Prakash Passes Away: ಪ್ರಕಾಶ್ ಜೊತೆಗೆ ಬುಲೆಟ್ ಸೇರಿಸಿದ್ದು ಕ್ರೇಜಿ ಮಾಮ ರವಿಚಂದ್ರನ್; ಹಿಂದಿನ ಕತೆ ಇಲ್ಲಿದೆ ..!
ಬುಲೆಟ್ ಪ್ರಕಾಶ್ ಹಾಗೂ ರವಿಚಂದ್ರನ್
Bullet Prakash: 'ಹುಟ್ಟೋದ್ಯಾಕೆ ಸಾಯೋದ್ಯಾಕೆ....' ಹಾಡಿನ ಚಿತ್ರೀಕರಣಕ್ಕೆ3 ಸಾವಿರ ಮಕ್ಕಳು ನಟಿಸಿದ್ದು, ಇದರಲ್ಲಿ ಬುಲೆಟ್ ಪ್ರಕಾಶ್ ಸಹ ಇದ್ದರು. ಆಗಲೇ ಚಿತ್ರೀಕರಣ ಮುಗಿದ ನಂತರ ಬುಲೆಟ್ ಪ್ರಕಾಶ್ ರವಿಚಂದ್ರನ್ ಅವರ ಬಳಿ ನಟಿಸೋಕೆ ಅವಕಾಶ ಕೊಡುವಂತೆ ಕೇಳಿದ್ದರಂತೆ. (Photos Credit: Bullet Prakash Facebook)
ಮುಂದೆ ಓದಿ ...
- ಅನಿತಾ ಈ,
ಬುಲೆಟ್ ಪ್ರಕಾಶ್ ಅವರಿಗೆ ಮೊದಲು ಅಭಿನಯಿಸೋಕೆ ಅವಕಾಶ ಕೊಟ್ಟಿದ್ದೇ ಕ್ರೇಜಿ ಸ್ಟಾರ್ ರವಿಚಂದ್ರನ್. ಅವರ ಕನಸಿನ ಕೂಸಾಗಿ 'ಶಾಂತಿ ಕ್ರಾಂತಿ' ಚಿತ್ರದಲ್ಲಿ ಬುಲೆಟ್ ಪ್ರಕಾಶ್ ಮೊದಲ ಬಾರಿಗೆ ಬೆಳ್ಳಿ ತೆರೆ ಮೇಲೆ ನಟಿಸಿದ್ದು.
ಹೌದು, ರವಿಚಂದ್ರನ್ ಅವರ 'ಶಾಂತಿ ಕ್ರಾಂತಿ' ಸಿನಿಮಾದಲ್ಲಿ 1991 ಅಕ್ಟೋಬರ್ 19ರಂದು ಬಿಡುಗಡೆಯಾಗಿತ್ತು. ಆ ಕಾಲಕ್ಕೆ 10 ಕೋಟಿ ಬಜೆಟ್ನಲ್ಲಿ ನಿರ್ಮಿಸಿದ್ದ ಈ ಸಿನಿಮಾಗೆ ಹಂಸಲೇಖ ಸಂಗೀತ ನೀಡಿದ್ದು, ಆಗಿನ ದೊಡ್ಡ ಮ್ಯೂಸಿಕಲ್ ಹಿಟ್ ಆಗಿತ್ತು. ಈ ಸಿನಿಮಾದ ಹಾಡಿನಲ್ಲಿ ಪ್ರಕಾಶ್ ನಟಿಸಿದ್ದಾರೆ. ಈ ಸಿನಿಮಾ ಆಗಲೇ ಕನ್ನಡ, ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ತೆರೆ ಕಂಡಿತ್ತು.
ಈ ಸಿನಿಮಾದಲ್ಲಿ 'ಹುಟ್ಟೋದ್ಯಾಕೆ ಸಾಯೋದ್ಯಾಕೆ....' ಹಾಡಿನ ಚಿತ್ರೀಕರಣದಲ್ಲಿ 3 ಸಾವಿರ ಮಕ್ಕಳು ನಟಿಸಿದ್ದು, ಇದರಲ್ಲಿ ಬುಲೆಟ್ ಪ್ರಕಾಶ್ ಸಹ ಇದ್ದರು. ಆಗಲೇ ಚಿತ್ರೀಕರಣ ಮುಗಿದ ನಂತರ ಬುಲೆಟ್ ಪ್ರಕಾಶ್ ರವಿಚಂದ್ರನ್ ಅವರ ಬಳಿ ನಟಿಸೋಕೆ ಅವಕಾಶ ಕೊಡುವಂತೆ ಕೇಳಿದ್ದರಂತೆ. ಆಗ ಅವರು ಡಿಗ್ರಿ ಮುಗಿಸಿ ಬಾ ಎಂದಿದ್ದರಂತೆ. ನಂತರದಲ್ಲಿ ರವಿಚಂದ್ರನ್ ಅವರೊಂದಿಗೆ 9 ಸಿನಿಮಾಗಳಲ್ಲಿ ಬುಲೆಟ್ ನಟಿಸಿದರು.
ಬುಲೆಟ್ ಎಂದ ಹೆಸರು ಕೊಟ್ಟ ರವಿಚಂದ್ರನ್
ಈಶ್ವರಿ ಬಾಬು ಅವರಿಂದ 'ಓ ನನ್ನ ನಲ್ಲೆ' ಸಿನಿಮಾದಲ್ಲಿ ರವಿಚಂದ್ರನ್ ಜೊತೆ ನಟಿಸುವ ಅವಕಾಶ ಸಿಕ್ಕಿತ್ತು ಪ್ರಕಾಶ್ ಅವರಿಗೆ. ಪರಿಚಯ ಇದ್ದ ಕಾರಣಕ್ಕೆ ಹೆಚ್ಚಾಗಿ ರವಿ ಮಾಮನ ಜೊತೆಯಲ್ಲೇ ಇರುತ್ತಿದ್ದ ಪ್ರಕಾಶ್ಗೆ ಒಮ್ಮೆ ರವಿಚಂದ್ರನ್, "ಏ ದಡಿಯಾ ಬಾರೋ ಇಲ್ಲಿ... ನಿನ್ನೆ ಹೆಸರಿನ ಮುಂದೆ ಅಥವಾ ಹಿಂದೆ ಬುಲೆಟ್ ಅನ್ನೋ ಹೆಸರು ಸೇರಿಸು" ಅಂದ್ರಂತೆ. ಆಗಿನಿಂದ ಕಾಟನ್ಪೇಟೆ ಪ್ರಕಾಶ ಬುಲೆಟ್ ಪ್ರಕಾಶ ಆಗಿದ್ದು.
Hot Photos Of Sunny Leone: ಗುರಾಯಿಸಿ ಪರವಾಗಿಲ್ಲ ಎಂದ ಮಾಜಿ ನೀಲಿ ತಾರೆ ಸನ್ನಿ ಲಿಯೋನ್..!
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