DBoss Darshan: ದರ್ಶನ್​ ಅಭಿನಯದ 'ಗಂಡುಗಲಿ ಮದಕರಿ ನಾಯಕ' ಚಿತ್ರಕ್ಕೆ ಸಿಕ್ತು ಅದ್ದೂರಿ ಕಿಕ್​ ಸ್ಟಾರ್ಟ್​..!

ದರ್ಶನ್​ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ 'ಗಂಡುಗಲಿ ಮದಕರಿ ನಾಯಕ' ಸಿನಿಮಾದ ಮುಹೂರ್ತಕ್ಕೆ ಕೊನೆಗೂ ಕಾಲ ಕೂಡಿ ಬಂದಿದೆ. ಈ ಹಿಂದೆ ಸಾಕಷ್ಟು ವಿವಾದಗಳಿಂದಾಗಿ ಸದ್ದು ಮಾಡಿದ್ದ ಈ ಸಿನಿಮಾದ ಚಿತ್ರೀಕರಣಕ್ಕೆ ಕಾಲ ಸನ್ನಿಹಿತವಾಗಿದೆ.

ಚಿತ್ರತಂಡ ಇಂದು  ಚಿತ್ರದುರ್ಗಕ್ಕೆ ಬಂದಿದ್ದು,  ಚಿತ್ರತಂಡ ನೀಲಕಂಠೇಶ್ವರ ದೇವಸ್ಥಾನ ಸೇರಿದಂತೆ ವಿಶೇಷ ಪೂಜೆ ಸಲ್ಲಿಸಿತ್ತು. ಸಿನಿಮಾ ಚಿತ್ರೀಕರಣ ಆರಂಭಕ್ಕೆ ಆಶೀರ್ವಾದ ಪಡೆದಿದೆ.

ಈ ವೇಳೆ ದರ್ಶನ್​ ಅವರನ್ನು ನೋಡಲು ಅಭಿಮಾನಿಗಳು ಮುಗಿಬಿದಿದ್ದು, ಡಿಬಾಸ್​ಗೆ ಜೈ ಎನ್ನುತ್ತಾ ಅಭಿಮಾನಿಗಳು ಸ್ವಾಗತ ಕೋರಿದ್ದಾರೆ. ಈ ವೇಳೆ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಗಿದ್ದ ಕಾರಣ ದೇವಾಲಯದ ಬಳಿ ಬಿಗಿ ಪೊಲೀಸ್​ ಬಂದೋಬಸ್ತ್​ ಸಹ ಏರ್ಪಡಿಸಲಾಗಿತ್ತು. ದರ್ಶನ್​ ಅವರನ್ನು ನೋಡಲು ಬಂದಿದ್ದ ಅಭಿಮಾನಿಗಳನ್ನು ತೆಡೆಯಲು ಪೊಲೀಸರು ಹರಸಾಹಸ ಪಡಬೇಕಾಯಿತು.

ಇದನ್ನೂ ಓದಿ: Sarileru Neekevvaru: ಪ್ರತಿ ಸೋಮವಾರ ಮಹೇಶ್​ ಬಾಬು ಅಭಿಮಾನಿಗಳಿಗೆ ಹಬ್ಬ: ಬಿಡುಗಡೆಯಾಗಲಿದೆ ವಾರಕ್ಕೊಂದು ಹಾಡು..!

ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್, ನಿರ್ದೇಶಕ ರಾಜೇಂದ್ರ ಸಿಂಗ್​ ಬಾಬು, ಪೋಷಕ ನಟರಾದ ದೊಡ್ಡಣ್ಣ, ಶ್ರೀನಿವಾಸ್ ಮೂರ್ತಿ ಅವರೊಂದಿಗೆ ಚಿತ್ರತಂಡವೇ  ಈ ಪೂಜೆಯಲ್ಲಿ ಭಾಗವಹಿಸಿತ್ತು.

ಬೆಂಗಳೂರಿನಲ್ಲಿ ಸಿನಿಮಾದ ಅಧಿಕೃತ ಲಾಂಚ್​ ಕಾರ್ಯಕ್ರಮ

ಚಿತ್ರದುರ್ಗದಲ್ಲಿ ಈ ಚಿತ್ರದ ಮುಹೂರ್ತ ನೆರವೇರಿದ್ದರೂ, ಬೆಂಗಳೂರಿನಲ್ಲಿ ಅಧಿಕೃತವಾಗಿ ಲಾಂಚ್​ ಮಾಡಲು ವಿಶೇಷ ಕಾರ್ಯಕ್ರಮವನ್ನು ಹಮ್ಮಿಕೊಂಡಿಕೊಂಡಿದೆಯಂತೆ ಚಿತ್ರತಂಡ.

ಡಿ.6ಕ್ಕೆ ಈ ಸಿನಿಮಾದ ಅಧಿಕೃತ ಲಾಂಚ್​ ಕಾರ್ಯಕ್ರಮವನ್ನು ಬೆಂಗಳೂರಿನಲ್ಲಿ ನಡೆಸುವ ತಯಾರಿಯಲ್ಲಿದೆಯಂತೆ ಚಿತ್ರತಂಡ. ಬರಹಗಾರ ಬಿ.ಎಲ್​ ವೇಣು ಅವರ ಕೃತಿ ಆಧಾರಿತ 'ಗಂಡುಗಲಿ ಮದಕರಿ ನಾಯಕ' ಸಿನಿಮಾಗೆ ರಾಜೇಂದ್ರ ಸಿಂಗ್​ ಬಾಬು ಆ್ಯಕ್ಷನ್​ ಕಟ್​ ಹೇಳಲಿದ್ದಾರೆ.

ಇದನ್ನೂ ಓದಿ: ನಟಿ ಕಂಗನಾ ಬಳಸುವ ಒಂದು ಹ್ಯಾಂಡ್​ ಬ್ಯಾಗ್​ ಬೆಲೆ ಸಾಮಾನ್ಯನ ವಾರ್ಷಿಕ ಆದಾಯಕ್ಕಿಂತ ಹೆಚ್ಚು..!

ಈ ಹಿಂದೆ ಮದಕರಿ ನಾಯಕ ಸಿನಿಮಾವನ್ನು ಮಾಡುವುದಾಗಿ ದರ್ಶನ್​ ಅವರು ಪ್ರಕಟಿಸಿದ ನಂತರ, ಸುದೀಪ್​ ಅವರೂ ಇದೇ ಚಿತ್ರವನ್ನು ಮಾಡುವುದಾಗಿ ಪ್ರಕಟಿಸಿದ್ದರು. ಇದರಿಂದಾಗಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಚರ್ಚೆಯಾಗಿ ವಿವಾದಕ್ಕೆ ಕಾರಣವಾಗಿತ್ತು. ನಂತರದಲ್ಲಿ ಸುದೀಪ್​ ತಾವು ಈ ಸಿನಿಮಾ ಮಾಡುವುದಿಲ್ಲ ಎಂದು ಈ ವಿವಾದಕ್ಕೆ ತೆರೆ ಎಳೆದರು.

Lakshmi Rai: ಬಿಕಿನಿ ತೊಟ್ಟು ಬೀಚ್​ನಲ್ಲಿ ಸ್ನೇಹಿತೆಯರ ಜತೆ ಎಂಜಾಯ್​ ಮಾಡುತ್ತಿರುವ ಕನ್ನಡದ ನಟಿ..!