ಮೋದಿ ಭೇಟಿ ಮಾಡಿ ಸೋನು ಸೂದ್ ಮುಂಬೈನ ಸೆಲೆಬ್ರಿಟಿ ಮ್ಯಾನೇಜರ್ ಆಗ್ತಾರೆ; ಶಿವಸೇನೆ ವ್ಯಂಗ್ಯ

ಶಿವಸೇನೆ ನಾಯಕ ಸಂಜಯ್​ ಹೇಳಿಕೆಗೆ ಭಾರೀ ವಿರೋಧ ವ್ಯಕ್ತವಾಗಿದೆ. ಓರ್ವ ನಟನಾಗಿ ಅವರು ಇಷ್ಟೆಲ್ಲ ಮಾಡುತ್ತಿದ್ದಾರೆ. ಆದರೆ, ಓರ್ವ ರಾಜಕಾರಣಿಯಾಗಿ ನೀವೇನು ಮಾಡಿದ್ದೀರಿ ಎಂದು ಜನರು ಪ್ರಶ್ನೆ ಮಾಡಿದ್ದಾರೆ.

ಸೋನು ಸೂದ್​

ಸೋನು ಸೂದ್​

  • Share this:
    ಮುಂಬೈ (ಜೂ 8): ಮಹಾರಾಷ್ಟ್ರದಲ್ಲಿ ಸಿಲುಕಿರುವ ಕಾರ್ಮಿಕರನ್ನು ಆಯಾ ರಾಜ್ಯಗಳಿಗೆ ಕಳುಹಿಸುವ ಕೆಲಸವನ್ನು ನಟ ಸೋನು ಸೂದ್​ ಮಾಡುತ್ತಿದ್ದಾರೆ. ಅವರ ಕಾರ್ಯಕ್ಕೆ ಇಡೀ ರಾಷ್ಟ್ರವೇ ಮೆಚ್ಚುಗೆ ವ್ಯಕ್ತಪಡಿಸಿದೆ. ಆದರೆ, ಶಿವಸೇನೆ ಮಾತ್ರ ಈ ವಿಚಾರದಲ್ಲಿ ರಾಜಕೀಯವನ್ನು ಎಳೆದು ತರುವ ಮೂಲಕ ಎಲ್ಲರ ಕೆಂಗಣ್ಣಿಗೆ ಗುರಿಯಾಗಿದೆ.

    ಈ ಬಗ್ಗೆ ಶಿವಸೇನೆ ಮುಖವಾಣಿ ಸಾಮ್ನಾ ಪತ್ರಿಕೆ’ಯಲ್ಲಿ ವಿವರವಾಗಿ ಬರೆಯಲಾಗಿದ್ದು, “ಸೋನು ಸೂದ್​ ಬಗ್ಗೆ ವ್ಯಂಗ್ಯ ಮಾಡಲಾಗಿದೆ. ಸೋನು ಸೂದ್ ಶೀಘ್ರವೇ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡುತ್ತಾರೆ. ಈ ಮಾತುಕತೆ ನಂತರದಲ್ಲಿ ಅವರು ಮುಂಬೈನ ಸೆಲೆಬ್ರಿಟಿ ಮ್ಯಾನೆಜರ್​ ಆಗಿ ಬಡ್ತಿ ಪಡೆಯುತ್ತಾರೆ,” ಎಂದು ಸಾಮ್ನಾದಲ್ಲಿ ಬರೆಯಲಾಗಿದೆ.

    ಕೊರೋನಾ ವೈರಸ್​ ನಿಯಂತ್ರಣಕ್ಕೆ ಲಾಕ್​ಡೌನ್​ ಘೋಷಣೆ ಮಾಡಲಾಗಿತ್ತು. ಈ ವೇಳೆ ಸೋನು ಸೂದ್ ತಕ್ಷಣಕ್ಕೆ ಪ್ರತ್ಯಕ್ಷರಾಗಿದ್ದಾರೆ. ಅವರು ನಮ್ಮ ದೇಶದ ಹೊಸ ಮಹಾತ್ಮ ಎಂದು ಶಿವಸೇನೆ ನಾಯಕ ಸಂಜಯ್​ ರಾವತ್​ ಸಾಮ್ನಾ ಪತ್ರಿಕೆಯಲ್ಲಿ ಬರೆದುಕೊಂಡಿದ್ದಾರೆ.

    ಇದನ್ನೂ ಓದಿ: ಚಿರು-ಮೇಘನಾ ಮದುವೆಗೆ ಸುಂದರ್ ಮನೆಯವರನ್ನು ಒಪ್ಪಿಸಿದ್ದರಂತೆ ಜಗ್ಗೇಶ್!

    ಈ ಬಗ್ಗೆ ಎಎನ್​ಐ ಜೊತೆ ಮಾತನಾಡಿರುವ ಸಂಜಯ್, ಸೋನು ಸೂದ್ ಓರ್ವ ಉತ್ತಮ ನಟ ಅದರಲ್ಲಿ ಎರಡು ಮಾತಿಲ್ಲ. ಅವರು ಮಾಡಿರುವ ಕೆಲಸವೂ ಉತ್ತಮವಾಗಿದೆ. ಆದರೆ, ಇದರ ಹಿಂದೆ ರಾಜಕೀಯ ಉದ್ದೇಶ ಇರಬಹುದು ಎಂದಿದ್ದಾರೆ.

    ಸದ್ಯ, ಸಂಜಯ್​ ಹೇಳಿಕೆಗೆ ಭಾರೀ ವಿರೋಧ ವ್ಯಕ್ತವಾಗಿದೆ. ಓರ್ವ ನಟನಾಗಿ ಅವರು ಇಷ್ಟೆಲ್ಲ ಮಾಡುತ್ತಿದ್ದಾರೆ. ಆದರೆ, ಓರ್ವ ರಾಜಕಾರಣಿಯಾಗಿ ನೀವೇನು ಮಾಡಿದ್ದೀರಿ ಎಂದು ಜನರು ಪ್ರಶ್ನೆ ಮಾಡಿದ್ದಾರೆ.
    First published: