ಯಶ್​-ತಮನ್ನಾ ಮನೆ ತಲುಪಿತು ಡಾರ್ಲಿಂಗ್​ ಕೃಷ್ಣ-ಮಿಲನಾ ನಾಗರಾಜ್​ ಮದುವೆಯ ಕರೆಯೋಲೆ..!

ಲವ್​ ಮಾಕ್ಟೇಲ್​ ಸಿನಿಮಾ ಖ್ಯಾತಿಯ ಸ್ಟಾರ್​ ಜೋಡಿ ನಟಿ ಮಿಲನಾ ನಾಗರಾಜ್ (Milana Nagaraj)​- ಡಾರ್ಲಿಂಗ್​ ಕೃಷ್ಣ (Darling Krishna) ಮದುವೆ ಯಾವಾಗ ಎಂಬ ಸುದ್ದಿಗೆ ಇತ್ತೀಚೆಗಷ್ಟೆ ತೆರೆ ಬಿದ್ದಿದೆ. ಹಲವು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದ ಈ ಜೋಡಿ ತಮ್ಮ ಮದುವೆ ದಿನಾಂಕವನ್ನು ವಿಶೇಷವಾಗಿ ಪ್ರಕಟ ಮಾಡುವ ಮೂಲಕ ಪ್ರೇಕ್ಷಕರಿಗೆ ಸಿಹಿ ಸುದ್ದಿ ನೀಡಿದ್ದರು. ಹಲವು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದ ಈ ಜೋಡಿ ಈಗ ಹಸೆಮಣೆ ಏರಲು ಸಜ್ಜಾಗಿದ್ದಾರೆ. ಪ್ರೇಮಿಗಳ ದಿನದಂದು ಈ ಪ್ರೇಮಿಗಳು ಹಸೆಮಣೆ ಏರಲು ನಿರ್ಧರಿಸಿದ್ದಾರೆ. ಫೆ. 14ರಂದು ಇವರ ಮದುವೆ ಮುಹೂರ್ತ ಕೂಡಿ ಬಂದಿದೆ. ಆದರೆ, ಲವ್​ ಮಾಕ್ಟೇಲ್​ ಸಿನಿಮಾ ಮುಗಿದಾಕ್ಷಣವೇ ಈ ಜೋಡಿ ಮದುವೆಯಾಗಲು ನಿರ್ಧರಿಸಿದ್ದರು. ಆದರೆ, ಕೊರೋನಾ ಕಾರಣದಿಂದ ಮದುವೆಯನ್ನು ಮುಂದೂಡಿದ್ದರು. ನಂತರ ಲವ್​ ಮಾಕ್ಟೇಲ್-2 ಬಳಿಕ​ ಈ ಜೋಡಿ ಮದುವೆಯಾಗುವುದಾಗಿ ತಿಳಿದ್ದರು. ಆದರೆ ಈಗ ಈ ಜೋಡಿ ಫೆ. 14ರಂದು ತಮ್ಮ ಹೊಸ ಜೀವನವನ್ನು ಶುರು ಮಾಡಲಿದ್ದಾರೆ.

ಲವ್​ ಮಾಕ್ಟೇಲ್​ ಸಿನಿಮಾದ ಮೂಲಕ ಸಿನಿಪ್ರೇಮಿಗಳ ಮೆಚ್ಚಿನ ಜೋಡಿಯಾಗಿ ಮನೆ ಮಾತಾದವರು ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಅವರ ಲಗ್ನ ಪತ್ರಿಕೆಯ ಪ್ರತಿ ಈ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿತ್ತು. ಇನ್ನೇನು ಇವರ ಮದುವೆಗೆ ದಿನ ಗಣನೆ ಆರಂಭವಾಗಿದ್ದು, ಸೆಲೆಬ್ರಿಟಿ ಕಪಲ್​ ಮದುವೆಗೆ ಆಹ್ವಾನ ನೀಡಲಾರಂಭಿಸಿದ್ದಾರೆ.

View this post on Instagram

A post shared by Darling Krishna (@darling_krishnaa)

ಈಗಾಗಲೇ ಸ್ಯಾಂಡಲ್​ವುಡ್​ ಸೆಲೆಬ್ರಿಟಿಗಳಾದ ಸುದೀಪ್​, ನಮಿತಾ ರತ್ನಾಕರ್​, ಅಮೂಲ್ಯಾ ಸೇರಿದಂತೆ ಹಲವರಿಗೆ ಇವರ ಲಗ್ನಪತ್ರಿಕೆ ತಲುಪಿದೆ. ಈಗ ಕೆಜಿಎಫ್​ ರಾಕಿ ಬಾಯ್​ ಅಂದರೆ ಯಶ್​ ಅವರ ಮನೆಗೂ ಡಾರ್ಲಿಂಗ್​ ಕೃಷ್ಣ ಹಾಗೂ ಮಿಲನಾ ನಾಗರಾಜ್​ ಅವರ ಮದುವೆಯ ಆಹ್ವಾನ ಪತ್ರಿಕೆ ತಲುಪಿದೆ.

