ಶಾರುಖ್ ಖಾನ್ ನಟ ಅಕ್ಷಯ್ ಕುಮಾರ್ ಜೊತೆಗೆ ಯಾಕೆ ನಟಿಸೋದಿಲ್ಲ ಗೊತ್ತಾ?

ಬಾಲಿವುಡ್​ ಖ್ಯಾತ ನಟರಾದ ಅಕ್ಷಯ್​ ಕುಮಾರ್​ ಮತ್ತು ಶಾರುಖ್​​ ಖಾನ್​ ಬಗ್ಗೆ ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಸಾಕಷ್ಟು ಸಿನಿಮಾದಲ್ಲಿ ನಟಿಸಿದ್ದಾರೆ. ಮಾತ್ರವಲ್ಲದೆ, ಹಿಟ್​ ಸಿನಿಮಾದ ಮೂಲಕ ಪರೇಕ್ಷಕರನ್ನ ಮನರಂಜಿಸುತ್ತಾ ಬಂದಿದ್ದಾರೆ. ಬಹುಸಂಖ್ಯಾ ಅಭಿಮಾನಿಗಳನ್ನು ಈ ಇಬ್ಬರೂ ನಟರು ಸಂಪಾದಿಸಿದ್ದಾರೆ. ಅಕ್ಷಯ್​​ ಕುಮಾರ್​ ವರ್ಷಕ್ಕೆ ಮೂರು-ನಾಲ್ಕು ಸಿನಿಮಾದಲ್ಲಿ ನಟಿಸುತ್ತಾರೆ. ಇನ್ನು ಶಾರುಖ್​ ಖಾನ್​ ಕಳೆದ ಎರಡು ವರ್ಷಗಳಿಂದ ಬಣ್ಣ ಹಚ್ಚಿಲ್ಲ. ಸತತ ಸೋಲಿನಿಂದಾಗಿ ಕೊಂಚ ಬಿಡುವು ತೆಗೆದುಕೊಂಡಿದ್ದಾರೆ. ಹಾಗಂದ ಮಾತ್ರಕ್ಕೆ ಶಾರುಖ್​ ಸಿನಿಮಾದಿಂದ ಹೊರಗುಳಿದಿಲ್ಲ. ಈಗಲೂ ಬೇಡಿಕೆಯ ನಟರಾಗಿ ಗುರುತಿಸಿಕೊಂಡಿದ್ದಾರೆ.

ಶಾರುಖ್​ ಖಾನ್​ ಮತ್ತು ಅಕ್ಷಯ್​ ಕುಮಾರ್​ ಒಂದೇ ಸಿನಿಮಾದಲ್ಲಿ ನಟಿಸಿದರೆ ಹೇಗಿರಬಹುದು? ಹೀಗೊಂದು ಆಸೆ ಅಭಿಮಾನಿಗಳಲ್ಲಿದೆ. ಇಬ್ಬರನ್ನು ಒಂದೇ ಸಿನಿಮಾದಲ್ಲಿ ನೋಡಲು ಅಭಿಮಾನಿಗಳು ಕಾದುಕುಳಿತ್ತಿದ್ದಾರೆ. ಆದರೆ ಇಬರಿಬ್ಬರು ಒಟ್ಟಿಗೆ ಸಿನಿಮಾ ಮಾಡಲು ಸಾಧ್ಯವಿಲ್ಲವಂತೆ. ಹೀಗಂತ ಬೇರಾರು ಹೇಳಿಲ್ಲ. ಸ್ವತಃ ನಟ ಶಾರುಖ್​ ಖಾನ್​ ಹೇಳಿದ್ದಾರೆ. ಈ ಹಿಂದೆ ಸಂದರ್ಶನವೊಂದರಲ್ಲಿ ಶಾರುಖ್​ ಖಾನ್​ ಈ ಮಾತನ್ನು ಹೇಳಿದ್ದಾರೆ. ಸಂದರ್ಶನಗಾರ ಶಾರುಖ್​ ಬಳಿ ನೀವು ಅಕ್ಷಯ್​ ಕುಮಾರ್​ ಜೊತೆ ಸಿನಿಮಾ ಮಾಡಲು ಬಯಸುತ್ತೀರಾ? ಎಂದು ಕೇಳುತ್ತಾರೆ. ಇದಕ್ಕೆ ಶಾರುಖ್​​,  ನಾನು ಏನು ಹೇಳಲಿ... ನಾನು​ ಬೆಳಗ್ಗೆ ಬೇಗ ಏಳುವುದಿಲ್ಲ. ಹಾಗಾಗಿ ಅವರ ಜೊತೆ ಕೆಲಸ ಮಾಡಲು ಕಷ್ಟವಾಗುತ್ತದೆ ಎಂದು ಹೇಳಿದ್ದಾರೆ.

ಅಕ್ಷಯ್​ ಸೆಟ್​ಗೆ ಬಂದರೆ ಹೆಚ್ಚು ತಮಾಷೆ ಮಾಡುತ್ತಾರೆ. ಆದರೆ ನನ್ನ ಮತ್ತ ಅಕ್ಷಯ್​ ಟೈಮಿಂಗ್​ ಬೇರೆ ಬೇರೆಯಾಗಿರುತ್ತದೆ. ನಾನು ಸೆಟ್​​ಗೆ ಹೋಗುವಾಗ ಅಕ್ಷಯ್​ ಅವರದ್ದು ಶೂಟಿಂಗ್​ ಮುಗಿದಿರುತ್ತದೆ. ಇಬ್ಬರ ಸಮಯ ಹೊಂದಾಣಿಕೆ ಆಗುವುದಿಲ್ಲ ಎಂದು ಹೇಳಿದ್ದಾರೆ.

ಇನ್ನು ಅಕ್ಷಯ್​ ಕುಮಾರ್​ ಲಕ್ಷ್ಮೀ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಒಟಿಟಿಯಲ್ಲಿ ರಿಲೀಸ್​ ಆಗಿದೆ. ಅಭಿಮಾನಿಗಳಿಂದ ಮಿಶ್ರ ಪ್ರತಿಕ್ರಿಯೆ ಬಂದಿದೆ.