ್ತಿರಲಿಲ್ಲ.

ನಿರ್ಮಾಪಕ ಮುನಿರತ್ನ 'ಕರುಕ್ಷೇತ್ರ' ಬಿಡುಗಡೆ ಬಗ್ಗೆ ಕೇಳಿದಾಗಲೆಲ್ಲ ಈ ಸಿನಿಮಾ 3Dಯಲ್ಲಿ ಬಿಡುಗಡೆಯಾಗಲಿದೆ, 2D ಯಿಂದ 3Dಗೆ ಬದಲಾಯಿಸಲು ತುಂಬಾ ಸಮಯ ತೆಗೆದುಕೊಳ್ಳುತ್ತಿದೆ ಎಂದು ಹೇಳುತ್ತಿದ್ದರು.

ಆದರೆ ಸದ್ಯ ಚಿತ್ರದ ಪೋಸ್ಟರ್​ ಬಿಡುಗಡೆಯಾಗಿರುವುದು ದರ್ಶನ್​ ಅಭಿಮಾನಿಗಳಲ್ಲಿ ಒಂದು ಆಶಾ ಕಿರಣ ಮೂಡಿಸಿದೆ. ಅಷ್ಟೇ ಅಲ್ಲ ಈ ಚಿತ್ರ ಟ್ರೈಲರ್​ ಸಹ ಸದ್ಯದಲ್ಲೇ ಬಿಡುಗಡೆಯಾಗುವ ಸೂಚನೆಯೂ ಸಿಗುತ್ತಿದೆ.

ಇದನ್ನೂ ಓದಿ: ಕಾಮಿಡಿ ಟೈಮ್​ ಗಣೇಶ್​ ಗೋಲ್ಡನ್​ ಸ್ಟಾರ್​ ಆಗಿ 13 ವರ್ಷಗಳೇ ಕಳೆದಿವೆ..!

ನಾಗಣ್ಣ ನಿರ್ದೇಶನದ ಈ ಚಿತ್ರದಲ್ಲಿ ದರ್ಶನ್​ ದುರ್ಯೋಧನನಾದರೆ, ರೆಬೆಲ್​ ಸ್ಟಾರ್​ ಅಂಬಿ ಬೀಷ್ಮನ ಪಾತ್ರದಲ್ಲಿ ತೆರೆ ಮೇಲೆ ರಾರಾಜಿಸಲಿದ್ದಾರೆ. ಉಳಿದಂತೆ ರವಿಚಂದ್ರನ್​, ಭಾರತಿ ವಿಷ್ಣುವರ್ಧನ್​,  ನಿಖಿಲ್​ ಮುಂತಾದವರು ಈ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ.

 

PHOTOS: 'ಬೆಂಕಿಯಲ್ಲಿ ಅರಳಿದ ಹೂ' ಖ್ಯಾತಿಯ ಸುಹಾಸಿನಿ ಮಣಿರತ್ನಂರ ಅಂದು-ಇಂದು..!