View this post on Instagram

A post shared by Darling Krishna (@darling_krishnaa)

ಅಷ್ಟೇಅಲ್ಲ, ಪುನೀತ್​ ರಾಜ್​ಕುಮಾರ್ ಹಾಗೂ ಮಿಲ್ಕು ಬ್ಯೂಟಿ ತಮನ್ನಾ ಅವರಿಗೂ ಈ ಜೋಡಿ ಲಗ್ನಪತ್ರಿಕೆ ನೀಡಿ ಮದುವೆಗೆ ಆಹ್ವಾನಿಸಿದ್ದಾರೆ.

View this post on Instagram

A post shared by Darling Krishna (@darling_krishnaa)

ಇನ್ನು , ಸ್ಯಾಂಡಲ್​ವುಡ್​ನ ಈ ಜೋಡಿ ಇದೇ ಫೆಬ್ರವರಿ 14ರಂದು ಅಂದರೆ ಪ್ರೇಮಿಗಳ ದಿನದಂದು ಈ ಪ್ರೇಮಿಗಳು ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಈ ಶುಭ ದಿನದಂದು ಕೃಷ್ಣ-ಮಿಲನಾ ತಮ್ಮ ಅಭಿಮಾನಿಗಳಿಗೆ ಮತ್ತೊಂದು ಗಿಫ್ಟ್​ ಕೊಡಲು ನಿರ್ಧರಿಸಿದ್ದಾರೆ.

ಇದನ್ನೂ ಓದಿ: ದರ್ಶನ್​ -ಜೋಗಿ ಪ್ರೇಮ್​ ತೋಟದ ಮನೆಯಲ್ಲಿ ಸಂಕ್ರಾಂತಿ ಸಂಭ್ರಮ..!

ಇವರ ಮದುವೆ ತಯಾರಿಯ ನಡುವೆಯೇ ಲವ್​ ಮಾಕ್ಟೇಲ್​-2 ಸಿನಿಮಾದ ಚಿತ್ರೀಕರಣವೂ ಸಹ ಸಾಗುತ್ತಿದೆ. ಇಬ್ಬರೂ ಸಹ ಚಿತ್ರೀಕರಣದಲ್ಲಿ ಕೊಂಚ ಬ್ಯುಸಿಯಾಗಿದ್ದಾರೆ. ಬಹುನಿರೀಕ್ಷಿತ ಲವ್​ ಮಾಕ್ಟೇಲ್-2 ಸಿನಿಮಾ ಚಿತ್ರೀಕರಣ ಬಹುತೇಕ ಮುಗಿದಿದೆ ಎನ್ನಲಾಗಿದೆ. ಅಂತಿಮ ಹಂತದ ಚಿತ್ರೀಕರಣದಲ್ಲಿ ಈ ಸಿನಿಮಾ ತಂಡವಿದೆ.

View this post on Instagram

A post shared by Darling Krishna (@darling_krishnaa)

ಸ್ಯಾಂಡಲ್​ವುಡ್​ನ ಈ ಕ್ಯೂಟ್​ ಜೋಡಿ ತಮ್ಮ ಮದುವೆಯ ದಿನದಂದು ಅಭಿಮಾನಿಗಳಿಗೆ ಕೊಡುತ್ತಿರುವ ಸರ್​​ಪ್ರೈಸ್​ ಗಿಫ್ಟ್​ ಏನು ಅಂತೀರಾ? ಬಹುತೇಕ ಚಿತ್ರೀಕರಣ ಮುಗಿಸಿರುವ ಲವ್​ ಮಾಕ್ಟೇಲ್​-2 ಸಿನಿಮಾದ ಹಾಡನ್ನು ತಮ್ಮ ಮದುವೆ ದಿನವೇ ಅಂದರೆ ಫೆ.14ರಂದು ಬಿಡುಗಡೆ ಮಾಡಲಿದ್ದಾರಂತೆ. ಲವ್​ ಮಾಕ್ಟೇಲ್ -2 ಸಿನಿಮಾ ತಂಡ ಹೀಗೊಂದು ಪ್ಲಾನ್ ಮಾಡಿಕೊಂಡಿದೆಯಂತೆ. ಅದು ಕೃಷ್ಣ-ಮಿಲನಾ ಮದುವೆ ದಿನವೇ ಹಾಡು ರಿಲೀಸ್ ಆಗುತ್ತಿರುವುದು ಮತ್ತಷ್ಟು ವಿಶೇಷವಾಗಿದೆ.