Darshan: ಸ್ನೇಹಿತರೊಂದಿಗೆ ಟ್ರ್ಯಾಕ್ಟರ್​ ಹತ್ತಿ ರಸ್ತೆಗಿಳಿದ ದರ್ಶನ್​..!

ದರ್ಶನ್​ ಅವರಿಗೆ ದುಬಾರಿ ಬೆಲೆಯ ಬೈಕ್​ ಹಾಗೂ ಕಾರುಗಳೆಂದರೆ ಸಖತ್​ ಕ್ರೇಜ್​. ಹೊಸ ಬೈಕ್​ ಅಥವಾ ಕಾರು ಖರೀದಿಸಿದ ಕೂಡಲೇ ಅವರು ಅದನ್ನು ಪೂಜೆ ಮಾಡಿಸಲು ಮೈಸೂರಿನ ಚಾಮುಂಡಿ ಬೆಟ್ಟಕ್ಕೆ ತೆಗೆದುಕೊಂಡು ಹೋಗುತ್ತಾರೆ. ಜೊತೆಗೆ ಬಿಡುವಿನ ವೇಳೆಯಲ್ಲಿ ತಮ್ಮಿಷ್ಟದ ಕಾರನ್ನು ತೆಗೆದುಕೊಂಡು ರಸ್ತೆಗಿಳಿಯುತ್ತಾರೆ. 

ಕಾರುಗಳೆಂದರೆ ಸಖತ್​ ಕ್ರೇಜ್​ ಇರುವ ದರ್ಶನ್​ ಈಗ ಟ್ರ್ಯಾಕ್ಟರ್ ಹತ್ತಿ ರಸ್ತೆಗಿಳಿದಿದ್ದಾರೆ. ಅವರು ಟ್ರ್ಯಾಕ್ಟರ್​ ಓಡಿಸುವ ಫೋಟೋಗಳು ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

EXCLUSIVE PICTURE
ಬಾಕ್ಸ್ ಆಫೀಸ್ ಸುಲ್ತಾನ್ ಚಾಲೆಂಜಿಂಗ್ ಸ್ಟಾರ್ @dasadarshan ಬಾಸ್ 👌#dboss #darshanthoogudeepasrinivas #dteam7999 #thoogudeepa_d_team pic.twitter.com/OcBKA4iRwX

— Thoogudeepa 'D' Team - R (@DTEAM7999) July 14, 2020

ಇನ್ನು ದರ್ಶನ್​ ಈ ಟ್ರ್ಯಾಕ್ಟರ್​ ಹತ್ತಲೂ ಒಂದು ಕಾರಣವಿದೆ. ಅದು ಅವರು ತಮ್ಮ ತೋಟಕ್ಕೆಂದು ಹೊಸ ಟ್ರ್ಯಾಕ್ಟರ್​ ಖರೀದಿಸಿದ್ದಾರೆ. ಜೊತೆಗೆ ಸ್ನೇಹಿತರೊಂದಿಗೆ ಒಂದು ಸುತ್ತು ಹಾಕಿದ್ದಾರಂತೆ.

EXCLUSIVE PHOTO
ಮೈಸೂರಿನಲ್ಲಿರುವ ತಮ್ಮ ತೋಟಕ್ಕಾಗಿ ಹೊಸದೊಂದು ಟ್ರ್ಯಾಕ್ಟರ್ ಖರೀದಿ ಮಾಡಿದ ದಾಸ ಚಾಲೆಂಜಿಂಗ್ ಸ್ಟಾರ್ @dasadarshan ಬಾಸ್ pic.twitter.com/5uLmhs711T

