HOME » NEWS » Entertainment » COLLEGE MADE COMPULSORY LEARNING OF MUNNI BADNAAM HUI SONG FOR PASSING KVD

ಮುನ್ನಿ ಬದ್ನಾಮ್ ಹುಯಿ ಸಾಂಗ್ ಕಲಿತರಷ್ಟೇ ಪಾಸ್ ಮಾಡ್ತಾರಂತೆ.. ಇದೆಂಥಾ ಕಾಲೇಜ್ ಮಾರಾಯ!?

ಸಂಗೀತ ಪದವಿಯಲ್ಲಿ ಉತ್ತಮ ಅಂಕಗಳು ಬೇಕಾದಲ್ಲಿ ಅಲ್ಲಿನ ಬ್ರಿಟನ್ನಿಗರು ಮುನ್ನಿ ಬದ್ನಾಮ್​ ಹುಯಿ ಹಾಡನ್ನು ಕಲಿಯಲೇಬೇಕು.

Kavya V
Updated:June 9, 2021, 11:06 PM IST
ಮುನ್ನಿ ಬದ್ನಾಮ್ ಹುಯಿ ಸಾಂಗ್ ಕಲಿತರಷ್ಟೇ ಪಾಸ್ ಮಾಡ್ತಾರಂತೆ.. ಇದೆಂಥಾ ಕಾಲೇಜ್ ಮಾರಾಯ!?
ನಟಿ ಮಲೈಕಾ
  • Share this:
ಮುನ್ನಿ ಬದ್ನಾಮ್​ ಹುಯಿ ಡಾರ್ಲಿಂಗ್​ ತೇರೆ ಲಿಯೇ.. ಹಿಂದಿ ಚಿತ್ರರಂಗದಲ್ಲಿ ಸಖತ್​ ಕ್ರೇಜ್​ ಕ್ರಿಯೇಟ್​ ಮಾಡಿದ ಐಟಂ ಸಾಂಗ್​ ಇದು. ನಟ ಸಲ್ಮಾನ್​ಖಾನ್​ ಅಭಿನಯದ ದಬ್ಬಾಂಗ್​ ಚಿತ್ರದ ಈ ಹಾಡು ಒಂದು ದಶಕದ ನಂತರವೂ ಕೇಳುಗರನ್ನು ಕುಳಿತಲ್ಲೇ ಕುಣಿಯುವಂತೆ ಮಾಡುತ್ತೆ. ಚಲ್​ ಚಯ್ಯ ಚಯ್ಯಾ ಹಾಡಿನ ಖ್ಯಾತಿಯ ಮಲೈಕಾ ಅರೋರ ಮುನ್ನಿಯಾಗಿ ಪಡ್ಡೆಗಳ ನಿದ್ದೆ ಕದ್ದಿದ್ದರು. ರಿಲೀಸ್​ ಆಗಿ 11 ವರ್ಷಗಳ ಬಳಿಕ ಈ ಸಾಂಗ್​ ಮತ್ತೆ ಸುದ್ದಿಯಲ್ಲಿದೆ.

ಮುನ್ನಿ ಸಾಂಗ್​ ರಿಲೀಸ್​ ಆದಾಗ ಸಖತ್​ ಕ್ರೇಜ್​ ಹುಟ್ಟುಹಾಕಿತ್ತು. ಸಖತ್​ ಹಾಟ್​ ಆಗಿ ಕಾಣಿಸಿಕೊಂಡಿದ್ದ ಮಲೈಕಾ ಆಗ ಮೈದುನನಾಗಿದ್ದ ಸಲ್ಮಾನ್​ ಖಾನ್​ ಜೊತೆ ಸೊಂಟ ಬಳುಕಿಸಿದ್ದರು. ಮುನ್ನಿ ಬದ್ನಾಮ್​ ಮಾತ್ರವಲ್ಲ ಜಂಡುಬಾಂಬ್​ ಎಂದು ಹಾಡಿನಲ್ಲಿ ನುಲಿದಿದ್ದು ಸಿನಿಪ್ರಿಯರಿಗೆ ಸಖತ್​ ಕಿಕ್​ ಕೊಟ್ಟಿತ್ತು. ಹಾಡಿನಲ್ಲಿ ಸಲ್ಮಾನ್​ ಮಾತ್ರವಲ್ಲ ನಟ ಸೋನು ಸೂದ್​ ಕೂಡ ಇದ್ದಾರೆ.

