D Boss Darshan: ದರ್ಶನ್​ ಹುಟ್ಟುಹಬ್ಬಕ್ಕೆ ಬರ್ತಡೇ ಸಾಂಗ್​​ ಉಡುಗೊರೆ ನೀಡಿದ ಅಭಿಮಾನಿಗಳು

ನಟ ದರ್ಶನ್​ ಹುಟ್ಟುಹಬ್ಬಕ್ಕೆ ಇನ್ನೇನು ಕೆಲವೇ ಗಂಟೆಗಳು ಬಾಕಿ ಇವೆ. ಈ ನಡುವೆ ಅವರ ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ. ಈಗಾಗಲೇ ಕಾಮನ್​ ಡಿಪಿ ಮೂಲಕ ಅಭಿಮಾನಿಗಳು ಈ ಡಿ ಬಾಸ್​ ಪರ್ವ ಆಚರಣೆ ಮುಂದಾಗಿದ್ದಾರೆ. ಈ ನಡುವೆ ಅಭಿಮಾನಿಗಳಿಂದ ಹುಟ್ಟುಹಬ್ಬಕ್ಕಾಗಿ ವಿಶೇಷ ಹಾಡೊಂದನ್ನು ಬಿಡುಗಡೆ ಮಾಡಿ ಅವರ ಅಭಿಮಾನ ಮೆರೆದಿದ್ದಾರೆ. ಬಾಕ್ಸ್​ ಆಫೀಸ್​ ಸುಲ್ತಾನ ಎಂಬ ಹೆಸರಿನ ಹಾಡನ್ನು ಅವರ ಅಭಿಮಾನಿ ಸುಪ್ರೀತ್​ ಗಾಂಧಾರ ಹಾಡಿದ್ದಾರೆ. ನಟ ದರ್ಶನ್​ ಅವರ ಬಹುನಿರೀಕ್ಷಿತ ಚಿತ್ರ ರಾಬರ್ಟ್​ ಗಲ್ಲಾಪೆಟ್ಟಿಗೆಯಲ್ಲಿ ಧೂಳಿಪಟ ಮಾಡಲಿದೆ ಎಂದು ಹಾಡಿರುವ ಹಾಡು ಡಿ ಬಾಸ್​ ಅಭಿಮಾನಿಗಳಿಂದ ಮೆಚ್ಚುಗೆ ಪಡೆದಿದೆ.

ನಾಳೆ ದರ್ಶನ್​ ಹುಟ್ಟುಹಬ್ಬವಿದ್ದು,  ಅವರ ಅಭಿಮಾನಿಗಳು ಈ ಬಾರಿಯ ಹುಟ್ಟು ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಲು ಸಕಲ ಸಿದ್ಧತೆಗಳನ್ನ ಮಾಡಿಕೊಳ್ಳುತ್ತಿದ್ದಾರೆ. ಅದರಂತೆ ತಮ್ಮ ನೆಚ್ಚಿನ ನಟನ  ಹುಟ್ಟು ಹಬ್ಬಕ್ಕಾಗಿ ಹಾಡುಗಳನ್ನ ಸಮರ್ಪಿಸುತ್ತಿದ್ದಾರೆ. ಸುಪ್ರೀತ್ ಗಾಂಧಾರ ಅಂಡ್ ಟೀಮ್ 'ಬಾಕ್ಸ್​ ಆಫೀಸ್​ ಸುಲ್ತಾನ' ಎಂಬ ಹಾಡನ್ನ ರೆಡಿ ಮಾಡುತ್ತಿದ್ದಾರೆ. ಸುಪ್ರೀತ್ ಗಾಂಧಾರ ಅವರೇ  ಸಂಗೀತ ಸಂಯೋಜನೆ ಮಾಡಿರುವ ಈ ಹಾಡಿಗೆ ಸಿದ್ಧಾರ್ಥ್ ಗೌಡ ಸಾಹಿತ್ಯ ಬರೆದಿದ್ದಾರೆ.

ಪ್ರತಿ ಬಾರಿ ನಟ ದರ್ಶನ್​ ಹುಟ್ಟು ಹಬ್ಬಕ್ಕೆ ಅವರ ಅಭಿಮಾನಿಗಳು ಹಾಡೋಂದನ್ನು ಬಿಡುಗಡೆ ಮಾಡುತ್ತಾರೆ. ಈ ಬಾರಿ ಬಾಕ್ಸ್​ ಆಫೀಸ್​ ಸುಲ್ತಾನ ಎಂಬ ಹೆಸರಿನ ಹಾಡು ಬಿಡುಗಡೆಯಾಗಿದೆ. ಸುಪ್ರೀತ್ ಅಂಡ್ ಟೀಮ್ ಇದಕ್ಕೂ ಮುನ್ನ ನಾಲ್ಕು ಹಾಡುಗಳನ್ನ ಬಿಡುಗಡೆ ಮಾಡಿದೆ.

ಇನ್ನು ಅಭಿಮಾನಿಗಳು ದರ್ಶನ್​ ಹುಟ್ಟುಹಬ್ಬಕ್ಕೆಂದು ವಿಶೇಷವಾಗಿ ವಿನ್ಯಾಸ ಮಾಡಿರುವ ಕಾಮನ್​ ಡಿಪಿ ಈಗಾಗಲೇ ಸಿಕ್ಕಾಪಟ್ಟೆ ಮೆಚ್ಚುಗೆ ಪಡೆದಿದೆ. ದರ್ಶನ್​ ಅವರ ವನ್ಯಜೀವಿ ಪ್ರೇಮ ಮೆರೆಯುವ ಈ ಡಿಪಿಗೆ ನಟ ದರ್ಶನ್​ ಕೂಡ ಮನಸೋತಿದ್ದಾರೆ. ಈಗಾಗಲೇ ಈ ಕಾಮನ್​ ಡಿಪಿ ಅವರ ಅಭಿಮಾನಿಗಳ ಸಾಮಾಜಿಕ ಜಾಲತಾಣದಲ್ಲಿ ರಾರಾಜಿಸುತ್ತಿವೆ. ವಿಶೇಷ ಎಂದರೇ ಸ್ಯಾಂಡಲ್​ವುಡ್​ನ ನಟ ರಿಷಬ್​ ಶೆಟ್ಟಿ, ನಿರ್ದೇಶಕ ಪವನ್​ ಒಡೆಯರ್​ ಸೇರಿದಂತೆ ಹಲವು ನಟರೂ ಕೂಡ ದರ್ಶನ್​ ಅವರ ಈ ಕಾಮನ್​ ಡಿಪಿಯನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡು ಅವರಿಗೆ ಶುಭಾಶಯ ಕೋರುತ್ತಿದ್ದಾರೆ.