- Home »
- News »
- entertainment
Salman Khan: ಟೈಗರ್ 3 ಚಿತ್ರದ ಸಲ್ಮಾನ್ ಲುಕ್ ಲೀಕ್, ಚಿತ್ರೀಕರಣದ ಫೋಟೋ ವೈರಲ್
Tiger 3: ಟೈಗರ್ ಸರಣಿಯ ಮೂರನೇ ಭಾಗದ ಈ ಚಿತ್ರವನ್ನು ಮನೀಶ್‌ ಶರ್ಮಾ ನಿರ್ದೇಶಿಸುತ್ತಿದ್ದು, ಈ ಚಿತ್ರದಲ್ಲಿ ಕತ್ರೀನಾ ಕೈಫ್‌ ಸಹ ನಟಿಸಿದ್ದಾರೆ.
ಟೈಗರ್ 3 ಚಿತ್ರದ ಸಲ್ಮಾನ್ ಲುಕ್
ಬಾಲಿವುಡ್‌ ನಟ ಸಲ್ಮಾನ್ ಖಾನ್ ಹಲವು ಚಿತ್ರಗಳಲ್ಲಿ ನಟಿಸಿದ್ದು, ಸಾಕಷ್ಟು ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಸಲ್ಮಾನ್ ಖಾನ್ ಡ್ಯಾನ್ಸ್‌, ಅವರ ಸ್ಟೈಲ್, ಲುಕ್ ಪ್ರತಿ ಚಿತ್ರದಲ್ಲೂ ಸಾಮಾನ್ಯವಾಗಿ ಬದಲಾಗುತ್ತಿರುತ್ತದೆ ಹಾಗೂ ವಿಭಿನ್ನವಾಗಿರುತ್ತದೆ. ಇದಕ್ಕೆ ಅಭಿಮಾನಿಗಳು ಸಹ ಸಾಕಷ್ಟು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ ಹಾಗೂ ಅನೇಕರು ತಮ್ಮ ನೆಚ್ಚಿನ ಹೀರೋ ಸಲ್ಲು ಭಾಯ್‌ ಸ್ಟೈಲ್, ಲುಕ್ ಅನ್ನೇ ಫಾಲೋ ಮಾಡುತ್ತಾರೆ. ಇನ್ನು, ಬಾಲಿವುಡ್‌ ಚಿತ್ರಗಳು ಥಿಯೇಟರ್‌ನಲ್ಲಿ ಬಿಡುಗಡೆಯಾಗುತ್ತಿದ್ದಂತೆ ಇಂಟರ್‌ನೆಟ್‌ನಲ್ಲಿ ಲೀಕ್ ಆಗುವುದು ಹೊಸದೇನಲ್ಲ. ಇದೇ ರೀತಿ, ಶೂಟಿಂಗ್ ಸೆಟ್‌ನ ಅನೇಕ ಫೋಟೋಗಳು, ವಿಡಿಯೋಗಳು ಸಹ ಲೀಕ್ ಆಗುತ್ತಿರುತ್ತದೆ. ಈಗ, ಸಲ್ಮಾನ್ ಖಾನ್ ಅಭಿನಯದ ಟೈಗರ್ 3 ಚಿತ್ರದ ಲುಕ್ ಸಹ ಸೋರಿಕೆ ಆಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಸಲ್ಮಾನ್ ಖಾನ್ ತಮ್ಮ ಮುಂಬರುವ ಚಿತ್ರ 'ಟೈಗರ್ 3' ಗಾಗಿ ರಷ್ಯಾದಲ್ಲಿ ಚಿತ್ರೀಕರಣದಲ್ಲಿದ್ದಾರೆ. ಸ್ಪೈ ಥ್ರಿಲ್ಲರ್ ಚಿತ್ರದ ಸೂಪರ್ ಸ್ಟಾರ್ ಸಲ್ಲು ಭಾಯ್‌ ಲುಕ್ ಲೀಕ್ ಆಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಇನ್ಸ್ಟಾಗ್ರಾಮ್‌ನಲ್ಲಿ ಸಲ್ಮಾನ್ ಖಾನ್ ಅಭಿಮಾನಿ 'salmanic_aryan' ಎಂಬ ಹೆಸರಿನ ಪೇಜ್‌ವೊಂದು ಟೈಗರ್ 3 ಚಿತ್ರದ ಕೆಲವು ಸ್ಟಿಲ್‌ಗಳನ್ನು ಹಂಚಿಕೊಂಡಿದ್ದು, ಇದರಲ್ಲಿ ದಬಾಂಗ್ ಚಿತ್ರದ ನಟ ಕಾಣಿಸಿಕೊಂಡಿದ್ದಾರೆ. ಈ ಗೆಟಪ್‌ ವಿಭಿನ್ನವಾಗಿದ್ದು, ಇದು ನಿಜಕ್ಕೂ ಸಲ್ಮಾನ್ ಖಾನ್ ಹೌದಾ..? ಎಂದು ಈ ಫೋಟೋವನ್ನು ಮೊದಲನೇ ಬಾರಿಗೆ ನೋಡಿದವರಿಗೆ ಅನಿಸದೇ ಇರದು. ಇನ್ನು, 'salmanic_aryan' ಫ್ಯಾನ್‌ ಪೇಜ್‌ ಪ್ರಕಾರ ಕಾರ್‌ ಚೇಸ್‌ ಶೂಟಿಂಗ್ ರಷ್ಯಾದಲ್ಲಿ ಚಿತ್ರೀಕರಣಗೊಳ್ಳುತ್ತಿದ್ದು, ಇದು ಆ ಸೀನ್‌ನ ಸೆಟ್‌ನ ದೃಶ್ಯ ಎಂದೂ ಹೇಳಿಕೊಳ್ಳಲಾಗಿದೆ.
ಇದನ್ನೂ ಓದಿ: ಯಶ್-ಪ್ರಭಾಸ್ ಮುಖಾಮುಖಿ; ಪ್ರಶಾಂತ್ ನೀಲ್ರ ಎರಡು ಚಿತ್ರ ಒಂದೇ ದಿನ ಬಿಡುಗಡೆ
55 ವರ್ಷದ ಸೂಪರ್ ಸ್ಟಾರ್ ಉದ್ದನೆಯ ಕೆಂಪು ಕಂದು ಕೂದಲು ಮತ್ತು ಗಡ್ಡವನ್ನು ಬಿಟ್ಟಿರುವುದನ್ನು ಕಂಡುಬರುತ್ತದೆ. ಅವರು ಈ ಲುಕ್‌ನಲ್ಲಿ ಬಿಳಿ ಟೀ ಶರ್ಟ್, ಜೀನ್ಸ್, ಕೆಂಪು ಜಾಕೆಟ್ ಮತ್ತು ಹೆಡ್ ಬ್ಯಾಂಡ್ ಧರಿಸಿದ್ದಾರೆ. ಮತ್ತೊಂದು ಫೋಟೋದಲ್ಲಿ ಸಲ್ಮಾನ್ ಖಾನ್ ಕೆಲವು ಅಭಿಮಾನಿಗಳೊಂದಿಗೆ ಪೋಸ್ ನೀಡುವುದನ್ನು ತೋರಿಸಿದೆ.
ಟೈಗರ್ 3 ಸೆಟ್‌ನಿಂದ ಸಲ್ಮಾನ್ ಖಾನ್ ನಟನೆಯ ಲೀಕ್ ಆಗಿರುವ ಚಿತ್ರಗಳನ್ನು ನೋಡಿ:
View this post on Instagram
ಇನ್ನು, ಟೈಗರ್ ಸರಣಿಯ ಮೂರನೇ ಭಾಗದ ಈ ಚಿತ್ರವನ್ನು ಮನೀಶ್‌ ಶರ್ಮಾ ನಿರ್ದೇಶಿಸುತ್ತಿದ್ದು, ಈ ಚಿತ್ರದಲ್ಲಿ ಕತ್ರೀನಾ ಕೈಫ್‌ ಸಹ ನಟಿಸಿದ್ದಾರೆ. ಇನ್ನು, ಜಾಗತಿಕವಾಗಿ ಕೋವಿಡ್ ಸಾಂಕ್ರಾಮಿಕ ಹರಡಿದ ಕಾರಣ ಟೈಗರ್ 3 ಚಿತ್ರದ ಶೂಟಿಂಗ್ ಅನ್ನು ಕೆಲ ಕಾಲ ಸ್ಥಗಿತಗೊಳಿಸಲಾಗಿತ್ತು.
'ಟೈಗರ್ 3' ಸ್ಪೈ ಥ್ರಿಲ್ಲರ್ ಫ್ರಾಂಚೈಸ್‌ನ ಮೂರನೇ ಭಾಗವಾಗಿದೆ. ಕಬೀರ್ ಖಾನ್ ಈ ಚಿತ್ರ ಸರಣಿಯ ಮೊದಲನೇ ಭಾಗವಾದ 'ಏಕ್ ಥಾ ಟೈಗರ್' ಅನ್ನು 2012ರಲ್ಲಿ ಬಿಡುಗಡೆ ಮಾಡಲಾಗಿತ್ತು. ಇನ್ನು, ಎರಡನೇ ಭಾಗವಾದ 'ಟೈಗರ್ ಜಿಂದಾ ಹೈ' ಚಿತ್ರ 2017ರಲ್ಲಿ ಬಿಡುಗಡೆಯಾಯಿತು ಮತ್ತು ಇದನ್ನು ಅಲಿ ಅಬ್ಬಾಸ್ ಜಾಫರ್ ನಿರ್ದೇಶಿಸಿದ್ದಾರೆ.
ನ್ಯೂಸ್18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್ ಕೇಸ್ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್ ನಿಯಮಗಳಾದ ಮಾಸ್ಕ್ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ತಮ್ಮ ತಮ್ಮ ಸರದಿ ಬಂದಾಗ ತಪ್ಪದೇ ಲಸಿಕೆ ಪಡೆಯಬೇಕು. ಈಗಿನ ಪರಿಸ್ಥಿತಿಯಲ್ಲಿ ಲಸಿಕೆ ಒಂದೇ ಸೋಂಕಿನ ವಿರುದ್ಧ ಹೋರಾಡುವ ಮಾರ್ಗವಾಗಿದೆ. ಅತ್ಯಗತ್ಯವಿದ್ದರೆ ಮಾತ್ರವೇ ಮನೆಯಿಂದ ಹೊರಗೆ ಹೋಗುವ ಅಭ್ಯಾಸ ರೂಢಿಸಿಕೊಳ್ಳಬೇಕು.
