news18-kannada Updated:May 13, 2020, 3:03 PM IST
Sunny Leone
ಬಾಲಿವುಡ್ನ ಮಾದಕ ಮದನಾರಿ ಸನ್ನಿ ಲಿಯೋನ್ಗೆ ಇಂದು 39ನೇ ಹುಟ್ಟುಹಬ್ಬದ ಸಂಭ್ರಮ. ಮಕ್ಕಳೊಂದಿಗೆ ಯುಎಸ್ಎನಲ್ಲಿರುವ ಸೇಸಮ್ಮ ನಿನ್ನೆಯಿಂದಲೇ ಶುಭಾಶಯದ ಮಹಾಪೂರ ಹರಿದು ಬರುತ್ತಿವೆ. ಹೊಸ ವಸಂತಕ್ಕೆ ಕಾಲಿಟ್ಟ ಪತ್ನಿಗೆ ಪತಿ ಡೇನಿಯಲ್ ವೆಬರ್ ವಿಶೇಷವಾಗಿ ವಿಶ್ ಮಾಡಿದ್ದು, ಸನ್ನಿ ಲಿಯೋನ್ ಅವರನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಡಿ ಹೊಗಳಿದ್ದಾರೆ.
ಹುಟ್ಟುಹಬ್ಬದ ಶುಭಾಶಯಗಳು ಬೇಬಿ!!! ನೀನು ನನ್ನ ಜೀವನ, ನನ್ನ ಮನಸ್ಸಲ್ಲಿ ಬರುವ ಎಲ್ಲವನ್ನೂ ಹೇಳಬಯಸುತ್ತೇನೆ. ನೀನು ಶ್ರೇಷ್ಠ ಪತ್ನಿ, ತಾಯಿ ಹಾಗೂ ಲವ್ವರ್. ಲಕ್ಷಾಂತರ ಮಂದಿಗೆ ನೀನು ಸ್ಪೂರ್ತಿ ಮತ್ತು ಆದರ್ಶ. ಯಾರೇನೇ ಹೇಳಿದರೂ ನೀನು ಅಂಜಲಿಲ್ಲ. ನಿನ್ನ ಜೀವನದ ಹಾದಿಯಲ್ಲಿ ನೀನು ಸಾಗುತ್ತಿರುವೆ. ನಿನ್ನ ಮೇಲೆ ನನಗೆ ಹೆಮ್ಮೆ ಇದೆ. ಐ ಲವ್ ಯು ಸೋ ಮಚ್, ಲವ್ ಯು ಬೇಬಿ ಲವ್ ಎಂದು ವೆಬರ್ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಬರೆದುಕೊಂಡಿದ್ದಾರೆ.
ಕನ್ನಡದಲ್ಲಿ ಸೇಸಮ್ಮಳಾಗಿ ಸೊಂಟ ಬಳುಕಿಸಿದ್ದ ಸನ್ನಿ ಅಮೆರಿಕಾದಿಂದಲೇ ತಮ್ಮ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ. ನನ್ನ ಹುಟ್ಟುಹಬ್ಬಕ್ಕೆ ಪ್ರೀತಿಯಿಂದ ಶುಭಾಶಯ ತಿಳಿಸಿದ ಎಲ್ಲರಿಗೂ ಧನ್ಯವಾದ. ನಾನು ನಿಮ್ಮೆಲ್ಲರ ಪ್ರೀತಿಗೆ ಆಭಾರಿಯಾಗಿದ್ದೇನೆ ಎಂದು ಸನ್ನಿ ಲಿಯೋನ್ ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ.
ನೀಲಿ ಚಿತ್ರತಾರೆಯಾಗಿ ಮಿಂಚಿದ್ದ ಸನ್ನಿ ಲಿಯೋನ್ 2012ರಲ್ಲಿ ಜಿಸ್ಮ್-2 ಚಿತ್ರದ ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಟ್ಟಿದ್ದರು. ಆ ಬಳಿಕ ಅಶ್ಲೀಲ ಸಿನಿಮಾಗಳಿಂದ ದೂರ ಉಳಿದ ನಟಿ ಬಿಟೌನ್ನಲ್ಲಿ ಮಾದಕ ಮೈಮಾಟದಿಂದ ನೆಲೆ ಕಂಡುಕೊಂಡರು. ಸದ್ಯ ರಂಗೀಲಾ, ಕೋಕಾ ಕೋಲ ಹಾಗೂ ವೀರಮಾದೇವಿ ಎಂಬ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಸನ್ನಿ ಲಿಯೋನ್ ನಟಿಸುತ್ತಿದ್ದಾರೆ.
Published by:
zahir
First published:
May 13, 2020, 3:03 PM IST
