ಒಟಿಟಿ ವೇದಿಕೆಯಲ್ಲಿ ಲಾಂಚ್ ಆಗಲಿದೆ​ ಹಿಂದಿ ಬಿಗ್ ಬಾಸ್​ ಸೀಸ್​ನ್​ 15: ನಿರೂಪಣೆ ಮಾಡಲಿದ್ದಾರೆ ಕರಣ್​ ಜೋಹರ್​

ಹಿಂದಿ ಬಿಗ್ ಬಾಸ್​ ಸೀಸನ್​ 15 ಅನ್ನು ಈ ಸಲ ಒಟಿಟಿ ವೇದಿಕೆ ಮೂಲಕ ಲಾಂಚ್​ ಮಾಡಲಾಗುತ್ತಿದೆ. ಅದಕ್ಕಿಂತ ದೊಡ್ಡ ಬದಲಾವಣೆ ಎಂದರೆ, ಕಾರ್ಯಕ್ರಮದ ಮೊದಲ ಆರು ವಾರಗಳು ಒಟಿಟಿ ಮೂಲಕ ವೂಟ್ ಆ್ಯಪ್​ನಲ್ಲಿ ಪ್ರಸಾರವಾಗಲಿದೆ. ಒಟಿಟಿಯಲ್ಲಿ ಈ ಕಾರ್ಯಕ್ರಮವನ್ನು ಬಾಲಿವುಡ್​ನ ಮೂವಿ ಮೇಕರ್​ ಕರಣ್ ಜೋಹರ್ ನಿರೂಪಣೆ ಮಾಡಲಿದ್ದಾರೆ.

ಸಲ್ಮಾನ್ ಖಾನ್ ಹಾಗೂ ಕರಣ್ ಜೋಹರ್​

ಸಲ್ಮಾನ್ ಖಾನ್ ಹಾಗೂ ಕರಣ್ ಜೋಹರ್​

  • Share this:
ಬಹು ನಿರೀಕ್ಷಿತ ಕಿರುತೆರೆಯ ರಿಯಾಲಿಟಿ ಷೋ ಹಿಂದಿ ಬಿಗ್ ಬಾಸ್​ ಇನ್ನೇನು ಆರಂಭವಾಗಲಿದೆ. ಬಿಗ್​ ಬಾಸ್​ ಸೀಸನ್​ 15 ಅನ್ನೂ ಸಹ ನಟ ಸಲ್ಮಾನ್ ಖಾನ್​​ ಅವರೇ ನಿರೂಪಣೆ ಮಾಡಲಿದ್ದಾರೆ. ಆಗಸ್ಟ್​8ರಂದು ವೂಟ್​ ಆ್ಯಪ್​ನಲ್ಲಿ ಒಟಿಟಿ ಮೂಲಕ ಲಾಂಚ್ ಮಾಡಲು ಎಲ್ಲ ಸಿದ್ಧತೆ ನಡೆದಿದೆ. ಈ ಸಲ ಕಾರ್ಯಕ್ರಮದ ಪ್ರಸಾರದಲ್ಲಿ ಕೊಂಚ ಬದಲಾವಣೆ ಮಾಡಲಾಗಿದೆಯಂತೆ. ಹೌದು, ಮೊದಲ ಆರು ವಾರಗಳ ಸಂಚಿಕೆಯನ್ನು ಒಟಿಟಿ ವೇದಿಕೆಯಲ್ಲಿ ಪ್ರಸಾರ ಮಾಡಲಾಗುವುದಂತೆ. ಇಲ್ಲಿಂದ ಸ್ಪರ್ಧಿಗಳು ಸಲ್ಮಾನ್​ ಖಾನ್​ ಅವರು ನಿರೂಪಣೆ ಮಾಡಲಿರುವ ಮುಖ್ಯ ಕಾರ್ಯಕ್ರಮಕ್ಕೆ ಎಂಟ್ರಿ ಪಡೆಯಲಿದ್ದಾರೆ ಎನ್ನಲಾಗುತ್ತಿದೆ. ಈ ಸಲ ಕಾರ್ಯಕ್ರಮದಲ್ಲಿ ಸ್ಪರ್ಧಿಗಳಾಗಿ ನಟಿ ರಿಯಾ ಚಕ್ರವರ್ತಿಯಿಂದ ಹಿಡಿದು ಕಿರುತೆರೆ ನಟ ಅರ್ಜುನ್ ಬಿಜ್ಲಾನಿ ಅವರು ಇರಲಿದ್ದಾರೆ ಎಂದೂ ಹೇಳಲಾಗುತ್ತಿದೆ.

ಹಿಂದಿ ಬಿಗ್ ಬಾಸ್​ ಸೀಸನ್​ 15 ಅನ್ನು ಈ ಸಲ ಒಟಿಟಿ ವೇದಿಕೆ ಮೂಲಕ ಲಾಂಚ್​ ಮಾಡಲಾಗುತ್ತಿದೆ. ಅದಕ್ಕಿಂತ ದೊಡ್ಡ ಬದಲಾವಣೆ ಎಂದರೆ, ಕಾರ್ಯಕ್ರಮದ ಮೊದಲ ಆರು ವಾರಗಳು ಒಟಿಟಿ ಮೂಲಕ ವೂಟ್ ಆ್ಯಪ್​ನಲ್ಲಿ ಪ್ರಸಾರವಾಗಲಿದೆ. ಒಟಿಟಿಯಲ್ಲಿ ಈ ಕಾರ್ಯಕ್ರಮವನ್ನು ಬಾಲಿವುಡ್​ನ ಮೂವಿ ಮೇಕರ್​ ಕರಣ್ ಜೋಹರ್ ನಿರೂಪಣೆ ಮಾಡಲಿದ್ದಾರೆ.










View this post on Instagram






A post shared by Karan Johar (@karanjohar)






ಹೌದು, ವೂಟ್​ ಆ್ಯಪ್​ನಲ್ಲಿ ಪರಸರವಾಗಲಿರುವ ಸಂಚಿಕೆಗಳನ್ನು ಕರಣ್ ಜೋಹರ್ ನಿರೂಪಣೆ ಮಾಡಲಿದ್ದಾರಂತೆ. ಈ ಸಲ ಒಟಿಟಿ ಪ್ರೇಕ್ಷಕರನ್ನು ಆಕರ್ಷಿಸುವ ಸಲುವಾಗಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆಯಂತೆ. ಇನ್ನು ತಾವು ನಿರೂಪಣೆ ಮಾಡುವ ಕುರಿತಾಗಿ ಖುದ್ದು ಕರಣ್ ಜೋಹರ್ ಅವರೇ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ. ಜೊತೆಗೆ ಇದು ಅಮ್ಮನ ಕನಸು ನನಸಾಯಿತು ಎಂದು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: Bigg Boss Kannada Season 8: ಇದ್ದಕ್ಕಿದ್ದಂತೆ ಬಿಗ್ ಬಾಸ್ ಮನೆಯಿಂದ ನಾಪತ್ತೆಯಾದ ಶುಭಾ ಪೂಂಜಾ: ಏನಿದು ಮಿಡ್​ ವೀಕ್ ಟ್ವಿಸ್ಟ್..!

ಕರಣ್​ ಜೋಹರ್​ ಈಗಾಗಲೇ ಕಿರುತೆರೆಯಲ್ಲಿ ಕಾರ್ಯಕ್ರಮದ ನಿರೂಪಣೆ ಮಾಡಿದ್ದಾರೆ. ಅಂತೆಯೇ ಈಗ ಬಿಗ್ ಬಾಸ್​ ಕಾರ್ಯಕ್ರಮದ ನಿರೂಪಣೆ ಮಾಡಲಿದ್ದಾರೆ. ಇನ್ನು ಕರಣ್​ ಜೋಹರ್ ಹಾಗೂ ಅವರ ತಾಯಿ ಬಿಗ್ ಬಾಸ್​ ಕಾರ್ಯಕ್ರಮದ ಅಭಿಮಾನಿಗಳಂತೆ. ಒಂದೂ ದಿನವೂ ಅವರು ಮಿಸ್ ಮಾಡದೆ ಕಾರ್ಯಕ್ರಮ ನೋಡುತ್ತಾರಂತೆ. ಇದರಿಂದಾಗಿ ಕರಣ್​ ಈ ಅವಕಾಶವನ್ನು ಬಿಟ್ಟು ಕೊಡಲು ಮನಸ್ಸಾಗಲಿಲ್ಲ ಎಂದು ಕರಣ್ ಜೋಹರ್ ಹೇಳಿಕೊಂಡಿದ್ದಾರೆ.

ಇನ್ನು ಹಿಂದಿ ಬಿಗ್ ಬಾಸ್​ ಸೀಸನ್ 15ರಲ್ಲಿ ಸುಶಾಂತ್​ ಸಿಂಗ್​ ಗರ್ಲ್​ ಫ್ರೆಂಢ್​ ರಿಯಾ ಚಕ್ರವರ್ತಿ ಅವರು ಸಹ ಬರಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಟಿಆರ್​ಪಿ ಸಲುವಾಗಿ ರಿಯಾ ಚಕ್ರವರ್ತಿ ಅವರನ್ನು ಮನೆಗೆ ಕರೆ ತರುವ ಪ್ರಯತ್ನ ಮಾಡಲಾಗುತ್ತಿದೆಯಂತೆ. ಇನ್ನು ರಿಯಾ ಈ ಕಾರ್ಯಕ್ರಮಕ್ಕೆ ಬಂದರೆ ಸುಶಾಂತ್​ ವಿಷಯದಲ್ಲಿ ತಮ್ಮ ಪರವಾದ ವಿಷಯಗಳನ್ನು ಪ್ರೇಕ್ಷಕರಿಗೆ ಮುಟ್ಟಿಸುವಲ್ಲಿ ಯಶಸ್ವಿಯಾಗಲಿದ್ದಾರಾ ರಿಯಾ ಎಂದು ಕಾದು ನೋಡಬೇಕಿದೆ. ರಿಯಾ ಚಕ್ರವರ್ತಿ ಹೊರತಾಗಿ ಇಂಡಿಯಲ್​ ಐಡಲ್​ ವಿನ್ನರ್ ಆಗಿದ್ದ ಗಾಯಕ ಅಬಿಜೀತ್ ಸಾವಂತ್ ದಿಶಾ ಪರ್ಮಾರ್​, ದಿವ್ಯಾ ಅಗರ್ವಾಲ್​ ಸೇರಿದಂತೆ ಇನ್ನು ಸಾಕಷ್ಟು ಮಂದಿಯ ಹೆಸರುಗಳು ಕೇಳಿ ಬರುತ್ತಿದೆ.

ಇದನ್ನೂ ಓದಿ: Bigg Boss Kannada Season 8: ನ್ಯಾಚುರಲ್ ಸ್ಟಾರ್ ಆಗಿ ಹೊರಹೊಮ್ಮಿದ ಪ್ರಶಾಂತ್​ ಸಂಬರಗಿಗೆ ಸಿಕ್ತು ಕಿಚ್ಚನ ಚಪ್ಪಾಳೆ..!



(ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರೂ ಕೈ ಜೋಡಿಸಬೇಕು.)
Published by:Anitha E
First published: