Darshan: ಫ್ರೇಮಿನೊಳಗೆ ಒಂದಾದ ದರ್ಶನ್-ಸುದೀಪ್​: ರಾಮ-ಆಂಜಿನೇಯ ಅವತಾರದಲ್ಲಿ ಡಿ-ಬಾಸ್​-ಕಿಚ್ಚ..!

ದರ್ಶನ್​ ಹಾಗೂ ಕಿಚ್ಚ ಸುದೀಪ್​ ನಡುವಿನ ಮನಸ್ತಾಪದ ಬಗ್ಗೆ ಗೊತ್ತೇ ಇದೆ. ಇದೇ ಕಾರಣಕ್ಕೆ ಆಗಾಗ ಈ ಸ್ಟಾರ್​ಗಳ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಜಗಳವಾಡುತ್ತಲೇ ಇರುತ್ತಾರೆ. ದರ್ಶನ್​ ಅವರ ಸಿನಿಮಾದ ಟ್ರೇಲರ್​, ಟೀಸರ್​ ಹಾಗೂ ಹಾಡು ಬಿಡಗಡೆಯಾದರೆ ಸಾಕು, ಅಂತೆಯೇ ಕಿಚ್ಚ ಸುದೀಪ್​ ಅವರ ಸಿನಿಮಾ ಕುರಿತಾದ ಯಾವುದಾದರೂ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡೋಕೆ ಆರಂಭಿಸಿದರೆ ಸಾಕು ಇಬ್ಬರೂ ನಟರ ಅಭಿಮಾನಿಗಳಲ್ಲಿ ವಾರ್​ ಶುರುವಾಗುತ್ತದೆ. ಈ ಹಿಂದೆ ಸಾಕಷ್ಟು ಸಲ ದರ್ಶನ್​ ಹಾಗೂ ಕಿಚ್ಚನ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಅಕ್ಷರ ಸಮರ ನಡೆಸಿದ್ದು ಗೊತ್ತೇ ಇದೆ. ಆದರೆ, ದರ್ಶನ್​ ಹಾಗೂ ಕಿಚ್ಚನ ಅಭಿಮಾನಿಗಳಲ್ಲಿ ಸಾಕಷ್ಟು ಮಂದಿಗೆ ಈ ಜೋಡಿ ಮತ್ತೆ ಒಂದಾಗಬೇಕು ಅನ್ನೋ ಆಸೆ. ಅದನ್ನು ಆಗಾಗ ಸೋಶಿಯಲ್​ ಮೀಡಿಯಾದಲ್ಲಿ ಕೆಲವರು ವ್ಯಕ್ತಪಡಿಸುತ್ತಲೇ ಇರುತ್ತಾರೆ. 

ಜಿಗರಿ ದೋಸ್ತಿಗಳು ಮತ್ತೆ ಮೊದಲಿನಂತೆ ಸ್ನೇಹದಿಂದಿರುವುದನ್ನು ನೋಡಬೇಕೆನ್ನುತ್ತಾ ಕಿಚ್ಚ-ದಚ್ಚು ಜೊತೆಗಿರುವ ಹಳೇ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಈಗಲೂ ಸಹ ದರ್ಶನ್ ಹಾಗೂ ಸುದೀಪ್​ ಜೊತೆಗಿರುವ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

View this post on Instagram

A post shared by Kiran Kumar K (@karanacharya.kk)

ಅದರಲ್ಲೂ ದರ್ಶನ್​ ರಾಮನಾಗಿ ಹಾಗೂ ಕಿಚ್ಚ ಆಂಜನೇಯನಾಗಿ ಕಾಣಿಸಿಕೊಂಡಿದ್ದಾರೆ. ಇದು ಯಾವುದೋ ಅಭಿಮಾನಿಯ ಕೈಚಳ ಅಥವಾ ಸಿನಿಮಾದ ಸುದ್ದಿಯಲ್ಲ. ಬದಲಿಗೆ ಕಲಾವಿದ ಕರಣ್​ ಆಚಾರ್ಯ ಅವರ ಕೈಚಳ.

Here it is... pic.twitter.com/5LizJN0ZKn

— karan acharya (@karanacharya7) December 10, 2020

ದರ್ಶನ್ ಹಾಗೂ ಕಿಚ್ಚನ ಅಭಿಮಾನಿಯೊಬ್ಬರು ಕರಣ್​ ಆಚಾರ್ಯ ಅವರಿಗೆ ಇಬ್ಬರು ನಟರು ಒಟ್ಟಿಗೆ ಇರುವ ಫೋಟೋವನ್ನು ಸಾಮಾಜಿಕ ಜಾಲತಾಣದ ಮೂಲಕ ಹಂಚಿಕೊಂಡಿದ್ದು, ಅದನ್ನು ರಾಮ ಹಾಗೂ ಆಂಜನೇಯ ಅವತಾರದಲ್ಲಿ ಬಿಡಿಸಿ ಕೊಡುವಂತೆ ಮನವಿ ಮಾಡಿದ್ದಾರೆ.

ಇದನ್ನೂ ಓದಿ: ಮುದ್ದಾದ ಮಗುವಿನ ಮೊದಲ ಫೋಟೋ ಶೇರ್​ ಮಾಡಿದ ಪವನ್​ ಒಡೆಯರ್​..!

ಅಭಿಮಾನಿಯ ಅಭಿಮಾನಕ್ಕೆ ಸೋತ ಕರಣ್​ ಆಚಾರ್ಯ ಈ ಚಿತ್ರ ಬಿಡಿಸಿದ್ದಾರೆ. ಈಗ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಕೆಲವರು ಈ ಫೋಟೋ ನೋಡಿ ಸಿಟ್ಟಾದರೆ, ಮತ್ತೆ ಕೆಲವರು ಈ ಎಂದಿಗೂ ಆಗೋದಿಲ್ಲ ಅಂತ ಗೊತ್ತು ಬಿಡಿ ಎನ್ನುತ್ತಿದ್ದಾರೆ.