Roberrt: ಅದ್ಧೂರಿಯಾಗಿ ಎಂಟ್ರಿ ಕೊಟ್ಟಿದ್ದಾನೆ ರಾಬರ್ಟ್​: ಬಹುತೇಕ ಬೆಳಗಿನ ಶೋಗಳು ಹೌಸ್​ಫುಲ್​..!

ಸ್ಯಾಂಡಲ್​ವುಡ್​ನ ಬಹುನಿರೀಕ್ಷಿತ ರಾಬರ್ಟ್ ಸಿನಿಮಾ ರಿಲೀಸ್ ಆಗಿದೆ. ಕಳೆದ ಕೆಲವು ದಿನಗಳಿಂದಲೇ ದರ್ಶನ್​ ಅಭಿಮಾನಿಗಳು ಚಿತ್ರಮಂದಿರಗಳ ಬಳಿ ರಾಬರ್ಟ್​ ಕಟೌಟ್​ ನಿಲ್ಲಿಸು ಕೆಲಸದಲ್ಲಿ ನಿರತರಾಗಿದ್ದರು. ಇನ್ನು ನಿನ್ನೆಯಿಂದಲೇ ಸಿನಿಮಾ ರಿಲೀಸ್​ ಹಿನ್ನೆಲೆಯಲ್ಲಿ ಅಭಿಮಾನಿಗಳು ವಿಶೇಷ ಪೂಜೆ ಮಾಡಿಸಲಾರಂಭಿಸಿದ್ದಾರೆ.  ಪದ್ಮನಾಭನಗರದ ಶ್ರೀನಿವಾಸ ಥಿಯೇಟರ್​ನಲ್ಲಿ ವಿಶೇಷ ಪೂಜೆ ಮಾಡಿಸಲಾಯಿತು. ರಾಬರ್ಟ್ ತಂಡದಿಂದ ಥಿಯೇಟರ್ ಸ್ಕ್ರೀನ್​ಗೆ ವಿಶೇಷ ಪೂಜೆ ಮಾಡಿಸಲಾಯಿತು. ಪೂಜೆಯಲ್ಲಿ ನಿರ್ದೇಶಕ ತರುಣ್ ಸುಧೀರ್, ನಾಯಕಿ ಆಶಾ ಭಟ್ ಹಾಗೂ ಚಿತ್ರತಂಡ ಭಾಗಿಯಾಗಿತ್ತು. ಸಿನಿಮಾಗೆ ಯಶಸ್ಸು ಸಿಗಲಿ, ಯಾವುದೇ ಸಮಸ್ಯೆ ಆಗದಿರಲಿ ಎಂದು ಪೂಜೆ ಮಾಡಿಸಲಾಯಿತು. ಇನ್ನು ಪೂಜೆ ಮಾಡಿಸಿದ ನಂತರ ಶ್ರೀನಿವಾಸ ಥಿಯೇಟರ್​ನಲ್ಲಿ ಸಿನಿಮಾದ ಮೊದಲ ಟಿಕೆಟ್ ಅನ್ನು ನಿರ್ದೇಶಕ ನಂದ ಕಿಶೋರ್ ಅವರ ಮಗ ಶೌರ್ಯನಿಗೆ ನೀಡಲಾಯಿತು. ತನ್ನ ಮಗ ಲಕ್ಕಿ ಅಂತ ಮಗನ ಮೂಲಕ ಟಿಕೆಟ್ ಪಡೆದಿದ್ದಾರೆ ನಿರ್ದೇಶಕ ನಂದ ಕಿಶೋರ್. ಪೂಜೆಯಲ್ಲಿ ಮದಗಜ ನಿರ್ದೇಶಕ ಮಹೇಶ್​ ಸಹ ಭಾಗಿಯಾಗಿದ್ದರು.

