BBK8: ಬಿಗ್ ಬಾಸ್​ ಕೊಟ್ಟ ಕೆಲಸ ಮಾಡಿ ಯಾರಿಗೂ ಸಿಗದ ಉಡುಗೊರೆ ಪಡೆದ ಪ್ರಶಾಂತ್ ಸಂಬರಗಿ..!

Bigg Boss Kannada Season 8: ಬಿಗ್ ಬಾಸ್​ ಮನೆಯಲ್ಲಿ ವೈಷ್ಣವಿ ಹಾಗೂ ಶುಭಾ ಪೂಂಜಾ ಮಾಡಲಾದ ಕೆಲಸವನ್ನು ಪ್ರಶಾಂತ್ ಸಂಬರಗಿ ಮಾಡಿದ್ದಾರೆ. ಅವರು ಮಾಡಿದ ಕೆಲಸಕ್ಕೆ ಒಂದು ವಿಶೇಷ ಉಡುಗೊರೆ ಸಹ ಸಿಕ್ಕಿದೆ.

ಪ್ರಶಾಂತ್ ಸಂಬರಗಿ

ಪ್ರಶಾಂತ್ ಸಂಬರಗಿ

  • Share this:
ಬಿಗ್ ಬಾಸ್​ ಮನೆಯಲ್ಲಿ ಸ್ಪರ್ಧಿಯಾಗಿರುವ ಪ್ರಶಾಂತ್ ಸಂಬರಗಿ ಅವರಿಗೆ ಕಳೆದ ಕೆಲವು ದಿನಗಳ ಅದೃಷ್ಟ ಕೈ ಹಿಡಿದಿದೆ ಎಂದು ಅನಿಸುತ್ತಿದೆ. ಅವರಿಗೆ ಮುಟ್ಟಿದ್ದೆಲ್ಲ ಚಿನ್ನ ಆಗುತ್ತಿದೆ. ಅಂದರೆ, ವಾರಾಂತ್ಯದಲ್ಲಿ ಕಿಚ್ಚನ ಚಪ್ಪಾಳೆ ಸಿಕ್ಕಿತು. ನಂತರ ನಾಮಿನೇಷನ್​ ಆಗಿದ್ದ ಪ್ರಶಾಂತ್ ನಾಲ್ಕನೆ ಎಲಿಮಿನೇಷನ್​ನಲ್ಲಿ ಎಲಿಮಿನೇಟ್​ ಆಗದೆ ಸೇಫ್​ ಆಗಿದ್ದು. ಈಗ ಮನೆಯಲ್ಲಿ ಇಬ್ಬರು ಸ್ಪರ್ಧಿಗಳು ಮಾಡದ ಕೆಲಸವನ್ನು ಪ್ರಶಾಂತ್ ಮಾಡಿ ಸೈ ಎನಿಸಿಕೊಂಡಿದ್ದಾರೆ. ಹೌದು, ಬಿಗ್ ಬಾಸ್​ ಮಿಡ್​ ವೀಕ್​ ಎಲಿಮಿನೇಷನ್​ ಆಗುವ  ಮುಂಚೆಯೇ ಮನೆಯಲ್ಲಿ ಇಬ್ಬರು ಸ್ಪರ್ಧಿಗಳಿಗೆ ಒಂದು ಕೆಲಸ ಕೊಟ್ಟಿದ್ದರು. ಅದನ್ನು ಅವರು ಗಂಭೀರವಾಗಿ ಪರಿಗಣಿಸಿದಂತೆ ಕಾಣಲಿಲ್ಲ. ಅದಕ್ಕೆ ಬಿಗ್ ಬಾಸ್​ ಆ ಕೆಲಸವನ್ನು ಪ್ರಶಾಂತ್ ಸಂಬರಗಿ ಅವರಿಗೆ ನೀಡುತ್ತಾರೆ. ಆ ಕೆಲಸವನ್ನು ಪ್ರಶಾಂತ್ ಸಂಬರಗಿ ಅವರು ಅಚ್ಚುಕಟ್ಟಾಗಿ ಮಾಡಿ ಮುಗಿಸುತ್ತಾರೆ. 

ಅಷ್ಟಕ್ಕೂ ಪ್ರಶಾಂತ್​ ಸಂಬರಗಿ ಅವರಿಗೆ ಬಿಗ್ ಬಾಸ್​ ಕೊಟ್ಟಿದ್ದ ಕೆಲಸವಾದರೂ ಏನು. ಆ ಕೆಲಸವನ್ನು ಮೊದಲು ಯಾರಿಗೆ ಕೊಟ್ಟಿದ್ದರು ಬಿಗ್ ಬಾಸ್​ ಅನ್ನೋ ಪ್ರಶ್ನೆ ನಿಮ್ಮನ್ನು ಕಾಡೋಜು ಸಹಜ. ಈ ಹಿಂದೆ ಅಂದರೆ ಮೊನ್ನೆ ನಾಮಿನೇಷನ್ ಆಗುವ ದಿನ ಬೆಳಿಗ್ಗೆ ಮನೆಯಲ್ಲಿ ಎಲಿಮಿನೇಷನ್ ಆತಂಕದಲ್ಲಿ ಕುಳಿತಿದ್ದ ಸ್ಪರ್ಧಿಗಳನ್ನು ಬ್ಯುಸಿಯಾಗಿಡಲು ನಾನಾ ರೀತಿಯ ಚಟುವಟಿಗಳನ್ನು ನೀಡಲಾಗಿತ್ತು.






ಹೀಗೆ ಬಿಗ್ ಬಾಸ್ ನೀಡಿದ್ದ ಚಟುವಟಿಕೆಗಳಲ್ಲಿ ಇದೂ ಸಹ ಒಂದು. ಅದು ಮನೆಯಲ್ಲಿ ಬಿಗ್ ಬಾಸ್​ಗೆ ಸೇರಿದ ಪುಟ್ಟದಾದ ವಸ್ತುವೊಂದು ಸೃಇಕೊಂಡಿತ್ತು. ಅದನ್ನು ಕೈಗೆತ್ತಿಕೊಂಡರೆ ತುಂಬಾ ಸದ್ದು ಮಾಡುತ್ತದೆ. ಅದನ್ನು ಹುಡುಕಿ ತಂದು ಕೊಡುವಂತೆ ಮೊದಲು ವೈಷ್ಣವಿ ಹಾಗೂ ಶುಭಾ ಅವರಿಗೆ ನೀಡಲಾಗಿತ್ತು. ಈ ಇಬ್ಬರೂ ಸಹ ತಲೆ ಕೆಡಿಸಿಕೊಂಡು ಹುಡುಕುತ್ತಾರೆ. ಆದರೆ ಆ ವಸ್ತು ಯಾವುದು ಎಂದು ಅವರಿಗೆ ತಿಳಿಯುವುದೇ ಇಲ್ಲ.

ಇದನ್ನೂ ಓದಿ: Bigg Boss 8 Kannada: ಬಿಗ್​ ಬಾಸ್​ ಮನೆಯಲ್ಲಿ ಕ್ಯಾಪ್ಟನ್​ ಬಿಟ್ಟು ಉಳಿದವರೆಲ್ಲ ಮತ್ತೆ ನಾಮಿನೇಟ್ ಆದ್ರು..!

ನಂತರ ಬಿಗ್ ಬಾಸ್​ ಕೊಟ್ಟಿರುವ ಈ ಕೆಲಸ ಮೈಂಡ್​ ಗೇಮ್​ ಅಂತ ಚಕ್ರವರ್ತಿ ಅವರು ಹೇಳುತ್ತಾರೆ. ಇದು ಸಮಯ ಇರಬೇಕು. ಹೋಗಿ ಬಿಗ್ ಬಾಸ್​ ಬಳಿ ಅದನ್ನೇ ಹೇಳಿ ಎಂದು ಚಕ್ರವರ್ತಿ ಹೇಳುತ್ತಾರೆ. ಆದರೆ, ಅದು ಸರಿಯಾದ ಉತ್ತರವಲ್ಲ. ಇದೇ ಕೆಲಸವನ್ನು ಬಿಗ್ ಬಾಸ್​ ನಂತರ ಕಾಲ್​ ರಿಸೀವ್ ಮಾಡುವ ಪ್ರಶಾಂತ್ ಸಂಬರಗಿ ಅವರಿಗೆ ನೀಡುತ್ತಾರೆ. ಜೊತೆಗೆ ಶುಭಾ ಹಾಗೂ ವೈಷ್ಣವಿ ಅವರು ಈ ಕೆಲಸವನ್ನು ಗಂಭೀರವಾಗಿ ತೆಗೆದುಕೊಳ್ಳಲಿಲ್ಲ. ನೀವು ಈ ಕೆಲಸವನ್ನು ಮಾಡಿ ಎನ್ನುತ್ತಾರೆ.