— Thoogudeepa 'D' Team - R (@DTEAM7999) July 15, 2020

ದರ್ಶನ್​ ಟ್ರ್ಯಾಕ್ಟರ್​ ಹತ್ತಿ, ಸುತ್ತಲೂ ಸ್ನೇಹಿತರನ್ನು ಕೂರಿಸಿಕೊಂಡು ರಸ್ತೆಯಲ್ಲಿ ಟ್ರ್ಯಾಕ್ಟರ್​ ಓಡಿಸುತ್ತಿರುವ ವಿಡಿಯೋ ಈಗ ಅವರ ಅಭಿಮಾನಿಗಳ ಪುಟಗಳಲ್ಲಿ ವೈರಲ್​ ಆಗುತ್ತಿದೆ. ಅಭಿಮಾನಿಗಳು ಹಾಗೂ ಸ್ನೇಹಿತರ ವಿಷಯಕ್ಕೆ ಬಂದರೆ ದರ್ಶನ್​ ಯಾವಾಗಲು ಕೈಗೆಟುಕುವಂತೆಯೇ ಇರುತ್ತಾರೆ.

ಬಾಕ್ಸ್ ಆಫೀಸ್ ಸುಲ್ತಾನ್ ಅಭಿಮಾನಿಗಳ ಆರಾಧ್ಯದೈವ ಚಾಲೆಂಜಿಂಗ್ ಸ್ಟಾರ್ @dasadarshan ಬಾಸ್ ರವರು ಹಾಗೂ
ಡಿ ಬಾಸ್ ಸೋದರಳಿಯ ಚಂದು ರವರು ಮೈಸೂರಿನ ಫಾರ್ಮ್ ಹೌಸ್ ನಲ್ಲಿ ನೆಚ್ಚಿನ ಪ್ರಾಣಿಗಳಿಗೆ ಹಾರೈಕೆ ಮಾಡುತ್ತಿರುವ ವಿಡಿಯೋ ನಿಮಗಾಗಿ@Dcompany171 @Thoogudeepa_TM @Kkbdfa @sharadasrinidhi @saraswathi1717 @DBossFc171 pic.twitter.com/iCpibu8Y2p

— Thoogudeepa 'D' Team - R (@DTEAM7999) June 16, 2020

ಹೆಚ್ಚಾಗಿ ಮೈಸೂರಿನಲ್ಲಿರುವ ತೋಟದ ಮನೆಯಲ್ಲೇ ಕಾಲ ಕಳೆಯುವ ದರ್ಶನ್​, ಲಾಕ್​ಡೌನ್​ ಸಡಿಲಗೊಳ್ಳುತ್ತಿದ್ದಂತೆಯೇ ಬೆಂಗಳೂರಿನಿಂದ ಮೈಸೂರಿಗೆ ಹೋಗಿದ್ದಾರೆ. ಕೆಲ ಸಮಯದಿಂದ ಅಲ್ಲೇ ಇರುವ ದರ್ಶನ್​, ತಮ್ಮ ಸಾಕು ಪ್ರಾಣಿಗಳ ಆರೈಕೆಯಲ್ಲಿ ತೊಡಗಿದ್ದಾರೆ.

ರಾಜಕುಮಾರ ಖ್ಯಾತಿಯ ನಟ ಶರತ್​ ಕುಮಾರ್ ಅವರ ಫೋಟೋಗಳು

ದರ್ಶನ್​ ಅಭಿನಯದ ಮದಕರಿ ನಾಯಕ ಚಿತ್ರದ ಚಿತ್ರೀಕರಣ ಮುಂದಕ್ಕೆ ಹೋಗಿದೆ. ಇನ್ನು ರಿಲೀಸ್​ಗೆ ರೆಡಿಯಾಗಿರುವ ರಾಬರ್ಟ್​ ಚಿತ್ರತಂಡ ಲಾಕ್​ಡೌನ್​ನಿಂದಾಗಿ ಬಿಡುಗಡೆ ದಿನಾಂಕವನ್ನು ಮುಂದಿನ ವರ್ಷಕ್ಕೆ ಮುಂದೂಡಿದೆಯಂತೆ.

ಇದನ್ನೂ ಓದಿ: Jaggesh: ಅಭಿಮಾನಿಗಳಿಗೆ ತಮ್ಮ ನಂದಗೋಕುಲವನ್ನು ಪರಿಚಯಿಸಿದ ಜಗ್ಗೇಶ್​..!