ತಮಿಳು ಚಿತ್ರರಂಗದತ್ತ ಚಾಟಿ ಬೀಸಿದ ಶ್ರೀರೆಡ್ಡಿ: ನಟ ಶ್ರೀಕಾಂತ್​​-ನಿರ್ದೇಶಕ ಮುರುಗದಾಸ್​ ವಿರುದ್ಧ ಆರೋಪ!

ನ್ಯೂಸ್​ 18 ಕನ್ನಡ

ಟಾಲಿವುಡ್​ನಲ್ಲಿ ಪಾತ್ರಕ್ಕಾಗಿ ಪಲ್ಲಂಗ (ಕಾಸ್ಟಿಂಗ್​ ಕೌಚ್​) ಕುರಿತಂತೆ ಧ್ವನಿ ಎತ್ತಿದ ನಟಿ ಶ್ರೀರೆಡ್ಡಿ ಈಗ ತಮಿಳು ಚಿತ್ರರಂಗದತ್ತಲ್ಲೂ ಚಾಟಿ ಬೀಸಿದ್ದಾರೆ.

'ರೋಜಾ ಕೂಟಂ' ಖ್ಯಾತಿಯ ನಟ ಶ್ರೀಕಾಂತ್​ ಹಾಗೂ ಖ್ಯಾತ ನಿರ್ದೇಶಕ ಮುರುಗದಾಸ್​ ಕುರಿತಂತೆ ತಮ್ಮ ಫೇಸ್​ಬುಕ್​ ಗೋಡೆ ಮೇಲೆ ಬರೆದುಕೊಂಡಿದ್ದಾರೆ. ಕೇವಲ ಒಂದು ಗಂಟೆ ಹಿಂದೆಯಷ್ಟೆ ನಟ ಶ್ರೀಕಾಂತ್​ ಬಗ್ಗೆ ಪೋಸ್ಟ್​ ಮಾಡಿರುವ ಶ್ರೀರೆಡ್ಡಿ, '5 ವರ್ಷಗಳ ಹಿಂದೆ ಪಾರ್ಕ್​ ಹೋಟೆಲ್​ನಲ್ಲಿ ನಡೆದಿದ್ದ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್​ ಪಾರ್ಟಿಯಲ್ಲಿ ನಮ್ಮ ಪರಿಚಯವಾಗಿತ್ತು. ವೆಲಿಗೊಂಡ ಶ್ರೀನಿವಾಸ್ ಅವರು ನಮ್ಮಿಬ್ಬರನ್ನು ಪರಿಚಯಿಸಿದ್ದರು. ನನಗೆ ಸಿನಿಮಾದಲ್ಲಿ ಪಾತ್ರ ಕೊಡಿಸುವುದಾಗಿ ಹೇಳಿ, ನನ್ನನ್ನು ಬಳಿಸಿಕೊಂಡಿದ್ದೆ. ಆದರೆ ಇಲ್ಲಿಯವರೆಗೂ ಯಾವುದೇ ಪಾತ್ರವೂ ನನಗೆ ಕೊಡಿಸಿಲ್ಲ. ನೀವೂ ಸಹ ಮಹಾನ್​ ವ್ಯಕ್ತಿ' ಎಂದು ಬರೆದುಕೊಂಡಿದ್ದಾರೆ.

ಕಾಲಿವುಡ್​ನಲ್ಲಿ ಸಾಕಷ್ಟು ಹಿಟ್​ ಸಿನಿಮಾಗಳನ್ನು ನೀಡಿರುವ ಶ್ರೀಕಾಂತ್​ 'ರೋಜಾ ಕೂಟಂ', 'ನನ್ಬಣ್​' 'ಬೋಸ್'​ 'ಏಪ್ರಿಲ್​ ಮಾದತ್ತಿಲ್'​ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. 



ಕೇವಲ ತೆಲುಗು ನಟ-ನಿರ್ದೇಶಕರಲ್ಲದೆ ತಮಿಳಿನ ನಿರ್ದೇಶಕರ ಮೇಲೂ ಪಾತ್ರಕ್ಕಾಗಿ ಪಲ್ಲಂಗದ ಆರೋಪವನ್ನು ಮಾಡುತ್ತಿದ್ದಾರೆ ಶ್ರೀರೆಡ್ಡಿ. ಹೌದು ನಿನ್ನೆ ಅವರು ತಮ್ಮ ಫೇಸ್​ಬುಕ್​ನಲ್ಲಿ ತಮಿಳು ಚಿತ್ರದ ನಿರ್ದೇಶಕ ಮುರುಗದಾಸ್​ ಕುರಿತಂತೆಯೂ ಒಂದು ಪೋಸ್ಟ್​ ಮಾಡಿದ್ದಾರೆ. ಅದರಲ್ಲಿ 'ವೆಲಿಗೊಂಡ ಶ್ರೀನಿವಾಸ್​ ಅವರ ಮೂಲಕ ಪಾರ್ಕ್​ ಹೋಟೆಲ್​ನಲ್ಲಿ ಪರಿಚಯವಾದ ನಂತರ ನಮ್ಮ ಮಧ್ಯೆ ಸಾಕಷ್ಟು ನಡೆದಿದೆ. ಆದರೂ ಇಲ್ಲಿಯವರೆಗೂ ಯಾವುದೇ ಪಾತ್ರದಲ್ಲಿ ಅಭಿನಯಿಸಲಿ ನನಗೆ ಅವಕಾಶ ನೀಡಿಲ್ಲ. ನೀವೂ ಸಹ ಮಹಾನ್​ ವ್ಯಕ್ತಿ'  ಎಂದು ಬರೆದುಕೊಂಡಿದ್ದಾರೆ.