ಮದುವೆ ದಿನ ಅಭಿಮಾನಿಗಳಿಗೆ ಸ್ಪೆಷಲ್ ಗಿಫ್ಟ್ ನೀಡಲಿದ್ದಾರೆ ಚಂದನ್- ನಿವೇದಿತಾ

ಬಿಗ್ ಬಾಸ್ ಮೂಲಕ ಪರಿಚಿತರಾದ ಪ್ರಣಯ ಜೋಡಿ ಚಂದನ್ ಶೆಟ್ಟಿ ಹಾಗೂ ಗೊಂಬೆ ನಿವೇದಿತಾ ಗೌಡ ಅವರ ವಿವಾಹ ಫೆಬ್ರವರಿ 25 ಮತ್ತು 26ರಂದು ಮೈಸೂರಿನ ಸ್ಪೆಕ್ಟ್ರಾ ಕನ್ವೆನ್ಶನ್ ಹಾಲ್‌ನಲ್ಲಿ ನಡೆಯಲಿದೆ.

Niveditha-Chandan Shetty

Niveditha-Chandan Shetty

  • Share this:
    ಮದುವೆಗೂ ಮುಂಚೆ ಪ್ರೀ ವೆಡ್ಡಿಂಗ್​ ಫೋಟೋಶೂಟ್​ ಅನ್ನೋದು ಈಗ ಕಾಮನ್. ಇನ್ನು ಸೆಲೆಬ್ರೆಟಿಗಳ ಮದುವೆ ಅಂದರೆ ಕೇಳಬೇಕಾ? ಡಿಫೆರೆಂಟ್ ಲುಕ್​ನಲ್ಲಿ ಮಿಂಚುವ ಜೋಡಿಗಳು ಸಖತ್ತಾಗೆ ಫೋಟೋ ಶೂಟ್ ಮಾಡಿಸಿಕೊಳ್ಳುತ್ತಾರೆ. ಹಾಗೆಯೇ ರ್ಯಾಪರ್ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಕೂಡ ಮಿರ ಮಿರ ಮಿಂಚುವ ಉಡುಗೆ ತೊಡುಗೆಗಳಲ್ಲಿ ಫೋಟೋಶೂಟ್ ಮಾಡಿಸಿಕೊಂಡಿದ್ದರು.

    ಇದೀಗ ಮದುವೆಗೆ ಒಂದು ದಿನ ಬಾಕಿ ಇರುವಾಗಲೇ ಅಭಿಮಾನಿಗಳಿಗೆ ಚಂದನ್ ಶೆಟ್ಟಿ ಬಿಗ್ ಸರ್​ಪ್ರೈಸ್ ನೀಡಿದ್ದಾರೆ. ಅದು ಕೂಡ ಗಾನ ಬಜಾನ ಮೂಲಕ. ಹೌದು, ಹೇಳಿ ಕೇಳಿ ಚಂದನ್ ಶೆಟ್ಟಿ ಕನ್ನಡದ ಸೂಪರ್ ರ್ಯಾಪರ್. ಈಗಾಗಲೇ ಸ್ಯಾಂಡಲ್​ವುಡ್​ನಲ್ಲಿ ರ್ಯಾಪ್ ಗೀತೆಗಳ ಮೂಲಕ ಯುವ ಸಮೂಹವನ್ನು ಹುಚ್ಚೆದ್ದು ಕುಣಿಸುವಲ್ಲಿ ಯುವ ಗಾಯಕ ಯಶಸ್ವಿಯಾಗಿದ್ದಾರೆ.

    ಇನ್ನು ತಮ್ಮ ನೆಚ್ಚಿನ ಗಾಯಕನಿಂದ ಹೊಸದೊಂದು ಹಾಡಿಗಾಗಿ ಅಭಿಮಾನಿಗಳು ಕೂಡ ಕಾಯುತ್ತಿದ್ದರು. ಈ ಕಾಯುವಿಕೆಯನ್ನು ತಣಿಸಲೆಂದೇ ಇದೀಗ ಚಂದನ್ ಶೆಟ್ಟಿ ಮದುವೆ ದಿನ ಸರ್​ಪ್ರೈಸ್ ನೀಡಲು ಸಜ್ಜಾಗಿದ್ದಾರೆ. ಅದರಂತೆ ಪ್ರೀ ವೆಡ್ಡಿಂಗ್​ ಫೋಟೋಶೂಟ್​ ಎರಡನ್ನೂ ಸೇರಿಸಿ, ಒಂದು ಸ್ಪೆಷಲ್​ ಸಾಂಗ್​ ರೆಡಿ ಮಾಡಿದ್ದಾರಂತೆ ಈ ಜೋಡಿ.

    ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ ಮುಂದಿನ ಕನ್ನಡ ಸಿನಿಮಾ ಯಾವುದು? ಬಿಟ್ಟು ಕೊಟ್ರು ಒಂದು ಸಣ್ಣ ಸುಳಿವು

    'ಗೆಟ್​ ಹೈ' ಅಂತ ಶುರುವಾಗೋ ಈ ಬೊಂಬಾಟ್​ ಸಾಂಗ್​ ಪ್ರೋಮೊ ಬಿಡುಗಡೆಯಾಗಿದ್ದು, ಹಾಡಿನಲ್ಲಿ ಕಲರ್​ಫುಲ್​ ಕಾಸ್ಟ್ಯೂಮ್ಸ್​ನಲ್ಲಿ ಯುವ ಜೋಡಿ ಮಿಂಚಿದ್ದಾರೆ. ಇದೇ ಹಾಡನ್ನು ತಮ್ಮ ಮದುವೆ ಸಂಭ್ರಮದಂದು ಅಭಿಮಾನಿಗಳ ಮುಂದಿಡಲು ಚಂದನ್-ನಿವಿ ಪ್ಲ್ಯಾನ್ ಮಾಡಿಕೊಂಡಿದ್ದು, ಅಲ್ಲಿಗೆ ತಾರಾ ಜೋಡಿ ಕಡೆಯಿಂದ ಅಭಿಮಾನಿಗಳಿಗೂ ಮದುವೆ ಗಿಫ್ಟ್ ಅಂತು ಸಿಕ್ಕಂತಾಗಿದೆ.


    ಬಿಗ್ ಬಾಸ್ ಮೂಲಕ ಪರಿಚಿತರಾದ ಪ್ರಣಯ ಜೋಡಿ ಚಂದನ್ ಶೆಟ್ಟಿ ಹಾಗೂ ಗೊಂಬೆ ನಿವೇದಿತಾ ಗೌಡ ಅವರ ವಿವಾಹ ಫೆಬ್ರವರಿ 25 ಮತ್ತು 26ರಂದು ಮೈಸೂರಿನ ಸ್ಪೆಕ್ಟ್ರಾ ಕನ್ವೆನ್ಶನ್ ಹಾಲ್‌ನಲ್ಲಿ ನಡೆಯಲಿದೆ. ಈ ಶುಭ ಸಮಾರಂಭಕ್ಕೆ ಚಿತ್ರರಂಗದ ತಾರೆಯರು ಸೇರಿದಂತೆ ಹಲವು ಗಣ್ಯರು ಪಾಲ್ಗೊಳ್ಳಲಿದ್ದಾರೆ.
    First published: