Darshan 55th Movie: ದರ್ಶನ್ ಕಡೆಯಿಂದ ಸಿಕ್ತು ಸಿಹಿ ಸುದ್ದಿ: ಅನೌನ್ಸ್ ಆಯ್ತು ದಾಸನ 55ನೇ ಸಿನಿಮಾ..!

ದರ್ಶನ್​  (Darshan) ಅವರ ಹೆಸರು ಬಳಸಿಕೊಂಡು 25 ಕೋಟಿ ವಂಚನೆ ಯತ್ನ ಪ್ರಕರಣಕ್ಕೆ ಸಂಬಂಧಿಸಿದ ಸುದ್ದಿಗಳನ್ನೇ ಕಳೆದ ಕೆಲವು ದಿನಗಳಿಂದ ಕೇಳಿ ಕೇಳಿ ಬೇಸರಗೊಂಡಿದ್ದ ಅಭಿಮಾನಿಗಳಿಗೆ ಈಗ  ಡಿಬಾಸ್​ ಕಡೆಯಿಂದ ಗುಡ್​ ನ್ಯೂಸ್ ಒಂದು ಸಿಕ್ಕಿದೆ. ಅದು ದರ್ಶನ್​ ಅವರ ಹೊಸ ಸಿನಿಮಾ ಕುರಿತದ್ದಾಗಿದೆ. ದರ್ಶನ್  ತೂಗುದೀಪ ಅವರ ರಾಬರ್ಟ್​ ಸಿನಿಮಾ ಕೊರೋನಾ ಮೊದಲ ಅಲೆ ಮುಕ್ತಾಯಗೊಂಡು ಲಾಕ್​ಡೌನ್​ ತೆರೆವುಗೊಂಡ ಶಿವರಾತ್ರಿ ಹಬ್ಬದಂದು ರಿಲೀಸ್​ ಆಗಿ ಯಶಸ್ಸು ಕಂಡಿತ್ತು. ಕೋಟಿ ಕೋಟಿ ಲೂಟಿ ಮಾಡಿದ್ದ ತರುಣ್​ ಸುಧೀರ್​ ರಾಬರ್ಟ್​  (Roberrt)ಸಿನಿಮಾ ನಂತರ ಡಿಬಾಸ್​ ಯಾವುದೇ ಹೊಸ ಚಿತ್ರವನ್ನು ಪ್ರಕಟಿಸಿರಲಿಲ್ಲ. ರಾಬರ್ಟ್​ ಸಿನಿಮಾದ ಚಿತ್ರೀಕರಣ ಪೂರ್ಣಗೊಂಡ ನಂತರ ಗಂಡುಗಲಿ ಮದಕರಿ ನಾಯಕ ಚಿತ್ರದ ಶೂಟಿಂಗ್​ ಆರಂಭವಾಗಬೇಕಿತ್ತು. ಕೊರೋನಾ ಕಾರಣದಿಂದಾಗಿ ಸಿನಿಮಾದ ಚಿತ್ರೀಕರಣವನ್ನು ಮುಂದಕ್ಕೆ ಹಾಕಲಾಗಿತ್ತು. ಆದರೆ ಇದರ ಚಿತ್ರೀಕರಣ ಆರಂಭವಾಗುವ ಮುನ್ನವೇ ದರ್ಶನ್​  ಅವರ 55ನೇ ಚಿತ್ರದ ಬಗ್ಗೆ ಅಪ್ಡೇಟ್ ಸಿಕ್ಕಿದೆ. 

ಡಿಬಾಸ್ ದರ್ಶನ್ ಅಭಿನಯದ ಡಿ55 ಸಿನಿಮಾ ಕುರಿತಾಗಿ ಈಗ ಅಧಿಕೃತ ಪ್ರಕಟಣೆ ಹೊರ ಬಿದ್ದಿದೆ. ಯಜಮಾನ (Yajamana) ಚಿತ್ರದ ನಿರ್ಮಾಪಕಿ ಶೈಲಜಾ ನಾಗ್ (Shylaja Nag)​ ಅವರೊಂದಿಗೆ ದರ್ಶನ್​ ಮತ್ತೆ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರವನ್ನು ಹರಿಕೃಷ್ಣ ಅವರು ನಿರ್ದೇಶನ ಮಾಡುತ್ತಿದ್ದಾರೆ.

#D55 Taking off with Pride @dasadarshan @bsuresha @harimonium pic.twitter.com/2ogunLps9w

— Shylaja Nag (@shylajanag) July 14, 2021

ಹೌದು, ಯಜಮಾನ ಚಿತ್ರದ ಬಳಿಕ ಮತ್ತೆ ದರ್ಶನ್, ವಿ. ಹರಿಕೃಷ್ಣ (V Harikrishna) ಹಾಗೂ ಶೈಲಜಾ ನಾಗ್ (Shylaja Nag) ಕಾಂಬಿನೇಷನ್​ನಲ್ಲಿ ಡಿ55 ಚಿತ್ರ ಮೂಡಿ ಬರಲಿದೆ. ಈ ಸಿನಿಮಾಗೆ ಶೈಲಜಾ ನಾಗ್ ಅವರ ಜತೆಗೆ ಬಿ. ಸುರೇಶ್ (B Suresh) ಅವರೂ ಬಂಡವಾಳ ಹೂಡಲಿದ್ದಾರಂತೆ.

ಇದನ್ನೂ ಓದಿ: ಗುಡ್​ ಬೈ ಚಿತ್ರದ ಪಾರ್ಟಿಯಲ್ಲಿ ಕುಣಿದು ಕುಪ್ಪಳಿಸಿದ ರಶ್ಮಿಕಾ ಮಂದಣ್ಣ: ಫೋಟೋ ವೈರಲ್​..!

ವಿ. ಹರಿಕೃಷ್ಣ, ಶೈಲಜಾ ನಾಗ್ ಹಾಗೂ ಬಿ. ಸುರೇಶ್ ಅವರು ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿರುವ ದರ್ಶನ್ ಅವರ ಮನೆಗೆ ಭೇಟಿ ನೀಡಿದ್ದು, ಡಿ55 ಸಿನಿಮಾದ ಬಗ್ಗೆ ಚರ್ಚಿಸಿದ್ದಾರೆ. ಈ ಕುರಿತಾಗಿ ಶೈಲಜಾ ಅವರೇ ಟ್ವಿಟರ್​ನಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: Dia Mirza-Baby Boy: ಎರಡು ತಿಂಗಳ ಮುಂಚೆಯೇ ತಾಯಿಯಾದ ದಿಯಾ ಮಿರ್ಜಾ: ಮಗನ ಹೆಸರು ರಿವೀಲ್​ ಮಾಡಿದ ನಟಿ..!

ಯಜಮಾನ ಸಿನಿಮಾ ಯಶಸ್ಸು ಕಂಡ ಬೆನ್ನಲ್ಲೇ ದರ್ಶನ್ ಅವರು ಶೈಲಜಾ ನಾಗ್​ ಅವರೊಂದಿಗೆ ಮತ್ತೊಂದು ಚಿತ್ರ ಮಾಡುವುದಾಗ ಪ್ರಕಟಿಸಿದ್ದರು. ಆದರೆ ಅದರ ಕುರಿತಾದ ಮಾಹಿತಿ ಈಗ ಲಭ್ಯವಾಗಿದೆ. ಈ ಸಿನಿಮಾದಲ್ಲಿ ಯಾರು ನಾಯಕಿ, ಯಾವ ಜಾನರ್ ಸಿನಿಮಾ ಇದಾಗಲಿದೆ ಅನ್ನೋ ಪ್ರಶ್ನೆಗಳು ಈಗ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ: Megha Shetty: ಆ ಕಾರಣದಿಂದಾಗಿ ಜೊತೆ ಜೊತೆಯಲಿ ಧಾರಾವಾಹಿಯಿಂದ ಹೊರ ಬಂದ್ರಾ ಮೇಘಾಶೆಟ್ಟಿ..!

ಕುರುಕ್ಷೇತ್ರ ದರ್ಶನ್​ ಅಭಿನಯದ 50ನೇ ಸಿನಿಮಾ ಆಗಿದ್ದು, ಒಡೆಯ 51ನೇ ಚಿತ್ರ, ರಾಬರ್ಟ್​ 52ನೇ ಚಿತ್ರ ಹಾಗೂ ಗಂಡುಗಲಿ ಮದಕರಿ ನಾಯಕ 53ನೇ ಸಿನಿಮಾ ಆಗಿದೆ. ಈಗ ಶೈಲಜಾ ನಾಗ್​ ಅವರು 55ನೇ ಚಿತ್ರ ಪ್ರಕಟಿಸಿದ್ದಾರೆ. ಹೀಗಿರುವಾಗ ಡಿಬಾಸ್​ ಅವರ 54ನೇ ಚಿತ್ರ ಯಾವುದು ಅನ್ನೋ ಪ್ರಶ್ನೆ ಕಾಡುತ್ತದೆ. ಅದಕ್ಕೂ ಉತ್ತರ ಇದೆ. ದರ್ಶನ್ ಅವರು ರಾಕ್​ಲೈನ್​ ಜೊತೆ ಚಿತ್ರವನ್ನು ಮಾಡಲಿದ್ದು, ಅದೇ ಅವರ 54ನೇ ಸಿನಿಮಾ ಆಗಲಿದೆ ಎಂದು ಹೇಳಲಾಗುತ್ತಿದೆ.