HBD Sumalatha Ambareesh: ಮದರ್​ ಇಂಡಿಯಾಗೆ ಹುಟ್ಟುಹಬ್ಬದ ಶುಭ ಕೋರಿದ ದರ್ಶನ್​..!

ರೆಬೆಲ್​ ಸ್ಟಾರ್​ ಅಂಬಿ ಅವರ ಕುಟುಂಬದಲ್ಲಿ ದರ್ಶನ್​ ಅವರಿಗೆ ಒಂದು ವಿಶೇಷ ಸ್ಥಾನವಿದೆ. ಅಂಬಿ ಯಾವಾಗ್ಲೂ ಹೇಳುತ್ತಿದ್ದರು ದರ್ಶನ್​ ಅವರ ದೊಡ್ಡ ಮಗನಿದ್ದಂತೆ ಅಂತ. ಅದರಂತೆ ಅಂಬಿಯ ನಿಧನದ ನಂತರವೂ ದರ್ಶನ್​ ಹಿರಿಯ ಮಗನ ಕರ್ತವ್ಯವನ್ನು ಜವಾಬ್ದಾರಿಯುತವಾಗಿ ನಿರ್ವಹಿಸಿದ್ದಾರೆ.

ಸುಮಲತಾ ಅವರು ಮಂಡ್ಯದಿಂದ ಲೋಕಸಭಾ ಚುನಾವಣೆಗೆ ಪಕ್ಷೇತರ ಅಭ್ಯರ್ಥಿಯಾಗಿ ನಿಂತಾಗಲೂ ದರ್ಶನ್​ ತಮ್ಮ ಎಲ್ಲ ಕೆಲಸಗಳನ್ನು ಬದಿಗಿಟ್ಟು, ಅವರ ಪರವಾಗಿ ಶ್ರಮಿಸಿದ್ದರು. ಇನ್ನೂ ಅಭಿಷೇಕ್​ ಅಂಬರೀಷ್​ ಅವರ 'ಅಮರ್​' ಸಿನಿಮಾ ಚಿತ್ರೀಕರಣದಲ್ಲೂ ಬೆನ್ನೆಲುಬಾಗಿ ನಿಂತಿದ್ದರು.



ಸುಮಲತಾ ಅವರನ್ನು ಮದರ್ ಇಂಡಿಯಾ ಎಂದೇ ಕರೆಯುವ ದರ್ಶನ್​, ಇಂದು ಅಮ್ಮನ ಹುಟ್ಟುಹಬ್ಬಕ್ಕೆ ವಿಶ್​ ಮಾಡಿದ್ದಾರೆ. ಎಂದಿನಂತೆ ಮದರ್ ಇಂಡಿಯಾ ಸುಮಲತಾ ಅಮ್ಮನವರಿಗೆ ಹುಟ್ಟುಹಬ್ಬ ಶುಭಾಶಯಗಳು ಎಂದು ಟ್ವಿಟರ್​ ಹಾಗೂ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದಾರೆ.

"ಮದರ್ ಇಂಡಿಯಾ" @sumalathaA ಅಮ್ಮರವರಿಗೆ ಹುಟ್ಟು ಹಬ್ಬದ ಹಾರ್ಧಿಕ ಶುಭಾಶಯಗಳು.💐🎂 pic.twitter.com/cWy1vblwu9

— Darshan Thoogudeepa (@dasadarshan) August 27, 2020

ಇನ್ನು ಸುಮಲತಾ ಅವರ ಹಟ್ಟುಹಬ್ಬಕ್ಕೆ ಮುಖ್ಯಮಂತ್ರಿ ಯಡಿಯೂರಪ್ಪ ಸೇರಿದಂತೆ ಹಲವಾರು ರಾಜಕೀಯ ನಾಯಕರು ಹಾಗೂ ಸೆಲೆಬ್ರಿಟಿಗಳು ವಿಶ್ ಮಾಡಿದ್ದಾರೆ.

ಖ್ಯಾತ ಕಲಾವಿದೆ, ಮಂಡ್ಯ ಲೋಕಸಭಾ ಕ್ಷೇತ್ರದ ಜನಪ್ರಿಯ ಸಂಸತ್ ಸದಸ್ಯರಾದ ಶ್ರೀಮತಿ ಸುಮಲತಾ ಅಂಬರೀಷ್ ಅವರಿಗೆ ಜನ್ಮದಿನದ ಹಾರ್ದಿಕ ಶುಭಾಶಯಗಳು. ದೇವರ ಅನುಗ್ರಹ ಸದಾ ಇರಲಿ ಎಂದು ಹಾರೈಸುತ್ತೇನೆ.@sumalathaA

— B.S. Yediyurappa (@BSYBJP) August 27, 2020

ಮಂಡ್ಯ ಸಂಸದೆ, ಹಿರಿಯ ನಾಯಕಿ @sumalathaA ಅವರಿಗೆ ಜನ್ಮದಿನದ ಹಾರ್ದಿಕ ಶುಭಾಶಯಗಳು. ಸಕ್ಕರೆ ನಾಡು ಮಂಡ್ಯದ ಸಮಗ್ರ ಅಭಿವೃದ್ಧಿಗಾಗಿ ಶ್ರಮಿಸುತ್ತಿರುವ ನಿಮಗೆ ಭಗವಂತನು ದೀರ್ಘಾಯುಷ್ಯ, ಉತ್ತಮ ಅರೋಗ್ಯ ನೀಡಿ ಆಶೀರ್ವದಿಸಲಿ ಎಂದು ನನ್ನ ಶುಭಹಾರೈಕೆ. pic.twitter.com/Owv6Rf8t9Z

— Dr. Ashwathnarayan C. N. (@drashwathcn) August 27, 2020

ಹಿರಿಯ ನಟಿ, ಮಂಡ್ಯ ಸಂಸದೆ,. ದಿವಗಂತ ರೆಬಲ್ ಸ್ಟಾರ್ ಅಂಬರೀಶ್ ರವರ ಧರ್ಮಪತ್ನಿ @sumalathaA ಅಮ್ಮ ಅವರಿಗೆ ಹುಟ್ಟು ಹಬ್ಬದ ಶುಭಾಶಯಗಳು ...

— ಸುನಿ/SuNi (@SimpleSuni) August 27, 2020

ಮಗ ಅಭಿಷೇಕ್​ ಅಂಬರೀಷ್​ ಸಹ ಮನೆಯಲ್ಲಿ ಅಮ್ಮನ ಹುಟ್ಟುಹಬ್ಬ ಆಚರಿಸಿದ್ದಾರೆ. ಮನೆಯಲ್ಲೇ ಕೇಕ್​ ಕತ್ತರಿಸುವ ಮೂಲಕ ಸಂಭ್ರಮಿಸಿದ್ದಾರೆ. ಅಮ್ಮನ ಹುಟ್ಟುಹಬ್ಬ ಆಚರಿಸಿದ ಮುದ್ದಾದ ವಿಡಿಯೋ ಸಹ ತಮ್ಮ ಇನ್​​ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ ಅಭಿಷೇಕ್​ ಅಂಬರೀಷ್​.