ಕಳೆದ ವಾರ ನಂದ ಕಿಶೋರ್ ನಿರ್ದೇಶನದ ಪೊಗರು ಸಿನಿಮಾ ರಿಲೀಸ್ ಆಗಿತ್ತು. ಇವತ್ತು ಸಹೋದರ ತರುಣ್ ಕಿಶೋರ್ ಸಿನಿಮಾ ರಾಬರ್ಟ್ ರಿಲೀಸ್ ಆಗಿದ್ದು, ಚಿತ್ರತಂಡ ಆಯೋಜಿಸಿದ್ದ ಪೂಜೆಗೆ ಬಂದಿದ್ದರು ನಂದ ಕಿಶೋರ್. ರಾಬರ್ಟ್ ಚಿತ್ರ ಬಿಡುಗಡೆ ಹಿನ್ನೆಲೆ ಪ್ರಸನ್ನ ಚಿತ್ರಮಂದಿರಕ್ಕೆ ವಿದ್ಯುತ್ ದೀಪಗಳಿಂದ ಅಲಂಕಾರ ಮಾಡಲಾಗಿದೆ. ಬೆಳಗ್ಗೆ 6.30ಕ್ಕೆ ರಾಬರ್ಟ್ ಮೊದಲ ಪ್ರದರ್ಶನ ಆರಂಭವಾಗಿದೆ.

View this post on Instagram

A post shared by D Company(R)Official (@dcompanyrofficial)

ದರ್ಶನ್ ಅಭಿಮಾನಿಗಳು ಚಿತ್ರಮಂದಿರದ ಬಳಿ ಪಟಾಕಿ ಸಿಡಿಸಿ ಖುಷಿ ಪಟ್ಟಿದ್ದಾರೆ. ಡಿ ಬಾಸ್ ಡಿ ಬಾಸ್ ಎಂದು ದರ್ಶನ್ ಗೆ ಜೈಕಾರ ಕೂಗುತ್ತಾ ಸಂಭ್ರಮಿಸಿದ್ದಾರೆ. ಇನ್ನು ಇಂದು ಬೆಳಿಗ್ಗೆ 6 ಗಂಟೆಗೆ 100ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬೆಳಗಿನ ಶೋ ಆರಂಭವಾಗಿದೆ.

View this post on Instagram

A post shared by DBoss Fans Gubbi R (@dbossfansgubbir)

ಲಾಕ್​ಡೌನ್​ ಸಡಿಲಗೊಂಡ ನಂತರ ರಿಲೀಸ್​ ಆಗಿರುವ ದರ್ಶನ್​ ಅವರ ಮೊದಲ ಚಿತ್ರ ಇಗಿದ್ದು, ಅಭಿಮಾನಿಗಳು ಕಳೆದ ಒಂದು ವರ್ಷದಿಂದ ತಾಳ್ಮೆಯಿಂದ ಕಾಯುತ್ತಿದ್ದರು. ಇನ್ನು ಸಿನಿಮಾ ರಿಲೀಸ್​ಗೂ ಮೊದಲೇ ಬೆಳಗಿನ ಬಹುತೇಕ ಶೋಗಳ ಟಿಕೆಟ್​ ಸೋಲ್ಡ್​​ಔಟ್​ ಆಗಿತ್ತು. ಇನ್ನು ಬೆಂಗಳೂರಿನಲ್ಲಿ ಇಂದು ಸಂಜೆಯ ಹಲವಾರು ಶೋಗಳೂ ಸಹ ಹೌಸ್​ಫುಲ್​ ಆಗಿವೆ.

#Roberrt is creating rage at Box Office 🔥

Tickets are selling like Hot Cakes. Already 360+ Shows are Sold out/Fast filling on Blore+Mysuru BMS Alone 👌@dasadarshan @StarAshaBhat @tv9kannada @AsianetNewsSN @News18Kannada @TV5kannada @NewsFirstKan @TV9Telugu @TBO_Updates pic.twitter.com/nDf2Ky66oR

— Darshan Universe (R) Official (@DBossFc171) March 10, 2021

ತರುಣ್​ ಸುಧೀರ್​ ನಿರ್ದೇಶನದ ರಾಬರ್ಟ್​ ಸಿನಿಮಾ ಕನ್ನಡ ಹಾಗೂ ತೆಲುಗಿನಲ್ಲಿ ರಿಲೀಸ್​ ಆಗಿದೆ. ಸದ್ಯಕ್ಕೆ ದಾದಸನ ಅಭಿಮಾನಿಗಳು ಚಿತ್ರಮಂದಿರಕ್ಕೆ ಲಗ್ಗೆಯಿಟ್ಟಿದ್ದು ಬೆಳಗಿನಿಂದಲೇ ಸಿನಿಮಾ ನೋಡುತ್ತಿದ್ದಾರೆ.