ಇಂಥ ಸೂಪರ್​ ಹಿಟ್​ ಸಿನಿಮಾದ ಸೂಪರ್​ ಹಿಟ್​ ಸಾಂಗ್ ಸದ್ಯ​ ಮತ್ತೆ ಸುದ್ದಿಯಾಗಿರೋದು ಲಂಡನ್​ನಲ್ಲಿ ಅಂದರೆ ನೀವು ನಂಬಲೇ ಬೇಕು. ಅಲ್ಲಿನ ಮ್ಯೂಸಿಕ್​ ಸ್ಕೂಲ್​ ಅಕಾಡೆಮಿಯೊಂದು ಮುನ್ನಿ ಬದ್ನಾಮ್​ ಹುಯಿ ಹಾಡನ್ನು ತಮ್ಮ ಪಠ್ಯದಲ್ಲಿ ಸೇರಿಸಿದ್ದಾರಂತೆ. ಬಾಲಿವುಡ್​ನ ಐಟಂ ಸಾಂಗೇ ಅವರಿಗೆ ಬೇಕಿತ್ತಾ ಅಂತ ಮೂಗು ಮುರಿಯಬೇಡಿ. ಇದೊಂದೇ ಹಾಡಲ್ಲ ಸ್ಲಗ್​ ಡಾಗ್​ ಮಿಲಿಯನೇರ್​ ಚಿತ್ರದ ಜೈಹೋ ಹಾಗೂ ಕಿಶೋರಿ ಅಮೋನ್ಕರ್​ ಅವರ ಸಹೇಲಿ ರೇ ಹಾಡನ್ನೂ ಪಠ್ಯದಲ್ಲಿ ಸೇರಿಸಿದ್ದಾರೆ.

ಇದನ್ನೂ ಓದಿ: Radhe Shyam: ಪ್ರಭಾಸ್​ ಸಿನಿಮಾಗೆ 400 ಕೋಟಿ ಆಫರ್​ ಕೊಟ್ಟಿದೆಯಂತೆ ಅಮೆಜಾನ್ ಪ್ರೈಮ್​..!

ನಮ್ಮಲ್ಲಿನ ಸಂಗೀತ ಶಾಲೆಗಳಲ್ಲಿ ಶಾಸ್ತ್ರೀಯ ಸಂಗೀತ, ಜಾನಪದ, ಸಿನಿಮಾ ಗೀತೆಗಳಂತೆ ಲಂಡನ್​ನ ಸಂಗೀತ ಶಾಲೆಯನ್ನು ಹಲವು ವಿಧದ ಹಾಡುಗಳನ್ನು ಕಲಿಸಲಾಗುತ್ತೆ. ಭಾರತೀಯ ಸಂಗೀತ ವಿಭಾಗದಲ್ಲಿ ಮುನ್ನಿ ಬದ್ನಾಮ್​ ಸೇರಿದಂತೆ ಹಲವು ಹಾಡುಗಳು ಪಠ್ಯದಲ್ಲಿ ಸ್ಥಾನ ಪಡೆದುಕೊಂಡಿವೆ. ಸಂಗೀತ ಪದವಿಯಲ್ಲಿ ಉತ್ತಮ ಅಂಕಗಳು ಬೇಕಾದಲ್ಲಿ ಅಲ್ಲಿನ ಬ್ರಿಟನ್ನಿಗರು ಮುನ್ನಿ ಬದ್ನಾಮ್​ ಹುಯಿ ಹಾಡನ್ನು ಕಲಿಯಲೇಬೇಕು.

ತಮ್ಮ ಐಟಂ ಸಾಂಗ್​ ಲಂಡನ್​ ಮ್ಯೂಸಿಕ್​ ಶಾಲೆಯ ಪಠ್ಯವಾಗಿರೋದಕ್ಕೆ ನಟಿ ಮಲೈಕಾ ಅರೋರ ಸಂತಸ ವ್ಯಕ್ತಪಡಿಸಿದ್ದಾರೆ. ತಮ್ಮ ಇಸ್ಟಾಗ್ರಾಂನಲ್ಲಿ ವಾವ್​ ಎಂದು ಬರೆದುಕೊಂಡಿದ್ದಾರೆ.
Youtube Video
ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 92 ಸಾವಿರದ,596 ಕೋವಿಡ್-19 ಪ್ರಕರಣಗಳು ದಾಖಲಾಗಿದ್ದು, ದೇಶದ ಸಕ್ರಿಯ ಕೇಸ್‌ಲೋಡ್ ಸಂಖ್ಯೆ 12 ಲಕ್ಷ, 31 ಸಾವಿರದ, 415ಕ್ಕೆ ಬಂದು ತಲುಪಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ. ಕಳೆದ 24 ಗಂಟೆಗಳಲ್ಲಿ 1 ಲಕ್ಷ, 62 ಸಾವಿರದ, 664 ಜನರು ದೇಶದ ವಿವಿಧ ಆಸ್ಪತ್ರೆಗಳಿಂದ ಬಿಡುಗಡೆ ಹೊಂದಿದ್ದಾರೆ. ಕಳೆದ 24 ಗಂಟೆಗಳಲ್ಲಿ 2,219 ಜನರು ಈ ಮಾರಕ ವೈರಾಣುವಿಗೆ ಬಲಿಯಾಗಿದ್ದು, ದೇಶದ ಒಟ್ಟು ಸಾವಿನ ಸಂಖ್ಯೆ 3 ಲಕ್ಷ, 53 ಸಾವಿರದ, 528 ಕ್ಕೆ ಲುಪಿದೆ. ಇದೇ ವೇಳೆ ದೇಶಾದ್ಯಂತ ಒಟ್ಟು 23 ಕೋಟಿ, 90 ಲಕ್ಷ, 58 ಸಾವಿರದ 360 ಕೊರೊನಾ ಲಸಿಕೆ ನೀಡಲಾಗಿದೆ.



ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.
Published by: Kavya V
First published: June 9, 2021, 11:06 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories