Chandan Shetty-Nivedita Wedding: ಚಂದನ್​ ಶೆಟ್ಟಿ-ನಿವೇದಿತಾ ಗೌಡ ವಿವಾಹ: ಪುನೀತ್​ಗೆ ಆಮಂತ್ರಣ ಪತ್ರಿಕೆ ನೀಡಿದ ಬಿಗ್ ​ಬಾಸ್​ ಜೋಡಿ..!

ಬಿಗ್​ಬಾಸ್ ಜೋಡಿ ಚಂದನ್​ ಶೆಟ್ಟಿ ಹಾಗೂ ನಿವೇದಿತಾ ಗೌಡ ವಿವಾಹಕ್ಕೆ ದಿನ ಗಣನೆ ಆರಂಭವಾಗಿದೆ. ಪ್ರೀತಿಸಿ ಎರಡೂ ಮನೆಯವ ಸಮ್ಮತಿಯೊಂದಿಗೆ ಹಸೆಮಣೆ ಏರುತ್ತಿರುವ ಚಂದನ್​ ಹಾಗೂ ನಿವೇದಿತಾ ಗೌಡ, ತಮ್ಮ ಮದುವೆಗೆ ಕನ್ನಡದ ಚಿತ್ರರಂಗದ ಸೆಲೆಬ್ರಿಟಿಗಳನ್ನು ಆಹ್ವಾನಿಸುತ್ತಿದ್ದಾರೆ. 

ಹೌದು, ಮೈಸೂರಿನ ಯುವ ದಸರಾ ವೇದಿಕೆಯಲ್ಲಿ ಪ್ರೀತಿಸಿದ ಹುಡುಗಿಗೆ ಪ್ರೇಮ ನಿವೇದನೆ ಮಾಡುವ ಮೂಲಕ ವಿವಾದಕ್ಕೀಡಾಗಿದ್ದರು ಚಂದನ್​ ಶೆಟ್ಟಿ. ಇದಾದ ನಂತರ ಮೈಸೂರಿನಲ್ಲೇ ಇವರ ನಿಶ್ಚಿತಾರ್ಥ ನಡೆದಿತ್ತು.



ಚಂದನ್​ ಶೆಟ್ಟಿ ಹಾಗೂ ನಿವೇದಿತಾ ಇತ್ತೀಚೆಗಷ್ಟೆ ಡಿಬಾಸ್​ ದರ್ಶನ್​ ಅವರ ಮನೆಗೆ ಹೋಗಿ ಅವರಿಗೆ ಮದುವೆಯ ಆಮಂತ್ರಣ ಪತ್ರಿಕೆ ನೀಡಿದ್ದರು. ಈಗ ಪುನೀತ್​ ರಾಜ್​ ಕುಮಾರ್​ ಹಾಗೂ ಅವರ ಕುಟುಂಬದವರನ್ನೂ ವಿವಾಹಕ್ಕೆ ಬಂದು ಆರ್ಶೀವದಿಸುವಂತೆ ಕೋರಿದೆ ಈ ಜೋಡಿ.

 

View this post on Instagram

 

❤️🥰it’s was soo wonderful to meet this lovely couple .. lots of love to appu sir 🥰@puneethrajkumar.official @niveditha__gowda #chandanshetty

A post shared by Chandan Shetty (@chandanshettyofficial) on Feb 11, 2020 at 5:11am PST

ನಿವೇದಿತಾ ಹಾಗೂ ಚಂದನ್​ ಶೆಟ್ಟಿ ಅವರ ವಿವಾಹ ಇದೇ ತಿಂಗಳ 25 ಹಾಗೂ 26ರಂದು ಮೈಸೂರಿನಲ್ಲಿ ನಡೆಯಲಿದೆ. ಮದುವೆಗಾಗಿ ಈಗಾಗಲೇ ಸಕಲ ಸಿದ್ಧತೆ ನಡೆದಿದ್ದು, ಮನೆಯವರೆಲ್ಲ ಮದುವೆ ಕೆಲಸದಲ್ಲಿ ತೊಡಗಿದ್ದಾರೆ.

 

View this post on Instagram

 

You are a gem Sir @darshanthoogudeepashrinivas @chandanshettyofficial 😍❤

A post shared by Niveditha Gowda 👑 (@niveditha__gowda) on Feb 4, 2020 at 3:41am PST

ಮೈಸೂರಿನ ಸ್ಪೆಕ್ಟ್ರಾ ಸಭಾಂಗಣದಲ್ಲಿ ಇವರ ವಿವಾಹ ನಡೆಯಲಿದ್ದು, ಚಂದನ್  ಹಾಗೂ ನಿವೇದಿತಾ ಲಗ್ನಪತ್ರಿಕೆ ಹಂಚುವುದರಲ್ಲಿ ಬ್ಯುಸಿಯಾಗಿದ್ದಾರೆ. ಇನ್ನೂ ಸ್ಯಾಂಡಲ್​ವುಡ್​ನ ಈ ತಾರಾ ಜೋಡಿ ಪ್ರೇಮಿಗಳ ದಿನಕ್ಕಾಗಿ ಬೇರೆಯದ್ದೇ ಪ್ಲಾನ್​ ಮಾಡಿಕೊಂಡಿದ್ದಾರಂತೆ.

ಇದನ್ನೂ ಓದಿ: ಸಾರಾ ಅಲಿ ಖಾನ್- ಕಾರ್ತಿಕ್​ ಆರ್ಯನ್​ರ ಮತ್ತೊಂದು ವಿಡಿಯೋ ವೈರಲ್​..!​

ಹೊಸ ವರ್ಷವನ್ನೂ ಈ ಜೋಡಿ ಒಟ್ಟಾಗಿ ಬರಮಾಡಿಕೊಳ್ಳಲಾಗಲಿಲ್ಲ. ಆಗ ಚಂದನ್​ ವಿದೇಶದಲ್ಲಿ ಕನ್ಸರ್ಟ್​ನಲ್ಲಿ ಬ್ಯುಸಿಯಾಗಿದ್ದರು. ಇದೇ ಕಾರಣಕ್ಕೆ ಈಗ ಪ್ರೇಮಿಗಳ ದಿನವನ್ನಾದರೂ ಒಟ್ಟಾಗಿ ಆಚರಿಸೋಣ ಅಂತಿದ್ದಾರಂತೆ.