Bigg Boss Kannada Season 8: ಟಾಸ್ಕ್​ನಲ್ಲಿ ಗೆದ್ದು 2ನೇ ಮಹಿಳಾ ಕ್ಯಾಪ್ಟನ್​ ಆದ ದಿವ್ಯಾ ಸುರೇಶ್: ಅಮ್ಮುಗೆ ಸಿಕ್ತು ಭರ್ಜರಿ ಉಡುಗೊರೆ ​..!

ಬಿಗ್ ಬಾಸ್ 8ನೇ ಸೀಸನ್​ನ ಎರಡನೇ ಮಹಿಳಾ ಕ್ಯಾಪ್ಟನ್​ ಆಗಿ ದಿವ್ಯಾ ಸುರೇಶ್​ ಅವರು ಆಯ್ಕೆಯಾಗಿದ್ದಾರೆ. ಕ್ಯಾಪ್ಟನ್​ ಆದ ದಿವ್ಯಾಗೆ ಬಿಗ್ ಬಾಸ್​ ಕಡೆಯಿಂದ ಭರ್ಜರಿ ಉಡುಗೊರೆ ಸಿಕ್ಕಿದೆ.

ದಿವ್ಯಾ ಸುರೇಶ್​

ದಿವ್ಯಾ ಸುರೇಶ್​

  • Share this:
ಬಿಗ್ ಬಾಸ್​ ಕನ್ನಡ ಸೀಸನ್​ 8ರ ಸೆಕೆಂಡ್​ ಇನ್ನಿಂಗ್ಸ್​ನ ಮೊದಲ ವಾರದಲ್ಲಿ ಕ್ಯಾಪ್ಟನ್ಸಿ ಟಾಸ್ಕ್​ ನಡೆದು, ಅದರಲ್ಲಿ ಮತ್ತೆ ಹುಡುಗರೇ ಮೇಲುಗೈ ಸಾಧಿಸಿದ್ದರು. ಈ ಮೂಲಕ ಸೆಕೆಂಡ್​ ಇನ್ನಿಂಗ್ಸ್​ನ ಮೊದಲ ವಾರವೂ ಯಾವೊಬ್ಬ ಹುಡುಗಿಯೂ ಕ್ಯಾಪ್ಟನ್​ ಆಗಿ ಆಯ್ಕೆಯಾಗಲಿಲ್ಲ. ಮಂಜು ಪಾವಗಡ ಕ್ಯಾಪ್ಟನ್​ ಆಗಿ ಆಯ್ಕೆಯಾದ ನಂತರ ವಾರತ ಕತೆ ಕಿಚ್ಚ ಜೊತೆ ಸಂಚಿಕೆಯಲ್ಲಿ ಕಿಚ್ಚ ಸುದೀಪ್​ ಸಹ ಹೆಣ್ಣು ಮಕ್ಕಳು ಕ್ಯಾಪ್ಟನ್​ ಆಗಿ ಆಯ್ಕೆಯಾಗದ ಬಗ್ಗೆ ಚರ್ಚಿಸಿದ್ದರು. ಹೆಣ್ಣು ಮಕ್ಕಳು ಆಯ್ಕೆಯಾಗದಕ್ಕೆ ನೀಡಿದ್ದ ಕಾರಣ ಸಂಜಸವಲ್ಲ ಎಂದೂ ಹೇಳಿದ್ದರು. ಆದರೆ ಸೆಕೆಂಡ್​ ಇನ್ನಿಂಗ್ಸ್​ನ ಎರಡನೇ ವಾರ ಸಹ ಮನೆಯಲ್ಲಿ ಕ್ಯಾಪ್ಟನ್ಸಿಗಾಗಿ ಸಾಕಷ್ಟು ಟಾಸ್ಕ್​ಗಳು ನಡೆದಿದ್ದು, ಅದರಲ್ಲಿ ಪ್ರತಿ ವಾರದಂತೆ ಎಲ್ಲರೂ ಭಾಗಿಯಾಗಿದ್ದರು. ಆದರೆ  ಮೊದಲ ಬಾರಿಗೆ ದಿವ್ಯಾ ಉರುಡುಗ ಅವರು ಕ್ಯಾಪ್ಟನ್ ಆಗಿ ಆಯ್ಕೆಯಾಗಿದ್ದರು. ಈಗ ಮತ್ತೆ ಈ ವಾರ ದಿವ್ಯಾ ಸುರೇಶ್​ ಕ್ಯಾಪ್ಟನ್ಸಿ ಟಾಸ್ಕ್​ನಲ್ಲಿ ಜಯಗಳಿಸುವ ಮೂಲಕ 2ನೇ ಮಹಿಳಾ ಕ್ಯಾಪ್ಟನ್​ ಆಗಿದ್ದಾರೆ. 