ಬಿಗ್ ಬಾಸ್ ಆದೇಶ ಸಿಗುತ್ತಿದ್ದಂತೆಯೇ ಮನೆಯಲ್ಲಿ ಹುಡುಕಾಟ ಆರಂಭಿಸಿದ ಪ್ರಶಾಂತ್ ಅವರಿಗೆ ಕಡೆಗೂ ಆ ವಸ್ತು ಸಿಕ್ಕೇ ಬಿಡುತ್ತದೆ. ಅದು ಮುಟ್ಟಿದರೆ ಸದ್ದು ಮಾಡುವ ಬಾತು ಕೋಳಿ ಆಟಿಕೆ. ಈ ಕೆಲಸ ಮಾಡಿದ್ದಕ್ಕೆ ಬಿಗ್ ಬಾಸ್​ ಪ್ರಶಾಂತ್ ಸಂಬರಗಿ ಅವರಿಗೆ ಒಂದು ಸಖತ್​ ಉಡುಗೊರೆ ನೀಡಿದ್ದಾರೆ. ಅದು ಬೇಕೆಂದಾಗ 20 ನಿಮಿಷ ನಿದ್ದೆ ಮಾಡುವುದು.

ಇದನ್ನೂ ಓದಿ: Mouni Roy: ಹೈ ಸ್ಲಿಟ್​ ಡ್ರೆಸ್​ ತೊಟ್ಟು ಸ್ಮೋಕಿ ಲುಕ್​ನಲ್ಲಿ ಕಾಣಿಸಿಕೊಂಡ ಮೌನಿ ರಾಯ್​

ಹೌದು, ರಾತ್ರಿ ಅಂದರೆ ಮಲಗುವ ಸಮಯ ಬಿಟ್ಟು ಬೇರೆ ಸಮಯದಲ್ಲಿ ಯಾವ ಸ್ಪರ್ಧಿಗಳು ಈ ಮನೆಯಲ್ಲಿ ಮಲಗುವಂತಿಲ್ಲ. ಒಂದು ವೇಳೆ ಮಲಗಿದರೆ, ಎದ್ದೇಳು ಮಂಜುನಾಥ ಹಾಡು ಪ್ಲೇ ಆಗುತ್ತದೆ. ಈ ಹಾಡನ್ನು ಹೆಚ್ಚಾಗಿ ಪ್ಲೇ ಆಗುವಂತೆ ಮಾಡಿರುವುದು ಶುಭಾ ಪೂಂಜಾ ಎನ್ನಬಹುದು. ಹೀಗಾಗಿ ಈ ಉಡುಗೊರೆ ಬಿಗ್ ಬಾಸ್​ ಮನೆಯಲ್ಲಿ ಮೊದಲು ಸಿಕ್ಕಿರುವುದು ಪ್ರಶಾಂತ್ ಅವರಿಗೆ. ಪ್ರಶಾಂತ್ ನಿದ್ದೆ ಮಾಡುವ ಮೊದಲು ಕ್ಯಾಮೆರಾ ಮುಂದೆ ಬಂದು ಹೇಳಿ 20 ನಿಮಿಷ ಬೇಕೆಂದಾಗ ಒಮ್ಮೆ ನಿದ್ದೆ ಮಾಡಬಹುದಾಗಿದೆ.
Published by:Anitha E
First published: