ಇನ್​ಸ್ಟಾಗ್ರಾಂನಲ್ಲಿ ತಮ್ಮ ಬೆತ್ತಲೆ ಫೋಟೋ ಪೋಸ್ಟ್​ ಮಾಡಿ ಸುದ್ದಿಯಾದ ಸ್ಟಾರ್​ ನಟ

ಸ್ಟಾರ್​ ನಟ ನಟಿಯರ ಬೆತ್ತಲೆ ಹಾಗೂ ಅರೆ ಬೆತ್ತಲೆ ಫೋಟೋಗಳು ಲೀಕ್ ಆಗುವ ಸುದ್ದಿಗಳನ್ನು ಮಾಧ್ಯಮ ಹಾಗೂ ಸಾಮಾಜಿಕ ಜಾಲತಾಣದಲ್ಲಿ ಗಮನಿಸುತ್ತಿರುತ್ತೇವೆ. ಇನ್ನು ಹಾಲಿವುಡ್​ ಸ್ಟಾರ್​ಗಳು ಮಾತ್ರ ಖ್ಯಾತ ನಿಯತಕಾಲಿಕೆಗಳಿಗೆ ಬೆತ್ತಲೆಯಾಗಿ ಪೋಸ್ ಕೊಟ್ಟು ಸುದ್ದಿಯಾಗುತ್ತಾರೆ. ಆದರೆ ಇಲ್ಲೊಬ್ಬರು ಖ್ಯಾತ ಸ್ಟಾರ್​ ನಟ ಮಾತ್ರ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ತನ್ನದೇ ಬೆತ್ತಲೆ ಚಿತ್ರವನ್ನು ಹಂಚಿಕೊಂಡು ಸುದ್ದಿಯಾಗಿದ್ದಾರೆ. ಅಷ್ಟಕ್ಕೂ ಈ ಕೆಲಸ ಮಾಡಿದ ಸ್ಟಾರ್​ ನಟ ಮತ್ತಾರೂ ಅಲ್ಲ ಅವೆಂಜರ್ಸ್​ ಸರಣಿಯ ಕ್ಯಾಪ್ಟನ್​ ಅಮೆರಿಕ ಪಾತ್ರದಲ್ಲಿ ನಟಿಸಿರುವ ಕ್ರಿಸ್​ ಇವ್ಯಾನ್ಸ್​. ಹೌದು, ಕ್ರಿಸ್​ ಇವ್ಯಾನ್ಸ್​ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ತಮಗರಿವಿಲ್ಲದಂತೆಯೇ ತಮ್ಮ ಬೆತ್ತಲೆ ಫೋಟೋವನ್ನು ಪೋಸ್ಟ್​ ಮಾಡಿದ್ದಾರೆ. ತಪ್ಪಿನ ಅರಿವಾದ ಕೂದಲೇ  ಅದನ್ನು ಡಿಲೀಟ್​ ಮಾಡಿದ್ದಾರೆ. ಆದರೆ ಇದನ್ನು ನೋಡಿದ ನೆಟ್ಟಿಗರು ಮಾತ್ರ ನಟನನ್ನು ಟ್ರೋಲ್​ ಮಾಡಿದ್ದಾರೆ. 

ಕ್ರಿಸ್​ ಜನರ ಗಮನ ಸೆಳೆಯಲು ಹೀಗೆ ಮಾಡಿದ್ದಾರೆ ಎಂದು ನೆಟ್ಟಿಗರು ಆರೋಪಿಸುತ್ತಿದ್ದಾರೆ. ಕ್ರಿಸ್​ ಇವ್ಯಾನ್ಸ್​ ಅವರನ್ನು ಟ್ರೋಲ್​ ಮಾಡುತ್ತಿದ್ದಂತೆಯೇ, ಅಭಿಮಾನಿಗಳು ನಟನ ಪರ ಟ್ವೀಟ್​ ಹಾಗೂ ಪೋಸ್ಟ್​ಗಳನ್ನು ಮಾಡಲು ಆರಂಭಿಸಿದ್ದಾರೆ. ಇನ್ನು ಕ್ರಿಸ್​ ಸಹ ತಮ್ಮ ಟ್ವಟರ್​ನಲ್ಲಿ ಲೆಟೆಸ್ಟ್ ಪೋಸ್ಟ್​ ಒಂದನ್ನು ಮಾಡಿದ್ದು, ಈಗ ನನಗೆ ನಿಮ್ಮ ಅಟೆಂಕ್ಷನ್​ ಸಿಕ್ಕಿದೆ. ನವೆಂಬರ್​ 3ಕ್ಕೆ ವೋಟ್​ ಮಾಡಿ ಎಂದು ಮುಖದ ಮೇಲೆ ಕೈ ಮುಚ್ಚಿಕೊಂಡಿರುವ ಇಮೋಜಿ ಹಂಚಿಕೊಂಡಿದ್ದಾರೆ. ನವೆಂಬರ್ 3ಕ್ಕೆ ಅಮೆರಿಕದಲ್ಲಿ ಅಧ್ಯಕ್ಷೀಯ ಚುನಾವಣೆ ನಡೆಯಲಿದೆ.

Now that I have your attention
🤦🏻‍♂️🤷🏻‍♂️....

VOTE Nov 3rd!!!

— Chris Evans (@ChrisEvans) September 15, 2020

ಸಾಮಾಜಿಕ ಜಾಲತಾಣದಲ್ಲಿ ರಾಜಕೀಯ ವಿಷಯಗಳ ಕುರಿತಾಗಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುವ ಮೂಲಕ ಕ್ರಿಸ್​ ಇವ್ಯಾನ್ಸ್​ ಸಕ್ರಿಯವಾಗಿರುತ್ತಾರೆ. ಇನ್ನು, ಕ್ರಿಸ್​ ಇವ್ಯಾನ್ಸ್​ ಕ್ಯಾಪ್ಟನ್​ ಅಮೆರಿಕ ಪಾತ್ರಧಾರಿಯಾಗಿ ಕೋಟ್ಯಂತರ ಮಂದಿ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಇದನ್ನೂ ಓದಿ: Radhika Pandit: ರಾಧಿಕಾ ಪಂಡಿತ್​ಗೆ ತಿಳಿಯದಂತೆ ಅವರ ವಿಡಿಯೋ ಮಾಡಿದ ಯಶ್​-ಆಯ್ರಾ..! ​

ಅವೆಂಜರ್ಸ್​ ಸರಣಿ ಸಿನಿಮಾಗಳ ನಿರ್ದೇಶಕರಾದ ರುಸೋ ಬ್ರದರ್ಸ್​ ಅವರ ಜೊತೆ ಹೊಸ ಸಿನಿಮಾಗೆ ಸಹಿ ಮಾಡಿದ್ದಾರೆ ಈ ಕುರಿತಾಗಿ ಇತ್ತೀಚೆ್ಷ್ಟೆ ಈ ಕುರಿತಾಗಿ ಕ್ರಿಸ್​ ಪ್ರಕಟಿಸಿದ್ದರು. ಇದರ ಜೊತೆಗೆ ನೆಟ್​ಫ್ಲಿಕ್ಸ್​ಗಾಗಿ ಮಾಡುತ್ತಿರುವ ದ ಗ್ರೇ ಮ್ಯಾನ್​ ವೆಬ್​ ಸರಣಿಯಲ್ಲೂ ಕ್ರಿಸ್​ ಕಾಣಿಸಿಕೊಳ್ಳಲಿದ್ದಾರೆ. ​