ಬಿಗ್ ಬಾಸ್ 8ನೇ ಸೀಸನ್​ನ ಎರಡನೇ ಮಹಿಳಾ ಕ್ಯಾಪ್ಟನ್​ ಆಗಿ ದಿವ್ಯಾ ಸುರೇಶ್​ ಅವರು  ಆಯ್ಕೆಯಾಗಿದ್ದಾರೆ. ನಿಂಗೈತೆ ಇರು ತಂಡದ ವಿಜಯ ಯಾತ್ರೆ ತಂಡವನ್ನು ಸೋಲಿಸಿ ಕ್ಯಾಪ್ಟನ್ಸಿ ಟಾಸ್ಕ್​ನಲ್ಲಿ  ಭಾಗಿಯಾಗಲು ಅರ್ಹತೆ ಪಡೆದಿತ್ತು. ಇನ್ನು ಗೆದಿದ್ದ ನಿಂಗೈತೆ ಇರು ತಂಡದಲ್ಲಿ ಮಂಜು ಪಾವಗಡ, ಶಮಂತ್​, ದಿವ್ಯಾ ಉರುಡುಗ ಹಾಗೂ ಚಕ್ರವರ್ತಿ ಅವರೊಂದಿಗೆ ಕೊನೆಯದಾಗಿ ಟಾಸ್ಕ್​ ಒಂದನ್ನು ಆಡಿದ ದಿವ್ಯಾ ಸುರೇಶ್ ಅವರು ಜಯಗಳಿಸಿದ್ದಾರೆ.







ದಿವ್ಯಾ ಸುರೇಶ್​ ಸೇರಿದಂತೆ ನಿಂಗೈತೆ ಇರು ತಂಡದ ಇತರೆ ಸದಸ್ಯರು ಚೇರ್​ ಮೇಲೆ ಕುಳಿತು ಮುಖವನ್ನು ಮೇಲೆ ಮಾಡಿ ಹಣೆಯ ಮೇಲೆ ಕೊಟ್ಟಿದ್ದ ಕಾಯಿನ್​ಗಳನ್ನು ಜೋಡಿಸಿಕೊಂಡು 5 ಸೆಕೆಂಡ್​ ಇರಬೇಕಾಗಿತ್ತು. ಈ ಟಾಸ್ಕ್​ನಲ್ಲಿ ಎಲ್ಲರಿಗಿಂತ ಮೊಲದು ಕಾಯಿನ್ ಜೋಡಿಸಿಕೊಂಡ ದಿವ್ಯಾ ಸುರೇಶ್​ 10 ಸೆಕೆಂಡ್​ ಅವುಗಳನ್ನು ಬೀಳಿಸದಂತೆ ನೋಡಿಕೊಂಡರು. ಈ ಮೂಲಕ ಈ ಟಾಸ್ಕ್​ನಲ್ಲಿ ಜಯಗಳಿಸ ಈ ವಾರದ ಕ್ಯಾಪ್ಟನ್ ಆಗಿ ಆಯ್ಕೆಯಾಗಿದ್ದಾರೆ.

ಕ್ಯಾಪ್ಟನ್​ ಆದ ದಿವ್ಯಾ ಸುರೇಶ್​ಗೆ ಸಿಕ್ತು ಭರ್ಜರಿ ಉಡುಗೊರೆ

ದಿವ್ಯಾ ಸುರೇಶ್​ ಕ್ಯಾಪ್ಟನ್ಸಿ ಟಾಸ್ಕ್​ನಲ್ಲಿ ಭಾಗಿಯಾಗುವ ಮೊದಲು ಮೇಕಪ್ ರೂಮ್​ನಲ್ಲಿ ಕುಳಿತುಕೊಂಡು ಬಿಗ್​ ಬಾಸ್​ ಒಮ್ಮೆ ನನಗೆ ಕ್ಯಾಪ್ಟನ್​ ಆಗಿದ್ದಕ್ಕೆ ಶುಭ ಕೋರಿ ಎಂದು ಹೇಳುತ್ತಾರೆ. ಆದಾದ ನಂತರ ದಿವ್ಯಾ ಸುರೇಶ್​ ಹೇಳಿದಂತೆಯೇ ಆಗುತ್ತದೆ. ಇದಕ್ಕಿಂತ ಹೆಚ್ಚಾಗಿ ಕ್ಯಾಪ್ಟನ್​ ಆಗಿದ್ದಕ್ಕೆ ದಿವ್ಯಾ ಅವರ ತಾಯಿ ಮಾತನಾಡಿರುವ ಆಡಿಯೋ ಕ್ಲಿಪ್​ ಪ್ಲೇ ಆಗುತ್ತದೆ. ಇದು ದಿವ್ಯಾ ಅವರಿಗೆ ಸಿಕ್ಕ ಅಮೂಲ್ಯವಾದ ಉಡುಗೊರೆಯಾಗಿದೆ.

ಇದನ್ನೂ ಓದಿ: Bigg Boss Kannada Season 8: ಬಿಗ್ ಬಾಸ್​ ಮನೆಯಲ್ಲಿ ಹೊಸ ಅವತಾರದಲ್ಲಿ ಕಾಣಿಸಿಕೊಂಡ ಪ್ರಶಾಂತ್ ಸಂಬರಗಿ..!

ಪ್ರಶಾಂತ್​​ ಸಂಬರಗಿ ಅವರು ದಿವ್ಯಾ ಸುರೇಶ್​ ಅವರ ತಾಯಿಯ ಹೆಸರು ಕೇಳುತ್ತಿರುತ್ತಾರೆ. ಆಗಲೇ  ಈ ಆಡಿಯೋ ಕ್ಲಿಪ್​ ಪ್ಲೇ ಆಗುತ್ತದೆ. ಮಗಳು ಕ್ಯಾಪ್ಟನ್​ ಆಗಿದ್ದಕ್ಕೆ ತುಂಬಾ ಖುಷಿಯಾಗಿದೆ ಎಂದಿದ್ದಾರೆ. ಇನ್ನು ಫೈನಲ್​ನಂದು ಸಿಗೋಣ ಎಂದು ಮಗಳಲ್ಲಿ ಆತ್ಮವಿಶ್ವಾಸ ಹೆಚ್ಚಿಸುವ ಮಾತುಗಳನ್ನಾಡಿದ್ದಾರೆ.

ಇದನ್ನೂ ಓದಿ: Bigg Boss Kannada Season 8: ಬಿಗ್ ಬಾಸ್ ಮನೆಯಲ್ಲಿ ಪ್ರತಿಭಟನೆ ಆರಂಭಿಸಿದ ಚಕ್ರವರ್ತಿ ಚಂದ್ರಚೂಡ..!

ಇನ್ನು ಕ್ಯಾಪ್ಟನ್​ ಆಗಿದ್ದು ದಿವ್ಯಾ ಅವರಿಗೆ ಎಷ್ಟು ಖುಷಿಯಾಗಿದೆ ಎಂದರೆ ಅವರಿಗೆ ಫೈನಲ್​ವರೆಗೂ ಹೋಗದಿದ್ದರೂ ಪರವಾಗಿಲ್ಲವಂತೆ. ಈ ಮನೆಯಲ್ಲಿ ಒಮ್ಮೆ ಕ್ಯಾಪ್ಟನ್​ ಆದರೆ ಸಾಕು ಅಂತ ದಿವ್ಯಾ ಸುರೇಶ್​ ಪ್ರಿಯಾಂಕಾ ತಿಮ್ಮೇಶ್​ ಬಳಿ ಹೇಳಿಕೊಂಡಿದ್ದಾರೆ.ಇನ್ನು ಪ್ರಿಯಾಂಕಾ ತಿಮ್ಮೇಶ್​ ಸಹ ದಿವ್ಯಾ ಅವರಿಗೆ ಕ್ಯಾಪ್ಟನ್​ ಆಗಿ ಹೇಗೆ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕು ಎಂದು ಸಲಹೆ ನೀಡಿದ್ದಾರೆ.
Published by:Anitha E
First published: